Vdekja e Mariglen Ruçit brenda shtëpisë së barit, 24-vjeçari prej 2 vitesh në Angli, dëshmia e fqinjëve

Foto ilustruese

BRITANI E MADHE- Një person është arrestuar me dyshimin për vrasje dhe zjarrvënie me qëllim rrezikimi të jetës ndaj Mariglen Ruçi. Trupi i pajetë i shqiptarit u zbulua në një dhomë gjumi në katin e sipërm të një prone në Thorndon Gardens, ndërsa një 44-vjeçar është arrestuar si i dyshuar për vrasjen e tij, por nuk është identifikuar nga mediat britanike. Deri më tani, ai është liruar me kusht dhe kërkimet janë në vazhdim.

Insp Jon Vale nga Policia e Surrey tha: Ne e vlerësojmë që ky incident ka shkaktuar shqetësim të konsiderueshëm në mesin e komunitetit lokal dhe do të donim t'ju sigurojmë se po bëjmë gjithçka që mundemi për të vërtetuar se çfarë ka ndodhur. Ne po ndjekim një sërë linjash hetimi.

Vëllai i viktimës, Flamur Ruçi konfirmoi për Dosja.al lajmin e trishtë. Dosja.al mëson se 24-vjeçari kishte 2 vite që jetonte në Britani, aty ku kishte emigruar për një jetë më të mirë. Në të shkuarën, Marigleni ka qënë futbollist për disa ekipe në vend. Mediat britanike kanë raportuar zjarrin në zonë, mirëpo në asnjë moment nuk kanë zbuluar se shqiptari ishte ai që ka ndërruar jetë. 

Mariglen dhe Flamur Ruci

TIRANË- Vdekja e Mariglen Ruçit në Angli është bërë e ditur nga familjarët e tij. Për Dosja.al, i vëllai i 24-vjeçarit, Flamur Ruçi konfirmoi lajmin e trishtë të vdekjes së të vëllait në shtëpinë e barit në Britaninë e Madhe.

Mesfushori i Bylisit, Flamur Ruçi postoi në Instagram lajmin e hidhur të ndarjes nga jeta të Mariglenit. Ai ka ndarë disa foto me të vëllain, duke shkruar se do i mungojë gjithë jetën e se ishte gjysma e tij. 

“Vëllai im do më mungosh shumë! Gjithmonë do jesh në zemrën time gjysma ime“, shkruan Ruçi, i cili ka postuar dhe fotografi me të vëllanë.

Mariglen Ruçi ka humbur jetën më 12 dhjetor pasi është asfiksuar brenda një shtëpie bari që ka marrë flakë në Thorndon Gardens në Angli. Trupi i tij i pajetë u gjet brenda banesës ku ishte punësuar për të ruajtur bimët e kanabisit, ndërsa për ngjarjen është arrestuar një 44-vjeçar, si i akuzuar për incidentin që mund të ketë shkaktuar zjarrin.

Mariglen Ruci

TIRANË- Tragjike është vdekja e shqiptarit Mariglen Ruçit në Britani. 24-vjeçari u asfiksua brenda shtëpisë së barit në Thorndon Gardens në Angli, në orët e para të 12 dhjetorit. Dosja.al mëson nga familja e të riut se trupi i tij i pajetë u gjet brenda banesës ku ishte punësuar për të ruajtur bimët e kanabisit, ndërsa për ngjarjen është arrestuar një 44-vjeçar, si i akuzuar për incidentin që mund të ketë shkaktuar zjarrin.

Burime për Dosja.al bën të ditur se Ruçi jetonte në Britani prej 2 vitesh. Familja nuk kishte dijeni për aktivitetin që 24-vjeçari po kryente gjatë gjithë kësaj kohe me shtëpinë e barit, veprimtari që i mori jetën. 

24-vjeçari, në të shkuarën ka luajtur si futbollist në disa skuadra në vend. Që në moshë të vogël, Marigleni ka qenë futbollist për disa skuadra, si Tomorri, Bylisi, Apolonia, Dinamo, Luftëtari apo Vlora.

Futbolli në Shqipëri nuk i hapi dyert të riut, e mesa duket, si shpëtim, Marigleni pa Anglinë dhe lëndët narkotike, si mënyrë e shpejtë për të fituar para.  I ndjeri është vëllai i mesfushorit të Bylisit, Flamur Ruçi. Ky i fundit ka bërë të ditur nëpërmjet një postimi në Instagram lajmin e hidhur të ndarjes nga jeta të Mariglenit.

“Vëllai im do më mungosh shumë! Gjithmonë do jesh në zemrën time gjysma ime“, shkruan Ruçi, i cili ka postuar dhe fotografi me të vëllanë.

Mariglen Ruçi

BRITANI E MADHE- Mister mbetet ende vdekja e shqiptarit në Britani, Mariglen Ruçit. Ngjarja raportohet se ndodhi ditën e hënë, në Thorndon Gardens në orët e para të mëngjesit. Familja e të riut, konfirmoi për Dosja.al se Ruçi është djegur brenda shtëpisë. Sipas asaj që raportohet, shqiptari është gjetur i vdekur brenda shtëpisë së barit. Mirëpo, mister mbetet fakti se përse nuk është raportuar për vdekjen e shqiptarit në mediat britanike.

Ajo që thuhet në 'Getsurrey.co.uk' është se fqinjët u tmerruan pas zbulimit të trupit brenda shtëpisë. Për këtë ngjarje policia ka vënë në pranga një 44-vjeçar, i cili ndodhet në paraburgim. 

Shtepia

Familjet që jetojnë aty pranë kanë mbetur të shokuar. Fqinja, Jenette Banton, e cila jeton përballë shtëpisë së prekur, u zgjua natën nga flakët. Ajo tha: “Ishte rreth orës 1:30 të mëngjesit kur e fika dritën [për të shkuar në shtrat.] Pak para orës 2 të mëngjesit mora të gjitha këto drita ndezëse. E tërhoqa perden mbrapa dhe hodha një vështrim dhe gjithçka që pashë ishte flakë të mëdha kudo nga shtëpia. Gjithçka që mund të shihja ishin flakë të kuqe. Ata po e luftonin për një kohë të gjatë dhe sapo e lanë, i gjithë avulli dilte prej tij, ishte një zjarr shumë i madh. Policia erdhi një orë më vonë.

“Është tronditëse të ndodhë pak para Krishtlindjeve. Sot në mëngjes ishte një furgon i madh zjarrfikës dhe policia ka qenë këtu gjatë gjithë ditës”- ka thënë fqinja. 

Një tjetër person që jetonte në zonë, i cili preferoi të mos përmendet, tha: “Rreth orës 2 të mëngjesit të sotëm pashë shtëpinë në flakë. “Makinat e zjarrfikësve ishin këtu brenda pak kohësh me policinë, kështu që gjithçka ishte e mbuluar. Zjarri ishte i madh, vinte nga maja. E rrëzoi të gjithë çatinë. Është vërtet e çuditshme sepse ka qenë gjithmonë një zonë familjare ”.

Mariglen Ruçi, 24-vjeçari shqiptar ka humbur jetën pasi është asfiksuar brenda një shtëpie bari që ka marrë flakë në Thorndon Gardens në Angli, në orët e para të 12 dhjetorit. Dosja.al mësoi nga familja e të riut se trupi i tij i pajetë u gjet brenda banesës ku ishte punësuar për të ruajtur bimët e kanabisit, ndërsa për ngjarjen është arrestuar një 44-vjeçar, si i akuzuar për incidentin që mund të ketë shkaktuar zjarrin.