Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Dhjetëra mijëra njerëz janë larguar nga shtëpitë e tyre në Pekin pasi tajfuni Doksuri, një nga stuhitë më të forta në vite, solli shi të rrëmbyeshëm në të gjithë Kinën. • Të paktë 11 persona kanë humbur jetën dhe 25 të tjerë janë zhdukur, si pasojë e përmbytjeve në Pekin. •Reshjet e forta shkaktuan mbylljen e përkohshme të disa hekurudhave dhe autostradave në kryeqytet, ndërsa shkollat gjithashtu mbetën të mbyllura dhe njerëzit janë paralajmëruar të qëndrojnë brenda. •Ndërkohë teksa "Doksuri" zvogëlohet, autoritetet po përgatiten për "Khanun" që vjen, tajfuni i gjashtë që parashikohet të godasë Kinën këtë vit.
4 artikuj për këtë temë.
JAPONI- Tajfuni Kanun i është afruar sot ishullit Okinawa në Japoninë jugore, duke shkaktuar anulimin e qindra fluturimeve, ndërsa mijëra banorëve u është kërkuar të evakuohen.
Më shumë se 500 fluturime janë anuluar, ndërsa shërbimet rajonale të trageteve dhe autobusëve u pezulluan përpara tajfunit, raportojnë mediat e huaja.
"Japan Airlines" dhe "All Nippon Airways" thanë se më shumë se 74,000 pasagjerë në total do të preken nga anulimet e fluturimeve të martën dhe të mërkurën.
TAJLANDË- Tajfuni Doksuri ka sjellë shira të rrëmbyeshëm në rajon duke shkaktuar përmbytje në shumë pjesë të provincës Bulacan, por shirat nuk e kanë ndaluar çiftin të vazhdojnë ceremoninë e kurorëzimit.
Në videon e publikuat, nusja shkon drejt altarit duke ecur përmes dyshemesë së përmbytur të kishës. Në të njëjtën situatë gjenden edhe të ftuarit dhe familjarët, disa prej të cilëve kanë veshur edhe çizme.
Bride walks down flooded aisle after typhoon https://t.co/PeqL2lLhN4 pic.twitter.com/3y75l4P67i
— BBC News (World) (@BBCWorld) August 1, 2023
JAPONI- Tajfuni Kanun po i afrohej ishullit Okinawa, në Japoninë jugore sot, duke shkaktuar anulimin e qindra fluturimeve, ndërsa qindra mijëra banorëve u është kërkuar të lënë shtëpitë e tyre dhe të shkojnë në strehimore. Autoritetet në disa qytete në ishull lëshuan urdhra jevakuimi pasi tajfuni, i cili po godet Oqeanin Paqësor me erëra deri në 100 milje në orë, pritet të arrijë në Okinawa në mbrëmje.
Sot në orën 10:00, tajfuni i fuqishëm u lokalizua 240 kilometra në juglindje të Naha, kryeqyteti i ishullit, sipas Agjencisë Meteorologjike Japoneze.
Autoritetet lokale u bënë thirrje qytetarëve më të rrezikuar që të kërkojnë strehim në vende më të sigurta se shtëpitë e tyre.
"Shumë njerëz po qëndrojnë në shtëpitë e tyre sepse janë prej çimentoje,"- tha një zyrtar lokal Okinawan.
"Por ne u kërkojmë atyre që jetojnë vetëm ose në shtëpi prej druri, në zona të ulëta, të kërkojnë strehim përpara se tajfuni të përkeqësohet," shtoi ai.
Ndërkohë, më shumë se 500 fluturime për dhe nga ishulli Okinawa janë anuluar, ndërsa shërbimet e trageteve dhe autobusëve janë pezulluar.
Japan Airlines dhe All Nippon Airways (ANA) njoftuan se gjithsej më shumë se 74,000 pasagjerë do të preken nga anulimet e fluturimeve sot dhe nesër, të mërkurën.
KINË- Të paktën 11 persona kanë vdekur dhe 27 janë zhdukur mes përmbytjeve në malet përreth kryeqytetit Pekin, raportojnë mediat e huaja.
Reshjet e dendura të shiut kanë shtyrë autoritetet të mbyllin stacionet e trenave dhe të evakuojnë njerëzit në komunitetet e cenueshme në palestrat e shkollave, njoftoi transmetuesi shtetëror CCTV të martën. Shtëpitë janë përmbytur, rrugët janë copëtuar dhe makinat janë grumbulluar në pirgje.
Helikopterët ushtarakë janë vendosur për të ofruar furnizime për pasagjerët në trenat e bllokuar pasi stuhitë gjunjëzuan kryeqytetin kinez. Stuhia Doksuri, një ish-super tajfun, ka goditur Kinën në një drejtim verior që nga e premtja, duke hyrë në provincën jugore të Fujian pasi kishte përfshirë Filipinet.
