Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
• Ditën e sotme është zhvilluar protesta e radhës e opozitës para bashkisë së Tiranës,• Protestuesit gjatë protestës së sotme ashtu si protestat e tjera kërkuanë dorëheqjen e kryebashkiakut Erion Veliaj, pas zbulimit të aferës "5D" dhe arrestimit të tre drejtorëve të bashkisë. • Protesta nisi me tensione dhe përplasje ku protestuesit ndezën goma makinash duke shkaktuar një tym të madhe dhë të zi. • Përfaqësues dhe mbështetës së opozitës i vendosën flakën gomave në shenjë revolte. • Po ashtu është tentua të hidhet edhe molotov, ndërsa policia ka krijoi kordon para godinës për të shmangur incidente të tjera. • Anëtari i Kryesisë së Partisë Demokratike, Belind Këlliçi gjatë fjalës së tij i bëri thirrje drejtorëve të “5D” që të bashkëpunojnë me drejtësinë për të thënë të vërtetën. • Nënkryetari i Këshillit Bashkiak të Tiranës Dorjan Teliti tha se Veliaj dhe Rama zhdukën Malin e Dajtit dhe Sahatin duke ndërtuar kulla. • Ai tha se do të protestojnë deri në mosbindje civile, deri sa të shporrin këtë diktaturë. • Sekretari organizativ i Partisë Demokratike, Klevis Balliu gjatë fjalës së tij i bëri thirrje policisë që të lërë protestuesit që të vijojnë me tubimin e tyre, ndërsa gjithashtu bëri thirrje për arrestimin e Ramës, Veliaj dhe Ballukut. • Gjithashtu gjatë protestës u njoftua se javën tjetër ata do të mbajnë një protestë tjetër por ditën e heënë në ndrysgim nga javët e kaluara ndërsa ora mbetet e njëjtë.
13 artikuj për këtë temë.
TIRANË- Ditën e sotme para bashkisë së Tiranës, u zhvillua protesta e dhjetë e thirrur nga Aleanca për Mbrotjen e Teatrit dhe opozita. Protestuesit kërkojnë prej disa javës dorëheqjen e kryebashkiakut Erion Veliaj pas zbulimit të aferës "5D" dhe arrestimit të tre drejtorëve të bashkisë.
Në tubimin që zgjati rreth 1 orë, nuk kanë munguar edhe tensionet dhe përplasjet me policinë. Në nisje të tubimit qytetarët "ekspozuan" disa postera që tregojnë sipas tyre "krimet dhe bashkëpunëtorët e Erion Veliajt". Më pas qytetarët ndezën disa goma, ndërsa shtëllungat e tymit të zi ka pushtuar bulevardin kryesor para bashkisë. Policia u kundërpërgjigj me gaz lotsjellës dhe ujë.
Ashtu si në protestat e mëparshme, protestuesit kanë shkulur edhe gardhin e ngulur me vida në tokë. Tubimi i radhës do të mbahet të hënën në orën 11:00. Më poshte gjeni fotot nga protesta e sotme:
TIRANË- Avokatja e Aleancës për Mbrojtjen e Teatrit Kombëtar, Adriana Kalaja ka marrë pjesë ditën e sotme në protestën e radhës të opozitës para bashkisë së Tiranës. Gjatë fjlës së saj Kalaja u bëri thirrje drejtuesvë të policisë që të largojnë efektivët që dhunojnë protestuesit.
Ajo më tej shtoi se protetuesit nuk kanë asnjë lloj problemi as me gazin lotsjellës që e importon qeveria nga Serbia e vëllait Vuçiç, as nga tymi dhe as nga dhuna e policisë. Ajo theksoi se nuk tremben dhe se nuk do të tërhiqen para asgjëje.
“Sot një bandit i veshur fatkeqësisht me uniformën e Policisë goditi protestuesit paqesorë. Unë në fakt e dini që ai kam me shumë pasion ato kallëzimet. Sot zotohem që ai bastard do të shkojë për ndjekje penale.
I bëj thirrje Rrumbullakut, Vocajt, sepse atë banditim me emrin Taulant Balla nuk e njoh. I bëj thirrje edhe shefit të komisariatit nr. 1, urgjent largoni policin që dhunoi protestuesit, urgjent! Mos provokoni protestuesit! AMP-ja të fillojë menjëherë procedim disiplinor për këtë bandit, që provokon me pa të drejtë!
Ju banditë duhet ta dini që ne nuk kemi asnjë lloj problemi as me gazin tuaj lotsjellës që e importoni nga Serbia e vëllait Vuçiç, as nga tymi, asa nga flakët, as nga dhuna juaj! Çfarë kujtoni ju, se do të na drejtoni gazin lotsjellës dhe do të na trembni?! Këta janë ata njerëz që nuk u trembën, që nuk tërhiqen para asgjëje," tha ai.
TIRANË- Pamje të reja nga protesta para Bashkisë Tiranë janë publikuar. Siç shihet nga videot e mëposhtme tymi i zi ka pushtuar bulevardin kryesor para bashkisë për shkak të flakës që iu janë vënë gomave.
Këtyre të fundit përfaqësues dhe mbështetës së opozitës i kanë vënë flakën, në shenjë revolte. Po ashtu është tentua të hidhet edhe molotov, ndërsa policia ka krijuar kordon para godinës për të shmangur incidente të tjera.
Qytetarët kërkojnë dorëheqjen e kryebashkiakut Erion Veliaj, pas zbulimit të aferës "5D" dhe arrestimit të tre drejtorëve të bashkisë.
TIRANË -Sekretari organizativ i Partisë Demokratike, Klevis Balliu ka mbajtur fjalën e tij në protestën para bashkisë së Tiranës. Ai i bëri thirrje policisë që të lërë protestuesit që të vijojnë me tubimin e tyre, ndërsa gjithashtu bëri thirrje për arrestimin e Ramës, Veliaj dhe Ballukut. Mes të tjerash ai tha se opozita nuk do të ndalet, pasi sipas tij Rama ka kërcënuar sistemin demokratik në Shqipëri.
“Ne nuk i tolerojmë provokimet. Nese doni që të ndalojë qëndresa, respektoni ligjin dhe arrestoni kryehajdutin Veliaj, apo Ramën dhe madam Ballukun. E shikoni atë atje? Një Arben Maloku merr 36 mln euro të fëmijëve tuaj. Gjatë qeverisjes së Ramës janë dhjetëfishuar përdoruesit e drogës.”, tha ai.
TIRANË- Anëtari i Kryesisë së Partisë Demokratike, Belind Këlliçi ka marrë pjesë ditën e sotme në protestën e radhës të opozitës para bashksië së Tiranës. Gjatë fjalës së tij Këlliçi tha se i ka bërë thirrje drejtorëve të “5D” që të bashkëpunojnë me drejtësinë për të thënë të vërtetën. Ai më tej shtoi se protesta e radhës për dosjen “5D” do të mbahet më 10 qershor.
“Më 10 qershor do të jemi sërish në protestë për të ruajtur taksat e qytetarëve. Kam një thirrje për drejtorët e “5D” që janë në burg apo ata që Veliaj do t’i fusë së shpejti. Bëhuni pentito e bashkëpunëtorë të drejtësisë. Mos bëni burgun e Erion Veliaj. Bëjeni për të afërmit e fëmijët tuaj”, tha ai.
“O polic ty ajo kokorja të bën më shumë se rroga që ke. Të të vij zor dhe të turp se kjo protestë bëhet edhe për ty, për fytyrën tënde. Mos u fshih aty, nxirre fytyrën ahjde këtu dhe merre mikrofonin. Bandit, bandit”, i drejtohet Këlliçi një prej efektivëve.
TIRANË- Pamjet e mëposhtme janë nga protesta e opozitës para Bashkisë Tiranë. Protestuesit i kanë vënë flakën gomave të vendosura më herët para kordonit policor. Ndërkohë që siç shihet, tymi i zi ka pushtuar bulevardin kryesor para bashkisë.
Qytetarët kërkojnë dorëheqjen e kryebashkiakut Erion Veliaj, pas zbulimit të aferës "5D" dhe arrestimit të tre drejtorëve të bashkisë.
TIRANË- Nënkryetari i Këshillit Bashkiak të Tiranës ka marrë pjesë ditën e sotme në protestën e radhës të opozitës para bashksië së Tiranës. Gjatë fjalës së tij Teliti tha se Veliaj dhe Rama zhdukën Malin e Dajtit dhe Sahatin.
Ai më tej shtoi se në Tiranë sytë shohin kulla dhe zullume. Teliti tha se do të protestojnë deri në mosbindje civile, deri sa të shporrin këtë diktaturë.
“Jam lindur dhe rritur në këtë qytet. Kur ishim fëmijë, arrinim ta shihnim malin e Dajtit. Sot Veliaj dhe Rama e zhdukën malin e Dajtit, siç zhdukën Sahatin. Sytë tanë shohin vetëm kulla dhe zullume. I keni parë lajmet në mediat ndërkombëtare, italiane, se si kryeministri dhe zv.kryeministra dhe ministra, që janë të përfshirë në struktura abuzuese.
Zhdukën 60 mln euro tha Ahmetaj, por pyesni se kush është pronari i vërtetë i inceneratorit. Këta kanë marrë paratë e taksapaguesve. Taksat janë rritur nga 2 deri ne 10 herë. Ku janë këndet e lojërave? Sot nuk kam asnjë lulishte që të nxjerr vajzat e mia të luajnë. Do të protestojmë deri në mosbindje civile, deri sa të shporrim këtë diktaturë,” tha ai.
TIRANË- Është tensionuar situata në protestën para bashkisë së Tiranës. Protestuesit i kanë vënë flakën gomave të vendosura më herët para kordonit policor. Tymi i zi ka pushtuar bulevardin kryesor para bashkisë.
Qytetarët kërkojnë dorëheqjen e kryebashkiakut Erion Veliaj, pas zbulimit të aferës "5D" dhe arrestimit të tre drejtorëve të bashkisë.
TIRANË- Sekretari i Përgjithshëm i Partisë së lirisë Tedi Blushi, ka mbajtur fjalën e tij në protestën para Bashkisë së Tiranës. Blushi tha se protestojnë për dinjitetin njerëzor e të drejtat e liritë e qytetarëve.
Ai shtoi se kryebashkiaku Erion Veliaj, nuk mund të “lajë duart” me vetëm një dorëheqje, por duhet të japë llogari para drejtësisë.
“Bashkia, vend krimi të shndërruar në simbol korrupsionit. Kjo është protesta e 10 në radhë për dinjitetin njerëzor. Sot protestojmë për të drejtat e liritë që shkelen. Protestojmë kundër kësaj vemje fytyra e të cilit është mbushur nga pështymat e qytetarëve. Kryeplehra do ta japë llogarinë në Sharrë. Nuk ka dorëheqje që e shlyen mëkatin e tij. Do të japë llogari para drejtësisë pavarësisht se fshihet në skuta. RAI3 tha se ai përdor taksat për tu pasuruar”, tha ai.
TIRANË- Qytetarët janë mbledhur ditën e sotme në protestën e radhës të opozitës para bashkisë së Tiranës. Në këte protestë ka marrë pjesë edhe aktori Neritan Liçaj.
Aktori gjatë fjalës së tij u shpreh se qeveria po shkatërron kombin. Ai tha se po ikin shqiptarët, po ikin për t’u bërë skllav. Aktori m tej shtoi se populli djersin ndrsa pushteti pasurohet.
"Çfarë iu kanë bërë shqiptarët që i urreni? Çfarë iu kanë bërë shqiptarët, pse e urreni këtë vend? Sa nga ju i del rroga deri në javën e dytë? Ju mbani flamurin e Rilindjes, sepse jeni kundër popullit tuaj. Duhet të mbroni popullin dhe jo krimin. Edhe në ndërtim ka pastrim parash. Kemi parlament që nuk dinë të flasin një fjalë.
Një administratë që është skandaloze. Po shkatërrohet kombi, po ikin shqiptarët, po ikin për t’u bërë skllav. Nuk ka për ta bërë Shqipërinë ambasadorja Kim me vezë, do ta bëjmë ne. Ne djersisim, e ju pasuroheni. I huaji nuk të bën kurrë, sepse vjen për interesat e veta. Kështu nuk shtyhet më, po asimilohemi si komb," tha ai.
TIRANË- Qytetarët janë mbledhur ditën e sotme në protestën e radhës së opozitës para bashkisë së Tiranës. Në këte protestë ka marrë pjesë edhe aktori Mehdi Malkja.
Aktori gjatë fjalës së tij u shpreh se molotovi i hedhur në godinën e bashkisë në protestat e mëparshme, nuk është kundër forcave policore. Ai më tej shtoi se do të protestojë dërisa të ketë frymë.
“Molotovi nuk hidhen kundër policisë, por për atë qelbësirën që është brenda. Ku janë këta ambasadorët e ndjeshëm? Pse nuk dalin të thonë gjysmë fjale tani? Unë mbaj përgjegjësi për veten time, jam protestues i n’98 e do protestoj derisa të kem frymë”, tha ai.
TIRANË- Para bashkisë së Tiranës, ka nisur protesta e thirrur nga Aleanca për Mbrotjen e Teatrit dhe opozita.
Protestuesit kanë vendosur disa goma të vjetra para bashkisë. Ende nuk dihet për çfarë qëllimi janë vendosur atyre, ndërsa një skenar i mundshëm është që t'ju vënë flakën.
Protestuesit kërkojnë dorëheqjen e kryebashkiakut Erion Veliaj, pas zbulimit të aferës "5D" dhe arrestimit të tre drejtorëve të bashkisë.
TIRANË- Policia e Shtetit ka publikuar ditën e djeshme masat e marra për mbarëvajtjen e protestës së thirrur sot para Bashkisë së Tiranës, ku kërkohet dorëheqja e kryebashkiakut Veliaj pas zbulimit të aferës "5D".
Në njoftimin zyrtar Policia bën me dije se duke filluar që nga ora 9:30 do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.
Deri në përfundimin e tubimit, do të përdoren rrugë alternative si Unaza e Mesme dhe Unaza e Madhe. Më tej Policia ka bërë thirrje për protestuesit të mos shfaqin asnjë shenjë dhune.
NJOFTIMI I POLICISË:
Policia e Shtetit bën me dije se, ka marrë masa organizative dhe operacionale për garantimin e rendit publik dhe sigurisë gjatë zhvillimit të një tubimi të kërkuar nga "Aleanca për Mbrojtjen e Teatrit", ditën e nesërme, më datë 04 qershor 2024, ora 10:00, pranë Bashkisë së Tiranës.
Në zbatim të planit të masave, Policia e Shtetit njofton se, ditën e nesërme, prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.
Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë, punonjësve të mediave dhe vetë pjesëmarrësve në tubime.
Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore.
Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t'u distancuar nga çdo akt dhune.
