Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Tragjedi në Gramsh! • 4 anëtarë të familjes Zogu kanë ndërruar jetë, pasi janë mbytur në liqenin e Hidrocentralit të Banjës. • Kanë ndërruar jetë Arben Zogu, 46 vjeç bashkë me dy djemtë e tij të mitur Rubensin 19 vjeç dhe Estin 14 vjeç si dhe kushëririn e tyre Melis Zogu, vetëm 20-vjeç, janë mbytur në liqenin e Hidrocentralit të Banjës në fshatin Drizë të Gramshit. • Gjithçka që u gjet në breg të liqenit, ishin dy motoçikleta, tre celularë dhe rrobat e trupit. • Forcat palombarë të RENEA-s kanë nxjerrë trupat e pajetë të 4 viktimave.
8 artikuj për këtë temë.
GRAMSH- Tragjike ishte fati i 4 anëtarëve të fisit Zogu, të cilët u mbytën në Liqenin e Hidrocentralit të Banjës në fshatin Drizë të Gramshit. Shefi i zjarrëfikëses tregoi se të 4 personat nuk dinin not, e se në përpjekje për të shpëtuar njëri-tjetrin, u mbytën.
“Ngjarja është shumë e rëndë. Babai me gjithë dy djemtë e vet kanë ardhur për t’u larë dhe kanë tërhequr njëri-tjetrin. Është mbytur i pari, ka vajtur për të ndihmuar i dyti. Të tre nuk kanë ditur not, dhe i katërti nuk ka ditur not dhe kanë mbytur njëri-tjetrin. Këtu fatkeqësisht ka pasur disa gropa që janë bërë në kohën e bërjes së HEC-it të Banjës dhe ato gropat janë të menjëhershme, këputen menjëherë. Dhe ata kur janë futur për t’u larë nuk e kanë ditur dhe kanë rënë direkt nëpër ato gropa dhe kështu kanë tërhequr njëri-tjetrin, kanë dashur ta ndihmojnë njëri-tjetrin…”
I pyetur nëse kishte tabela informuese për këto gropa në këtë liqen, kreu i zjarrfikëses tha: “Liqeni nuk është për tabela informuese, liqeni është i thellë i gjithë, dihet që nuk duhet të hyjnë njerëzit që nuk dinë not. Ata kanë hyrë… Faktikisht nuk lahen në liqen. Ne e patrullojmë, si shërbim zjarrfikës, edhe dje këtu kemi qenë, deri në darkë vonë se kemi një gomone që patrullojmë vazhdimisht, bëjmë edhe mësime treguese. Fatkeqësisht sot nuk erdhëm, qëlloi keq shumë keq, për ta dhe për familjet e tyre”.
4 jetë u shuan në mënyrë tragjike pasditen e djeshme në Liqenin e Hidrocentralit të Banjës në fshatin Drizë të Gramshit. Viktimat janë Arben Zogu, 46 vjeç, dy djemtë e tij Rubens Zogu 19 vjeç dhe Esti Zogu 14 vjeç, dhe nipi i tij Melis Zogu, 20 vjeç.
Ata ishin larguar rreth orës 15:00 nga shtëpia për t’u larë në liqen, por fatkeqësisht humbën jetën të katërt./Dosja.al
GRAMSH-Tragjik rezultoi fati i 4 personave dje në Gramsh, babai me dy djemtë dhe nipi i tij, të cilët hynë për t’u larë në liqen dhe nuk dolën më nga hidrocentrali i Banjës. Babai i 20-vjeçarit Melsi Zogu tregoi për mediat se të 4 viktimat kishin shkuar në liqen për t’u larë, por pasi ata nuk iu ishin përgjigjur telefonit, babai ishte nisur drejt vendngjarjes.
“U detyrova që të merrja një makinë dhe erdha me vrap. U futa deri diku, por nuk gjeta gjë. Djalin kam. Ata ikën për t’u larë. Babai me dy fëmijët e tjerë janë kushërinjtë tanë. I kanë me motor e telefona këtu. U nisën në orën 3 dhe i morëm në orën 17:00 në telefon. Kanë ardhur këtu janë larë. Nuk dimë më gjë më tej.”, tha babai i 20-vjeçarit.
Pas 90 minutash kërkime, katër viktimat; Arben Zogu 46 vjeç dhe dy djemtë e tij, Ruben dhe Esti Zogu dhe nipi, Melsi Zogu, 20 vjeç, u nxorën të pajetë nga liqeni me ndihmën e palombarëve./Dosja.al
GRAMSH- Këto janë momentet kur nxirren të pajetë trupat e 4 personave që mbytur në liqenin e Bënjës. Forcat e RENEA-s nxorrën trupat e babait me dy djemtë dhe të nipit 20-vjeçar.
Familjarët kanë shpërthyer në lot e të qara pasi kanë identifikuar viktimat në tragjedinë e ndodhur në Gramsh.
Arben Zogu, 46 vjeç bashkë me dy djemtë e tij Rubensin 19 vjeç dhe Estin e vogël 14 vjeç si dhe nipin e tij Melis Zogu, vetëm 20-vjeç, u mbytën në liqenin e Hidrocentralit të Banjës në fshatin Drizë të Gramshit. Alarmin për mbytjen e tyre e dhanë familjarët, të cilët njoftuan policinë. Ishin forcat palombare të RENEA-s, të cilët pothuajse brenda 90 minutave, nxorrën nga uji trupat e pajetë të 4 viktimave. Trupi i parë që u nxorr nga uji ishte ai i 46-vjeçarit Arben Zogu e më pas u nxorrën edhe trupat e tre djemve./Dosja.al
GRAMSH- Një tragjedi ka ndodhur këtë mbrëmje në Gramsh ku u mbytën babai me dy djemtë 19 dhe 14 vjec dhe nipi i tij 20-vjeç. Deri më tani, polumbarët nxorrën të pajetë trupin e 46-vjeçarit Arben Zogu dhe dy djemve të tij, Ruben dhe Esti, përkatësisht 19 dhe 14 vjeç.
Ndërkohë që ende vazhdojnë kërkimet për kushëririn e viktimës, Melsi Zogu, 20-vjeç.
GRAMSH- Polumbarët e RENEA-s kanë mbërritur në liqenin e Hidrocentralit të Bënjës në Gramsh dhe kanë nxjerrë trupin e një prej viktimave. Në liqen pasditen e sotme janë mbytur Arben Zogu 46 vjeç dhe dy djemtë e tij, 19-vjeçari Ruben dhe 14-vjeçari Esti Zogu dhe nipi i 46-vjeçarit, Melsi Zogu 20-vjeç. Mësohet se trupi që është gjetur i përket babait, Arben Zogu, 46-vjeç.
Trupat e tyre ende nuk janë gjetur, ndaj dhe në vendngjarje kanë shkuar polumbarët.
GRAMSH- Babai me 2 djemtë e mitur dhe kushëriri i tyre dyshohet se janë mbytur në Liqenin e Banjës në Gramsh. Pasditen e some kanë humbur jetën: Arben Zogu 46 vjeç dhe dy djemtë e tij, 19-vjeçari Rubens dhe 14-vjeçari Esti Zogu. Gjithashtu është mbytur edhe nipi i 46-vjeçarit, Melis Zogu 20-vjeç.
Sipas familjarëve ato janë futur për tu larë por nuk kanë dalë më, ndërsa jashtë kanë mbetur shapkat e tyre; një motoçikletë dhe cigaret, me shumë gjasa të Arben Zogut. Për gjetjen e trupave të tyre, palombarët e RENEA-s janë nisur drejt vendit të ngjarjes për të bërë të mundur nxjerrjen e trupave të tyre.
GRAMSH- Një ngjarje e rëndë ka ndodhur pasditën e sotme në Gramsh. 4 persona të një familjeje janë mbytur në Liqenin e Hidrocentralit të Banjës. Kanë humbur jetën Arben Zogu 46 vjeç dhe dy djemtë e tij, 19-vjeçari Ruben dhe 14-vjeçari Esti Zogu. Gjithashtu është mbytur edhe nipi i 46-vjeçarit, Melsi Zogu, 20-vjeç.
Të katër personat janë futur në liqen për tu larë dhe nuk kanë dalë më. Ndaj dhe në kërkimin e tyre nisur palombarët e RENEA-s për të bërë të mundur gjetjen dhe nxjerrjen e katër shtetasve nga liqeni.
GRAMSH- Një tragjedi ka ndodhur sot në Gramsh. Katër persona, të gjithë anëtarë të një familjeje, kanë humbur jetën pasi janë mbytur në liqenin e Hidrocentralit të Banjoës. Sipas Policisë së Shtetit, ka ndërruar jetë babai me dy djemtë e tij 19 dhe 14-vjeç, e po ashtu edhe kushëriri i tyre, 20-vjeç. Viktimat, deri më tani janë identifikuar vetëm me inicialet; babai është 46-vjeçari A.Z.; djemtë e tij R.Z, 19 vjeç, E.Z, 14 vjeç dhe kushëriri i tyre shtetasi M.Z, 20 vjeç. Në drejtim të liqenit janë nisur polumbarët e Reneas për të bërë të mundur gjetjen dhe nxjerrjen e kufomave.
NJOFTIMI I PLOTË:
Rreth orës 19:00, Salla Operative e Komisariatit të Policisë Gramsh ka marrë një telefonatë se 4 shtetas dyshohet se janë mbytur në Liqenin e Hidrocentralit të Banjës. Menjëherë kanë shkuar shërbimet e policisë, grupi hetimor dhe zjarrëfikësit, ku ka rezultuar se: Në Liqenin e Hidrocentralit të Banjës në fshatin Drizë të Gramshit, dyshohet se shtetasit A.Z, rreth 46 vjeç, R.Z, 19 vjeç, E.Z, 14 vjeç , (babai me dy djemtë) dhe kushëriri i tyre shtetasi M.Z, 20 vjeç, sipas deklarimeve të familjarëve janë futur në liqen për tu larë dhe nuk kanë dalë më.
Gjiihashtu menjëherë në drejtim të liqenit janë nisur polumbarët e Reneas për të bërë të mundur gjetjen dhe nxjerrjen e katër shtetasve nga liqeni. Grupi hetimor ka gjetur në buzë të liqenit dy motoçikleta, tre celularë dhe teshat e trupit. Në drejtimin e Prokurorisë, grupi hetimor vijon punën në vendngjarje për sqarimin dhe dokumentimin e plotë të rrethanave të ngjarjes.
