“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
• Kryeministri Edi Rama ka zhvilluar ditën e sotme bashkëbisedimin me qytetarët në rubrikën "Sy m'Sy" në rrjetet sociale. • Në nisje të fjalës së tij, Rama iu bëri thirrje emigrantëve që të dërgojnë mbrapsht zarfin me votën për zgjedhjet e 11 majit. • Më tej ai tha se dje ka marrë miratimin se është aprovuar hapja e një tjetër grupkapitulli negociatash. • Rama u shpreh se shpreson që pas 11 majit të hapen edhe 11 kapituj të tjerë. • Kryesocialisti tha se rezultati në zgjedhjet e 11 majit është për fitoren e Shqipërisë. • Sipas tij, kjo fitore arrihet vetëm me Partinë Socialiste. • Rama tha se gjatë qeverisjes së tij është 3 fishuar prodhimi dhe të ardhurat për frymë. • Më tej shtoi se Shqipëria është i vetmi në Europë dhe rajon me taksën zero për biznesin e vogël. • Ai u është përgjigjur edhe komenteve të qytetarëve. • Ndër komentet që lexoi ishte edhe ai i një qytetareje e cila e pyeste kryeministrin se çfarë ka bërë gjatë qeverisjes pasi sipas saj rrugët janë copë-copë dhe është turp. • Rama theksoi se në vendin tonë do të nisë Giro d'Italia dhe se grupet italiane që erdhën në vendin tonë për të kontrolluar gjendjen u impresionuan nga infrastruktura. • Ai ironizoi duke thënë se edhe çiklistët që do garojnë janë patronazhistë të PD-së dhe se do të thyejnë qafën në rrugët copë-copë. • Më tej ai iu përgjigj pyetjeve se "a do të fitojë PS". • Sipas tij pyetja duhet të jetë "sa do të fitojë?". • Më tej u shpreh se Partia Socialiste faktikisht i ka fituar zgjedhjet por shtoi se nuk kanë marrë fuqi të madhe. • Duke ironizuar Rama tha se zgjedhjet nuk mund t'i fitojë kryedemokrati Sali Berisha, të cilin e cilësoi si një "politikan i lashtë".
5 artikuj për këtë temë.
TIRANË- Kryeministri Edi Rama i është përgjigjur në "Sy m'Sy" një komentuesi i cili shprehej se "12 vite në qeverisje janë mjaftueshëm". Rama në përgjigjen e tij përmendi Angela Merkel, Gerhard Schröd, Helmut Kol në Gjermani, apo edhe Mark Rutte në Holandë. Ai tha se këta udhëheqës kanë qëndruar në qeverisje për katër mandate rresht. Ai tha se qeverisja nuk është çështje sa do një person i caktuar, por sa do populli që një forcë politike të qeverisë.
“Nëse kjo është një anomali, po të drejtoj nga Gjermania, ku dy kancelarë kanë qëndruar me 4 mandate Merkel dhe para saj ishte për dy mandate Gerhard Schröder dhe para tij për 4 mandate Helmut Kol. Nëse nuk të mjafton kjo po të çoj në Holandë. Mik im i ngushtë Mark Rutte 4 mandate. Po nuk të mjaftoi edhe kjo mund të ngjis nga Suedia që kanë qëndruar shumë më tepër, por nuk dua të të tremb pastaj. Kjo nuk është çështje sa do ti dhe sa dua unë, por sa do populli”, tha kryeministri.
TIRANË- Kryeministri Edi Rama tha sot në "Sy m'Sy" se në këto zgjedhje nuk qëndron pyetja "a do të fitojë PS", por sipas tij "sa do të fitojë?".
Më tej u shpreh se Partia Socialiste faktikisht i ka fituar zgjedhjet por shtoi se nuk kanë marrë fuqi të madhe. Duke ironizuar Rama tha se zgjedhjet nuk mund t'i fitojë kryedemokrati Sali Berisha, të cilin e cilësoi si një "politikan i lashtë".
"Nuk është pyetja a do fitojmë, por sa do fitojmë. Përgjigja është sa do fitojmë. Çfarë fuqie do na japë populli shqiptar. A do kemi një mbështetje popullore aq sa kemi sot? Ne faktikisht i kemi fituar zgjedhjet po nuk kemi marrë fuqi të madhe. Kjo nuk vihet në diskutim që ne do fitojmë. Bufi do fitojë? Politikan i lashtë. I pashpresë, i dëshpëruar, që rri dhe nuk shkon në shtëpi për hallin e tij, ai do fitojë? Si do fitojë? Pasaporta europiane vjen vetëm nga Partia Socialiste.", tha Rama.
TIRANË- Kryeministri Edi Rama gjatë fjalës së tij në "Sy m'Sy" u është përgjigjur komenteve të qytetarëve. Ndër komentet që lexoi ishte edhe ai i një qytetareje e cila e pyeste kryeministrin se çfarë ka bërë gjatë qeverisjes pasi sipas saj rrugët janë copë-copë dhe është turp.
Rama theksoi se në vendin tonë do të nisë Giro d'Italia dhe se grupet italiane që erdhën në vendin tonë për të kontrolluar gjendjen u impresionuan nga infrastruktura. Ai ironizoi duke thënë se edhe çiklistët që do garojnë janë patronazhistë të PD-së dhe se do të thyejnë qafën në rrugët copë-copë.
"Ça pune ka bërë Rama, rrugët janë copë, turp. Ouuu. Rrugët janë copë po si shpjegohet se Giro D'Italia do nisë nga Shqipëria. Si shpjegohet se italianët çuan një grup dhe kontrolluan gjithë gjërat që duhet. Rrugët janë kryesore për çiklizëm apo jo.
Jo vetëm që nuk i gjetën rrugët copë se kanë 3 etapa për të bërë. Përkundrazi ata u impresionuan. He Donika si shpjegohet. Apo thuaj patronazhistet nga Italia me biçikletë që do vijnë të thyejnë qafën në rrugët copë-copë," tha ai.
TIRANË- Kryeministri Edi Rama teksa po iu përgjigjej komentuesve në rrjetet sociale tha se rezultati në zgjedhjet e 11 majit është për fitoren e Shqipërisë.
Sipas tij, kjo fitore arrihet vetëm me Partinë Socialiste. Rama tha se gjatë qeverisjes së tij është 3 fishuar prodhimi dhe të ardhurat për frymë. Më tej shtoi se Shqipëria është i vetmi në Europë dhe rajon me taksën zero për biznesin e vogël.
"Kam për të fituar, skam për të fituar, nuk është çështja. Nuk është përsonale dhe nuk është për karrigën time. Kjo është çështja për të fituar Shqipëria. Dhe Shqipëria fiton vetëm më mua dhe Partinë Socialiste. Siç e kanë treguar gjithë këto vite, kemi 3 fishuar prodhimin, të ardhurat për frymë, kur kemi çliruar shumë energji, duke u bërë taksën zero, i vetmi vend në rajon me taksën zero për biznesin e vogël, sot jemi në vendin e tretë në rajon për rritjen e pagave, do t’i arrijmë edhe ata. Kemi dorëzuar 53 spitale, për të gjetur spitalin e fundit të ndërtuar, duke shkuar mbrapa në vitet ’60-’70. Kemi ndërtuar 400 qendra shëndetësore, 450 shkolla.", tha Rama.
TIRANË- Kryeministri Edi Rama ka zhvilluar ditën e sotme bashkëbisedimin me qytetarët në rubrikën "Sy m'Sy" në rrjetet sociale. Në nisje të fjalës së tij, Rama iu bëri thirrje emigrantëve që të dërgojnë mbrapsht zarfin me votën për zgjedhjet e 11 majit.
“Kudo tjetër, që të mos e mbajnë në shtëpi. Ta nisin sepse në 11 maj kanë mundësi të jenë pjesë e takimit të madh me historinë.", u shpreh Rama.
Më tej ai tha se dje ka marrë miratimin se është aprovuar hapja e një tjetër grupkapitulli negociatash. Rama u shpreh se shpreson që pas 11 majit të hapen edhe 11 kapituj të tjerë.
“Dje kur po shkoja në Fier, mora lajmin se grupkapitulli tjetër i negociatave u aprovua për t’u hapur. Pra kemi hapur 16, hapim edhe 8 të tjerë tani. Mbeten edhe 11 për t’u hapur dhe kam besim dhe shpresoj e uroj që me fuqinë e re të 11 majit të hapim edhe 11 të tjera brenda këtij viti. Do të ishte rekord evropian se asnjë vend s’i ka hapur të gjithë kapitujt në një vit dhe asnjë tjetër me afat në tre vjet. Fati evropian është në duart tona.”, u shpreh Rama.
