Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Një lëndë plasëse ka shpërthyer mëngjesin e sotëm në banesën e Bakie Zotos, 63 vjeç banuese në qytetin e Vlorës. • Ngjarja ka ndodhur rreth orës 23:38, në rrugën “Ali Demi”, lagjja “Partizani”, në portën e jashtme të banesës së saj në Vlorë. • Ajo rezulton të jetë nëna e Gentjan Zotos, i dënuar me 35 vite burg nga Gjykata e Apelit. • Zoto është dënuar për shkak të përfshirjes së tij në atentatin kundër, Inez Ajrullës më 10 maj të vitit 2019. • Nëna e Gentjan Zotos, ka reaguar, pasi në banesën e saj u vendos lëndë plasëse. • Në një prononcim për mediat, Bakie Zoto tha se nuk ka dieni, se nga kush mund të jetë vendosur eksplosivi. • Ajo tha se nuk ka konflik me asnjë dhe se ndihet e habitur dhe vete nga ky rast.
3 artikuj për këtë temë.
VLORË- Nëna e Gentjan Zotos, ka reaguar pasi në banesën e saj u vendos lëndë plasëse. Në një prononcim për mediat, Bakie Zoto tha se nuk ka dieni se nga kush mund të jetë vendosur eksplosivi.
Ajo tha se nuk ka konflik me asnjë dhe se ndihet e habitur dhe vete nga ky rast. 63-vjeçarja tha se jeton vetëm prej shumë vitesh.
"Vetëm jetoj. Erdhi dhe policia. Më shumë u bë tym. Jo fare asnjë konflikt. Kam kaq vite këtu në lagje. Nuk e di, jam habitur dhe vetë”, tha Bakie Zoto./Dosja.al
VLORË- Shpërthimi me lëndë plasëse i regjistruar në Vlorë është vendosur në banesën e Bakie Zotos, 63 vjeç banuese në Vlorë. Ajo rezulton të jetë nëna e Gentjan Zotos, i cili është dënuar me 35 vite burg nga Gjykata e Apelit.
Zoto është dënuar për shkak të përfshirjes së tij në atentatin kundër, Inez Ajrullës më 10 maj të vitit 2019. Raportohet se nga shpërthimi ka pasur vetëm dëme materiale, jo dëme në njerëz. Policia po heton më shumë mbi rastin.
Si ndodhi atentati ndaj Hajrullës?
Në mëngjesin e 10 Majit 2019, Inez Hajrulla, person me precedent penalë, ka qenë në shoqërinë e disa shokëve të tij në lokal, që ndodhet në kompleksin “Oslo” në Vlorë, kur nga dy armë automatike janë lëshuar breshëri plumbash drejt tavolinës së tyre. Hajrulla nuk ka marrë asnjë dëmtim, kjo falë edhe reagimit të tij me një pistoletë që atë ditë e kishte me vete. I vetmi person që ka marrë një plumb në këmbë, ka qenë një punonjës i bashkisë Vlorë, Dajko Cenodemaj, që ishte rastësisht në një lokal tjetër./Dosja.al
VLORË- Një ngjarje e rëndë ka ndodhur në qytetin e Vlorës. Pranë një banese ka shpërthyer një sasi lënde plasëse, nga e cila janë shkaktuar vetëm dëme materiale.
Ngjarja ka ndodhur rreth orës 23:38, në rrugën “Ali Demi”, lagjja “Partizani”, në portën e jashtme të banesës së një 63-vjeçarje. Policia po heton më shumë mbi rastin.
"Më datë 29.11.2025, rreth orës 23:38, në rrugën “Ali Demi”, lagjja “Partizani”, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse, nga e cila janë shkaktuar vetëm dëme materiale. Nën drejtimin e Prokuorisë vijon puna për identifikimin, kapjen e autorëve dhe dokumentimin e plotë të ngjajres. Materialet iu referuan Prokurorisë, për veprime të mëtejshme." njofton policia./Dosja.al
