Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Prokuroria e Posaçme SPAK mbylli hetimet për çështjen e “Gërdecit”. •Ish-ministri i Mbrojtjes, Fatmir Mediu akuzohet për shpërdorim detyre në lidhje me tragjedinë e Gërdecit ku nga shpërthimi i punishtes së demontimit të armëve mbetën 26 të vrarë dhe qindra të plagosur. •Ai qëndroi 60 minuta brenda SPAK, aty ku iu komunikuan akuzat, ato të “shpërdorimit të detyrës” dhe të “shpërdorimit të detyrës në bashkëpunim” me kuadrin komandues ushtarak. •Pas daljes nga SPAK, Mediu tha se është i pafajshëm dhe nuk ka pasur asnjë kontakt personal me bizneset që merreshin me demontimin e armëve, që sipas tij ishte pjesë e sigurisë kombëtare. •Më tetor 2021, SPAK kërkoi të rimarrë sërish të pandehur ish ministrin e Mbrojtjes, Fatmir Mediu në lidhje me tragjedinë e Gërdecit, ku humbën jetën 26 persona dhe u plagosën mbi 300 të tjerë. •Pas vendimit të Gjykatës së Posaçme të Apelit, Prokuroria regjistroi procedimin penal ndaj tij për “Shpërdorim i detyrës”, kryer në bashkëpunim, si dhe “Shpërdorim i detyrës” në bashkëpunim me subjekt ushtarak, kuadër komandues. •Mediu ishte një nga të akuzuarit për shpërdorim detyre për ngjarjen e vitit 2008 ku Shqipëria përjetoi një tragjedi nga shpërthimi i një depoje të armëve ushtarake në Gërdec, në afërsi të Tiranës.
4 artikuj për këtë temë.
TIRANË- Ish-ministri i Mbrojtjes, Fatmir Mediu i vënë nën akuzë për shpërdorim detyre për tragjedinë e Gërdecit tha se nuk ka pasur asnjëlloj kontakti me firmën amerikane që merrej me demontimin e armëve. Sipas tij, nuk është urdhri i ministrit që çoi në tragjedi, pasi demontimi i armëve ishte çështje sigurie kombëtare.
"Kush mund ta certifikojë një proces ushtarak, ministri? Do u lutesha gjithsecilit që të lexojë edhe rregulloren. Ministri është autoritet civil, jo ushtrarak. Është thjeshtë e qartë se nuk kam asnjëlloj dijenie për shkresën që është pyetur Aldo Bumçi as nuk e di se kush ka firmosur. Bumçi ka dhënë sqarimet e veta. Unë i njoh të gjithë por për këtë çëështje nuk kam diskutuar me asnjë. Nëse do të më gjenin një marrëdhënia timen me këtë çështje gjithë përgjegjësin e marr unë. Le të marr dënimin më të madh që mund të japin. Nuk kam pasur asnjëlloj kontakti, as me firmën amerikane, as me atë shqiptare që merrej me demontimin. Këtu ka shumë çështje që vlerësohen nga unë në mënyrë subjektive ju si gazetare gjeni objektivitetin. Ministri duhet të pyetet. Unë u njoha me aktet dhe jam i gatshëm që në çdo kohë që të më thërrasin të përgjigjem për çdo germe që kam firmosur. Kam shpresuar se do të ketë drejtësi,"- tha Mediu.
Ish-ministri i Mbrojtjes, Fatmir Mediu akuzohet për shpërdorim detyre nga SPAK në lidhje me tragjedinë e Gërdecit ku nga shpërthimi i punishtes së demontimit të armëve mbetën 26 të vrarë dhe qindra të plagosur. Prokuroria e Posaçme SPAK mbylli hetimet për çështjen delikate të“Gërdecit”. Ai u thirr ditën e sotme në SPAK për t’i komunikuar dy akuzat, për shpërdorim detyre dhe shpërdorim detyre në kuadrin ushtarak./ Dosja.al
TIRANË-SPAK ka përfunduar hetimet për tragjedinë e Gërdecit dhe ka marrë të pandehur ish-ministrin e Mbrojtjes Fatmir Mediu. Pasi qëndroi për gati 60 minuta brenda institucionit, Mediu tregoi për mediat e pranishme atë që iu komunikua. Ai tha se iu është paraqitur e njëjta akuzë si në vitin 20009, pa shtuar asnjë dokument dhe asnjë provë e re. Mediu mendon se e gjitha ka një motivacion politik, duke u shprehur se është i pafajshëm.
“Dua t’ju bëj me dije që më është prezantuar i njëjti fashikull, e njëjta akuzë si në 2009, ishte tërësisht e motivuar politikisht, pa shtuar asnjë dokument dhe as provë shtesë, akuzë për shpërdorim detyre, kam kërkuar që të pyetem, nuk jam pyetur asnjëherë. Shpresoj që të merrem në pyetje në 15 vjet. Shpresoj që të pyetem për këtë çështje. Motivi politik është në akuzë, nuk është urdhri i ministrit që ka provuar problemin, çdo letër që kam nxjerrë ka ardhur nga pjesa civile dhe ushtarake. Akuzën nuk e pranoj, jam i pafajshëm, demontimi është çështje sigurie kombëtare, kam si çdo qytetar, të pyetem për aktet e mia, nuk jam pyetur asnjëherë. Nuk ka qenë ministri prezent por autoritetet më të larta ushtarake. Këtë akuzë nuk e provoj, jam i pafajshëm. Çështja e demontimit është e sigurisë kombëtare. Duke filluar me paktin, me marrëveshjen e MAP dhe PAP, me të gjitha praktikat e demontimit. Me këtë analizë është bërë veprimi. Unë kam të drejtën që të pyetem për aktet e mia. Jam pyetur vetëm si person që njeh rrethanat dhe kanë thënë shpjegimet e mia,”- tha Mediu.
Ish-ministri i Mbrojtjes, Fatmir Mediu akuzohet për shpërdorim detyre nga SPAK në lidhje me tragjedinë e Gërdecit ku nga shpërthimi i punishtes së demontimit të armëve mbetën 26 të vrarë dhe qindra të plagosur. Prokuroria e Posaçme SPAK mbylli hetimet për çështjen delikate të“Gërdecit”. Ai u thirr ditën e sotme në SPAK për t’i komunikuar dy akuzat, për shpërdorim detyre dhe shpërdorim detyre në kuadrin ushtarak.
TIRANË- Kreu i Partisë Republikane, Fatmir Mediu ka mbërritur në ambientet e Prokurorisë së Posaçme kundër Korrupsionit dhe Krimit të Organizuar. Mediu ishte i shoqëruar nga dy avokatët e tij, të cilët i mbanin edhe çadrën teksa futeshin brenda në rrethimin e godinës. Ajo që u vu re gjithashtu, është fakti që ish-ministri i Mbrojtjes, nuk ndaloi për asnjë moment për t'ju përgjigjur pyetjeve të gazetarëve.
TIRANE- "Nuk kam asnjë koment",-kështu është shprehur kryetari i Partisë së Lirisë, Ilir Meta në lidhje me akuzën zyrtare të Prokuroria e Posaçme, SPAK, do ti komunikojë sot kryetarit të Partisë Republikane, Fatmir Mediu. Deklarata e Metës u bë gjatë një prononcimi për Report Tv. Akuza e SPAK lidhet me kohën kur Mediu drejtonte ministrinë e Mbrojtjes dhe në Gërdec ndodhi shpërthimi në fabrikën e demontimit të armëve.
SPAK pritet ti njoftojë sot akuzat ish-ministrit të Mbrojtjes, Fatmir Mediu. Mësohet gjithashtu se akuzat që rëndojnë mbi të janë ato të “shpërdorimit të detyrës” dhe të “shpërdorimit të detyrës në bashkëpunim” me kuadrin komandues ushtarak. Mediu do të paraqitet në ambientet e Prokurisë së Posaçme në orën 14:30.
Sipas SPAK, Mediu ka shkelur ligjin kur ishte ministër i Mbrojtjes duke shpërdoruar detyrën, veprime të cilat sollën tragjedinë e Gërdecit, ku humbën jetën 26 persona dhe shumë të tjerë i plagosën. Ky është përfundimi që ka arritur pas hetimit disa mujor, Prokuroria e Posaçme (SPAK) për ish ministrin e Mbrojtjes. Prokuroria e Posaçme ka hapur çështjen dhe vijon hetimet që prej një viti tashmë, për të identifikuar përgjegjësit kryesor të tragjedisë së Gërdecit që ndodhi më 15 mars 2008./Dosja.al
