Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
•Të shtëna me armë në Vlorë, në zonën e 'Ujit të Ftohtë'. • Një konflikt për çadrat, shezlonge dhe parkim ka bërë që Aurel Lici të qëllojë me armën tip pistoletë në ajër. • Lici është larguar nga vendi i ngjarjes ndërkohë që në ndjekje të tij janë vënë policia e shtetit dhe forcat e FNSH. • Policia ka ndaluar një person, i cili është i afërmi i autorit. •Nuk raportohen persona të lënduar nga të shtënat mirëpo ngjarja ka krijuar panik te pushuesit. •Policia ka ngritur pika kontrolli dhe vijon krehja e zonës për kapjen e autorit i cili është identifikuar. •Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes dhe identifikimin e personave të përfshirë në konflikt.
5 artikuj për këtë temë.
VLORË- Aurel Licaj është 30-vjeçari i cili qëlloi me armë në zonën e plazhit pranë Ujit të Ftohtë në Vlorë, gjatë një konflikti për vendet e parkimit.
Ngjarja ndodhi rreth orës 12:00, ku Licaj nxori armën e zjarrit që mbante me vete dhe qëlloi në ajër. Pas ngjarjes, autori u largua me shpejtësi. Shtatë persona janë shoqëruar në komisariat. Policia arrestoi pak minuta më pas një të dyshuar si të përfshirë në konflikt, ndërsa autori vijon të jetë në arrati.
VLORË- Ky është momenti kur forcat e ndërhyrjes së shpejtë kanë neutralizuar të afërmin e autorit që qëlloi me armë zjarri në Vlorë. Nuk dihet nëse ky person është i përfshirë në konflikt.
Autori, qëlloi me armë në ajër pas një sherri për çadrat dhe shezlonget në zonën e 'Ujit të Ftohtë' në Vlorë. Ai është ende në arrati ndërsa forcat e policisë iu janë vënë në ndjekje.
VLORË- Policia e Vlorës ka identifikuar personin i cili qëlloi me armë zjarri në zonën e 'Ujit të Ftohtë'. Sipas forcave blu, sherri ka nisur mes dy personave në orën 12:00 për motive të dobëta. Policia është vënë në ndjekje të autorit i cili u largua menjëherë pas sherrit të ndodhur. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes dhe identifikimin e personave të përfshirë në konflikt.
NJOFTIMI I POLICISË:
Sot, rreth orës 12:00, në afërsi të tunelit në “Uji të Ftohtë”, si pasojë e një konflikti të çastit për motive të dobëta, dyshohet se një shtetas, ka qëlluar me armë zjarri në ajër. Nga verifikimet e bëra nga shërbimet e Policisë, nuk ka persona të dëmtuar. Janë ngritur pika kontrolli dhe vijon krehja e zonës për kapjen e autorit i cili është identifikuar nga Policia menjëherë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes dhe identifikimin e personave të përfshirë në konflikt.
VLORË- Sherri i cili u përshkallëzua deri në përdorimin e armës së zjarrit në zonën e 'Ujit të Ftohtë' në Vlorë, nisi mes dy personave për çadrat dhe shezlonget. 'Turistët janë të mitë'- është dëgjuar të thuhet nga një prej personave të përfshirë në konflikt.
Pas sherrit një prej tyre qëlloi me armë zjarri në ajër, duke frikësuar në këtë mënyrë qytetarët që ishin në plazh. Autori është larguar ndërsa në ndjekje të tij janë vënë forca të shumta policie.
VLORË- Të shtëna me armë zjarri te 'Uji i Ftohtë'. Ngjarja ka ndodhur paraditen e sotme në zonën e plazhit. Një person ka qëlluar me pistoletë në ajër pas një sherri. Ende nuk dihet nëse nga të shtënat ka persona të lënduar apo kanë ndodhur për të frikëuar personat e tjerë të përfshirë në ngjarje.
Pritet që në minutat në vijim të ketë më shumë informacion për këtë ngjarje.
