Vasil Bollano përplas të miturin me makinë, 17-vjeçari vdes në spital. Policia shoqëron ish-kryebashkiakun e Himarës

I riu duke u transportuar ne spital

TIRANË- Ndërron jetë në spitalin e Traumës, 17-vjeçari Elio Hamiti, i cili u përplas me makinë nga ish-kryebashkiaku i Himarës, Vasil Bollano. I mituri nuk ka mundur t’i mbijetojë plagëve të marra pas përplasjes së ndodhur ditën e djeshme në Llogara.

Hamiti ishte duke kaluar rrugën dhe po shkonte drejt stacionit të autobusit nga fusha e futbollit. Ai u godit me makinë nga ish-kryebashkiaku Vasil Bollano. Sipas dëshmitarëve, goditja ka qenë tepër e fortë dhe i riu është dërguar menjëherë në spital.

Vasil Bollano ka deklaruar se i riu është hedhur përpara makinës, por duket se ky version nuk i ka bindur ekspertët e policisë të cilët kanë kryer analizën e ngjarjes. Ndaj dhe shoqëruan Bollanon në Komisariat.

I mituri ishte nisur të shkonte te gjyshja pasi donte ta shoqëronte atë gjatë natës sepse kishte frikë të flinte vetëm.

Ekspertiza do të nxjerri më pas nëse është respektuar apo jo shpejtësia e lejuar.

Foto ilustruese

VLORË- Zbulohen detaje të tjera lidhur me aksidentin e Vlorës, ku ish-kryebashkiaku i Himarës, Vasil Bollano përplasi me mjetin e tij një 17-vjeçar, Eljo Hamiti, i cili në momentin kur u përplas ka qenë duke kaluar rrugën dhe po shkonte drejt stacionit të autobusit nga fusha e futbollit.

Sipas dëshmitarëve, goditja ka qenë tepër e fortë dhe i riu është dërguar menjëherë në spital, ndërsa deri më tani, në dëshminë e tij të parë, Vasil Bollano ka deklaruar se i riu është hedhur përpara makinës, por duket se ky version nuk i ka bindur ekspertët e policisë të cilët kanë kryer analizën e ngjarjes. Ndaj dhe shoqëruan Bollanon në Komisariat.

Ekspertiza do të nxjerri më pas nëse është respektuar apo jo shpejtësia e lejuar, ndërkohë që i mituri është sjellë në spitalin e Tiranës, ku edhe ndodhet në gjendje të rëndë për jetën, aktualisht në gjendje kome për shkak të frakturave të marra në kokë dhe në organet jetike. 

Momenti kur sillet në Tiranë

TIRANË- I mituri që u përplas nga Vasil Bollano është sjellë me urgjencë në Tiranë, pasi ndodhet në gjendje të rëndë shëndetësore. Siç duket edhe nga pamjet e mëposhme, i mitur transportohet me shumë kujdes për shkak të frakturave të rënda që i janë shkaktuar nga përplasja që ndodhi pasditen e sotme. Për shkak të gjendjes së tij të rëndë, është sjellë në Tiranë për të marrë një mjekim më të specializuar.

I mituri është identifikuar si Elio Hamiti, i cili është në gjendje kome për shkak të frakturave që ka marrë në kokë, ndërkohë që mjekët flasin edhe për dëmtim të organeve të brendshme. Sipas mjekëve, 17-vjeçari ka fraktura në gjithë trupin dhe plagë që i rrezikojnë jetën. Ngjarja ka ndodhur rreth orës 17:00, në Llogara, pranë fushës së sportit, ndërsa drejtuesi i mjetit, Vasil Bollano, u shoqërua në Komisariatin e Vlorës.

Pamje nga momenti

TIRANË- Zbulohen detaje të tjera lidhur me aksidentin e ndodhur në Llogara pasditen e sotme. I mituri i aksidentuar nga Vasil Bollano në momentin e aksidentit ka qenë duke kaluar rrugën pranë fshatit Dukat, ku edhe jetonte, kur e ka goditur makina. Sipas burimeve, ai po shkonte te gjyshja pasi donte ta shoqëronte atë gjatë natës sepse kishte frikë të flinte vetëm. Por rruga i është prerë në mes nga mjeti i Bollanos, duke i shkaktuar fraktura dhe dëmtime të rënda që mund t'i kushtojnë edhe jetën. 

Foto nga momenti kur nxirret nga ambulanca

TIRANË- I mituri që  përplas nga Vasil Bollano është sjellë me urgjencë në Tiranë, pasi ndodhet në gjendje të rëndë shëndetësore. I mituri është identifikuar si Elio Hamiti, i cili është në gjendje kome për shkak të frakturave që ka marrë në kokë, ndërkohë që mjekët flasin edhe për dëmtim të organeve të brendshme. Sipas mjekëve, 17-vjeçari ka fraktura në gjithë trupin dhe plagë që i rrezikojnë jetën.

Ngjarja ka ndodhur rreth orës 17:00, në Llogara, pranë fushës së sportit, ndërsa drejtuesi i mjetit, Vasil Bollano, u shoqërua në Komisariatin e Vlorës.

Foto ilustruese

VLORË- Detaje të reja janë mësuar lidhur me të miturin e aksidentuar nga ish-kryebashkiaku i Himarës, Vasil Bollano, pasditen e sotme në Vlorë. Burime për Dosja.al bëjnë me dije se i mituri i plagosur, ende i paidentifikuar me emër, është në gjendje të rëndë për jetën pasi ka përfunduar në koma. 

Aksidenti ka ndodhur pasditen e sotme teksa i mituri ishte duke kaluar rrugën. Pas ngjarjes, Bollano është shoqëruar në Komisariatin e Policisë së Vlorës, ndërsa lidhur me të kanë nisur hetimet për zbardhjen e plotë të ngjarjes. 

Vasil Bollano

VLORË- Ish-kryebashkiaku i Himarës, Vasil Bollano ka aksidentuar një të mitur në Llogara. Ngjarja ka ndodhur pasditen e sotme, rreth orës 17.00 të pasdites, teksa po kalonte në rrugë. Menjëherë i mituri është dërguar në spital, ku edhe po merr ndihmën e parë mjekësore, por nuk dihen detaje të tjera lidhur me gjendjen e tij shëndetësore. Ndërkohë që nga Policia e Vlorës ka bërë me dije se 66-vjeçari Bollano është shoqëruar në Komisariatin e Policisë, ku edhe po jep versionin e tij lidhur me ngjarjen e ndodhur. 

NJOFTIMI I POLICISË:

Rreth orës 17:00, në Llogara, pranë fushës së sportit, shtetasi V. B., 66 vjeç, banues në Himarë, duke drejtuar automjetin tip "Benz", ka aksidentuar shtetasin E. H., 17 vjeç, këmbësor në rrugë, i cili ndodhet në spital nën kujdesin e mjekëve. Drejtuesi i mjetit, shtetasi V. B, u shoqërua në Komisariat, për veprime të mëtejshme. Grupi hetimor ndodhet në vendngjarje dhe po kryen veprimet e mëtejshme për aksidentin.

Kush është Vasil Bollano?

Vasil Bollano është presidenti i Omonias dhe përfaqësues i minoritetit grek në Shqipëri. Më 21 prill 2009 ai u dënua me gjashtë muaj burg dhe gjobë 3,800 € për heqjen e tabelave, pasi kundërshtoi tabelat e vendosura nga autoritetet sepse ato ishin të shkruara vetëm në gjuhën shqipe. Në dhjetor 2009, pas një hetimi nga prokuroria e Vlorës, ai u akuzua për shpërdorim detyre dhe falsifikim të dokumenteve zyrtare duke lëshuar leje ndërtimi të paligjshme përgjatë bregdetit jugor shqiptar. Më 24 maj 2010, një bombë shpërtheu në banesën e tij.