Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ukraina i ka bërë thirrje Perëndimit për më shumë armë, si ndihmë për t’i dhënë fund rrethimit të qytetit të Mariupolit, si dhe që të shmangë një ofensivë ruse në lindje.
Ndërkohë janë shtuar raportimet për dhunime dhe brutalitet kundër civilëve ukrainas dhe dyshohet se përgjegjëse janë forcat ruse.
Presidenti ukrainas, Volodymyr Zelenskyy ka thënë të hënën vonë se Rusia mund t’iu kthehet armëve kimike teksa mbledh trupat ushtarake në rajonin lindor të Donbasit për një tjetër sulm në qytetin e Mariupolit, ku besohet se mijëra persona kanë vdekur si pasojë e rrethimit gati shtatëjavor.
“Kur është fjala për armë të domosdoshme, ne ende varemi nga furnizimet, nga partnerët tanë. Fatkeqësisht ne nuk po marrim aq sa na duhet për t’i dhënë fund kësaj lufte më shpejt… në veçanti për t’i dhënë fund bllokadës në Mariupol”, ka thënë ai.
Lideri i parë i Bashkimit Evropian që është takuar me presidentin rus, Vladimir Putin, prej kur ky i fundit ka nisur atë që e quan “operacion special ushtarak”, kancelari austriak, Karl Nehammer, ka thënë të hënën, 11 prill se ofensiva në lindje është “duke u përgatitur në shkallë masive”.
Ai i ka bërë këto deklarata pas takimit që ka zhvilluar me Putinin në Moskë. Pas humbjeve të mëdha dhe tërheqjes së forcave nga lagjet e Kievit, Rusia është koncentruar në Donbas, ku kërkon që Ukraina t’ua lë kontrollon luftëtarëve separatistë.
Marrja e kontrollit të Mariupolit do t’i mundësonte Moskës që të tentonte të rrethonte forcat kryesore ukrainase në lindje.
Largimi i forcave ruse nga rajoni i Kievit ka vënë në pah dyshimet për krime lufte, duke përfshirë ekzekutime dhe dhunim të civilëve.
Moska hedh poshtë akuzat duke i konsideruar ato provokime ukrainase dhe perëndimore, si dhe ka akuzuar forcat ukrainase për dhunë seksuale.
Një zyrtare e lartë e Kombeve të Bashkuara, Sima Bahous, i ka thënë Këshillit të Sigurimit të Kombeve të Bashkuara se ndonëse të gjitha dyshimet duhet të hetohen në mënyrë të pavarur, “brutaliteti i shpërfaqur kundër civilëve ukrainas ka ngritur të gjithë flamujt e kuq”.
“Ne jemi duke dëgjuar në vazhdimësi për dhunime dhe dhunë seksuale”, ka thënë ajo.
Kateryna Cherepakha, presidente e grupit të drejta të njeriut La Strada-Ukraine, ka thënë para Këshillit të Sigurimit se “ne e dimë dhe e shohim – dhe duam që ju të dëgjoni zërat tanë – që dhunimet janë duke u përdorur si armë lufte nga pushtuesit rusë në Ukrainë”.
Zëvendësambasadori rus në Kombet e Bashkuara ka hedhur poshtë këto akuza dhe ka akuzuar Ukrainën dhe aleatët e saj “për synimet e qarta që të prezantojnë ushtarët rusë si sadistë dhe dhunues”.
Ministria ruse e Mbrojtjes ka thënë se Qeveria e Ukrainës është duke u udhëzuar nga Shtetet e Bashkuara si të prezantojë të dhëna të rreme për dhunën e ushtarëve rusë ndaj civilëve, pavarësisht atyre që Ministria i ka konsideruar “masa të pashembullta për të shpëtuar civilët”.
“Shtetet e Bashkuara, të cilat kanë shumë vite përvojë në organizim të provokimeve me viktima njerëzore, vazhdojnë fushatën e tyre për të krijuar dhe promovuar ‘të dhëna’ të rreme”, ka thënë Ministria.
Putin pritet të takohet me liderin bjellorus Aleksandr Lukashenka të martën, 12 prill, për të diskutuar situatën në Ukrainë dhe sanksionet e Perëndimit, kanë raportuar agjencitë e lajmeve në Rusi dhe Bjellorusi.
Bjellorusia është vend kyç për forcat ruse. Shtetet e Bashkuara kanë synuar të rrisin presonin ndaj Putinit, përmes ndalesave në gazin dhe naftën ruse, ashtu që ai të tërheqë trupat e tij nga Ukraina.
Mirëpo fuqitë botërore, përfshirë Kinën dhe Indinë nuk kanë vënë sanksione kundër Rusisë.
E joshur nga zbritjet, India ka blerë më shumë naftë të papërpunuar nga Rusia, prej nisjes së luftës në Ukrainë më 24 shkurt, sesa gjithë vitin e kaluar, transmeton agjencia e lajmeve, Reuters.
Në një video-lidhje, presidenti amerikan, Joe Biden i ka thënë kryeministri indian, Narendra Modi “shumë qartë se nuk është në interesin e tyre” që të rritet varësia nga energjia ruse, ka thënë zëdhënësja e Shtëpisë së Bardhë, Jen Psaki.
Në një pjesë të shkurtër të bisedës, e cila është bërë publike për gazetarët, Modi ka thënë se ka propozuar në bisedimet e fundit me Rusinë që Putin dhe Zelensky të zhvillojnë negociata direkte.
Ministri i Jashtëm rus, Sergei Lavrov ka thënë se Moska nuk do të ndalojë luftimet për çfarëdo rundi të ri të bisedimeve për paqe.
Bisedimet e fundit të këtij formati janë mbajtur më 1 prill. Ministria britanike e Mbrojtjes ka thënë se bombardimet ruse po vazhdojnë në Donbas, mirëpo forcat ukrainase kanë zmbrapsur disa sulme dhe kanë shkatërruar tanke, pajisje dhe artileri ruse.
Guvernatori i rajonit lindor, Luhansk, ka thënë në një paraqitje televizive se bombardimet janë duke u shtuar çdo ditë dhe u ka bërë thirrje civilëve që të evakuohen.
Marrë nga REL.
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
RUSI-Kancelari i Austrisë, Karl Nehammer, në një deklaratë ai u shpreh se takimi që zhvilloi me presidentin rus Vlafimir Putin, nuk i la asnjë përshtypje poziti...
Të paktën 25 njerëz kanë vdekur si pasojë e rrëshqitjeve të dheut dhe vërshimeve në Filipine, pasi stuhia tropikale Megi ka goditur shtetin.Të martën, 12 prill,...
UKRAINË- Kryetarja e Komisionit Parlamentar për Integrimin e Ukrainës në BE ka thënë se Rusia ka përdorur një substancë të panjohur në qytetin port të Mari...
MBRETËRIA E BASHKUAR- Sekretarja e Jashtëme ka thënë se Mbretëria e Bashkuar po punon urgjentisht për të verifikuar detajet pas raporteve të pakonfirmuara ...
JAPONI– Japonia ka vendosur sanksione shtesë kundër Rusisë, duke ngrirë asetet e 398 qytetarëve rusë, përfshirë edhe dy vajzat e Presidentit Vladimir Puti...
RUSI– Presidenti rus Vladimir Putin do të takohet sot me homologun e tij bjellorus Alexander Lukashenko për të diskutuar situatën në Ukrainë dhe sanksione...
MITROVICË– Tre persona të maskuar e me kallashnikovë kanë grabitur ditën e djeshme Bankën Komerciale që ndodhet në qytetin e Zubin Potokut. Ata arrit...
KOSOVË– Ish-shefi i AKI-së, Bashkim Smakaj, ka thënë se shërbimet e intelegjencës së Kosovës e kanë parandaluar një atentat ndaj ish-kryeministrit të...
SHBA- Departamenti Amerikan i Shtetit ka vendosur të shpallë sot ‘non grata’, ish-kryeministrin e Republikës së Maqedonisë së Veriut Nikola Gruevski dhe ish-dre...
KROACI– Qeveria kroate u kërkoi sot 24 punonjësve të ambasadës ruse të largohen nga vendi për shkak të pushtimit rus të Ukrainës dhe “sulmit barbar”, njof...
