Sherr mes tre personave në Mirditë, plagoset 51-vjeçari Martin Prenga, arrestohen autorët

Policia

MIRDITË- Detaje të reja janë zbuluar nga plagosja e 51-vjeçarit Martin Prenga mbrëmjen e djeshme në Fan të Mirditës nga 25-vjeçari Florjan Gjoka.

Sipas të dhënave të policisë, autorët e ngjarjes kanë qenë duke lëvizur me motorr dhe sapo i janë afruar Prengës, i cili ndodhej në ambjentet ee jashtme të një lokali në rrugën e Kombit, kanë nisur të qëllojnë drejt tij.        

Në momentin e ngjarjes, në lokal kanë qenë dy oficerë policie, të cilët kanë dalë nga lokali dhe kanë nxjerrë armët duke trembur autorët, të cilët janë larguar me shpejtësi.

I plagosur Martin Prenga dhe dy autorët, ishin banorë në të njëjtin fshat dhe kishin patur konflikte mes tyre edhe më herë.

MIRDITË- Policia e Mirditë ka arritur të identifikojë dhe të vërë në pranga autorët e plagosjes së Martin Prengës, 51-vjeçarit që u qëllua mbrëmjen e djeshme në Fan.

Sipas informacioneve paraprake në orët e para të mëngjesit është vënë 25-vjeçari Florjan Gjoka si dhe është ndaluar një person tjetër i dyshuar si bashkëpunëtor.

Martin Prenga, 51 vjeç, u plagos mbrëmjen e djeshme në Fan të Mirditës ku pas një konflikti të çastit Gjoka e ka qëlluar 5 herë me armë zjarri duke e lënë të plagosur rëndë.

Pasi u dërgua fillimisht në spitalin e Mirditës, Prenga u çua në spitalin e Traumës në Tiranës pasi gjendja e tij shëndetësore ishte e rëndë.

TIRANË- Martin Prenga 51 vjeç është personi që ka mbetur i plagosur në Mirditë këtë mbrëmje. Mësohet se Prenga po sillet në spitalin e Traumës në Tiranës pasi gjendja e tij shëndetësore është e rëndë.

Ai ndodhej në një pikë karburanti, në rrugën e Kombit në momentin që është konfliktuar me dy persona të tjerë. Këta të fundit janë shpallur në kërkim, ndërsa rrethanat e ngjarjes nuk janë zbardhur ende.

Policia

MIRDITË- Një 51-vjeçar me inicialet M.Prenga, ka mbetur i plagosur me armë zjarri. Ngjarja e rëndë ka ndodhur këtë mbrëmje në Mirditë, në një pikë karburanti në Rrugën e Kombit. Mësohet se 51-vjeçari është konfliktuar me një tjetër person për motive që ende nuk janë zbardhur. Më pas, sherri ka agravuar në përdorimin e armëve të zjarrit e për pasojë, 51-vjeçari ka mbetur i plagosur. Ai po dërgohet në spital për të marrë ndihmën e nevojshme mjekësore, ndërsa për ngjarjen janë shpallur në kërkim dy persona.

Njoftimi i policisë: 

Në Urgjencën e Spitalit Rajonal Rrëshen është dërguar për ndihmë mjekësore, i plagosur me armë zjarri shtetasi M.P. 51 vjeç, banues në Klos, Mirditë. Nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit të shtetasit M.P. me dy shtetas të tjerë të cilët janë shpallur në kërkim dhe punohet intensivisht për kapjen e tyre, por për shkak të hetimit, nuk bëjmë me dije  të dhëna të tjera për identitetet e tyre. Vazhdojnë veprimet për zbardhjen e plotë të ngjarjes dhe kapjen e autorëve.