Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Ministri i Punëve të Jashtme, Ferit Hoxha ka deklaruar gjatë një interviste për Euractiv, se Shqipëria nuk do të zgjasë marrëveshjen e saj të migracionit me Italinë përtej vitit 2030. • Por me anë të një reagimi në "X", Hoxha e hedh poshtë këtë deklaratë, duke thënë se gjatë pyetjejes nga një gazetar në Bruksel, ai ka thënë se nuk ishte i sigurt, duke shtuar se deri atëherë Shqipëria mund të jetë shtet anëtar i Bashkimit Evropian dhe situata mund të jetë ndryshe. • Sipas tij, deklarata ka qenë thjesht një reflektim spontan dhe jo një vendim apo ndryshim i qëndrimit të qeverisë shqiptare ndaj marrëveshjes. • Hoxha thekson, se kjo deklaratë nuk duhet marrë si një ndryshim i qëndrimit të Shqipërisë lidhur me protokollin. • Ministri thotë ndër të tjera, se shprehje të shkëputura nga konteksti shndërrohen shumë shpesh në narrativa që nuk pasqyrojnë as thelbin e diskutimit dhe as qëndrimin real të qeverive. • Lidhur me ketë ka reaguar edhe Kryeministri Edi Rama, i cili ka ritheksuar se marrëveshja me Italinë mbetet në fuqi dhe nuk ka asnjë ndryshim në qëndrimin e qeverisë shqiptare, deri në atë moment që pala italiane kërkon ta zgjasë marrëveshjen.
3 artikuj për këtë temë.
TIRANË- Ministri i Jashtëm shqiptar Ferit Hoxha ka deklaruar në një intervistë për Euractiv, se Shqipëria nuk do ta zgjasë marrëveshjen e saj të migracionit me Italinë përtej vitit 2030.
“Së pari, është për pesë vjet dhe nuk jam i sigurt nëse do të ketë një zgjatje. Së dyti, nuk do të ketë zgjatje sepse do të jemi anëtar të Bashkimit Evropian. Të gjithë kanë bërë të njëjtën llogaritje. Sapo Shqipëria të anëtarësohet, kjo nuk është më ekstraterritoriale, është territor i Bashkimit Evropian," tha Hoxha, duke iu referuar afatit kohor të anëtarësimit që synon Shqipëria deri në vitin 2030.
Qeveria e Giorgia Melonit po i përdor dy qendrat në Gjadër dhe Shëngjin si qendra paraburgimi për migrantët që nuk arritën të fitonin azil në Itali. Kjo është pjesë e një përpjekjeje më të gjerë nga qeveritë evropiane për të zhvendosur praninë fizike të migrantëve jashtë kufijve të tyre.
Marrëveshja pesëvjeçare u ratifikua në fillim të vitit 2024 dhe është shoqëruar me polemika politike dhe probleme ligjore. Për të vazhduar pas vitit 2029, ajo do të kërkojë një zgjatje vetëm disa muaj para afatit të caktuar nga vetë Shqipëria për tu bashkuar me Bashkimin Evropian.
Sfidat ligjore në Itali e shtynë Melonin të ripërdorte mjediset nga qendrat fillestare të përpunimit për migrantët e mundshëm në qendra paraburgimi për migrantët me raste të refuzuara që presin riatdhesimin.
Por në prill, marrëveshja mori një shtysë nga gjykata më e lartë e Evropës, pasi një avokat i përgjithshëm në Gjykatën e Drejtësisë të BE-së dha një mendim jo-detyrues se skema është në përputhje me ligjin e BE-së. Hoxha theksoi se Shqipëria nuk hoqi dorë nga detajet e marrëveshjes pavarësisht sfidave ligjore.
Hoxha, i cili ishte në Bruksel për të marrë pjesë në një takim me ministrat e jashtëm të BE-së, e cilësoi Shqipërinë si një partner të besueshëm për Italinë. Edi Rama, kryeministri i Shqipërisë, e ka përshkruar partneritetin si “ekskluziv”, duke përmendur lidhjet e ngushta midis dy vendeve.
Hoxha hodhi poshtë sugjerimet se kjo mund ta nxiste qeverinë italiane e cila mbështet anëtarësimin e Shqipërisë në BE - që të mos e lejojë hyrjen e Shqipërisë, për hir të mbajtjes në funksion të kampeve të saj.
“Italia kishte nevojë për ndihmë. Ne ndihmuam. Dhe kjo nuk mund të harrohet”, tha Hoxha./Dosja.al
TIRANË- Kryeministri i vendit, Edi Rama ka reaguar për marrëveshjen me Italinë për refugjatët. Përmes një postimi në rrjetin social X, Rama u shpreh se marrëveshja për refugjatët me Italinë do të vazhdojë për aq kohë sa vendi fqinj do të dojë.
Rama theksoi se protokolli me Italinë është këtu për të qëndruar, ndërsa shtoi se citimi i publikuar pas një interviste me ministrin e Jashtëm, Ferit Hoxha është një citim mashtrues.
“Për të gjithë gazetarët nga Italia dhe më gjerë, që po kontaktojnë lidhur me një citim mashtrues të publikuar nga një media pas një interviste me ministrin e Jashtëm të Shqipërisë: dua ta ritheksoj qartë, dhe shpresoj njëherë e përgjithmonë, se Protokolli ynë me Italinë është këtu për të qëndruar, për aq kohë sa Italia do ta dëshirojë këtë”, shkruan Kryeministri Rama./Dosja.al
To all journalists from Italy, and beyond, who are reaching out regarding a misleading quote reported by a media outlet after an interview with the Albanian Foreign Minister: let me reiterate, clearly and hopefully once and for all, that our Protocol with Italy is here to stay,… https://t.co/tHOPpRvrlp
— Edi Rama (@ediramaal) May 12, 2026
TIRANË- Ministri për Evropën dhe Punët e Jashtme, Ferit Hoxha ka deklaruar ditën e sotme se deklarata e tij nuk duhet të interpretohet si një ndryshim i qëndrimit të Shqipërisë në lidhje me protokollin. Përmes një reagimi në rrjetin X, Hoxha u shpreh se një gazetar në Bruksel e pyeti nëse protokolli ndërmjet Shqipërisë dhe Italisë do të rinovohej pas përfundimit të periudhës fillestare pesëvjeçare.
Në lidhje me këtë, Hoxha tha se i është përgjigjur se nuk ishte i sigurt, duke shtuar se deri atëherë Shqipëria mund të jetë shtet anëtar i Bashkimit Evropian dhe situata mund të jetë ndryshe. Në fund, ministri tha se shprehje të shkëputura nga konteksti shndërrohen shumë shpesh në narrativa, të cilin nuk pasqyrojnë as thelbin e diskutimit dhe as qëndrimin real të qeverive.
"Një sqarim i nevojshëm: Një gazetar në Bruksel më pyeti nëse protokolli ndërmjet Shqipërisë dhe Italisë do të rinovohej pas përfundimit të periudhës fillestare pesëvjeçare. Unë iu përgjigja duke thënë: “Nuk jam i sigurt, duke supozuar se deri atëherë Shqipëria do të jetë një shtet anëtar i Bashkimit Evropian dhe situata, për rrjedhojë, do të jetë ndryshe.” Ka qenë kaq e thjeshtë. Nuk bëhet fjalë për një vendim, por thjesht për një reflektim të çastit, të shprehur me sinqeritet dhe spontanitet. Kjo deklaratë nuk duhet në asnjë mënyrë të interpretohet si një ndryshim i qëndrimit të Shqipërisë në lidhje me protokollin. Fatkeqësisht, në botën e sotme, zhurma shpesh përhapet më shpejt sesa argumenti, logjika dhe konteksti. Shprehje të shkëputura nga konteksti shndërrohen shumë shpesh në narrativa që nuk pasqyrojnë as thelbin e diskutimit dhe as qëndrimin real të qeverive", shkruan Ferit Hoxha në platformën "X"./Dosja.al
