Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Kryeministri Edi Rama dhe ministrja e Turizmit, Mirela Kumbaro ishin sot në Tepelenë dhe morën pjesë në një aktivitet për prezantimin e Lumit Vjosa si Park Kombëtar. Rama u prit me një këngë nga grupi polifonik që e kënduan në prani të të gjithëve. • Në fjalën e tij, Rama ‘thumboi’ Evropën dhe tha se shpallja e Vjosës si Park Kombëtar është bërë pasi evropianët lumenjtë e tyre të egër i zbutën dhe kërkonin të ‘lanin ndërgjegjien’ duke ruajtur Vjosën. • Kreu i qeverisë u shpreh se vendi ynë ka sot 21% të territorit të mbrojtur ndërsa theksoi se objektivi ambizioz është që ta çojnë në 30%. • Rama tha se bashkëpunimi për mbrojtjen do të vijojë edhe në kuadër të një bashkëpunimi me vendet fqinje, si Greqia. Sipas kreut të qeverisë, synimi i radhës është krijimi i reformave të pyjeve si dhe investimi për ujërat e zeza. • Rama u shpreh se për Vjosën janë hedhur 80 milionë dollarë investim për bllokimin e kanaleve të zeza. Teksa fliste, kryeministri përmendi dhe projektin për aeroportin e Vlorës dhe tha se ndërtimi i tij do të vijojë pavarësisht thirrjeve nga ambientalistët, që i konsideroi sulme. CEO i Patagonias, Ryan Gellert që ishte i pranishëm në prezantim tha se Vjosa duhet mbrojtur me çdo kush dhe se shkatërrimi i natyrës nuk duhet të jetë çmimi për zhvillimin.
6 artikuj për këtë temë.
TEPELENË- Kryeministri Edi Rama është pritur me këngë nga grupi polifonik gjatë prezantimit të lumit Vjosa si Park Kombëtar. Grupi polifonik doli para të gjithë të pranishmëve dhe këndoi këngën dedikuar Ramës e kryebashkiakut të Tepelenës, Tërmet Peçi.
"Kryeministri i Shqipërisë si dhuratë e perëndisë, ku nuk të ka shkuar fama, ti je burrë që nuk do reklama,”- thonë ata ndër të tjera.
TEPELENË- Ministrja e Turizmit, Mirela Kumbaro ka folur për lumin Vjosa gjatë prezantimit si Park Kombëtar. Në fjalën e saj, Kumbaro solli në mendje një mesazh të marrë nga Rexhep Uka dhe tha se ai e kishte krahasuar Vjosën me një nuse që duhet të ekspozojë hiret e saj. Kumbaro tha gjithashtu se prioriteti i qeverisë shqiptare është mjedisi.
Pjesë nga fjala e Kumbaros:
Më shkroi sot Rexhep Uka, Vjosa është një nuse që moti që i duheshin treguar hiret. Dhe ky ishte një mesazh shumë i bukur që mora sot. Plot 12 mijë e 7227 hektarë dhe ja ku është, Vjosa Park Kombëtar tani. Nuk është përrallë por realitet, i një pune të bërë nga disa dhjetëra ekspertë. Është realitet i vizionit të qeverisë shqiptare që ka shpallur mjedisin prioritet. Është realitet i një Shqipërie që rritet, emancipohet. Shenjë emancipimi politik e social. Kjo duket nga komunikimi disa vjeçar. Erdhëm deri këtu falë një komunikimi intensiv. Arritëm të ndërtojmë një ekip bashkëpunues mes organizatave mjedisore dhe institucioneve shqiptare.
TEPELENË- Ryan Gellert, CEO i Patagonia, shoqatë me të cilën Qeveria shqiptare ka nënshkruar një Memorandum Mirëkuptimi me organizatën amerikane “Patagonia” me qëllim rritjen e shkallës së mbrojtjes së lumit të Vjosës, foli gjatë prezantimit të Vjosës si Park Kombëtar. Në fjalën e tij, Gellert vuri theksin tek mbrojtja e mjedisit. Ai tha se është shumë dakort që vendi duhet të zhvillohet, por jo duke pasur si kosto shkatërrimin e mjedisit.
Pjesë nga fjala e Gellert:
Ky është një moment domethënës për konservimin global. Ajo që vërtetohet sot është se shkatërrimi i natyrës nuk duhet të jetë çmimi për zhvillimin. Njerëzisht shpesh pyesin se ca ka një shoqatë nga Kalifornia për mbrojtjen e një lumi këtu. E kemi nisur me një aktivist vite më parë që donte të mbronte një lum afër firmës sonë dhe sot ja ku jemi, përdorëm çdo mjet dhe instrument për të mbrojtur botën natyrore. Natën e parë që ndenja në Shqipëri fjeta nën yje në brigjet e Vjosës. Ky është një vend aq i bukur sa asnjë vend tjetër në botë dhe Vjosa degët dhe gjithë ky ekosistem është i rëndësishëm për t’u mbrojtur. Duhet mbrojtur me çdo kusht.
TEPELENË- Kryeministri Edi Rama është treguar i prerë kur ka folur për aeroportin e Vlorës. Në fjalën që mbajti gjatë prezantimit të Vjosës si Park Kombëtar, Rama, kritikat dhe thirrjet e ambientalistëve për Aeroportin Kombëtar të Vlorës, i konsideroi shtrembërim faktesh. Ai u bëri thirrje që të mos e shqetësojnë më qeverinë për këtë çështje, pasi sipas tij, ndërtimi i këtij aeroporti është i padiskutueshëm.
Pjesë nga fjala e Ramës:
Shpresoj që të gjithë këta të mos ikin në drejtim të paditur pasi e garantuan që tigri nuk do bëhet mace, por të qëndrojnë këtu me ne për të vazhduar tani që këtë pasuri ta kthejmë në burim zhvillimi ekonomik, social dhe ekologjik të qëndrueshëm dhe në një model për të gjithë në Shqipëri dhe përtej. Sot Shqipëria ka 21% të territorit, e kemi gjetur me shumë pak kur morëm detyrën dhe çdo vit e kemi rritur sipërfaqen dhe objektivi ynë është ta çojmë në 30%. Objektiv ambicioz. Për aeroportin e Vlorës kemi bërë të gjitha konsultet e studimet dhe tani që tigrin e Vjosës e garantuan që nuk do ta çojmë tek dentisti për ta bërë mace...i lutem shumë që çdokujt që del këtu e na shqetëson me letra e na shtrëmbëron fakte, i lutem shumë të mos na shqetësojë. Aeroporti i Vlorës është në ndërtim, nuk ka asnjë dëm për ekosistemin, është një dosje e tërë për aeroportin e Vlorës dhe e kemi diskutuar e stërdiskutuar. Vlorën e egër do ta ruajmë bashkë, por nuk do të bëjmë njerëzit e egër. Duhet një kombinim.
Komiteti i Përhershëm i Konventës së Bernës ditë më parë u kërkoi autoriteteve shqiptare të pezullojnë punimet për ndërtimin e Aeroportit të Vlorës dhe të ndërmarrin një program gjithëpërfshirës të monitorimit të jetës së egër dhe rishikimin e të dhënave të Raportit të Vlerësimit të Ndikimit në Mjedis për zonën ku po ndërtohet aeroporti. Ambientalistët paralajmëruan gjithashtu se mund të shkaktojë dëme të pariparueshme në ekosistemet e brishta të lagunave të mbrojtura që strehojnë flamingot, pelikanë dhe miliona zogj të tjerë migrues.
TIRANË- Kryeministri Edi Rama është shprehur se shpallja e lumit Vjosa si Park Kombëtar është vetëm hapi i parë. I pranishëm në prezantimin në Tepelenë, Rama tha se hapi i radhës do të jetë investimi për të mbajtur pastër të gjithë parkun. Ai tha se 80 milionë dollarë është vetëm një fond që është ndarë për pastrimin e kanaleve të ujërave të zeza.
Pjesë nga fjala e Ramës:
Edi Rama: Shqipëria është nën moratorium të pyjeve, patjetër që këto nuk mjaftojnë dhe na duhet një tjetër reformë për menaxhimin e pyjeve. Ky park do të jetë qendër e projekteve të zhvillimit dhe për mënyrën se si duhen bërë. Për të mos u zgjatur më tutje dua të them edhe domosdoshmërinë që ka ky park kombëtar që të ketë një qendër ekselence. Të jetë qendër e koordinimit të të gjithë burimeve të dijes për mënyrën se si duhet menaxhuar në shekullin e 21, një Park Kombëtar i këtyre përmasave. Është një park gjigant, jemi në një bashkëbisedim shumë inkurajues edhe me fqinjët tanë, me Greqinë e Ministrinë e Mjedisit për të ndërtuar një projekt përtej kufirit, për të ndërtuar një sinergji përtej kufirit dhe për ta trajtuar këtë territor si një pasuri të përbashkët dhe për të investuar bashkërisht. Janë 80 milionë dollarë që do të vendosen në dispozicion të këtij parku që të gjitha bashkitë të mos derdhin më ujërat e zeza në lumë.
TEPELENË- Kryeministri Edi Rama nuk i ka kursyer evropianët gjatë prezantimit të lumit Vjosa si Park Kombëtar. Rama tha se mbrojtja e Vjosës është një çështje që Evropa e ka përdorur për të 'larë' ndërgjegjien e saj, pasi lumenjtë e tjerë të egër që kishin, i 'zbutën'. Kreu i qeverisë tha se tashmë që arritën misionin dhe kuptuan që Vjosa është tashmë e mbrojtur, s;duhet të largohen nga Shqipëria, por të vijojnë me misionin e tyre.
Pjesë nga fjala e Ramës:
Zbutën lumenjtë e tyre të egër dhe tentuan që përmes Vjosës të bëjnë një larje të ndërgjegjies së tyre. Në të njëjtën kohë ka një shqetësim xhenuin për të kontrobuar për këtë planet që është në një situatë të rrezikshme...Jemi shumë të lumtur, por duhet ta them më troç se sa u përpoq ta thoshte Mirel,a unë shpresoj që të gjithë këta me Rajanin në krye të mos ikin në drejtim të paditur, pasi garantuan që tigri nuk do të bëhet mace. Të qëndrojnë këtu me ne për të garantuar që këtë pasuri të madhe ta kthejmë në një burim zhvillimi ekonomik sociale dhe ekonomik të qëndrueshëm, në një model në Shqipëri dhe përtej saj. Sot Shqipëria ka 21% të territorit zonë të mbrojtur. E kemi gjetur me shumë më pak dhe çdo vit e kemi rritur sipërfaqen. Ta çojmë shumë më shumë, ky është objektiv. Të krijosh zona të mbrojtura nuk do të thotë që të presësh që ata njerëzdhe komunitetet që kanë ato zona pranë të kthehen në gjendje të egër. Do të thotë që tu japësh atyrë një zhvillim, një ide se nuk mjafton të kesh Vjosën, por të dish ta shfrytëzosh. Ne sot jemi shumë krenarë për shumë gjëra që keni bërë në funksion të mjedisit, të vlerave dhe të jetëve e specieve të panumërta që ka Shqipëria. Shqipëria është i vetmi vend në Evropë me një oraturium kaq të gjerë gjuetie. Na duhet një reformë tjetër për pyjet.
