Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kryeministri Edi Rama gjatë fjalës së tij në Asamblenë e Partisë Socialiste e vuri theksin tek integrimi i Shqipërisë në Bashkimin Evropian dhe lufta ndaj korrupsionit. • Nga Lezha, Rama theksoi se Shqipëria do të integrohet në BE brenda vitit 2030, teksa theksoi se kapitujt e negociatave janë hapur në kohë rekord dhe pritet të përfundojnë në vitin 2027. • Kryeministri u shpreh ndër të tjera, se procesi i zhvillimit të marrëdhënieve me BE është si një ndërtesë, ku kati i parë është Brukseli dhe në të dytin janë 27 vendet anëtare të saj. • Sa i përket korrupsionit, Rama hodhi poshtë pretendimet e opozitës, duke theksuar se Shqipëria nuk ka pasur kurrë më parë një përpjekje kaq intensive për të luftuar korrupsionin. • Ai pranoi se korrupsionin nuk është zhdukur plotësisht, por sipas tij, niveli është më i ulët se në të kaluarën. • Rama tha se disa zhvillime ekonomike nuk përputhen me pretendimet për rritje të korrupsionit. • Kryeministri u shpreh se rritja e pensioneve dhe zgjerimi i përfituesve nga fondet publike janë tregues se të ardhurat buxhetore janë në rritje dhe nuk po devijohen. • Gjatë fjalës së tij, ai ‘thumboi’ opozitën, duke thënë se po bëjnë një zhurmë shumë të madhe, që përmendin veç korrupsionin dhe akuzojnë qeverinë. • Rama tha se në kohën kur PD ishte në pushtet, njerëzit rrinin në radhë për të paguar dritat dhe për të marrë një certifikatë.
3 artikuj për këtë temë.
TIRANË- Kryeministri Edi Rama gjatë fjalës së tij në Asamblenë e Partisë Socialiste në Lezhë ‘thumboi’ opozitën, duke thënë se po bëjnë një zhurmë shumë të madhe, që përmendin veç korrupsionin dhe akuzojnë qeverinë. Rama tha se në kohën kur PD ishte në pushtet, njerëzit rrinin në radhë për të paguar dritat dhe për të marrë një certifikatë.
Ai theksoi ndër të tjera, se PS sot ka një mundësi të artë për anëtarësimin e vendit në BE, teksa shtoi se, korrupsioni në Shqipëri sot është në nivelet më të ulëta historike.
“Të gjithë ata që na gjëmojnë nga mbrapa dhe që krijojnë një zhurmë shumë të madhe ‘korrupsioni, korrupsioni, korrupsioni’... Tani unë nuk them që e kemi shfarosur korrupsionin, por mund të them se kurrë Shqipëria nuk e ka luftuar korrupsionin si tani dhe se korrupsioni është më i ulët se kurrë më parë. Si mund të ketë rritje të korrupsionit dhe të pagave e pensioneve në të njëjtën kohë. Nuk ndodh kjo. Sepse pagat dhe pensionet rriten kur rriten të ardhurat në buxhetin e shtetit. Si mund të ketë rritje të korrupsionit dhe ndërkohë të rritet numri i përfituesve nga garat publike. Janë të gjitha gjëra që nuk lidhen me njëra-tjetrën.
Ashtu sikundër njeriu është i ndërtuar në një mënyrë të atillë që të keqen e harron shpejt dhe të mirën e do edhe më shumë. Por nëse e kthejmë kokën pas, kujtohemi se për të paguar dritat, taksat dhe për një certifikatë lindje duhet të mbaje radhë. Atëherë si qenka rritur korrupsioni? Na është dhënë mundësia që me duart tona ta marrim Shqipërinë dhe ta çojmë te dhoma e pritjes së BE-së, për ta bërë anëtare të barabartë të asaj familje. Historia s’ka për ta harruar nëse ne e realizojmë dhe s’ka për të na e falur nëse ne nuk e realizojmë”, tha Rama./Dosja.al
LEZHË- Kryeministri i vendit, Edi Rama ka zhvilluar një takim me socialistët në qytetin e Lezhës. Gjatë fjalës së tij, Rama u shpreh se PS e ka marrë mandatin kur Shqipëria kishte 2 milionë turistë, ndërsa tani sipas tij vendi ka arritur 12 milionë turistë.
Rama foli edhe për korrupsionin, për të cilin tha se kurrë më parë nuk është luftuar korrupsioni si në këtë fazë.
Rama: Kemi marrë Shqipërinë me 2 milionë turistë, sa herë ktheheshim nga një udhëtim na llogarisnin si turistë, kemi arritur në 12 milionë turistë. Kemi kaluar 1.5 miliardë investime të huaja. Nuk mund të them që kemi shfarosur korrupsionin, por kurrë më parë s’e ka luftuar korrupsionin si në këtë fazë dhe e dyta është më e ulët se çdo herë më parë. Zhurma është më e madhe se çdo herë më parë.
Si mund të ketë rritje korrupsioni dhe paga në të njëjtën kohë, si mund të ketë pensione dhe paga në të njëjtën kohë. Nëse kthejmë kokën dhe kujtohemi për kohën që për të paguar dritat, taksat, certifikatën e lindjes duhej të mbaje radhë, sot kanë ndryshuar gjërat./Dosja.al
LEZHË- Kryeministri i vendit, Edi Rama ka zhvilluar një takim me socialistët në qytetin e Lezhës. Gjatë fjalës së tij Rama u ndal te procesi i integrimit në BE. Në lidhje me këtë ai tha se procesi i zhvillimit të marrëdhënieve me BE është si një ndërtesë, ku kati i parë është Brukseli dhe në të dytin janë 27 vendet anëtare të saj. Ai tha se raporti i fundit i BE-së thotë se Shqipëria i ka kryer detyrat dhe duhet të hapë negociatat.
“Procesi i zhvillimit të marrëdhënieve me BE nuk është një proces që nuk ka rëndësi vetëm ajo që do ti, por edhe ajo që duan ata. Për ta pasur një ide shumë të thjeshtë si funksionon, është si një ndërtesë me dy kate. Në katin e parë është Brukseli. 35 mijë njerëz që punojnë me të gjitha çështjet dhe një pjesë e tyre merren me vendet që aspirojnë të bëhen pjesë e BE-së. Ata i paraqesin vendeve detyrat.
Në bazë se si vendi i kryen detyrat, ata i çojnë letrat në katin e dytë dhe nxjerrin raportin dhe thonë: ky është raporti për Shqipërinë, Shqipëria i ka kryer detyrat dhe duhet të hapë negociatat. Ata në katin e dytë tani janë 27 vendet anëtare dhe aty funksionon ndryshe. Aty nuk funksionon vetëm me çfarë ke bërë ti. Aty funksionon sa gati janë të 27 që të thonë “po” dhe mjafton një të thotë “jo”, nuk bëhet. Për çdo gjë, edhe për vendimet që Bashkimi Europian merr për veten e vet, del njëri kundër, s’bëhet”, tha Rama./Dosja.al
