Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Krim brenda familjes në Elbasan. •37-vjeçari nga Elbasani, Ramis Mici ka qëlluar me thikë bashkëjetuesen e tij, Jetlira Elezin. • 37-vjeçarja ka ndërruar jetë në orët e para të mëngjesit të sotëm, si pasojë e plagëve të marra. •Ngjarja e rëndë ka ndodhur në lagjen “Skënderbej” të qytetit. •Autori, bashkëjetuesi i Jetlirës, është larguar nga shtëpia menjëherë pasi ka qëlluar me thikë 37 vjeçaren. •Shërbimet e Policisë janë vënë në ndjekje të autorit dhe po krehin zonën për kapjen e tij. •Grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes, por paraprakisht dyshohet se ka qenë një debat i momentit që ka agravuar deri në përdorimin e thikës.
11 artikuj për këtë temë.
ELBASAN- Policia e Elbasanit ka bërë një sqarim lidhur me ngjarjen e rëndë ku 37-vjeçari Ramis Mici, vrau me thikë bashkëjetuesen e tij. Në një njoftim të shpërndarë për mediat, blutë e Elbasanit bëjnë me dije më datë 26 korrik, 4 ditë përpara ngjarjes së rëndë, Jetlira Elezi është paraqitur në Komisariat, ku edhe ka njoftuar Policinë se ka konflikt me bashkëshortin me motive xhelozie. Gjithashtu ajo i ka treguar efektivëve se autori i vrasjes i kishte thyer telefonin, ndaj për këtë arsye është paraqitur në komisariat. Pas kësaj, Ramis Mici është shoqëruar në ambientet e Policisë. Sipas Policisë, 37-vjeçares i është kërkuar të bënte kallëzim për dhunë në familje, por nuk ka pranuar dhe kërkoi ti plotësohet urdhër mbrojtje në mënyrë që të mos kishin kontakte me njëri-tjetrin.
“Lidhur me këtë rast, është njoftuar Zyra e Forumit të Dhunës ndaj Gruas ku si përfaqësues është paraqitur avokati i kësaj zyre shtetasi E.Gj. Në prezencë të avokatit është plotësuar formulari i vlerësimit të riskut si dhe kërkesë padia për urdhërin e mbrojtjes më datë 26.07.2022 dhe është dërguar në Gjykatën e Shkallës së Parë Elbasan,” – thuhet në reagimin e policisë.
Njoftimi i plotë i policisë:
Në lidhje me ngjarjen e ndodhur në orët e para të mëngjesit të sotëm, në lagjen “Skenderbej”, Elbasan, ku dyshohet se shtetasi R. M., 37 vjeç , ka goditur me mjet prerës (thikë), bashkëjetuesen e tij shtetasen J. E., 37 vjeçe, e cila si pasojë e plagëve të marra ka humbur jetën, ju bëjmë me dije se: Më datë 26.07.2022 rreth orës 21:30 në Komisariatin e Policisë Elbasan është paraqitur shtetasja J. E., 37 vjeçe, e cila ka deklaruar se ka konflikt për motive xhelozie me bashkëshortin e saj shtetasin R.M., Menjëherë është njoftuar Zyra e Forumit të Dhunës ndaj Gruas ku si përfaqësues është paraqitur avokati i kësaj zyre shtetasi E.Gj. Nga ana jonë është shoqëruar në ambientet e Komisariatit të Policisë shtetasi R.M. Shtetasja J.E., ka deklaruar se ka patur konflikt për motive xhelozie ku shtetasi R.M., i ka thyer telefonin e saj dhe për këtë arsye është paraqitur në Komisariat. Shtetases pavarsisht se i është kërkuar të bënte kallëzim për dhunë në familje, nuk ka pranuar të bëjë kallëzim dhe kërkoi ti plotësohet urdhër mbrojtje në mënyrë që të mos kishin kontakte me njeri-tjetërin.
Në prezencë të avokatit është plotësuar formulari i vlerësimit të riskut si dhe kërkesë padia për urdhërin e mbrojtjes më datë 26.07.2022 dhe është dërguar në Gjykatën e Shkallës së Parë Elbasan. Gjatë kohës që të dy shtetasit kanë qenë në ambientet e Komisariatit të Policisë kanë qenë të qetë dhe kanë komunikuar me njeri-tjetërin. Shtetasit R.M., gjatë intervistës iu shpjegua përgjegjësia ligjore dhe pas 10 orë si person i shoqëruar në Komisariat është lënë i lirë.
Shtetasit në konflikt kanë qëndruar në apartamente të ndara nga momenti i konfliktit. Gjithashtu shtetasja J.E., është orientuar që të paraqitet tek Forumi i Gruas në Elbasan, si dhe është kontaktuar në datë 27.07.2022 me forumin e gruas e cila na deklaroi se shtetasja ishte paraqitur dhe ishte e qetë psikologjikisht dhe nuk ka shfaqur shqetësime për situatën e krijuar. Nga ana e Ndihmës Specialistit të Policimit në Komunitet është marrë kontakt më datë 29.07.2022 në orën 12:30 me shtetasen J.E., e cila ka qenë e qetë dhe i ka shprehur se nuk ka patur probleme që prej ditës që ishte paraqitur në Komisariat.
Po më datë 29.07.2022 është marrë kontakt dhe me shtetasin R.M., i cili po ashtu ka qenë i qetë në lidhje me situatën. Të dyja palët janë njoftuar nga ana jonë për seancën gjyqësore për tu paraqitur në lidhje me kërkesë padinë si dhe kanë nënshkruar të dyja palët Shërbimet e Policisë janë vënë në ndjekje të shtetasit R. M. dhe vijon krehja e zonës për kapjen e tij. Grupi hetimor nën drejtimin e Prokurorisë po punon për zbardhjen dhe sqarimin e plotë të rrethanave të ngjarjes.
ELBASAN- Kjo është 37 vjeçarja, Jetlira Elezi e cila u gjet e vdekur ditën e sotme brenda banesës së saj në Elbasan. Bashkëjetuesi i saj, Ramis Mici mësohet ta ketë sulmuar disa herë me thikë derisa e ka lënë të pajetë. Ngjarja dyshohet të ketë ndodhur për motive xhelozie, ndërsa çifti bashkëjetonin prej 6 vitesh.
Mici është në kërkim nga policia e shtetit pasi u arratis pas krimit, duke lënë viktimën të shtrirë në tokë e me gjak. Ajo u gjet nga pronarët e banesës e pajetë.
ELBASAN- Ky është momenti kur babai i Jetlira Elezit, e cila u qëllua me thikë për vdekje nga partneri i saj, mëson se vajza e tij ka ndërruar jetë. Babai i viktimës mësohet se ka marrë vesh lajmin nga televizonet dhe i tronditur ka shkuar drejt Komisariatit. Në foto shihet momenti kur ai futet në ambientet e Komisariatit, teksa shoqërohet nga një person tjetër.
Elezi është masakruar me thikë nga bashkëjetuesi i saj, Ramis Mici, pak pas mesnatës së të premtes në banesën ku jetonin me qira në Elbasan.
Krimi i rëndë dyshohet se ka ndodhur për motive xhelozie. Pas vrasjes së bashkëjetueses, 37-vjeçari është arratisur dhe policia po punon për kapjen e tij.
ELBASAN- Jetlira Elezi e cila u vra me thikë nga bashkëjetuesi Ramiz Mici në Elbasan, ishte e pajisur me urdhër mbrojtje. Ngjarja mund të ishte paralajmëruar, pasi viktima e kishte denoncuar bashkëjetuesin e saj dhunues, i cili e kishte dhunuar vetëm pesë ditë më parë.
Pas sherrit dhe dhunës, viktima kishte kërkuar ndihëm në polici, mirëpo mesa duket ndaj Micit nuk është marrë asnjë masë, e që nga ajo ditë ata jetonin në të njëjtën banesë, në dhoma të ndara (sipas pronarëve të banesës).
Sot 37-vjeçarja do të largohej nga banesa pasi kishte gjetur shtëpi tjetër. Duket se ky ka qenë shkaku i debatit të fundit që çoi në vrasjen e saj.
Ramiz Mici së bashku me 37-vjeçaren jetonin në lagjen “Skënderbej” prej 4 muajsh në një banesë me qira. 37-vjecarja ishte e divorcuar dhe kishte dy fëmijë nga martesa e parë. Edhe autori i vrasjes ishte i divorcuar dhe kishte dy fëmijë nga martesa e mëparshme.
Mici është ende në arrati ndërsa policia po vijon punën për kapjen e tij.
ELBASAN- Ramis Mici, i divorcuar nga martesa e parë është baba i dy fëmijëve, ndërsa bashkëjetuesen e tij, kishte një vajzë nga martesa e saj e parë, të cilën e kishte ish-burri. Kështu kanë treguar fqinjët e çiftit në Elbasan për mediat. Të pyetur në lidhje me zënkat që mund të kenë pasur çifti, pronarja e banesës së marrë me qera nga çifti ka treguar se ata kishin marrëdhënie të mira.
'Fillimisht erdhi në shtëpi burri e më pas gruaja. Marëdhëniet ishin shumë të mira. Ne jetojmë një kat më lart, nuk dëgjuam gjë. Punonin. Kishin fëmijë. Më thanë se do të iknin.'- tregoi ajo.
ELBASAN- Pronarët e banesës ku jetonin me qera çifti i bashkëjetuesve, Jetlira Elezi dhe Ramis Mici kanë folur mbi ngjarjen tronditëse të ndodhur mëngjesin e sotëm në Elbasan. Sipas dëshmisë së dhënë, e ndjera Jetlira Elezi që u vrame thikë nga Ramis Mici, kishte marrë një urdhër mbrojtje nga policia pasi 4 ditë më parë e kishte denoncuar këtë të fundit për dhunë të ushtruar.
Pronari i banesës ku jetonin me qera, ka zbuluar se grindjet mes tyre kishin nisur ditët e fundit.
“Një muaj kishin që jetonin këtu. Para 4-5 ditësh u grindën dhe e e ndjera e denoncoi zotërinë në polici. Më pas erdhi policia këtu dhe e mori. Ajo zbriti nga kati i dytë ku po qëndronte dhe u vendos në katin e parë, i liruam një dhomë. Mesa na tha neve, policia i kishte dhënë urdhër mbrojtje. Mbrëmë nga ora 1 pa 10 kur doli ai nga dera, e kishte ndjerë gruaja ime. Kur zbrita poshtë, pashë që dera ishte hapur, u afrova e pashë që ishte gjak dynjaja, ajo kishte mbaruar. Kur hyra brenda pashë kufomën e kishte kthyer kurrizin nga dera dhe gjithë dhoma ishte bërë gjak.”– u shpreh pronari i banesës.
ELBASAN- Pronari i cili u kishte dhënë banesën me qera çiftit Mici dhe Elezi në Elbasan ka treguar disa detaje më shumë rreth tyre. Për mediat, pronari ka treguar se Ramis Mici dhe Jetlira Elezi kanë marrë banesën me qera 1 muaj më parë. Po ashtu, ai ka zbuluar se policia mbërriti në banesë para disa ditësh pasi Mici e kishte dhunuar partneren. Një fakt tjetër që u zbulua nga burri ishte se viktima ishte e pajisur me urdhër mbrojtje.
'Çifti kishte 1 muaj që banonte në shtëpinë tonë. Policia erdhi para 3-4 ditësh se ai kishte rrahur gruan. Jetlira Elezi i kishte thënë gruas që kishte urdhër mbrojtje'- është shprehur pronari.
Mëngjesin e sotëm, Ramis Mici qëlloi me thikë partneren e tij, 37-vjeçaren Jetlira Elezin. Policia është vënë në kërkim të autorit.
ELBASAN- Personi në foto është Ramis Mici, personi i cili ka vrarë me thikë bashkëjetuesen e tij në Elbasan, Jetlira Elezin. Ai qëlloi me thikë partneren e tij për shkaqe të xhelozisë. Pas krimit, Mici është larguar në drejtim të paditur. Policia është vënë në ndjekje të tij ndërkohë që grupi hetimor ndodhet në vendin e ngjarjes për të zbuluar më shumë nga ngjarja e rëndë.
ELBASAN- Policia ka dalë me një njoftim zyrtar për krimin që ndodhi në orët e para të mëngjesit në një familje në lagjen 'Skëndërbej'. Sipas forcave të policisë, 37-vjeçari Ramis Mici ka qëlluar me thikë bashkëjetuesen e tij Jetlira Elezin, duke e lënë të vdekur. Policia është vënë në ndjekje të autorit ndërkohë që grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes.
NJOFTIMI I POLICISË:
Në orët e para të mëngjesit, në lagjen “Skenderbej”, Elbasan dyshohet se shtetasi E.M., 37 vjeç , ka goditur me mjet prerës ( thikë), bashkëjetuesen e tij shtetasen J.E., 37 vjeçe. Si pasojë e plagëve të marra ka humbur jetën. Shërbimet e Policisë janë vënë në ndjekje të autorit dhe vijon krehja e zonës për kapjen e tij. Grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes.
ELBASAN- Janë zbardhur identitetet e personave të përfshirë në vrasjen në Elbasan. Dosja.al mëson se Jetlira Elezi është viktima ndërsa autori Ramis Mici. 37-vjeçari qëlloi me thikë bashkëjetuesen e tij në orët e para të mëngjesit. Ngjarja ka ndodhur brenda banesës në lagjen 'Skëndërbej' në Elbasan. 37-vjeçarja ka ndërruar jetë pasi nuk mundi që ti bënte ballë plagëve të marra.
Policia është vënë në ndjekje të autorit i cili u arratis pasi qëlloi me thikë Elezin.
ELBASAN- Vritet një grua në Elbasan. Viktima është vrarë me thikë nga bashkëjetuesi i saj, me të cilën banonte në lagjen 'Skëndërbej'. Ngjarja ka ndodhur në orët e para të mëngjesit. Ende nuk dihen identitetet e personave të përfshirë në ngjarje. Policia është vënë në ndjekje të autorit, pasi 37-vjeçari është larguar pas krimit. Nuk dihet nëse çifti ishin prindër apo thjesht bashkëjetonin.
Grupi hetimor ndodhet në vendin e ngjarjes.
