Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Kreu i Partisë Demokratike Sali Berisha dhe strategu amerikan i fushatës elektorale, Chris LaCivita kanë zhvilluar një bashkëbisedim me të rinjtë e FRPD-së. • Berisha u shpreh para të rinjve se Shqipërisë sot i duhen misionarë dhe se rolin më të rëndësishëm në këtë mision e ka rinia. • Berisha u bëri thirrje të rinjve të jenë fytyra e fushatës dhe premtoi se programi “Shqipëria Madhështore” do të bëjë realitet ëndrrat e tyre, duke ofruar arsim cilësor, punësim dhe mbështetje për jetën dhe biznesin e tyre. • Kryedemokrati deklaroi se Europa po flet më fort se kurrë për situatën në Shqipëri, por kjo zë e vërtetë po censurohet nga mediat e kontrolluara nga qeveria. • Ai tregoi se në Këshillin e Europës u zhvilluan dy seanca të pazakonta për Shqipërinë, ku Edi Rama u cilësua si armik i pluralizmit, që manipulon zgjedhjet dhe arreston kundërshtarët politikë. • Sipas Berishës, Ramës iu anulua darka zyrtare në Këshillin e Europës për shkak të sjelljes së tij, një veprim i paprecedentë që e krahasoi me trajtimin ndaj diktatorëve si Enver Hoxha apo Gadafi. • Berisha shtoi se më pas KE mori mesazhe kërcënuese nga grupe të lidhura me krimin. • Ndërsa Kryestrategu, Chris LaCivita tha se të rinjtë në SHBA iu përgjigjën shumë mirë thirrjes së Presidentit Trump sepse ai foli për çështjet që atyre u interesojnë më shumë, siguria personale dhe ajo ekonomike. • LaCivita tha se fushata republikane kishte një strategji të qartë për të angazhuar rininë përmes kanaleve ku ata informohen online, podkaste dhe forma të tjera moderne. • Sipas LaCivita-s, sfidat e rinisë amerikane janë të ngjashme me ato të rinisë në shumë vende të tjera, ndaj mesazhet konservatore për të ardhmen dhe ndryshimin janë më të domosdoshme se kurrë. • LaCivita u shpreh se zhvillimet në Shqipëri ndiqen me vëmendje edhe nga SHBA, duke theksuar rëndësinë strategjike të stabilitetit në rajon. • Ai theksoi nevojën për më shumë angazhim të fushatave në rrjetet sociale dhe forma moderne komunikimi, veçanërisht për të përçuar mesazhe që u flasin të rinjve. • Sipas tij, mesazhi i Dr. Berishës për të ndërtuar të ardhmen në Shqipëri është thelbësor. • LaCivita kritikoi të majtët për mungesën e fokusit te individi dhe theksoi se konservatorët po përballen me një regjim të paqëndrueshëm. • Ai u bëri thirrje të rinjve të mos qëndrojnë pasivë, por të angazhohen, të votojnë dhe të sjellin edhe të tjerë me vete, sepse pjesëmarrja e tyre mund të ndikojë drejtpërdrejt në rezultatin e zgjedhjeve. • LaCivita theksoi se Shqipëria ka vetëm një të ardhme të vërtetë: nëse Sali Berisha zgjidhet kryeministër. • Ai u shpreh se çdo ditë duhet të jetë një moment zgjimi për elektoratin, duke treguar dështimet e Edi Ramës. • LaCivita nënvizoi rëndësinë e mesazhit të qartë, të vërtetë dhe të vazhdueshëm, duke theksuar se vendi nuk mund të përballojë edhe katër vite të tjera me këtë qeveri. • Sipas tij, ky është momenti për ndryshim dhe për të luftuar për njeriun e zakonshëm.
8 artikuj për këtë temë.
TIRANË- Kryedemokrati Sali Berisha ka zhvilluar ditën e sotme një takim me të rinjtë dhe me Chris LaCivita. Berisha tha se të rinjtë japin një kontribut të jashtëzakonshëm në këtë fushatë elektorale për të rrëzuar këtë diktaturë. Berisha mori si shembull kryebashkiakun e Kavajës që punonte vetëm me të rinjtë pasi i konsideron si reklama më e mirë në këtë fushatë.
"Sa më shumë që tregoni veten tuaj te qytetarët, aq më të mëdha do të jenë shanset tona për fitore. Ju thashë, nënkryetari i Partisë Demokratike të Kavajës ishte në një zonë që ndonjëherë voton për ne, ndonjëherë jo. Dhe çfarë bëra, më tregoi ai. Mora gjithë stafin tim, të rinj. Punova vetëm me të rinj. Të rinj në çdo cep, në çdo detyrë, kudo. Dhe jo vetëm zona ime doli fituese, por edhe zonat fqinje u ndikuan aq shumë nga fushata e të rinjve. Sepse sa më shumë që takoni njerëzit, sa më shumë që lëvizni, ju jeni reklama më e mirë për këtë fushatë. Ju bëni një kontribut të vërtetë dhe të jashtëzakonshëm. Keni një moment në jetën tuaj për të kontribuar në rrëzimin e kësaj diktature. Ne do ta rrëzojmë atë," tha Berisha.
TIRANË- Kreu i Partisë Demokratike, Sali Berisha gjatë bashkëbisedimit me të rinjtë e FRPD-së, ka theksuar rëndësinë e një programi të mirë të zhvilluar, që mbështet bizneset e vogla dhe ekonominë e vendit. Lideri i opozitës u shpreh gjithashtu i impresionuar nga mikpritja e njerëzve dhe shqetësimet e tyre për gjendjen e vështirë ekonomike. Kryedemokrati theksoi nevojën për të mbështetur bizneset e vogla dhe fermerët, duke propozuar masa konkrete si tatimin e sheshtë 10% që ka treguar sukses në praktikë.
"Nuk e kam dëgjuar kurrë më parë. Asnjëherë. Është një treg pluralist, siç janë njerëzit. Por vura re që qëndrova më shumë se një orë e gjysmë, dy orë, rreth dy orë, duke ecur, duke takuar njerëz, duke takuar shitës, duke takuar të gjithë. Dhe nuk gjeta asnjë… Asnjë nëpër dyqane që të ishte i rezervuar apo jomiqësor. Jo. Të gjithë ishin shumë miqësorë. Madje edhe të gëzuar, që është një guxim i madh. Por ajo që më bëri përshtypje. Takova kasapin. Dhe e pyeta: Si po shkon puna? Më tha: Nuk është mirë. Më tregoi që tani, ajo që kishim çdo ditë më parë, tani e kemi vetëm në festa, dhe atë jo gjithmonë.
Qarkullimi që kishim çdo ditë më parë, tani e kemi vetëm gjatë festave dhe kaq. Ishte me të vërtetë e jashtëzakonshme. Kishte vetëm dy qytetare, dy zonja, që kaluan pa folur, nuk dhanë ndonjë reagim negativ, por nuk ndaluan për të biseduar. Të gjithë të tjerët ndaluan për të folur. U impresionova shumë. Asnjëherë nuk kam pasur një pritje në treg si këtë herë. Por… kemi një program vërtet të shkëlqyer. Ky është një program me të cilin mund të trokasim kudo. Mund të trokasim te bizneset, bizneset e vogla, te fermerët, te të gjithë. Dhe është programi më realist. Pse është më realist? Sepse pjesët më të vështira të tij janë testuar nga vetë ne.
Kur unë ju them, kur vendosa për herë të parë tatimin e sheshtë 10 përqind, tatimi më i ulët i sheshtë në Europë ishte 17 përqind. Por ne ndodheshim në një situatë të panjohur, dhe FMN qëndroi mënjanë, na tha: Jo, nuk ju ndjekim. Do të shohim. Dhe nëse dështoni, është faji juaj. Ne nuk duam të jemi pjesë. OK, u thamë. Por kurrë nuk ishte bërë, 10 përqind. Por në fund të 6 muajve, morëm 300 milionë euro më shumë sesa ishte parashikuar, ose më shumë se një vit më parë. Kështu që tani dimë. Nuk jemi më në të panjohura. Jo, tani dimë gjithçka. Sepse ata shkuan në absurditete. Çfarë diskutuam mbrëmë? Për një metër katror trotuar, për një metër katror hapësirë publike, 20 euro. Ishte 1.2 euro.
E çuan në 20 euro, e çuan në 15 euro. Si t’i bëjnë të vuajnë. Njerëzit nuk e kuptojnë sa e vështirë është jeta për bizneset e vogla. Jeta nuk është e lehtë për ta. Shko dhe shih ata njerëz. Qëndro 10 orë, 8 orë, në këmbë, në kushte aspak të mira. Ata vuajnë. Janë të lumtur. Por ne duhet të ulemi me ta. Jo si politikanë, jo si njerëz që shkojnë për premtime, por si misionarë që kujdesemi për ta. Që ndjejmë vuajtjet e tyre. Shtrëngimi i duarve është ende i shenjtë në Shqipëri," tha Berisha.
TIRANË- Kreu i Partisë Demokratike, Sali Berisha, gjatë bashkëbisedimit me të rinjtë e FRPD në Tiranë, ku ishte i pranishëm edhe Chris LaCivita, tha se Edi Rama është i vetmi kryeministër në historinë e Evropës, së cilit i kanë anuluar darkën zyrtare. Lideri i opozitës u shpreh më tej se në Shqipëri ka dy Europa, njëra që censurohet dhe tjetra që manipulohet dhe deformohet nga Rama. Sipas tij pas anulimit të darkës Rama kishte mbledhur grupet kriminale shqiptare nëpër Europë, dhe pas anulimit të darkës me qindra mesazhe kërcënimi shkuan drejt drejtuesve të KE-së.
"Lidhur me pyetjen tuaj për Europën. Në Shqipëri ka dy Europa. Një Europë që censurohet, dhe tjetra që manipulohet dhe deformohet. E vërteta është, Europa që censurohet në Shqipëri këtë javë ka folur për Shqipërinë më fuqishëm se kurrë ndonjëherë në 32 vite, dhe ndofta më fuqishëm se për çdo vend tjetër në 32 vite. Kjo Europë, në Këshillin e Europës, në një kohë krejtësisht të pazakontë mbajti 2 seanca me dy grupet kryesore parlamentare, në të cilat ajo u informua dhe debatoi për narkoshtetin në Shqipëri, për Edi Ramën, si një armik të pluralizmit, që arreston kundërshtarët e tij politik, që burgos kundërshtarët e tij politik, dhe që shndërron zgjedhjet në farsë elektorale.
Kjo Europë, nga mediat e mëdha dhe të kontrolluara nga qeveria u censurua plotësisht. Por, e vërteta është që kjo Europë, që ta dini ju, në vizitën e tij në KE, drejtuesit e këtij institucioni do të më informonin se ata Edi Ramës ia anuluan darkën zyrtare të planifikuar për nder të tij. Akt që nuk kishte ndodhur ndonjëherë në historinë e atij institucioni. Darkën ia anuluan dhe ia anuluan për shkak të keqsjelljeve të tij, për shkak se aty ai nuk e përmbajti veten dhe demonstroi se cili ishte. Por, nuk është e tëra kjo. Pas anulimit të darkës, duket se ky kishte mbledhur grupet kriminale shqiptare nëpër Europë, dhe pas anulimit të darkës me qindra mesazhe kërcënimi shkuan drejt drejtuesve të KE-së. Kjo është Europa që u censurua, por jo vetëm kaq.
Në qoftë se, kjo ndodhi ditën e hënë. Ditën e martë ndodhi një ngjarje tjetër madhore për Shqipërinë në Komisionin e Punëve të Jashtme dhe Sigurisë të Parlamentit Europian. Seanca në Komisionin e Punëve të Jashtme dhe të Sigurisë, që është komisioni qendror i PE-së, ishte një seancë ku merrnin pjesë deputetë të të gjitha grupeve parlamentare. Dhe në këtë seancë kushtuar, të jemi realistë, në tërësi zgjedhjeve në Shqipëri, ç’ka edhe kjo tepër-tepër e pazakontë. Sepse, normalisht, në këtë fushatë nuk ndërmerren aktivitete të tilla. Në këtë seancë, që përsëri ëstë Europa e censuruar, por ju siguroj se, ai komision, është komisioni vendimarrës më i rëndësishëm parlamentar i BE-së. U paraqitën qoftë nga ekspertë, qoftë nga anëtarë të komisionit situata dramatike e Shqipërisë.
u paraqit me vërtetësi, Edi Rama një lloj narkoditatori që respekton parlamentin, nuk respekton vendimet e gjykatës kushtetuese, nuk respekton votën e lirë të shqiptarëve. U paraqitën me vërtetësi të madhe, qendrimi i tij ndaj pluralizmit dhe kundërshtarëve politikë. Pra, i dashur, vërtetë ka patur ndonjë deklaratë tek tuk, të cilat edhe ato i ka manipuluar Edi Rama. Sepse, në qoftë se marim deklaratën e fundit të të dy komisionereve, që të dy e bënë të qartë se nuk mund të ketë integrim pa reforma të thella, të cilat Edi Rama kurrë nuk i bën. Edi Rama bën fasadë. Mirëpo, fasada e Edi Ramës mori fund ditën e hënë dhe ditën e mërkurë në dy institucionet themelore të demokracisë europiane dhe të BE-së, dhe të politikës europiane.
Duhet të përpiqemi që ta kalojmë censurën. Edhe kjo. Unë e thashë në KE. Akti i mbylljes së Tik Tok, është akti i Habitullahut të Kabulit. Sqarova dhe një gjë. Mos e merrni për të thjeshtë, se i ati i tij në vitin 1988, në 10 gusht firmosi varjen në litar të një poeti disident, guximtar, vetëm pse shkroi vargje për fjalën e lirë, shkroi vargje për frymën e Helsinkit. Kurse ky, tani var në litar Tik Tokun, sepse të rinjtë e përdorin shumë dhe e kritikojnë, e tallin, ose e qortojnë. Ndaj dhe, është bërë një punë e madhe. Nuk i tejkalon dot kurrë me banalitetet e tij Edi Rama, por ishte bërë famëzi. Mund të them për ta mbyll, ai ishte tashmë i vetmi kryeministër në historinë e Europës që i kishin anuluar darkën zyrtare, sikur të përfaqësonte Enver Hoxhën apo Gadafin", tha Berisha.
TIRANË- Kryestrategu i fushatës së PD-së, Chris LaCivita gjatë një takimi me të rinjtë dhe kredemokratin Sali Berisha, ka bërë një krahasim të politikanëve amerikanë me këta shqiptarë. LaCivita tha se ka ngjashmëri të mëdha mes asaj çfarë bëri Joe Biden ndaj Donald Trump, me këtë që po bënn Edi Rama ndaj Sali Berishës.
Ai përmendi si shembull në këto krahasime tentativat e Biden pët të futur në burg Trump-in si edhe bastisjen e shtëpisë së tij, që ishte diçka që nuk kishte ndoshur më parë.
PJESË NGA FJALIMI:
"Pra, edhe një herë, unë nuk flas në emër të qeverisë së Shteteve të Bashkuara. Sigurisht që kam shumë miq atje, sepse punoj shumë ngushtë me fushatën. Por mendoj se mjafton të themi që ekziston një kuptim i qartë i situatës politike dhe korrupsionit që ekziston këtu. Siç e përmenda edhe mbrëmë, shumë nga gjërat që administrata Biden ka tentuar të bëjë gjatë katër viteve të fundit për të futur Donald Trump në burg, duke përfshirë edhe bastisjen e shtëpisë së tij, janë gjëra që nuk kishin ndodhur më parë.
Dhe ngjashmëritë mes asaj që po përpiqen t’u bëjnë konservatorëve këtu, dhe asaj që ata bënë në Shtetet e Bashkuara, janë jashtëzakonisht të ngjashme. Dhe kjo ndodh sepse ata nuk janë në gjendje të mbrojnë bilancin e tyre. Nuk janë në gjendje të mbrojnë gjendjen e ekonomisë. Dhe gjithmonë duhet të kthehemi tek kjo. Do ta mbyll duke thënë se jam jashtëzakonisht i impresionuar nga ju të gjithë. Mendoj se keni shumë për të ofruar dhe e ardhmja duket shumë premtuese. Dhe anglishtja juaj është thjesht e mrekullueshme. Pra, përgëzime të gjithëve. Faleminderit," tha Berisha.
TIRANË- Kryestrategu i fushatës së Partisë Demokratike, Chris LaCivita ka zhvilluar një takim me të rinjtë në Tiranë së bashku me kryedemokratin Sali Berisha. LaCivita tha se kryeministri aktual, Edi Rama ka dështuar shumë në këtë vend dhe e vetmja zgjidhje që ka Shqipëria do të jetë zgjidhja e Sali Berishës si kryeministër i vendit.
Ai shtoi më tej një citim të Berishës se duhet të jesh sa më i vërtetë me veten dhe partinë, të luftosh për taksa të ulëta dhe të punosh, gjë për të cilën LaCivita thotë se rama nuk mund ta bëjë.
"Ajo që dua të them është se, çdo ditë duhet të jetë, çdo ditë duhet të jetë një shpërthim, si një zgjim i ri. Një zgjim dhe edukim i elektoratit për mënyrën se si Edi Rama ka dështuar keqazi në këtë vend. Unë kam një rregull të ngjashëm: të jesh i shkurtër, i qartë dhe të përçosh mesazhin në mënyrë të vazhdueshme. Dhe e vetmja e ardhme që kemi këtu është nëse z. Berisha zgjidhet. Përndryshe, do të kemi më shumë nga e njëjta gjë. E dini, në politikë, nëse përpiqesh të “shtysh” me zor diçka, kjo duket artificiale. Dhe mendoj se gjëja më e rëndësishme është të jesh vetvetja. Siç tha edhe z. Berisha, të jesh i vërtetë me veten, i vërtetë me atë që përfaqëson si parti, të luftosh për taksa më të ulëta, të luftosh për njeriun e zakonshëm që punon, dhe të tregosh qartë se ky vend nuk përballon dot edhe katër vite të tjera me Edi Ramën. Thjesht nuk mundet. Ky është momenti shpërthimit. Faleminderit," tha Chris LaCivita.
TIRANË- Kryedemokrati Sali Berisha ka zhvilluar një takim me të rinjtë në Tiranë, së bashku me kryestrategun e fushatës elektorale të PD-së, Chris LaCivita. LaCivita deklaroi se zhvillimet në Shqipëri ndiqen me shumë vëmëndje nga Shtetet e Bashkuara të Amerikës. Ai tha se nuk do të zbulojmë sekrete por nga ana e fushatës do të jemi më aktivë në rrjetet sociale dhe shumë ë pranishëm në mënyra tradicionale.
LaCivita shtoi se duhet të flasësh me grupin e duhur të votuesve kur bëhet fjalë për mesazhin.
FJALIMI:
"Nga pikëpamja strategjike, nuk do të zbulojmë shumë sekrete, por mendoj se, nga ana e fushatës, duhet të jemi shumë më aktivë në rrjetet sociale, dhe shumë më të pranishëm në mënyra jo tradicionale të komunikimit me votuesit. Mendoj se është jashtëzakonisht e rëndësishme të flasësh me grupin e duhur të votuesve, sidomos kur bëhet fjalë për mesazhin. Sigurisht, mesazhi për të cilin flet Dr. Berisha, për mundësinë që të rinjtë të qëndrojnë në Shqipëri, të ndërtojnë një të ardhme këtu, pa pasur nevojë të largohen në Europë apo në Shtetet e Bashkuara, është thelbësor. Por, kur flasim për partitë e majta, socialistët gjithmonë qëndrojnë bashkë, sepse ata kanë një vizion të njëjtë për botën dhe për qeverisjen, një vizion që nuk e vendos individin në qendër.
Dhe, e dini, këto janë pikërisht ato gjëra ndaj të cilave individët duhet të kenë kurajon të ngrihen dhe të luftojnë. Sa i përket Shteteve të Bashkuara, natyrisht, unë nuk flas në emër të qeverisë amerikane. Jam këtu si një qytetar privat dhe merrem me fushata politike në vende të ndryshme të botës. Por ajo që e bën të veçantë për mua këtë rast, është fakti që këtu kemi konservatorë të vërtetë që po përballen me një regjim socialist dhe me një udhëheqës shumë të paqëndrueshëm, i cili ka sjellë paqëndrueshmëri si në qeveri, ashtu edhe në ekonomi. Dhe, natyrisht, është e domosdoshme të sigurojmë stabilitet në rajon.
Kjo është arsyeja pse zhvillimet në Shqipëri ndiqen me vëmendje edhe nga Shtetet e Bashkuara, siç ndodh me çdo vend tjetër. Dhe, e dini, kjo ka të bëjë me ndërtimin e aleancave. Shqipëria ka qenë gjithmonë në pararojë, dhe sigurisht që Dr. Berisha ka pasur një rol shumë të rëndësishëm në këtë drejtim. Por, përsëri, është jashtëzakonisht e rëndësishme që ju, sidomos ata në një moshë të caktuar, ta kuptoni sa e rëndësishme është ajo që po bëni. Jo vetëm që duhet të votoni vetë, por merrni me vete edhe pesë veta, merrni edhe dhjetë, dhe sigurohuni që të votojnë edhe ata. Është shumë e thjeshtë. Ju mund të keni ndikim të drejtpërdrejtë në rezultatin e çdo zgjedhjeje, për sa kohë që ngriheni dhe bëheni pjesë e vendimit" tha LaCivita.
TIRANË- Drejtuesi i fushatës së Partisë Demokratike, Chris LaCivita, dhe kryedemokrati Sali Berisha kanë zhvilluar një takim me të rinjtë e FRPD-së. LaCivita, gjatë fjalës së tij, u tha të rinjve se politikat e 12 viteve të fundit e kanë bërë shumë vështirë të ardhmen dhe për mundësitë. LaCivita, u shpreh se e gjithë kjo fushatë ka të bëjë me çështjen më të rëndësishme, ekonominë dhe të ardhmen. Ai gjithashtu u tha të rinjve se e kanë plotësisht në dorë ta ndryshojnë të ardhmen dhe drejtimin e vendi.
"Mirëmëngjes! Faleminderit për ftesën tuaj! Është një ditë e bukur! Unë mendoj se është jashtëzakonisht e rëndësishme që në politikë, qoftë në Shtetet e Bashkuara apo këtu në Shqipëri, të rinjtë dhe votuesit e rinj të përfshihen dhe të marrin në dorë fatin e qeverisjes së tyre, sepse e ardhmja jeni ju. Unë mendoj se politikat e 12 viteve të fundit e kanë bërë shumë vështirë të ardhmen dhe për mundësitë për të rinjtë. Por shumë nga politikat që sjell Dr. Berisha, synojnë pikërisht që ju të mund të qëndroni këtu, të gjeni mundësi, të keni sukses, dhe të ndihmoni në ndërtimin e vendit.
Prandaj është shumë e rëndësishme, dhe ju e dini. Për fushatën është thelbësore që t’i japë mesazhet aty ku ndodhen votuesit. Shumica prej jush nuk e merrni informacionin nga burimet tradicionale, si media klasike. Ju informoheni përmes rrjeteve sociale, përmes internetit dhe platformave të ndryshme. Kështu që, është shumë e rëndësishme që ne të komunikojmë me të gjithë ju. Por po aq e rëndësishme është që edhe ju të angazhoheni, të shprehni mendimin tuaj, dhe të siguroheni që miqtë dhe familjarët tuaj të dalin dhe të votojnë.
E gjithë kjo fushatë ka të bëjë me çështjen më të rëndësishme: ekonominë dhe të ardhmen. Dhe ju djema, e keni plotësisht në dorë ta ndryshoni të ardhmen dhe drejtimin e këtij vendi. Por nuk mund ta bëni këtë nëse nuk ngriheni. Ka një shprehje të vjetër në Amerikë: “Bota drejtohet nga ata që ngrihen.” Dhe është shumë, shumë e rëndësishme që ju të merrni pjesë dhe të bëni që zëri juaj të dëgjohet. Faleminderit!" tha Chris LaCivita.
TIRANË- Kreu i Partisë Demokatike Sali Berisha dhe kryestrategu i fushatës së PD, z.Chris LaCivita, kanë zhvilluar një bashkëbisedim me të rinjtë e FRPD-së. Gjatë fjalës së tij Berisha u shpreh se Programi i ‘Shqipërisë Madhështore’ do ti bëjë realitet ëndrrat e të rinjve.
Kryedemokrati më tej theksoi se ky është një program për të rinjtë, i cili nënkupton shkollim cilësor dhe të drejë shkollimi për të gjithë të rinjtë shqiptarë. Ndër të tjera Berisha theksoi se Shqipëria nuk mund të jetë kurrë Shqipëri madhështore pa rininë e saj madhështore dhe pa ëndrrën të bërë realitet të të rinjve të saj.
"Së pari, ju përshëndes dhe ju falënderoj shumë për ndihmesën shumë të madhe që ju po jepni në këtë fushatë. Siç kam theksuar, e theksoj, kjo fushatë e ka jetike që të ketë si fytyrë të vetën fytyrën tuaj. Ju, do të ishit dhe do të jeni imazhi më i bukur, më njerëzor, më i besueshëm i fushatës elektorale. Ndaj dhe, ju ftoj të mendoni me kreativitet, me entuziazëm, për të gjithë fushatë, e cila kërkon që ne tek qytetarët të mos shkojmë si politikanë, por të shkojmë si misionarë. Dhe nuk ka misionarë më bindës se sa të rinjtë.
Shqipërisë sot i duhen misionarë. Në situatën në të cilën ajo ndodhet, atë e shpëtojnë veëm misionarët. Kështu që, ju siguroj se programi i PD dhe aleatëve do të jetë një program që synon të bëjë realitet ëndrrat tuaja. Ëndrra ‘Shqipëria Madhështore’, projektin më të shkëlqyer e ka në emrin tuaj, në ëndrrat tuaja të ditës (e ka ëndrra dite, ka ëndrra nate), të ditës janë ato për të cilat ne punojmë. Ndaj dhe, një program për të rinjtë, i cili nënkupton shkollim cilësor dhe të drejë shkollimi për të gjithë të rinjtë shqiptarë.
Nënkupton, një përpjekje të shoqërisë për suksesin e të rinjve shqiptarë në jetë, punësimin e tyre, krijimin e familjes, mbështetja e madhe për suksesin e biznesit. Pra, të gjitha këto janë elementë thelbësorë se, Shqipëria nuk mund të jetë kurrë Shqipëri madhështore pa rininë e saj madhështore, pa ëndrrën të bërë realitet të të rinjve të saj. Ndaj dhe unë, nuk po flas gjatë," tha Berisha.
