Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
“Do të të hedh bombën në shtëpi. Do të të vras vëllain”. Për një vit rresht një 17-vjeçare është kërcënuar nga shoku i klasës së 11-të në një shkollë në Tiranë, pasi ajo i dha fund lidhjes pas dyshimeve se i riu ishte përdorues droge dhe nën efektet e saj, kthehej në një person të dhunshëm. Por kur adoleshenti u braktis nga shoqja e shkollës, përplasjet mes tyre disa herë përfunduan për t’u zgjidhur tek mësuesit dhe në fund, çështja përfundoi në policinë numër katër në kryeqytet. Një burim policor i gazetës Si pohoi jozyrtarisht se adoleshentja A. A kallëzoi për përndjekje bashkëmoshatarin me inicialet O. N, i cili për shkak të moshës së mitur nuk u arrestua.
“Kam pasur një histori që nisi një vit më parë në nëntor 2019, O. N. e kam shok klase. Një ditë ai më kërkoi adresën e Instagramit dhe prej aty ne u afruam më shumë, derisa u lidhëm dhe unë u deklarova si e dashura e tij, – pohon në polici e mitura. Nxënësja shton se si i dashuri i saj nevrikosej shpesh dhe se si nuk vetëkontrollohej, veçanërisht sa herë përdorte hashash. Por nxënësja ka duruar deri ditën kur duke dalë nga shkolla nën shoqërinë e një shoqeje, ajo u sulmua nga ish i dashuri.
“Më vendosi dorën në qafë dhe në fytyrë, filloi të më shante me fjalë banale. Më pas erdhi mbas meje duke bërtitur dhe sharë, më pas më gjuajti me shpullë mbas koke, derisa u rrëzova përtokë ku edhe aty vazhdoi të më godasë me shkelma dhe grushte”, kujton në polici 17-vjeçarja.
Pas këtij problemi, adoleshentja ka hyrë me vrap në shkollë ku dhe ka takuar mësuesen.
“Gjatë kohës që ishim të lidhur bashkë, – rrëfen adoleshentja – ai ishte vazhdimisht i dhunshëm dhe shumë herë më kërcënonte se do më vriste vëllain në rast se ndahesha prej tij. E pyetur nga policia për rrethanat e njohjes, 17-vjeçarja kujtoj se historia me shokun e klasës nisi në tetor 2019 dhe bukuria e lidhjes ka zgjatur vetëm një muaj.
“Me justifikimin se ishte xheloz, ai nisi të ushtronte dhunë psikologjike, më tej me dhunë fizike. Gjatë gjithë kohës më ofendonte me fjalë banale. Madje, gjatë karantinës ai ishte aq xheloz, saqë më kërcënoi në telefon, – do të ther vëllain”.
Adoleshentja insiston se gjatë intensitetit të lidhjes edhe në Instagram, ajo i ishte rrëfyer për pikën e dobët që ishte i vëllai dhe familja ndaj dhe ish i dashuri e kërcënonte në këtë pikë. “Ai më thoshte do të hedh bombë në shtëpi, isha e frikësuar dhe nuk mundesha të flisja me prindërit. Ditën që më sulmoi, bisedova me mësuesen kujdestare”, thekson 17-vjeçarja. Siç bëjnë me dije burimet e gazetës “Si”, komisariati numër katër u njoftua nga mësuesit e shkollës, që pasi folën me nxënësen i kërkuan direkt praninë e oficerit të sigurisë në shkollë.
Mes personave që u pyetën është edhe mësuesja kujdestare, sipas të cilës ishte duke dhënë mësim kur nxënësja hyri duke qarë dhe i kërkoi ndihmë “Më kishin treguar nxënësit e tjerë, por vajza e mohonte ndonëse e kam pyetur herë pas here deri ditën kur u bind se duhet të fliste, – shton mësuesja përpara agjentëve të krimeve.
E pyetur se çfarë sjellje ka adoleshenti, ajo e përshkruan si një fëmijë dhe nxënës problematik që jo vetëm është i dobët në mësime, por që gjithashtu shpesh sillej agresiv. Për problemet e nxënësit me drogën mësuesit kanë ngritur supet, duke mohuar të kishin dijeni, ndërkohë që sipas policisë pas përpilimit të deklaratave, edhe pse nuk u arrestua, 17-vjeçari do të dërgohet në prokurori për t’u hetuar më tej për akuzën e përndjekjes.
Marrë nga Gazeta “Si”
1 vit nga zgjedhjet e 25 prillit si e shikoni gjendjen e vendit:
SHQIPËRI-Fondi Monetar Ndërkombëtar publikoi parashikimet e reja për ekonominë e Europës, në të cilat shihet se Shqipëria ofroi masat më të pakta fiskale n...
TIRANË- Ditën e sotme ministrja e Financave dhe Ekonomisë Anila Denaj ka prezuantuar projekt-buxhetin e vitit 2021. Sipas ministres prioritet në këtë proje...
SHQIPËRI-Mjekët që do të kryejnë shtrim të vullnetshëm në spital të personave me çrregullime mendore, pa marrë miratimin nga Ministri i Shëndetësisë...
SHQIPËRI-Qeveria ka planifikuar të aktivizojë vitin që vjen edhe 6 kontrata të reja koncesionare me Partneritet Publik Privat me një vlerë 217,5 miliardë l...
Emisioni “Stop” një ditë më parë transmetoi rastin e një stomatologu në Fier, që i hoqi nervat e dhëmbëve një pacienteje, që kërkoi të mjekohej për mishrat e dh...
Qeveria shqiptare miratoi projektbuxhetin e vitit 2021 duke parashikuar një rritje të të ardhurave në masën 7.3% në krahasim me planin e vitit aktual në një koh...
SHQIPËRI-Brezat e frekuencave do të kalojnë në një analizë të hollësishme të kërkuar nga Autoriteti i Komunikimeve Elektronike dhe Postare (AKEP) duke sjel...
TIRANË– Qeveria shqiptare ka miratuar projket-buxhetin për vitin 2021, në të cilin parashikohet një rritje ekonomike prej 5.5 %. Sipas buxhetit të ri inves...
SHQIPËRI- Pandemia e Covid -19 e ka çuar ekonominë pas në nivelin e vitit 2018. Sipas të dhënave nga databaza e Fondit Monetar Ndërkombëtar (FMN) pr...
SHQIPËRI-Bankat kanë rritur më tej mbulimin e kredisë me kolateral gjatë gjysmës së parë të këtij viti. Sipas të dhënave nga Banka e Shqipërisë, raporti i ...
