E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË– Anëtarët nënshkrues të Partisë Popullore Evropiane në Parlamentin Evropian, Michael Gahler, Sandra Kalniete, Andrey Kovatchev, David McAllister, Zeljana Zovko, David Lega, Vladimir Bilcik dhe Lukas Mandl kanë kërkuar që qeveria shqiptare të tërhiqet nga votimi i ndryshimeve në Kodin Zgjedhor, deri në momentin që të flasë Komisioni i Venecias. Përmes një letre, drejtuar kryeministrit Edi Rama, eurodeputetët shprehen të tronditur për faktin se këto ndryshime, kanë thyer marrëveshjen e 5-Qershorit.
Në letër, eurodeputetët shkruajnë gjithashtu se janë vënë dijeni edhe për thirrjet e vazhdueshme të Presidentit Ilir Meta, dhe se janë tronditur kur kanë marrë vesh se kryeministri Rama ka refuzuar mesazhin e Komisionerit Evropian për Zgjerimin Oliver Varhelyi. Eurodeputetët shkruajnë qartë se duhet pritur opinion i Komisionit të Venecias, dhe sipas tyre, ky opinion duhet të pasqyrohet në Kodin Zgjedhor të zgjedhjeve Parlamentare të 25 prillit.
Letra e plotë
Ne jemi shumë të tronditur nga deklaratat tuaja që tregojnë se ju refuzuat këshillën e Komisionerit dhe dëshironi të shkelni praktikën e vendosur që asnjë miratim i ligjit të mos ndodhë përpara se të vlerësohet Opinioni i Komisionit të Venecias. Ne, Anëtarët nënshkrues të Partisë Popullore Evropiane në Parlamentin Evropian, po ju shkruajmë me shqetësimin më të thellë në lidhje me zhvillimet e fundit legjislative në vendin tuaj. Ju e dini që Grupi i Partisë Popullore Evropiane gjithmonë ka mbështetur dhe shoqëruar rrugën e Shqipërisë drejt Bashkimit Evropian. Qershorin e kaluar ne bashkë-iniciuam një rezolutë që u miratua me mbështetje të madhe ndërpartiake, duke rekomanduar hapjen e negociatave të pranimit në BE sapo Shqipëria të përmbushë 15 kushtet e vendosura nga Këshilli Europian në 15 Mars 2020. Më e rëndësishmja midis këtyre kushteve është një reformë e mirëfilltë zgjedhore dhe zbatimi i saj i duhur në zgjedhjet tuaja të ardhshme duke filluar me 25 Prill 2021. Ne u tronditëm kur mësuam se ju thyet Marrëveshjen e 5 Qershorit me Opozitën në gërmën dhe në frymën e saj, përmes miratimit të ndryshimeve të njëanshme në Kodin Zgjedhor me qëllim që të të pëfitoni në shpërndarjen e mandateve parlamentare. Ne jemi vënë në dijeni se Kryetari i Shtetit tuaj i ka kërkuar Komisionit të Venecias një opinion mbi këto ndryshime dhe se Komisioneri Evropian për Zgjerimin ju ka këshilluar në mënyrë të përsëritur që të tërhiqeni nga votimi i ndryshimeve, të prisni opinionin e Komisionit të Venecias dhe t’i përmbaheni atij opinioni. Ky opinion pritet në dhjetor dhe duhet të pasqyrohet në Kodin tuaj Zgjedhor përpara zgjedhjeve të përgjithshme të Prillit 2021 që, siç deklarohet në kushtet, duhet të jenë të lira dhe të drejta. Kjo është shumë e rëndësishme në funksion të përpjekjeve për të mbajtur Konferencën e parë Ndërqeveritare, e cila shpresojmë të japë dritën e saj jeshile jo vetëm për Maqedoninë e Veriut por edhe për Shqipërinë. Ne jemi shumë të tronditur nga deklaratat tuaja që tregojnë se ju refuzuat këshillën e Komisionerit dhe dëshironi të shkelni praktikën e vendosur që asnjë miratim i ligjit të mos ndodhë përpara se të vlerësohet Opinioni i Komisionit të Venecias. Për këtë arsye ju bëjmë thirrje që të vendosni të parin interesin e demokracisë shqiptare dhe perspektivën e saj evropiane dhe të tërhiqeni nga votimi i ndryshimeve në Parlament derisa të flasë Komisioni i Venecias. Sinqerisht,
Michael Gahler, Gjermani
Sandra Kalniete, Letoni
Andrey Kovatchev, Bullgari
David McAllister, Gjermani
Zeljana Zovko, Kroaci
David Lega, Suedi
Vladimir Bilcik, Sllovaki
Lukas Mandl, Austri
Nesër është planifikuar që të mbahet seanca e radhës plenare ku pritet të votohen ndryshimet në Kodin Zgjedhor. Thirrje të vazhdueshme në lidhje me këto ndryshime ka pasur nga Presidenti Ilir Meta, i cili kërkoi dhe ndërhyrjen e Komisionit të Venecias. Këta të fundit, u shprehën zyrtarisht se opinioni i ‘Venecia’-s do të jetë gati në dhjetor, dhe nuk preferuan të ndiqnin procedurën urgjente. Varhelyi i ka bërë gjithashtu thirrje kryeministrit Rama që të tërhiqet nga votimi i këtyre ndryshimeve, por ky i fundit është përgjigjur prerë: Nuk presim, jemi prag zgjedhjeve.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
FIER– Kryetarja e Lëvizjes Socialiste për Integrim, Monika Kryemadhi ka kërkuar falje pasditen e sotme, e pranishme në Fier, në një bisedë me qytetarët e ...
TIRANË– Forumi Ballkanik Kundër Antisemitizmit është mbyllur pas disa orësh bashkëbisedimeve online. Ishte kryetari i grupit parlamentar të Partisë Sociali...
TIRANË– I dërguari special i Shteteve të Bashkuara për monitorimin e luftës kundër antisemitizmit, Elan Carr, ka treguar një histori personale, teksa...
TIRANË– Presidenti Ilir Meta ka ripublikuar shqetësimin e Kryetarit të Komisionit të Jashtëm në Parlamentin Europian, David Mcallister, i cili tha se...
TIRANË- Ministrja e Marrëdhënieve me Kuvendin, Elisa Spiropali, i është pëgjigjur Ilir Metës, pasi ky i fundit i ka dërguar një letër zyrtare ministres së...
TIRANË– Jozefina Topalli, ish-kryetarja e Kuvendit të Shqipërisë ka vendosur që të garojë në zgjedhjet parlamentare që do të zhvillohen më 25 prill. Në një...
TIRANË– Kryetarja e Kuvendit të Kosovës, Vjosa Osmani, ka kërkuar që të gjitha vendet e botës të bashkohen në këtë luftë. Në një lidhje online, teksa mori ...
TIRANË– Kryetari i Komisionit të Jashtëm në Parlamentin Europian, David Mcallister ka shprehur shqetësimin e tij në lidhje me votimin në Kuvendin e Shqipër...
FIER– Kryetarja e Lëvizjes Socialiste për Integrim, Monika Kryemadhi ka gjetur një mënyrë se sit ë zgjidhet problemi i naftëtarëve dhe ata të dalin nga greva. N...
