Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
“M’u duk sikur ishte hapur vetë ferri,” thotë Ramal Ahmadi, i cili po shikonte në televizor filma për fëmijë me nipin, kur një dron amerikan plasi në oborrin e shtëpisë së tij, ku pak çaste më parë po festonin pasi kiishin ftuar vëllain më të madh të familjes.
Zoti Ahmadi kujton se gjëja e fundit që mban mend ishte zhurma e borisë së makinës së vëllait që po i njoftonte se kishte arritur si dhe zërat e gëzuar të fëmijëve. Ai thotë se nuk i punon mendja krejt mirë që nga ajo ditë.
Goditja e dronit amerikan të dielën vrau 10 pjesëtarë të familjes së tij, gjashtë prej tyre fëmijë, thotë Ramal Ahmadi.
Zyrtarë të lartë ushtarakë amerikanë thanë se sulmi me dron goditi një objektiv të Shtetit Islamik dhe dobësoi aftësinë e ekstremistëve për të penguar dhe devijuar fazën përfundimtare të tërheqjes amerikane dhe evakuimin e mijëra njerëzve nga Afganistani. Tre ditë para sulmit me dron, një operativ i ISIS-it kreu sulm vetëvrasës pranë një prej hyrjeve në aeroportin e Kabulit, duke lënë të vrarë 13 ushtarë amerikanë dhe 169 afganë.
Gjenerali i forcave tokësore amerikane Mark Milley, shef i Shtabit të Përgjithshëm, tha të mërkurën se të paktën një nga ata që u vranë në sulmin me dron ishte një “bashkëpunëtor” i Shtetit Islamik.
Sekretarja e shtypit e Shtëpisë së Bardhë Jen Psaki pohoi të enjten se ka raporte për viktima mes civilëve dhe tha se ato ishin duke u hetuar. Më parë, zyrtarët amerikanë kishin vënë në dukje se shpërthimet pasuese rezultuan nga shkatërrimi i automjetit dhe mund të kenë shkaktuar viktima shtesë.
Por familja e revoltuar Ahmadi kërkon prova dhe hedh poshtë shpjegimet se në makinë kishte eksploziv.
“Ata duhet të na japin shpjegime. A është gjaku ynë kaq i pavlerë, sa që as nuk na japin shpjegim?” pyet zoti Ahmadi.
Analistët paralajmërojnë se rreziku i viktimave civile gjatë sulmeve me dron vetëm do të rritet, tani që SHBA nuk kanë më specialistë të zbulimit në terren që mbledhin informacion mbi situatën.
Në oborrin e shtëpisë së familjes, Emali, një nga vëllezërit Ahmadi, po kërkonte në mbetjet e makinës së shkatërruar ku gjeti një këmishë fëmije të njollosur me gjak.
Ai thotë se kur ra droni, në makinë kishte disa anëtarë të familjes, përfshirë fëmijë. Ai shton se po të kishte pasur bombë në makinë, do të ishin shkaktuar shumë më tepër dëme në oborr dhe shtëpi. Ai tregon si shembull dy bombola gazi të padëmtuara që ndodhen në një cep të oborrit.
“Nëse kishte eksplozivë në makinë, siç thonë amerikanët, përse nuk shpërthyen bombolat?” pyet Emali. Ai tregon një mur të dobët pranë makinës: “Si ka mundësi që muri nuk është rrëzuar, nëse makina ishte me eksplozivë?”
Por zyrtarët amerikanë, përfshirë disa që e ndoqën goditjen në kohë reale përmes transmetimit të pamjeve filmike, thanë se ushtarakët amerikanë e kishin makinën nën vëzhgim prej disa orësh dhe kishin parë njerëz që po fusnin eksplozivë në bagazh.
Kompleksi i banimit në lagjen Khoja Boghra të Kabulit ishte shtëpia e katër vëllezërve Ahmadi dhe familjeve të tyre – gjithsej 25 persona. Kjo është lagje me banorë të klasës së mesme që jetojnë në shtëpi të fshehura pas muresh dhe portash të larta.
Për familjen Ambadi, akuzat se familja e tyre ishte e përfshirë me grupin Shteti Islamik është shumë e rëndë.
“Nëse keni prova, na vrisni. Po ku i keni provat?” pyet Emali, i cili humbi vajzën tre vjeçe në këtë sulm.
Vëllai i madh, Zamarai, si dhe një nip i quajtur Nasir Haideri, të cilët u vranë nga goditja, kishin punuar më parë me firma kontraktore të qeverisë amerikane dhe kishin bërë kërkesë për vizë speciale emigracioni dhe ishin në pritje kur ndodhi sulmi me dron.
Emali tregon se Nasiri, 30-vjeç, do të martohej brenda pak ditësh dhe e kishte ëndërr të shkonte në Amerikë.
Ai thotë se nuk e kupton se si u godit kompleksi i familjes. “Me gjithë atë teknologji që kanë, nuk e panë që oborri ishte plot me fëmijë?”
Gjenerali Milley tha se goditja e së dielës bazohej në informacione të mira zbulimi si dhe në analizën e pamjeve filmike.
Zëdhënësja e Shtëpisë së Bardhë, Jen Psaki iu kundërvu supozimit se mungesa e informacionit të zbulimit të mbledhur drejtpërdrejt në terren po bëhet pengesë për SHBA. Ajo tha se ka plot vende ku SHBA nuk ka prani në terren por “ne vazhdojmë të pengojmë përhapjen e grupeve terroriste dhe shndërrimin e tyre në kërcënim”.
Por Douglas London, i cili në të kaluarën ka shërbyer si shef i CIA-s për anti-terrorizmin për rajonin përreth Afganistanit, tha se goditja dhe dëmet në civilë “ilustrojnë mangësitë që sjell mungesa e pranisë sonë në terren për të mbledhur informacion sa më të saktë”.
“Sulmi me dron në një zonë me dendësi të madhe banorësh do të kishte qenë alternativa e fundit për ne,” tha zoti London./REL
Iftar dhe politikë, a u prek Muaji i Ramazanit nga politikanët?
GREQI– Momentet e fundit para se reperi Peter Anstasopoulos, i njohur ndryshe me emrin artistik si “Mad Clip” të dilte nga rruga dhe të përplasej fatalisht me n...
ZELANDË E RE– Një sulm me armë ka ndodhur mbrëmjen e djeshme në Zelandën e Re. Një person qëlloi me armë zjarri ndaj disa personave në një qendër tregtare....
AFGANISTAN- Udhëheqësi i talebanëve Hibatullah Akhundzada, i cili pritet të jetë në krye të qeverisë së re që do krijohet në Afganistan është një studiues fetar...
SHBA- Videoja e mësipërme tregon gjendjen në qytetin e New York-ut ditën e sotme, si pasojë e uraganit Ida. Videoja e publikuar nga CBS tregon përmbytjet në të ...
AFRIKË- Një marrëveshje ku Johnson & Johnson (J&J) do dërgonte doza të vaksinës COVID -19 në Evropë që ishin paketuar në Afrikën e Jugut është pez...
ANGLI- Një studim i re i publikuar në Londër ka zbuluar se personat që publikojnë stërvitjen e tyre në rrjetet sociale kanë tendenca narciste. Vibesofindia shkr...
SHBA- Në vitin 2002, korrespondenti i Zërit të Amerikës Kane Farabaugh, në atë kohë gazetar për ushtrinë amerikane, vizitoi Afganistanin në fazat e hershme të l...
KOSOVË- Epidemiologu Sinan Rizvanolli është shprehur se së shpejti varianti “Mu” i Covid mund të prekë edhe Kosovën. Në një intervistë për Klan Kosova Rizv...
KOSOVË– Ministrja për Punët e Jashtme në Kosovë, Donika Gervall ka konfirmuar se është e infektuar me Covid-19. Në një postim në Facebook, Gervalla, pak or...
KOSOVË– Një burrë ka dhunuar tre vajza në Prishtinë. Ngjarja e rëndë është regjistruar mbrëmjen e sotme në kryqytetin e Kosovës, në rrugën ‘Ahmet Krasniqi’...
