Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Një ngjarje e rëndë ka ndodhur në Florida të Shteteve të Bashkuara të Amerikës. • Çifti i shqiptarëve nga Kosova, të identifikuar si Sabrina dhe Pajtim Krasniqi janë gjetur të pajetë në ballkonin e apartamentit të tyre. • Policia amerikane ka njoftuar se 27-vjeçarja ka qëlluar disa herë me armë zjarri bashkëshortin e saj, 34 vjeç dhe më pas ka vrarë dhe veten. • Ende nuk dihen arsyet që sollën tragjedinë e ndodhur mesnatën e 27 nëntorit. • Një regjistrim i siguruar nga policia, i të shtënave me armë zjarri që shkaktoi alarmin "ShotSpotter" kapi pesë të shtëna radhazi, të ndjekura pas një pauze të shkurtër nga një e gjashtë. • Ndërkohë sipas mediave në SHBA, të dhënat e pronave të qarkut Broward treguan se apartamenti luksoz në katin e 45-të, ku ndodhi vrasja ishte i marrë me qira. • Lidhur me ngjarjen, ka reaguar edhe motra e Pajtimit. • Albana përmes një postimi në Facebook të shkruar në gjuhën angleze, akuzon po ashtu Sabrinën se i ka vrarë të vëllanë.
2 artikuj për këtë temë.
SHBA- Janë zbardhur detaje të lidhur me vdekjen e Pajtim dhe Sabrina Krasniqit, çiftit shqiptar nga Kosova që u gjetën të pajetë në një apartament në Florida të Shteteve të Bashkuara të Amerikës. Policia amerikane tha sot se 27-vjeçarja ka qëlluar me armë zjarri disa herë bashkëshortin e saj, 34 vjeç, dhe më pas veten.
"Përmes hetimeve është konstatuar se Sabrina Krasniqi ka qëlluar për vdekje disa herë bashkëshortin e saj. Ngjarja ka ndodhur në banesën e tyre të përbashkët", tha policia në njoftimin për media amerikane. Por ende nuk dihen arsyet që sollën tragjedinë.
Një regjistrim i siguruar nga policia, i të shtënave me armë zjarri që shkaktoi alarmin ShotSpotter kapi pesë të shtëna radhazi, të ndjekura pas një pauze të shkurtër nga një e gjashtë. Të dhënat e pronave të qarkut Broward treguan se apartamenti luksoz në katin e 45-te ishte i marrë me qira.
Lidhur me tragjedinë e ndodhur më 27 nëntor, ka reaguar edhe vetë motra e Pajtimit. Albana përmes një postimi në Facebook të shkruar në gjuhën angleze, akuzonte Sabrinën se i ka qëlluar për vdekje me armë zjarrin të vëllanë.
SHBA- Një ngjarje e rëndë ka ndodhur në Florida të Shteteve të Bashkuara të Amerikës. Një çift shqiptar nga Kosova janë vrarë me armë zjarri mbrëmjen e 27 nëntorit në ballkonin e banesës së tyre. Çifti janë identifikuar si Pajtim dhe Sabrina Krasniqi, të cilët u gjetën të vrarë në apartamentin e tyre në katin e 45-të.
Lidhur me tragjedinë e ndodhur, ka reaguar edhe vetë motra e Pajtimit, Albana përmes një postimi në Facebook të shkruar në gjuhën angleze. Motra e viktimës ka akuzuar gruan e Pajtimit se e ka qëlluar të vëllanë me 5 plumba.
“ Festën e Falenderimeve nuk e kalova me burrin dhe fëmijët e mi. Nuk e kalova me miqtë e mi. Këtë ditë e kalova me policët, hetuesit dhe lajmet që flisnin për vrasjen e egër dhe të pakuptimitë të vëllait tim të vogël nga gruaja e tij. Gruaja e Pajtimit zgjodhi t’ia merrte jetën vëllait tim, kur ajo e qëlloi me 5 plumba në krahërorin e tij. Personit të cilin i besonte kaq shumë, personin të cilin e zgjodhi të kalonte jetën edhe ia mori. Ajo e tradhtoi atë, dashurinë dhe besimin e tij. Ajo e shkatërroi familjen time. Unë dhe vëllëzërit e motrat e mia nuk do të jemi më kurrë njësoj. Jam e tmerruar që nëna ime nuk do ta kalojë kurrë këtë. Të dua përgjithmonë, Pajtim”, shkruan ajo.
Ngjarja raportohet se ka ndodhur në mesnatë, ku dyshohet se janë dëgjuar së paku gjashtë të shtëna të njëpasnjëshme, dhe më pas janë gjetur të vdekur burrë e grua. Akoma nuk dihet se si ka ndodhur ngjarja dhe nëse ka persona të tjerë të përfshirë. Në vendin e ngjarjes thuhet se janë gjetur prova të shumta materiale, që janë marrë nga Policia si dëshmi që do të ndihmojnë në zbardhjen e rrethanave të vrasjes së dyfishtë.
