Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
•Tensione në Kuvendin e Shqipërisë•Deputetët e opozitës të cilët janë përjashtuar për shkak të trazirave të shkaktuara në Kuvend, u është ndaluar hyrja në godinën e Kryesisë së Kuvendit. •Kjo situatë ka shkatuar tensione jashtë ambienteve të Kryesisë. •Garda kishte urdhër që këta deputetë të mos i lejonte të futeshin në godinë.•Pas shumë debateve, u lejuan që deputetët që nuk janë përjashtuar të futen brenda. •Kjo masë u mor pasi opozita paralajmëroi se do bllokonte sërish komisionet. •Ndërsa deputetët e tjerë u futën brenda duke kaluar kangjellat, osenga dritarja •Sot në rendin e ditës ishin parashikuar 5 komisione parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë do të jetë projekt-buxheti i vitit 2024. •Online u zhvillua komisioni i Ekonomisë, ndërsa mbledhja e komisioneve të tjera u ndërpre, për shkak të bllokimit nga opozita.
22 artikuj për këtë temë.
TIRANË- Edhe komisioni i Veprimtarisë Prodhuese do të zhvillohet online. Ky vendim u mor për shkak të bllokimit që i bënë komisionit deputetët demokratë.
Deputetët e Partisë Demokratike u vendosën rresht para derës ku pritej të mbahej mbledhja për të penguar punën. Kjo ka bërë që deputetët e PS të largohen dhe më pas edhe ata të opozitës. Demokratët kanë penguar sot disa mbledhje të Komisioneve që të zhvillohen në Kryesi, Ligjet, Shëndetësinë.
TIRANË-Komisioni i Ligjeve ka miratuar paraditen e sotme në mbledhjen online me 14 vota pro nga përfaqësuesit e Partisë Socialiste Projekt-Buxhetit e vitit 2023 në parim. Në valën e përplasjeve të deputetëve të opozitës me Gardën e Republikës dhe me mazhorancës për protestën ndaj ngritjes së Komisioneve Hetimor anëtarët e komisionit në vetëm 1 orë kanë arritur miratimin.
“Unë dua të sigurohem që projektligji të përfshijë përjashtimin nga TVSh të mëshqerrave të mbarsura që vijnë në territorin e Republikës së Shqipëroi dhe që lindin këtu, pranë blegtorëve,” u shpreh deputeti socialist Erion Braçe.
Garancinë se nga tatimi mbi vlerën e shtuar do të përjashtohen jo vetëm mëshqerrat, por edhe kategori të tjera në blegtori, Braçe mori nga zëvendës-ministrja e Financave dhe Ekonomisë, Vasilika Vjero.
“Jemi në proces bisedimesh me Ministrinë e Bujqësisë që të miratojmë edhe një listë përfundimtare ku të përfshihen edhe derrat apo kategori të tjera."
Midis ndryshimeve fiskale të miratuara nga deputetët e mazhorancës ishte dhe rritja e taksës së karbonit e cila nga 3 lekë për kilogram do të rritet në 15.3 lekë deri në vitin 2030.
TIRANË- Kreu i 'Partisë së Lirisë', Ilir Meta ka reaguar ndaj ngjarjes që ndodhi gjatë orëve të paradites në Kuvendin e Shqipërisë, ku garda pengoi deputetët e PD që të futeshin brenda. Duke e quajtur 'Militarizim të Kuvendit të Shqipërisë', Meta thotë se deputetët e opozitës përfaqësojnë zërin e mbi 700 mijë qytetarëve të cilët kanë të drejtë të dëgjohen.
REAGIMI I METËS:
Dënoj me ashpërsi militarizimin e institucionit më të rëndësishëm të Republikës, Kuvendit të Shqipërisë.
Asgjësimi i të drejtave kushtetuese të opozitës është sulm ndaj pluralizmit politik dhe llogaridhënies para qytetarëve. Partia e Lirisë mbështet vendosmërisht qëndrimin e opozitës e në veçanti:
Garantimin e ngritjes të komisioneve hetimore në Kuvend; Të drejtën e opozitës për të zgjedhur përfaqësuesit e saj në Komisionin e Reformës Zgjedhore; Garantimin e shqyrtimit të të gjitha projektligjeve që opozita ka depozituar në Kuvend dhe që bllokohen prej vitesh.
Deputetët e opozitës përfaqësojnë zërin e mbi 700 mijë qytetarëve të cilët kanë të drejtë të dëgjohen.
Kjo krizë e rëndë nuk zgjidhet me Gardën e Republikës por me respektimin e Kushtetutës dhe Rregullores të Kuvendit, si baza e funksionimit të demokracisë dhe shtetit të së drejtës.
TIRANË-Sali Berisha, Kreu i Partisë Demokratike është përgjigjur paraditen e sotme pas mbledhjes së Grupit Parlamentar për alternativat e aksionit opozitar. Sipas Berishës nuk përjashtohet alternativa për të shkuar në grevën e urisë. Kryedemokrati ka akuzuar Kryeministri Edi Rama për sjelljen e tij anti-ligjore duke përdorur sipas tij Gardën e Republikës.
Shembulli personal që japin deputetët, sipas Berishës, është një nga mënyrat që tregon se beteja opozitare po bëhet për atë që qytetarët i kanë votbesuar, t’i përfaqësojnë në Kuvendin e Shqipërisë.
“Akt më të turpshëm dhe më të rëndë nuk mund të ketë. Deputetë të opozitës kishim mbledhjen e tyre në sallën e Grupit parlamentar, mund ta përjashtosh nga komisionet por pa i hequr imunitetin nuk e përjashton dot nga mbledhja e Grupit Parlamentar. Kjo ndodh për shkak të përroit psiqik të një njeriu të lidhur me krimin, me procese penale që përpiqet të mposht opozitës. Sot opozitë është më e fortë se kurrë. U drejtohem qytetarëve, se kjo që ndodh është asgjësimi i parlamentit, dhe të gjithë ju që besoni se një parlament është jetik për liritë tuaja dhe zhvillimin e vendit, kjo skenë është atentati më i rëndë ndaj pluralizmit politik. Opozita po qëndron dhe do qëndroj e gatshme për çdo sakrificë, për të mbrojtur idealet dhe besimin e qyqarëve dhe se përqafuesit të kenë të drejtë të ngrenë komisione parlamentare. Deputetët kanë propozuar rezoluta dhe rrinë në sirtarët e Lindës dhe nuk vjen në Parlament. Nuk ndalojmë për asnjë. Edi Rama kërkon të imponojë me çdo kush opozitës se kush duhet ta përfaqësoj atë në kundërshtim me rregulloren. Ne e mbrojmë Bylykbashin si përfaqësues tonë në kryesin e Komisionit Zgjedhor, Edi Rama ka tmerr. Opozita nuk përjashton asnjë hap. Ju e shihni se ajo po bën një betejë. Sot Parlamenti i Shqipërisë funksionon në zoom. Opozita do të vazhdojë betejën e saj deri në fitoren e sigurt të kauzës së drejtë. Sot mbyllen dyert në aktin më të turpshëm, ata u futën nga dritarja. Betejën do e vazhdojmë me Ramën. Garda janë rrogëtarë, por zbatojnë urdhra antiligjor. Qytetarët janë të gatshëm për protestë, por po japim shembullin personal. Ata që do i thërrasim në protestë, po i japim shembullin personal.”- përfundoi Berisha.
TIRANË- Kryedemokrati Sali Berisha deklaroi ditën e sotme se nuk u paraqit në SPAK, pasi sipas tij nuk ka asnjë njoftim zyrtar, përveçse njoftimeve publike, që sic tha ai nuk kanë asnjë vlerë.
Berisha: Sot nuk kam asnjë njoftim, njoftimet publike nuk kanë asnjë vlerë. Unë kam një institucion, për mua është parlamenti i Shqipërisë institucioni, këtu nuk ka ardhur asgjë.
Pyetja- Cfarë ndodh nëse nesër SPAK e sjell në Kuvend masën arrest shtëpie?
Berisha:A e kupton që ai nuk guxon ta bëjë këtë? Nuk e bën se sillet si bandit.
Opozita nuk përjashton asnjë hap,ju e shihni se ajo po bën një betejë që e futi parlamentin në kundërshtim të hapur. Sot parlamenti hapet me Zoom. Opozita do vijojë betejën e saj gjer në fitoren e sigurtë. Qytetarët janë të gatshëm për protestë, ne e kemi marrë këtë me shembuj personal.
TIRANË- Kryedemokrati Sali Berisha ka folur sërish për gazetarët në lidhje me ngjarjet që ndodhën sot para Kuvendit. Ai tha se deputetët e PD-së u detyruan të ngjiten nëpër kangjella për t’u futur në Parlament, gjë që sipas tij nuk ka ndodhur në asnjë vend të botës.
DEKLARATA E BERISHËS:
"Sot parlamenti Rama-Linda urdhëroi në kundërshtim me Kushtetutën, mbylljen e dyerve të këtij institucioni, mbyllje që mund të ketë ndodhur në kohërat më të zeza të diktaturës, dhe kurrë ndonjëherë tjetër, për deputetët e opozitës që të hyjnë në zyrën e grupit të tyre parlamentar.
Ky akt antikushtetues, antiligjor , tregon të dashur qyteatarë dhe qytetare situatën kritikë që ndodhet në vend.
Tregon frikën e tmerrshme, lepurin e madh që i ka hyrë në bark Edi Ramës dhe organizatës së tij kriminale.
Kurrë ndonjëherë nuk mundet një roje të ndalojë një deputet të hyjë në një institucion, pa le më në zyrën e tij.
Me ligj dhe Kushtetutë, deputeti ka të drejtë të hyjë në çdo institucion. Deputeti nuk mund të pengohet kurrë të hyjë në zyrën e tij. Kjo ndodhi sot me Edi Ramën, i cili, edhe njëherë në grahmat, në përpëlitjet e tij, nuk njeh më asnjë lloj ligji dhe Kushtetute dhe përpiqet të mbahet zvarrër në pushtetin e tij të krimit. Sot, për herë të parë në historinë e planetit, grup deputetësh të PD u detyruan të bëjnë Tarzanin për të hyrë në zyrën e tyre në parlament, të ngjiten mbi mure. Kjo skenë është një skenë unike në mediat e botës, kjo skenë po qarkullon sot në katër anët e planetit si dëshmia më flagrante e narkosjhteitt, e regjimit të Edi Ramës, të bazuar në drogën,krimin, vjedhjen dhe vasalët e tij.
Akt më të turpshëm, akt më të rëndë nuk mund të ketë. Deputetët e opozitës kishin mbledhjen e tyre në sallën e grupit parlamentar. Ti mund ta përjashtosh deputetin sipas rregullave nga pjesëmarrje në seancë plenare, mund ta përjashtosh nga pjesëmarrja në komisione, por kurrë pa i hequr imunitetin, nuk mund ta përjashtosh nga pjesëmarrja në mbledhjen e grupit parlamentar. Kjo nuk mund të ndodhë kurrë.
Kjo ndodh për shkak të përroit psikik të një njeriu, i cili i lidhur në mënyrë të pazgjidhshme me krimin, të një njeriu me procese penale në SHBA dhe ndonjë vend tjetër, përpiqet tani të mposhtë opozitën në këtë mënyrë.
Ju garantoj se sot opozita është më e fortë se kurrë. Unë sot u drejtohem nga ky vend, të gjithë qytetarëve shqiptarëv, pavarësisht bindjeve të tyre partiake.Kjo që ndodh është asgjësimi i parlamentit. Dhe të gjithë ju, pavarësisht bindjeve partiake, që besoni se një parlament pluralist është jetik për liritë tuaja, është jetik për zhvillimin e vendit. Kjo skenë, ky akt dhe ky vendim është atentati më i rëndë pikërisht ndaj pluralizmit politik në parlament.
Sot i drejtohem popullit opozitar: opozita po qëndron dhe do qëndrojë e gatshme për çdo sakrificë, për të mbrojtur idealet tuaja, për të mbrojtur aspiratat tuaja, për të mbrojtur besimin tuaj se Shqipëria duhet të jetë një vend pluralist. Se përfaqësuesit tuaj duhet të kenë të drejtë të ngrenë komisione parlamentare siç thotë Kushtetuta, për të hetuar abuzimet, vjedhjet, lidhjet me krimin të qeverisë. Ajo që po bën sot opozita është në mbrojtje të idealeve tuaja, për të cilat ju i sollët në parlament këta deputetë. Ju nuk i sollët në parlament ata për të mbajtur fjalime, ju i sollët ata në radhë të parë për të bërë ligje, rezoluta në përputhje me interesat tuaja. Deputetët që keni sjellë në parlament, kanë depozituar në emër tuaj dhe interesave tuaja, në përputhje me Kushtetutën, 32 ligje dhe rezoluta. Të gjitha mbahen në sirtarin e Lindës së parlamentit me urdhër të Ramës. Asnjë prej tyre nuk kalon në komisione, asnjë prej tyre nuk vjen në seancë parlamentare.
TIRANË- Vendimi i socialistëve që mbledhjet e komisioneve të zhvillohen online, nuk është pritur mirë nga demokratët. Deputetja e Partisë Demokratike, Dhurata Çupi deklaron se qëllimi i vetëm i maxhorancës është që të shuajë zërin e opozitës në Parlament.
“Rregullorja e Kuvendit përcakton se komisionet parlamentare i zhvillojnë mbledhjet online vetëm në rastet e masave të jashtëzakonshme, përkatësisht gjendjes së luftës, gjendjes së jashtëzakonshme apo fatkeqësisë natyrore (neni a/5). Zhvillimi i mbledhjeve online vendoset me mirëkuptim nga Konferenca e Kryetarëve (neni 6).
Megjithëse, fatmirësisht Shqipëria nuk është në asnjë prej rasteve të masave të jashtëzakonshme, mazhoranca socialiste, në shkelje flagrante të Rregullores së Kuvendit dhe pa vendim të Konferencës së Kryetarëve, ka vendosur zhvillimin e mbledhjeve të komisioneve parlamentare online, me qëllim të vetëm shuarjen e zërit të opozitës në Parlament”, shkruan Dhurata Çupi.
TIRANË- Edhe komisioni i Jashtëm ka ndërprerë mbledhjen. Shkak janë bërë tensionet e opozitës në sallë, e cila më herët ka ndërpreë edhe komisionin e Ligjeve dhe të Shëndetësisë.
Deputetët e opozitës nuk u lejuan nga Garda të futeshin brenda e më pas zgjodhën që të futeshin nga dritaret. Më pas nuk kanë lejuar që të zhvillohen në mënyrë normale mbledhjet e Komisioneve. Ky rebelim nga ana e opozitës vjen pasi ata thonë se nuk do të ketë normalitet parlamentar derisa të plotësohen 3 kërkesat e tyre./Dosja.al
TIRANË-Deputetët e opozitës pas përplasjes me gardën ditën e sotme në hyrje të Kryesisë së Kuvendit, kanë hyrë në ambientet e sallave të komisioneve parlamentare. Ligjvënësit e opozitës ka bllokuar dhe Komisionin e Shëndetësisë pas atij të ligjive.
Mbledhja ka zgjatur vetëm pak minuta dhe më pas është ndërprerë. Komisioni i Shëndetësisë drejtohet nga deputetja Zheni Gjergji e cila bën pjesë në Grupin Parlamentar të Gazment Bardhit.
TIRANË- Tensione edhe brenda komisioneve. Deputeti i PD-së, Dashnor Sula dhe ai i PS-së, Petro Koço janë përplasur me njëri-tjetrin në Komisionin e Ligjeve. Mbledhja u ndëpre pasi deputetët e opozitës, që hynë në Kuvend nga dritarja, u futën në Komisionin e Ligjeve dhe bllokuan punimet.
Pas këtij vendimi, Sula foli me tone të larta dhe të ashpra duke iu drejtuar ligjvënësve socialistë “turp i zi”. Por deputeti Petro Koço i ka kërkuar të ulë zërin dhe të mos bërtasë.
BISEDA MES TYRE:
“Mos e kruaj shumë me mua”, iu drejtuar deputeti i PS-së, ndërsa Dashnor Sula iu drejtua: “Turp të kesh, hajdutë”.
Dashnor Sula: Turp i zi (shtyn karrigen).
Petro Koço: Mos bërtit.
Dashnor Sula: Çfarë të mos bëj unë, të bërtas.
Petro Koço: Mos e kruaj shumë me mua.
Dashnor Sula: Me ty? E kruaj me ty dhe me kë të më dojë qejfi. Turp të kesh, hajdutë.
/Dosja.al
TIRANË- Opozita ka shkaktuar tensione edhe brenda Komisoneve. Ata i janë drejtuar Komisionit të Ligjeve, ku nuk kanë lejuar punimet.
Drejtuesja e këtij komisioni, Klotilda Bushka ka njoftuar ndërprerje të punimeve, duke u shprehur se nuk mund të zhvillohet në këtë mënyrë.
Ajo deklaroi se deputetët do të njoftohen për mbledhjen e radhës./Dosja.al
TIRANË- Nuk kanë fund tensionet mes deputetëve të opozitës dhe punonjësve të Gardës te hyrja e Kryesisë së Kuvendit. Deputeti Flamur Noka u shpreh se kryeministri bashkë me kryeparlamentaren e kanë kthyer Kuvendin në një burg, gjë që sipas tij nuk ka ndodhur në 32 vite demokraci.
"Ja shiheni, me hekura, me dryna me Gardë. Filmojeni këtu poshtë fytyrën e Lindës dhe të Edi Ramës, ja ku e keni. Ajo që po shikoni ju këtu është anti ligj, vetëm për të qetësuar fobitë, panikun që ka Linda, Rama nga opozita. A patë ndonjë mekanizëm ligjor? Është mbyllur me hekura, me dryna, e ka kthyer Parlamentin në bunker, po mbrohet nga deputetët e opozitës që duan të ushtrojnë detyrën e tyre. Në selitë e PD bëhen mbledhjet partiake, të tjerat në Kuvend. Ne jemi këtu si përfaqësues të vullnetit të zgjedhësve, gjysmës së shqiptarëve i thonë jo Linda dhe Rama. Nuk na njohin për deputetë, monizmi nuk ka limite. Garda është në tejkalim të gjithë kompetencave sepse kanë marrë urdhra verbalë, Linda e Parlamentit e di. A mund ta mbyllë gjithë shtetin në një burg si ky? A kishte ndodh në 32 vite demokraci? Pluralizëm është ky? Është diktaturë staliniste, vetëm gjyqi politik akoma nuk është bërë."- tha Noka.
TIRANË- Kryetari i Partisë Demokratike, Sali Berisha ka mbajtur fjalim nga dritarja e Kryesisë së Kuvendit, aty ku pak më parë u futën disa nga deputetët e opozitës, që nuk u lejuan nga Garda, që të futen nga dera. Pasi përshëndeti me dy gishtat lart, Berisha u shpreh për mediat e pranishme se Rama ka frikë nga opozita.
"Janë të gjithë deputetë me imunitet dhe kurrë ndonjëherë në historinë e një parlamenti deputetët nuk janë ndaluar do kurrë. Sa kohë kanë qenë deputetët, të marrin pjesë në mbledhjen e grupit. Frika dhe tmerri i Ramës bën që të urdhërojë Lindën e tij në akte të turpshme. Deputetët nuk mund të përjashtohen përveçse nga mbledhja e grupit nga grupi i tyre"- tha Berisha.
TIRANË- Pamje të pazakonta nga Kuvendi i Shqipërisë. Pas tensioneve që u regjistruan sot në hyrje të Kryesisë së Kuvendit, ku deputetë të përjashtuar të PD, por edhe ata që nuk janë të përjashtuar kanë gjetur rrugë të tjera.
Përmes një karrigeje, Salianji dhe Nallbati kanë hyrë nga dritarja për në kryesi, dhe më pas Noka. Bardhi nuk iu është bashkuar në këtë ‘mision’ duke qëndruar jashtë ambienteve të Kuvendit.
“Në çdo xhiro që bëjmë rreth godinës ndiqemi nga Garda. Është lajm i mirë që qeveria merr në mbrojtje deputetët e opozitës”, tha Bardhi.
Dita e sotme nis me një axhendë të ngjeshur në komisione. Në rendin e ditës janë parashikuar mbledhja e 5 komisioneve parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë është projekt-buxheti i vitit 2024. Për shkak se opozita ka vendosur të bllokojë komisionet, PS vendosi që mbledhjet të zhvillohen online.
Për shkak të përplasjeve, janë në total 8 deputetë të opozitës të përjashtuar nga punimet e Kuvendit. Të premten, e 3 nentorit u përjashtuan me 10 ditë Ervin Salianji që ndezi tymuese rozë e mavi në seancë plenare, Petrit Doda dhe Edmond Spaho, ndërsa pas seancës me përplasje fizike të 30 tetorit u përjashtuan kreu i grupit Gazment Bardhi, Bledion Nallbati, Edi Paloka, Flamur Noka, Albana Vokshi./Dosja.al
TIRANË- Deputeti Ervin Salianji është në mesin e deputetëve të opozitës që nuk i lejohet hyrja në Kuvend. Për gazetarët, ai ka deklaruar se Kryesia e Kuvendit është rrethuar me autoblinda dhe me 300 gardistë, për t’i penguar deputetët e opozitës që të futen në mbledhje.
“Këtu të vetmit njerëz që po tentojnë ta mbajnë me dhunë fizike dhe psikologjike dhe banda, janë deputetët e PS, Rama. Shikoni sjellje brutale, e paimagjinueshme. Nuk ka ndodh ndonjëherë që të vendosen më shumë sesa 300 gardistë dhe rrethim me autoblind për të ndaluar fjalën. Kërkohet të izolohet edhe fjala. Ndaj japin urdhra të paligjshëm, sot i kanë dhënë urdhër për t’i ndaluar fizikisht, nesër mund t’i japin urdhër t’i eliminojnë fizikisht…
Ne nuk jemi këtu për të bërë luftë muskujsh. Por në momentin kur ka kërkesë llogarie ndaj qeverisë, ndodh kjo që ju shihni sot. Ajo që patë ditën e enjte kur kalonin ligjet. Betejën në publik se ku qëndron e drejta, opozita e ka fituar. Kjo nuk është betejë e lehtë, por vetëm fillimi”, tha ai.
TIRANË- Deputeti i Partisë Demokratike, Dashnor Sula ka shpërthyer me tone tepër të forta ndaj Gardës, pasi kjo e fundit nuk i lejoi që të futen në ambientet e Kryesisë së Kuvendit. Ai u ka thënë atyre se duhet të kenë turp që ‘lëpihen për një rrogë’, ndërsa edhe pse u lejua të futej në Kryesi, vetëm ai, vijonte të fliste me tone të larta.
“Lëpiheni për një rrogë, turp të keni! Turp të keni! E shkatërruat Shqipërinë, kanë ikur të gjithë. Bëni fresk pushtetit, turp të keni të gjithë, turp të keni, turp, diktaturë, turp të keni….”, është shprehur Sula.
Dita e sotme nis me një axhendë të ngjeshur në komisione. Në rendin e ditës janë parashikuar mbledhja e 5 komisioneve parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë është projekt-buxheti i vitit 2024. Për shkak se opozita ka vendosur të bllokojë komisionet, PS vendosi që mbledhjet të zhvillohen online.
Për shkak të përplasjeve, janë në total 8 deputetë të opozitës të përjashtuar nga punimet e Kuvendit. Të premten, e 3 nentorit u përjashtuan me 10 ditë Ervin Salianji që ndezi tymuese rozë e mavi në seancë plenare, Petrit Doda dhe Edmond Spaho, ndërsa pas seancës me përplasje fizike të 30 tetorit u përjashtuan kreu i grupit Gazment Bardhi, Bledion Nallbati, Edi Paloka, Flamur Noka, Albana Vokshi./Dosja.al
TIRANË- Tensione te Kuvendi i Shqipërisë. Deputetët e Partisë Demokratike (ata të përjashtuar nga seancat) nuk janë lejuar që të futen brenda parlamentit. Të gjendur përballë këtij bllokimi, ata kanë debatuar me gardën e cila qëndronte në dy anët e derës.
"Keni pirë raki? Keni pirë mall? Si prekni deputetët e opozitës"- dëgjohet të thonë disa nga deputetët e PD-së.
Dita e sotme nis me një axhendë të ngjeshur në komisione. Në rendin e ditës janë parashikuar mbledhja e 5 komisioneve parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë është projekt-buxheti i vitit 2024. Për shkak se opozita ka vendosur të bllokojë komisionet, PS vendosi që mbledhjet të zhvillohen online.
Për shkak të përplasjeve, janë në total 8 deputetë të opozitës të përjashtuar nga punimet e Kuvendit. Të premten, e 3 nentorit u përjashtuan me 10 ditë Ervin Salianji që ndezi tymuese rozë e mavi në seancë plenare, Petrit Doda dhe Edmond Spaho, ndërsa pas seancës me përplasje fizike të 30 tetorit u përjashtuan kreu i grupit Gazment Bardhi, Bledion Nallbati, Edi Paloka, Flamur Noka, Albana Vokshi./Dosja.al
TIRANË- Ditën e sotme, disa deputetë të Partisë Demokratike nuk janë lejuar që të futen në ambientet e Kryesisë së Kuvendit këtë të hënë. Pasi punonjësit e Gardës bllokuan derën e Kryesisë, deputeti Flamur Noka zgjodhi të hipte mbi kangjella duke i kaluar e duke u futur në ambientet e Kuvendit.
Mbi kangjella hipi edhe deputeti Saimir Korreshi, por ky i fundit qëndroi vetëm disa sekonda dhe nuk vendosi t’i kalonte.
Jashtë derës ndodhen disa deputetë që debatojnë me punonjësit e Gardës. Mes tyre janë deputetët Ervin Salianji, Gazment Bardhi, Bledion Nallbati apo Helidon Bushati./Dosja.al
TIRANË- Pamje të pazakonta në Kryesinë e Kuvendit. Deputeti i PD-së, Saimir Koreshi, teksa garda nuk i ka lejuar që të hyjnë brenda, është ngjitur sipër kangjellave. Ndërkohë, deputeti Noka ka bërë po të njëjtën gjë dhe ka kapërcyer kangjellat.
Dita e sotme nis me një axhendë të ngjeshur në komisione. Në rendin e ditës janë parashikuar mbledhja e 5 komisioneve parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë është projekt-buxheti i vitit 2024. Për shkak se opozita ka vendosur të bllokojë komisionet, PS vendosi që mbledhjet të zhvillohen online.
Për shkak të përplasjeve, janë në total 8 deputetë të opozitës të përjashtuar nga punimet e Kuvendit. Të premten, e 3 nentorit u përjashtuan me 10 ditë Ervin Salianji që ndezi tymuese rozë e mavi në seancë plenare, Petrit Doda dhe Edmond Spaho, ndërsa pas seancës me përplasje fizike të 30 tetorit u përjashtuan kreu i grupit Gazment Bardhi, Bledion Nallbati, Edi Paloka, Flamur Noka, Albana Vokshi./Dosja.al
TIRANË- Garda nuk ka lejuar ditën e sotme që deputetët e përjashtuar të opozitës të futen brenda institucionit. Kryedemokrati Sali Berisha dhe disa të tjerë mundën që të futeshin brenda. Nga ana tjetër e derës, Berisha u shpreh se kjo është fytyra e vërtetë e Edi Ramës.
"Kjo është fytyra më e turpshme e institucionit. Po bëni krim, ju bëj thirrje shqiptarëve të shikojnë regjimin e Ramës. Mbyll dyert deputetëve"- tha Berisha.
TIRANË- Tensione para Kryesisë së Kuvendit. Tetë deputetë të opozitës kanë tentuar që të hyjnë në godinë, por janë penguar nga Garda. Ata kanë debatuar me gardën e cila ka krijuar mburojë që të mos lejojnë futjen e deputetëve brenda.
Dita e sotme nis me një axhendë të ngjeshur në komisione. Në rendin e ditës janë parashikuar mbledhja e 5 komisioneve parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë është projekt-buxheti i vitit 2024. Për shkak se opozita ka vendosur të bllokojë komisionet, PS vendosi që mbledhjet të zhvillohen online.
Për shkak të përplasjeve, janë në total 8 deputetë të opozitës të përjashtuar nga punimet e Kuvendit. Të premten, e 3 nentorit u përjashtuan me 10 ditë Ervin Salianji që ndezi tymuese rozë e mavi në seancë plenare, Petrit Doda dhe Edmond Spaho, ndërsa pas seancës me përplasje fizike të 30 tetorit u përjashtuan kreu i grupit Gazment Bardhi, Bledion Nallbati, Edi Paloka, Flamur Noka, Albana Vokshi./Dosja.al
TIRANË- Mbledhja e Komisionit të Ekonomisë ku është planifikuar të diskutohet pr/ligji për buxhetin 2024 nisi online. Deputetja e opozitës Sorina Koti e cila tha se ndodhet në sallën ku mbahet mbledhja e Komisionit të Ekonomisë me dy deputetë ftoi deputetët që mbledhjet të bëhen fizikisht. Nga ana tjetër, kryetari i Komisionit, Eduart Shalsi tha se deputetët e opozitës kanë vendosur që të bllokojnë mbledhjet. Me një pyetje drejtuar tyre, ai u tha se nëse ishin të gatshëm që të lënë pas 'non-gratat', duke iu referuar Berishës.
Shalsi: Disa deputetë të PD bënin si të habitur se pse po zhvillojmë mbledhje online, ndërkohë që ishin prezentë kur u bllokua dera. Duam që të bëjmë mbledhje normale, por me sjellje të tilla nuk bëhen.
Cfarë bëtë ku ju u bllokua dera e komisionit? Donit mbledhje apo të pengonit punimet?
Ne do vijojmë rrugën tonë. Do bllokoni derën apo do vijojmë mbledhje normale? Jeni gati që ti lini non-gratat, mos t'iu marrin peng?
