Mblidhet Kuvendi i Burrave në Theth: Qeveria të ndalojë aksionin e shembjeve, këto kulla janë bërë me djersë dhe mbrojtur me gjak

pamje nga vendngjarja

THETH- Aksioni për prishjen e ndërtimeve pa leje në zonën e Thethit ka vijuar edhe gjatë kësaj të diele. Fadromat e IKMT kanë vazhduar prishjen e objekteve pavarësisht rezistencës së disa banorëve. Gjithashtu gjatë ditës së sotme është mbledhur Kuvendi i Burrave para kishës së fshatit.

Gjatë fjalës së tyre banorët i kanë bërë thirrje qeverisë për të ndërprerë aksionin pasi kjo nuk është e arsyeshme. Zef Vladi, banor i Shalës, tha se kullat e Thethit janë ndërtuar me djersë e janë mbrojtur me gjak, ndërsa i kërkoi qeverisë të mos shkatërrojë, por të dialogojë me banorët. Vladi theksoi gjithashtu se këto kulla janë bërë me djersë dhe mbrojtur me gjak.

"Kam bërë thirrje qeverisë për të ndërprerë aksionin se nuk është e arsyeshme. U kam bërë thirrje se ata i kanë gabimet, i kanë parë me sytë e vet që janë bërë, nuk duhet të ishin lejuar të bëheshin. Ato shtëpitë tona nuk janë prish akoma, por do tu vijë dita. Duhet me vlerësuar si tek familja ime.

Edhe në Kosovë kur serbi ka ardh, atje u derdhte gjak, edhe zemra e shqiptarëve derdhte gjak. Anë e mbanë botës, gjithë dukagjini, Puka, më kanë shkruar që jemi me ju, por gjithmonë duke kërkuar të drejtat tona. Ne jemi ata që e kemi mbrojtur këtë tokë. Këto kulla janë bërë me djersë e larë me gjak, i kemi mbrojtur me gjak. Nuk është e arsyeshme as shteti, as kurrkush me ardhur me hy në tokat tona, tokat shekullore.

Ku sot i ke pa tapi. Të ulemi të bisedojmë, jo të shkatërrojmë. Jemi vëllezër, nuk është e arsyeshme. Po del populli në rrugë të madhe, jemi për paqe, por duhet të bisedojmë, kërkoj dialog me ta. Të vijnë këtu, përse shembin, jemi vëllezër", tha Zef Vladi.

Greta Bardeli

THETH- Deputetja e zgjedhur e Partisë Demokratike, Greta Bardeli, ka folur rreth situatës së krijuar ditët e fundit në në Theth. Bardeli e ka përshkruar situatën e Thethit si një “zonë lufte” për shkak të ndërhyrjeve të ashpra të Policisë së Shtetit dhe IKMT-së.

Në një intervistë për Syri Tv, Bardeli tha se përveç shkatërrimit të shtëpive dhe bujtinave, komuniteti lokal po përballet me reprezalje të paprecedenta. Bardeli thekson gjithashtu nevojën për dialog të hapur mes institucioneve dhe komunitetit për të gjetur zgjidhje urgjente.

"Thethi është si një zonë lufte. Këtu, Policia e Shtetit, IKMT, po bën reprezalje, po shemb çdo gjë, çdo  shtëpi, çdo bujtinë. Po merret me komunitetin e kësaj zone. Unë isha këtu dhe isha e pranishme në një takim të banorëve bashkë me ‘fratin’ e zonës, të cilët diskutuan dhe janë vetëm për dialog dhe kërkojnë që institucionet qendrore dhe komuniteti i Thethit të jetë i pranishëm bashkarisht në një tryezë të përbashkët dhe të komunikojnë.

Këta njerëz duan zgjidhje urgjente. Duan të komunikojnë me institucionet e shtetit dhe të ndalet gjithë kjo reprezale që po bëhet këtu në Theth. Është një gjendje e trishtueshme, përveç banorëve të cilët janë të mërzitur për atë që po iu ndodh, por edhe turistët të paktë tashmë që kanë mbetur në këtë zonë, janë dëshmitarët e kësaj reprezalje që po ndodh sot në Theth.

Po e dëmton shumë turizmin. Që nga dita e parë që ka nisur, çdo ditë e më tepër largohen turistët dhe janë bërë gjithë ato anulime. Kam kontaktuar me bujtina të ndryshme dhe kanë thënë që shumë turistë kanë anuluar prenotimet e tyre. Tashmë kjo zonë po shkretohet, po abondonohet nga turistët. Pak më parë më tha një zotëri: Këtu i ka hyrë trishtimi edhe zogjve të malit, jo më turistëve dhe banorëve të zonës dhe shumë e drejtë kjo," tha Greta Bardeli. 

Çfarë po ndodh në Theth?

Në Theth ka nisur një perplasje mes autoriteteve policore dhe banorëve të zonës, për shkak të urdhërit të kryeministrit Rama për prishjen e ndërtimeve pa leje. Banorët kanë kundërshtuar këtë urdhër, duke kërkuar dialog mes tyre dhe shtyrje të afatit deri në përfundim të sezonit turistik. Por këto kërkesa të banorëve, duket se kanë rënë në vesh të shurdhët, pasi IKMT po vijon me shembjen e strukturave pa leje. Në këto kushte, banorët në shenjë proteste kanë paralajmëruar se do të mbyllin fare bujtinat./Dosja.al

pamje nga vendngjrja

THETH- Prej disa ditësh IKMT po vazhdon aksionin në zonën turistike të Thethit, ku edhe paraditen e kësaj të diele fadromat kanë shkuar në terren. Deri tani janë shembur mbi 60 objekte në zonë, duke përfshirë edhe objekte me struktura prej druri. 

Ndërkohë banorët vijojnë të kundërshtojnë këtë aksion dhe kërkojnë urdhrin e prishjes, pasi thonë se një dokument i tillë nuk u është paraqitur nga drejtuesit e IKMT. Gjatë gjithë kësaj jave ka pasur sutuata të tensionuara në Theth mes qytetarëve dhe IKMT. Gjithashtu në terren në mbështetje të banorëve të zonës kanë qenë edhe përfaqësues të PD, të cilët kanë kundërshtuar këtë aksion.

Çfarë po ndodh në Theth?

Në Theth ka nisur një perplasje mes autoriteteve policore dhe banorëve të zonës, për shkak të urdhërit të kryeministrit Rama për prishjen e ndërtimeve pa leje. Banorët kanë kundërshtuar këtë urdhër, duke kërkuar dialog mes tyre dhe shtyrje të afatit deri në përfundim të sezonit turistik. Por këto kërkesa të banorëve, duket se kanë rënë në vesh të shurdhët, pasi IKMT po vijon me shembjen e strukturave pa leje. Në këto kushte, banorët në shenjë proteste kanë paralajmëruar se do të mbyllin fare bujtinat./Dosja.al