Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Presidenti i Republikës, Ilir Meta çmoi me anë të një ceremonie solemne, baletmaestron dhe drejtuesin e spikatur artistik, Ilir Kerni me Dekoratën e lartë “Nderi i Kombit”.
Kreu i Shtetit e çmoi artistin e mirënjohur shqiptar me famë ndërkombëtare, i cili mban edhe titullin “Ambasador i Kombit”, me motivacionin:“Në vlerësim të veprimtarisë së tij të suksesshme artistike për shpalosjen e cilësive të spikatura si interpretues balerin, si baletmaestër dhe drejtues artistik, duke pasqyruar pozitivisht vlerat e vyera të artit dhe kulturës shqiptare në Shqipëri e në skenat botërore. Në mirënjohje të pasionit dhe idealizmit të njeriut të përkushtuar ndaj artit, si balerin dhe koreograf i rrallë dhe i talentuar, të përkushtimit të tij të pashterur e të karrierës së tij të shkëlqyer prej më shumë se 40 vitesh, pjesa më e madhe në skenat e huaja, duke u shndërruar në një shembull frymëzimi për brezat dhe artistët e rinj.”
Pasi ndoqën një dokumentar për jetën dhe veprimtarinë artistike të baletmaestros Kerni, Presidenti Meta iu drejtua të pranishmëve me një fjalë përshëndetëse, ku u shpreh:
“Kam nderin dhe kënaqësinë e veçantë t’i akordoj sot, Dekoratën e lartë ‘Nderi i Kombit’, një prej artistëve më të suksesshëm shqiptarë dhe më të dashur për publikun, Mjeshtrit të baletit, Ilir Kerni.
Përgjatë më shumë se 40 viteve karrierë, në artin dhe fushën e baletit, Ilir Kerni ka ngritur lart emrin e Shqipërisë dhe ka promovuar vlerat tona më të mira kombëtare, përmes interpretimeve të tij, në shumë skena dhe teatro të botës.
Ilir Kerni është një personalitet i shquar, shumë i njohur për të gjithë ne dhe shumë prezent veçanërisht gjatë viteve ’80 e deri në hapjen e Shqipërisë, por gjithashtu shumë i shquar në këto 30 vite, sidomos në skenat botërore.
Ai ka arritur gjatë këtyre katër dekadave, të shkëlqejë me një repertor jashtëzakonisht të pasur në karrierën e tij, tij, ku mund të përmendim interpretimet e tij në një sërë rolesh si: Azem Galica tek vepra “Shota dhe Azem Galica”, Halili tek “Halili dhe Hajria”, Basilio tek “Don Kishoti”, e shumë e shumë role të tjera, të cilat kanë shpalosur talentin artistik të Ilir Kernit dhe janë mirëpritur nga artdashësit vendas por dhe publiku i huaj.
Për talentin dhe karrierën e tij të suksesshme si balerin, ai është vlerësuar me shumë çmime dhe tituj kombëtarë dhe ndërkombëtarë. Vlen për t’u përmendur se Ilir Kerni mban titullin ‘Ambasador i Kombit’ falë promovimit që ai i ka bërë vlerave të jashtëzakonshme të artit e kulturës shqiptare, në shumë skena europiane dhe botërore.
Talenti i tij u shqua edhe në Kroaci, ku ai kërceu si balerin kryesor në Teatrin Kombëtar të Zagrebit, duke interpretuar shumë role të baletit modern dhe klasik. Përgjatë 30 viteve karrierë jashtë vendit, ai ka bashkëpunuar me shumë emra të njohur të baletit europian dhe botëror.
Ilir Kerni u shqua për punën e tij pedagogjike si pedagog në Akademinë e Baletit në Tiranë, por puna e tij pedagogjike është e shtrirë edhe në shumë vende të tjera, si Japoni, Tajvan, Francë dhe Kroaci.
Në tetor të vitit 2019, ai u emërua drejtor baleti i ‘Teatrit Kombëtar Kroat, në Split’, duke u bërë kështu artisti i parë shqiptar, të cilit i besohet një post drejtues në një teatër kombëtar prestigjoz jashtë vendit.
Një balerin i talentuar në skenat tona dhe ato botërore, koreograf i disa baleteve të njohura, pedagog, drejtor i përgjithshëm i Teatrit Kombëtar të Operas dhe Baletit në Tiranë, dhe tashmë drejtor baleti i Teatrit Kombëtar Kroat, në Split, karriera e pasur e Ilir Kernit është dëshmi e punës së palodhur, e përkushtimit dhe e talentit të tij, por mbi të gjithë pasionit për baletin.
‘Kërcimtarët e mëdhenj nuk janë të mëdhenj për shkak të teknikës së tyre, ata janë të mëdhenj për shkak të pasionit të tyre.’ – ka thënë koreografja e njohur Martha Graham. Dhe është pasioni ai që e ka shoqëruar Ilir Kernin në të gjithë jetën e tij artistike dhe e ka ngjitur në majat e suksesit.
Karriera e tij me arritje të mëdha është frymëzim edhe për brezat e ri të balerinëve shqiptarë, për t’u përkushtuar më shumë në artin e bukur të kërcimit, dhe për të promovuar vlerat tona më të mira kombëtare në skenat botërore.
Vendi ynë ka nxjerrë shumë talente, me të cilët i gjithë populli shqiptar krenohet, kur i shohim teksa arrijnë majat më të larta të suksesit në nivel ndërkombëtar, dhe të cilët përmes artit të tyre shërbejnë si ambasadorë të pasurisë shqiptare në vendet e tjera ku ata performojnë, punojnë dhe jetojnë. Artistë të tillë, janë e do mbeten gjithmonë Nderi i Kombit tonë.”
(I.A/dosja.al)
Iftar dhe politikë, a u prek Muaji i Ramazanit nga politikanët?
ELBASAN- Një vatër e re zjarri është regjistruar në majën e malit të Bukanikut në Elbasan. Mësohet se zjarri ka marrë përmasa të mëdha falë zonës së pyjëzuar dh...
TIRANË– 2 mijë e 553 viktima, 12 mijë e 599 raste aktive me Covid-19 dhe 143 mijë e 279 të dhëruar. Ky është bilanci i Covid-19 në Shqipëri që nga fillimi ...
TIRANË–Drejtori i urgjencës Kombëtare, Skënder Brataj është shprehur ditën e sotme në emisionin ‘Shqipëria Live’ se shpesh herë ka ka marrë mesazhe kërcënu...
TIRANË– Austria ka vendosur rregulla të reja për qytetarët shqiptarë që duan të udhëtojnë drejt shtetit të tyre. Ministria për Europën dhe Punët e Ja...
FIER– Një sipërfaqe pylli është përfshirë nga flakët ditën e sotme në fshatin Gjyshaj në Fier. Flakët kanë përfshirë drurët frutorë dhe sipërfaqet me bimë...
SHKODËR– Një 31-vjeçar është arrestuar nga policia në Shkodër pasi posedonte armë zjarri me vete. Policia ushtroi kontroll në disa zona dhe lo...
TIRANË– Qeveria shqiptare është përgatitur për ardhjen e Angela Merkel në Tiranë. Ndërkohë që rrugët e kryeqytetit janë të bllokuara nga trafiku, një pjesë...
TIRANË– Gjykata Administrative lë në fuqi gjobën për Elton Debreshin. Ai u gjobit me 5 milionë lekë të reja në 26 mars për shkelje të masave anti cov...
Partizan Bengaj, babai i Sabrina Bengajt, vajzës që u vra nga ish-burri i saj, ka reaguar sot në lidhje me akuzat nga ish-dhëndrri kishte marrë kërcënime.Teksa ...
PATOS– Banorët në fshatin Grizë kanë dalë dhe ditën e sotme në protestë për të kundërshtuar mbylljen e shkollës. Në ditën e 7-të të protestës ata shprehen se in...
