"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Një pjesë e një mbikalimi në unazën e Patrës të Greqisë, në zonën Perimetriki Odos është shembur duke lënë të vdekur dy persona dhe duke plagosur me dhjetëra të tjerë ndërsa ekipet zjarrfikëse vijojnë punën për të shpëtuar personat të cilët ndodhen nën rrënoja. •Dyshohet se në momentin e shpërthimit poshtë urës ndodheshin edhe disa punonjës të komuniteti rom, të cilët ishin sipas dëshmitarëve ishin duke mbledhur metal. • Ndërkohë policia ka ndaluar qarkullimin e automjeteve në bypass-in e gjerë të Patrës në të dy drejtimet, drejt Athinës dhe Pirgos si dhe në rrugën Diodorou në Patras, për shkak të shembjes. •Ura rezulton të jetë mbyllur që prej datës 20 korrik, me vendim të Drejtorisë së Policisë së Akaisë , për shkak të punimeve dhe rikonstruksioneve më nënkalimet e saj. •Ndërkohë ditën e sotme ishte planifikuar prishja e kontrolluar e një pjese të strukturës hyrëse në unazën e Patrës.
4 artikuj për këtë temë.
GREQI- Tre persona janë arrestuar pas shembjes së një pjese të urës në Patra, ku dy persona humbën jetën dhe 12 të tjerë u plagosën.
Përgjegjësi i projektit dhe dy operatorë, ku njëri prej tyre po trajtohej i plagosur në spital janë arrestuar, raporton protothema. Ndërkohë ekipet e shpëtimit po vazhdojnë kërkimet në rrënoja, ku të paktën 3 persona dyshohet se janë bllokuar.
Ura ishte e mbyllur, me vendim të Drejtorisë së Policisë së Akaisë, nga e enjtja e datës 20 korrik për shkak të punimeve të shembjes për rikonstruksionin e nënkalimit.
GREQI- Detaje të reja janë zbardhur pas shembjes së një pjese të urës në Patra. Një dëshmitar i cili ndodhej në vendngjarje kur u shemb ura në zonën e Bozaitikës, rrëfehu momentin kur pjesa e urës ra, raporton Protothema.
Sipas tij ka njerëz të vdekur poshtë në rrënojat, të cilët bashkë me të ishin duke nxjerrë skrap. Burri fatmirësisht kishte shpëtuar pasi ndodhej në një qoshe.
“Ata u vranë. Edhe unë dhe vëllai im ishim poshtë. Po nxirrnim pak skrap dhe ura na ra. Unë shpëtova për mrekulli, isha në qoshe," tha një dëshmitar në vendngjarje, duke pohuar se ka njerëz të vdekur poshtë në rrënojat.
GREQI- Ka shkuar në 2 numri i personave që humbën jetën, ndërsa persona të tjerë janë poshtë gërmadhave të urës së Patras, Greqi, që u shemb mesditën e sotme, raportojnë mediat e huaja.
Sipas informacioneve poshtë gërmadhave dëgjohen zëra dhe grupet e kërkim shpëthimit kanë në dispozicion dhe një dron. Sipas të njëjtave informacione gjashtë nga të plagosurit janë dërguar në Spitalin Universitar dhe gjashtë të tjerë në Spitalin “Agios Andreas”, ku mësohet se katër prej tyre janë në gjendje të rëndë.
Ditën e sotme ishte planifikuar prishja e kontrolluar e një pjese të strukturës hyrëse në unazën e Patrës, por nën urë ndodheshin pesë-gjashtë persona, të cilët kishin shkuar atje për të mbledhur metal. Në kuadër të shembjes së kontrolluar, një pjesë e madhe e urës është shkëputur duke bërë që ajo të bjerë në rrugë.
GREQI-Një pjesë e një ure ka rënë në Perimetriki Odos të Patrës, në Diodorou, në zonën Bozaitika. Deri më tani raportohet se ka një të vdekur dhe 8 të plagosur. Në këtë pikë punimet kryhen prej dy vitesh, në kuadër të një shembjeje të kontrolluar.
Që nga rënia e urës, e cila ndodhet në afërsi të vendbanimit të Romëve, informacionet bëjnë me dije se ka persona të bllokuar dhe të plagosur.
35 zjarrfikës me 12 makina policie, si dhe mjete speciale të shpëtimit me 2 qen shpëtimi ishin në vendin e ngjarjes. Policia ka ndaluar qarkullimin e automjeteve në bypass-in e gjerë të Patrës në të dy drejtimet (drejt Athinës dhe Pirgos) si dhe në rrugën Diodorou në Patras, për shkak të shembjes së urës.
Në vendngjarje janë edhe Guvernatori Rajonal i Greqisë Perëndimore Nektarios Farmakis, zëvendësministri i Infrastrukturës Nikos Tachiaos dhe ministrja e Transportit Christina Alexopoulou.
