Shpërthim me tritol në butikun në Durrës, policia shoqëron disa persona, pronarja: S'kam konflikte

Butiku

DURRËS- Këto janë pamjet nga dyqani i rrobave në qytetin bregdetar, në pronësi të Jonida Karabojës, i cili u dëmtua pas shpërthimit me lëndë plasëse. Siç shihet në fotot e siguruara nga Dosja.al, pjesa e derës dhe manekinët që ishin jashtë pësuan dëmtime.  

Shpërthimi, sipas policisë dhe qytetarëve të zonës numër 7, ndodhi në orët e para të mëngjesit. Lënda plasëse iu vendos në qepenin e biznesit, duke sjellë vetëm dëme materiale.

Policia ka shoqëruar disa persona në komisariat për t'u pyetur në lidhje me ngjarjen, ndërsa vetë pronarja e biznesit, ka treguar se nuk ka konflikte me njeri. 

Policia dhe grupi hetimor janë ende në hetim për të identifikuar dhe vënë në pranga përgjegjësit. 

Policia

DURRËS- Policia ka shoqëruar disa persona në polici, të cilët mund të kenë dijeni për shpërthimin që ndodhi në orët e para të mëngjesit në Durrës. Në biznesin e Jonida Karabojës u vendos lëndë plasëse. Forcat blu sqarojnë se lënda plasëse u vendos në qepenin e butikut, e për pasojë ka vetëm dëme materiale. Policia dhe grupi hetimor po vijojnë punën për të identifikuar dhe kapur autorët.

NJOFTIMI I POLICISË:

Në orët e para të mëngjesit, në lagjen nr. 7, Durrës, në qepenin e një butiku në pronësi të shtetases J. K., ka shpërthyer një sasi e vogël, e dyshuar lënde plasëse. Për pasojë, janë shkaktuar dëme të vogla materiale.

Në ambientet e Komisariatit të Policisë Durrës janë shoqëruar disa shtetas dhe vijon puna intensive nga grupi hetimor, nën drejtimin e Prokurorisë, për sqarimin e rrethanave të ngjarjes, identifikimin dhe kapjen e autorit/ëve.

Foto ilustruese

DURRËS- Disa persona ende të paidentifikuar vendosën lëndë plasëse në biznesin e qytetares, Jonida Karaboja. Ngjarja ka ndodhur gjatë mbrëmjes në Durrës. Ishin qytetarët ata të cilët raportuan në media se kishin dëgjuar një shpërthim të fuqishëm. Nga shpërthimi nuk ka persona të lënduar, vetëm dëme materiale. Vetë pronarja e biznesit ka deklaruar se nuk ka konflikte me persona të tjerë e se nuk e di kush mund t'ia ketë bërë këtë gjë.

Nuk dihet nëse sulmi është kryer nga persona të cilët kanë hesape të palara me pronaren e biznesit. E gjtha mbetet ende një mister. Pritet që në orët në vijim të ketë më shumë informacion për ngjarjen. Policia e shtetit ende nuk ka reaguar. 

Demet nga shperthimi

DURRËS- Qytetarët në Durrës raportuan mëngjesin e sotëm për një shpërthim. Pa minuta më pas u zbulua se bëhet fjalë për një shpërthim me eksploziv. Lënda plasëse iu është vendosur një biznesi. 

Bëhet me dije se nga shpërthimi ka pasur vetëm dëme materiale. Ende nuk ka një njoftim zyrtar për shpërthimin e ndodhur. 

Foto ilustruese

DURRËS- Qytetarët në Durrës raportojnë për një shpërthim të fuqishëm. Disa prej tyre raportojnë për 'JOQ' se janë zgjuar nga shpërthimi që kanë dëgjuar. Ende nuk ka më shumë informacion se çfarë ka ndodhur e se nga u shkaktua shpërthimi. 

Pritet që ngjarja të zbardhet në orët në vijim.