Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Vritet aksidentalisht shqiptari Pëllumb Islami në Athinë. Ky është konkluzioni i policisë greke pas të shtënave që u dëgjuan rreth orës 23:40 në një kafe në zonë e Nea Ionia në Athinë. Shqiptari u dërgua në spital, por pas rreth 3 orësh mbylli sytë përgjithmonë. • Autorë të ngjarjes së rëndë janë një grup shqiptarësh të përbërë nga shtatë persona. Ata u futën në lokalin ku Islami pasi kishte mbaruar turnin si hidraulik, kishte shkuar të shikonte një ndeshje futbolli dhe u përplasën me një tjetër grup. • Sherri përfundoi në përdorimin e armëve dhe një nga plumbat kapi aksidentalisht shqiptarin që njihej dhe si Sandri. Të shtatë janë shpallur në kërkim dhe dy prej tyre janë identifikuar si Erlis Salaj e Julian Qose. Ata dyshohet se ndodhen në Shqipëri. • Policia ka sekuestruar dy makina dhe po vëzhgon pamjet filmike. Grupi me në krye Salajn njihej si ‘Team l’ dhe akuzohen se kontrollonin të gjitha shtëpitë publike e trafikun e kokainës në Athinë.
10 artikuj për këtë temë.
GREQI- Janë të trajnuar për të qenë truproja, por ajo që bëjnë në të vërtetë është kontrolli i trafikut të drogës dhe prostituimi! Ata janë shtatë shqiptarë, drejtohen nga Erlis Salaj dhe janë vetëquajtur ‘Team L’ (Skuadra L), emër që e kanë markuar përjetësisht në trup, përmes një tatuzhi. Një tjetër anëtar i grupit është identifikuar si Julian Qose, ndërsa pesë të tjerëve nuk u dihen ende emrat.
Aktualisht, ata janë njerëzit më të kërkuar në Greqi dhe dyshohet të jenë arratisur në Shqipëri pasi vranë bashkatdhetarin e tyre, të identifikuarin si Pëllumb Islami (Sandri).
Grupi ooperon në Athinë dhe një natë më parë u futën në një lokal të sqaroheshin’ me një tjetër grup, por përplasja me armë solli vrasjen e Islamit. Ky i fundit ishte ulur në një tjetër tavolinë nuk kishte asnjë lidhje me grupet në fjalë, asnjë precedent penalë dhe po shikonte nje ndeshje futbolli. Por, një plumb në kokë i qëlluar nga Qosja, i mori jetën.
Familja Islami qan për djalin e vdekur, banda ka marrë arratinë
Familja Islami ka hapur dyert e mortit, vazjtojnë Pëllumbin e vrarë, por ky nuk është krimi i vetëm që rëndon mbi anëtarët e bandës së përbërë nga shqiptarët me muskuj, varëse ‘Versace’ e mbushur me ‘tatu’.
Një prej anëtarëve të këtij grupi ndodhet pas hekurave pasi është akuzuar se ka skllavëruar një vajzë, të cilën e ka mbajtur të mbyllur në shtëpi për muaj të tërë dhe e ka prostituuar.
Ata kanë dhe lidhje të forta me uniformat blu.
Madje Protothema raporton se gjatë një bastisjeje të policisë më 16 tetor 2020 në klubin ku rrinin shqiptarët një pjesë e tyre u vu në pranga. Ata akuzoheshin për trafik droge, pastrim parash, armëmbajtje pa leje dhe thyerjne e karantinës, por brenda pak ditësh u liruan.
Korrupsioni në shuma të mëdha u hapi dyert e burgut, aty ku kanë kontakte edhe me emra të njohur të botës së krimit.
Si është rasti i vajzës që mbahej peng?
Më 8 janar u raportua se është arrestuar një 33-vjeçar shqiptar pasi akuzohet se ka shfrytëzuar seksualisht një vajzë dhe e ka prosituuar në një klub nate. Mediat greke shkruanin se shqiptari i është prezantuar si pronar i një klubi nate dhe i ka ofruar punë. 23-vjeçarja e ka pranuar ofertën e punës së shqiptarit sepse i duheshin para, por është mbajtur e burgosur nga shqiptari.
23-vjeçarja detyrohej të bënte deri në 4 takime me klientë në ditë për shumën prej 150 eurosh, ndërsa tutori sa herë që mungonte në banesë, i vendoste roje për tu siguruar që ajo nuk do ikte.
Viktima, pas tre muajsh ferr, ka arritur të arratiset dhe të shkojë në Polici për të denoncuar gjithçka ka përjetuar, si pasojë 33-vjeçari shqiptar u identifikua nga efektivët e Nëndrejtorit të Krimit të Organizuar dhe u arrestua.
Në dosjen e publikuar në mediat greke, e reja tregon se shqiptari i ofroi të punonte si kamariere me fitime të mira, duke përfituar nga situata e vështirë financiare në të cilën ndodhej. Vajza pranoi, por në vend që të punonte në lokal përfundoi në banesën e shqiptarit duke u prostituuar.
Shqiptari monitoronte plotësisht lëvizjet e saj, por ajo arriti të ruante fshehurazi para që merrte nga klientët, për të mundur të shpëtonte nga shtëpia e torturave. Por shqiptari e kuptoi…
“I pandehuri kuptoi se viktima kishte kursyer në fshehtësi shumën prej 5000 € nga puna e saj dhe për këtë arsye arriti t’ia merrte duke ushtruar dhunë fizike,”- thuhet në dosje.
“Në mesditën e datës 7 janar, oficerët e policisë së Departamentit të Trafikimit të Qenieve Njerëzore kanë vënë nën vëzhgim shtëpinë e shqiptarit dhe pasi kanë lokalizuar e kanë arrestar. Gjatë kontrollit në banesën e tij u gjetën 6890€, një sasi e vogël kanabis dhe një veturë. I arrestuari është dërguar në Prokurorinë e Athinës mëngjesin e 8 janarit, ndërsa mësohet se “po hetohet pjesëmarrja e mundshme e të akuzuarve në më shumë incidente të trafikut të qenieve njerëzore,”- thuhet në tej në dosje.
Kjo dëshmi bëri që banda të mbahet nën vëzhgim, por vrasja e Pëllumb Islamit s’u parandalua dot.
GREQI- Mediat grek kanë publikuar fotot e tre prej katër personave që janë shpallur në kërkim për vrasjen e Pëllumb Islamit, i cili u ekzekutua një natë më parë me një plumb në kokë. Të tre duken trupa të mbushur, muskulozë, me tatuazhe e varëse floriri të markës 'Versace'.
Personi në të majtë të fotos dyshohet se është kreu i grupit dhe është identifikuar si Erlis Salaj. Një tjetër është identifikuar si Julian Qose, por nuk dihet se cili është prej dy personave të tjerë që janë publikuar me foto.
Ngjarja e rëndë ndodhi në një lokal një natë më parë, pas një përleshjeje mes dy grupeve të përbërë nga shqiptarë. Një prej plumbave ka kapur aksidentalisht Islamin, duke i marrë jetën në vend. Viktima nuk kishte asnjë lidhje me personat në fjalë, por ishte duke parë ndeshjen me shokët e tij. Ai punonte si hidraulik në shtetin helen.
GREQI- Mediat greke kanë zbardhur detaje nga vrasja e shqiptarit Pëllumb Islami në Greqi. Sipas mediave greke, bëhet fjalë për katër persona, të cilët pas krimit, dyshohet se janë arratisur drejt Shqipërisë. Mediat greke kanë publikuar dhe momentin kur ata duket se largohen nga vendi i ngjarjes me një mjet të llojit "Jeep".
Ata dyshohet se janë të përfshirë në trafikun e drogës, të trafikut të qenieve njerëzore, si dhe gjobëvënie.
Ngjarja e rëndë ndodhi në një lokal një natë më parë pas një përleshjeje mes dy grupeve të përbërë nga shqiptarë. Një prej plumbave ka kapur aksidentalisht Islamin, duke i marrë jetën në vend. Viktima nuk kishte asnjë lidhje me personat në fjalë, por ishte duke parë ndeshjen me shokët e tij. Ai punonte si hidraulik në shtetin helen.
GREQI- Shqiptarët e përfshirë në vrasjen e 37-vjeçarit Pëllumb Islami, në Athinë, kishin marrë mjetet e tyre luksoze me qira. Kështu raportojnë mediat greke, të cilat specifikojnë se dy mjetet që u lanë pas nga autorët, janë marrë me qira në një zyrë e cila ndodhet në qendër të Athinës.
Autorët shqiptarë nisën të qëllonin me armë zjarri pas një sherri banal që nisi mes tyre brenda lokalit. Plumbat kapën Islamin, i cili ndodhej në vendin e gabuar në kohën e gabuar. Pas vrasjes së shqiptarit, Policia zbuloi jashtë kafenesë një mjet tip 'Jeep' i përdorur nga shqiptarët, ndërsa pranë vendit të ngjarjes u pa një makinë tjetër luksoze, e llojit 'Benz'. Efektivët e policisë, të cilët kanë shkuar në vendngjarje që në momentin e parë, kryen kontrollin e plotë të makinave, për të identifikuar autorët.
Policia ka mundur të kontaktojë biznesin nga ku u morën makinat, për të zbuluar emrat e shqiptarëve.
Në vendngjarje janë grumbulluar nëntë gëzhoja nëntë milimetrash. Ndërsa në muret e dyqanit janë gjetur predha të cilat janë dërguar në Departamentin e Hetimit Kriminal, ku aktualisht po kryhen testet balistike për të përcaktuar se sa armë janë përdorur.
Oficerët e Sigurimit të Atikës, nga eksplorimi i zonës, dyshojnë se shtatë personat e shpallur në kërkim kanë shkuar në lokal si dy grupe për të diskutuar dhe në një moment ka pasur një mosmarrëveshje të rëndë që ka çuar në shkëmbimin e të shtëna.
GREQI- Shqiptari që u vra aksidentalisht gjatë një sherri me armë zjarri në Greqi është identifikuar. 37-vjeçari quhet Pëllumb Islami, por të gjithë e thërrisnin Sandri dhe sipas informacioneve ishte me profesion hidraulik. Ai mbeti i vdekur pas një sherri banal në Athinë.
Gjithçka nisi pas një konflikti rreth orës 23:40, që disa klientë shqiptarë patën mes njëri-tjetrit në ambientet e një lokali. Sherri degjeneroi në përplasje fizike, e në vazhdim njëri prej tyre nxori një pistoletë që mbante me vete dhe qëlloi me armë ndaj grupit kundërshtar.
Plumbat plagosën një prej klientëve që ndodhej në lokal, i cili nuk kishte asnjë lidhje me ngjarjen. Ai u dërgua në spitalin KAT me plagë në gjoks dhe shpatull, por mjekët nuk mundën ta shpëtonin. Policia e cila mbërriti në vend ngjarje brenda pak minutash, tha se autorët mundën të largoheshin me një automjet të markës “Mercedes”, por nuk u bë i mundur ndalimi i tyre.
Në vend u gjetën shtatë gëzhoja dhe një plumb të deformuar, të cilat u dërguan për ekzaminim. Ende nuk dihen shkaqet e sherrit, por dyshohet për larje hesapesh mes bandave.
GREQI- Shqiptari që u vra aksidentalisht gjatë një sherri me armë zjarri në Greqi është identifikuar. 37-vjeçari quhet Pëllumb Islami, por të gjithë e thërrisnin Sandri dhe sipas informacioneve të Top Channel ishte me profesion hidraulik.
Megjithatë, për momentin, 7 shqiptarët nuk janë identifikuar, por deri më tani dyshohet se bëhet fjalë për një përplasje mes bandave për trafikun e drogës, ndaj dhe u përleshën në një kafene duke përdorur dhe armët e zjarrit.
GREQI- 'Bandë e përfshirë në trafikun e drogës'- kështu raportojnë mediat greke për 7 shqiptarët e arratisur pas vrasjes së bashkëatdhetarit të tyre. Policia ka nisur hetimet për vrasjen që ndodhi një natë më parë në një kafene.
Pas vrasjes së shqiptarit, Policia ka gjetur një mjet 'Xhip' të gjetur në afërsi të kafenesë që dyshohet se i përkiste njërit prej shtatë shqiptarëve, e po ashtu kanë gjetur edhe një veturë 'Mercedes' e cila dyshohet se i përkiste edhe njërit prej të 7-tëve.
Për momentin, 7 shqiptarët nuk janë identifikuar, ndërsa identiteti i viktimës me origjinë shqiptare, i moshës rreth 30-35 vjeç, është ende një mister. Pas plagosjes së shqiptarit, grupi prej 7 personash është zhdukur në drejtim të panjohur.
Ngjarja e rëndë ndodhi një natë më parë rreth orës 23:40 në një kafe me nargjile në rrugën Kastamonis, në Nea Ionia, ku një shqiptar vdiq pasi u qëllua me armë zjarri.
GREQI- Një ngjarje e rëndë ka ndodhur mbrëmjen e djeshme në Athinë, ku në një kafene një grup prej 7 shqiptarësh të cilët ishin nisur për të parë një ndeshje futbolli, nisën të debatonin ende pa u ulur. Pas debatit ata kanë dalë në rrugë para kafenesë ku njëri prej tyre ka nxjerrë armën duke qëlluar dhe duke lënë të vdekur një tjetër shqiptar që nuk kishte lidhje me grupin.
Shqiptari është dërguar në spital, por nuk ka mundur dot t’i mbijetojë plagëve, ndërsa grupi u arratis në drejtim të paditur. Policia është vënë në kërkim të autorëve, ndërsa ka gjetur një mjet tip xhip që dyshohet se i përket njërit prej anëtarëve të grupit, po ashtu në vendin e ngjarjes janë gjetur dhe sekuestruar gëzhojë dhe një plumb pistolete.
“Dola jashtë, ishte kaos, e pashë njeriun të rënë. Një makinë është larguar me shpejtësi dhe i kanë bërtitur shoferit “ik, ik””, tha për protothema.gr një banor i zonës.
GREQI- Detaje nga vrasja e shqiptarit në Greqi. Ai u vra brenda një lokali në zonën e Nea Ionia, nga bashkëatdhetarët e tij, të cilët mundën që të arratiseshin. Viktima, i cili ka dhënë frymën e fundit në spital, nuk ka pasur asnjë dokument që vërteton identitetin e tij. Pamjet nga kamerat e sigurisë do të ndihmojnë policinë të kuptojë se si arritën në kafene dhe rrugën e tyre të arratisjes.
Një banor tha se u dëgjuan 5-6 të shtëna me armë, pak para se të vdiste, viktima ishte i shtrirë në tokë dhe po fliste me një vajzë. Ai tregoi se pas ngjarjes së rëndë situata ishte kaotike ndërsa rrëfeu momentin kur pa autorët të largoheshin me shpejtësi nga vendngjarja.
“Dëgjova 6 apo 7 të shtëna, u hodha jashtë dhe pashë njerëz. Viktima ishte shtrirë dhe fliste me një vajzë Dola jashtë, ishte kaos, e pashë njeriun të rënë. Një makinë është larguar me shpejtësi dhe i kanë bërtitur shoferit “ik, ik””, tha për protothema.gr një banor i zonës.
Ngjarja e rëndë ndodhi mbrëmjen e djeshme në një lokal në Nea Ionia, ku shqiptari mbeti i plagosur rëndë dhe më pas ka ndërruar jetë nga plagët e marra. Gjithçka nisi kur një grup prej shtatë shqiptarësh kanë mbërritur në lokal dhe kanë nisur të debatojnë pa u ulur.
Më pas të shtatë dolën në rrugë jashtë lokalit dhe njëri prej tyre ka nxjerrë armën dhe ka qëlluar dhe plumbi ka kapur një klient, i cili ishte shqiptar, por nuk kishte lidhje me grupin. Ai ishte ulur për të parë ndeshjen. Për pasojë shqiptari mbeti i vdekur.
GREQI-Vritet shqiptari në Nea Ionia. Ngjarja ka ndodhur në orën 23:40 në një kafe me nargjile në rrugën Kastamonis, në Nea Ionia, ku një shqiptar ka mbetur i plagosur rëndë, duke ndërruar jetë në spital.
Sipas informacioneve të mediave greke, gjithçka ka nisur kur një grup prej shtatë shqiptarësh kanë mbërritur në kafene dhe kanë nisur të debatojnë pa u ulur. Më pas të shtatë dolën në rrugë jashtë kafenesë me njëri prej tyre duke nxjerrë armën dhe duke qëlluar. Për pasojë, shqiptari, i cili sipas imazheve të para që ka pasur policia nuk kishte lidhje me grupin e bashkatdhetarëve të tij që u përleshën, mbeti i plagosur në kockë të klavikulës.
Pas plagosjes së shqiptarit, grupi prej 7 personash është zhdukur në drejtim të panjohur. Oficerët e policisë që ndodhen në vendngjarje gjetën një xhip të tipit amerikan të cilin e quajtën “fletë dhe krahë” pasi ndoshta i përkiste njërit prej anëtarëve të grupit shqiptar.
Shqiptari u dërgua i plagosur në spitali ku ndërroi jetë pak para orës 03:00 pasi kishte humbur shumë gjak.
Policia ka grumbulluar nga vendngjarja shtatë gëzhoja dhe një plumb të deformuar nga një pistoletë 9 gamë, ndërsa është vënë në kërkim të personit që ka qëlluar përmes kamerave të sigurisë së dyqanit.
