6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Efekti financiar i rritjes së pagave në buxhet për tetë muajt e këtij viti, prill-dhjetor 2023 do të jetë 11 miliardë lekë. • Kështu deklaroi ministrja e Ekonomisë dhe Financave, Delina Ibrahimaj. • Në një konferencë për mediat, ministrja Ibrahimaj tha se forcimi i Lekut në krahasim me monedhat kryesore si Euro dhe Dollari ka ardhur si pasojë e performancës së mirë ekonomike të vendit. • Por gjithashtu shtoi se Qeveria ka nisur procesin e konsultimit për të rishikuar taksën e pronës. • Ndërsa edhe njhëherë mbështeti ligjin për legalizimin e kanabisit mjekësor. • Ministrja e Financave dhe Ekonomisë, Delina Ibrahimaj tha se ende nuk ka një draft të finalizuar, por objektivi i synuar është vlerësimi i pasurive me vlerën e tregut, me çmimin e tregut. • Në fund, ministrja e Ekonomisë dhe Financave bëri të ditur se këtë vit pritet një rritje ekonomike në nivelin e 3.7 përqindve.
4 artikuj për këtë temë.
TIRANË- Ministrja e financave dhe ekonomisë, Delina Ibrahimaj u pyet ditën e sotme nga gazetarët për taksën e pasurisë. Ibrahimaj tha se ende nuk është paraqitur një draft për taksën e pasurisë, por kanë një produkt të hartuar. Më tej, ajo specifikoi se taksa do kohën e saj, mirëpo pritet që të futet në fuqi në vitin 2026.
Pyetje- A do të ketë rritje taksash për të balancuar rritjen e pagave?
Ibrahimaj- Për 8 muajt e vitit 2023 efekti pritet të jetë 11 miliardë lekë, ndërsa për vitin 2024 do të ketë një efekt 11 miliardë lekë, ndërsa më tutje do të jetë total 39 miliardë lekë. Diferenca mes administratës dhe ministrave dhe presidentit është e madhe, përbën rreth 11.5% ndërsa 98% të totalit e përbën administrata. Ne prej vitesh në bashkëpunim me FMN, ne kemi parashikuar disa masa për reduktimin e disa normave favorizuese të taksave në disa sektorë të caktuar. Pra këto masa ndërmerren jo vetëm për të përballuar rritjen e pagave por dhe për të rritur treguesin për prodhuesin e brendshëm bruto, të cilat lidhen qoftë dhe me ligjin e tatimit mbi të ardhurat por dhe me taksën e pasurisë apo tatime të tjera, që do ndikojnë në performanëcën për mbledhjen e të ardhurave.
Pyetje- Çfarë do ndryshojë për taksën e pasurisë? Po ligjin për kanabisin mjekësor, keni pasur konsensus nga ndërkombëtarët?
Ibrahimaj- Ende nuk kemi një draft për taksën e pasurisë, por një produkt të hartuar dhe jemi ende në konsultim, jemi duke punuar për të marrë ekspertizën e duhur që kjo reformë madhore të respektohet sa më mirë. Është një taksë që do marrë kohën e vetë për tu implimentuar, pritet të vendoset në fuqi në vitin 2026, vlerësim i ndërtesave, pronave në bazë për vlerën e tregut. Kjo është dhe arsyeja që ne kemi marrë punën herët. Është reformë madhore që duhet bërë në kohën e duhur.
TIRANË- Çështja e legalizimit të kanabisit ishte një nga pyetjet e gazetarëve për ministren Delina Ibrahimaj. Kjo e fundit u shpreh se ligji do sjellë impulse të shtuara në ekonominë e vendit. E po ashtu, ministrja tha se ky ligj nuk ka nevojë të debatohet pasi është në funksion edhe në vende të tjera.
'Për ligjin e kanabis, sjell impuls të shtuar në ekonominë e vendit, nuk ka arsye pse të ketë debate, është një ligj që është në funksion dhe në vende të tjera të rajonit. Eshtë një sektor i ekonomisë që nuk ka pse mos të zhvillohet'- tha Ibrahimaj.
TIRANË- Ministrja e Financace dhe Ekonomisë, Delina Ibrahimaj bëri të ditur se këtë vit ka pasur një forcim të shtuar të lekut, përkundrejt euros. Në një konferencë për mediat, ajo u shpreh se forcimi vjen si pasojë e strukturës së ekonomisë, performancës dhe rritjes së investimeve të huaja.
'Remitancat kanë vijuar të rriten, janë rritur me 29.5 milionë euro. Lidhen me shqetësimin e kohëve të fundit që ka ardhur nga disa biznese, për ecurinë e kursit të këmbimit. Në vitin 2023 kemi pasur një rritje të ndjeshme të lekut. Më e ndjeshme ka qenë ecuria e lekut në krahasim me euron. Forcimi i lekut ndaj euros vjen si pasojë e strukturës së ekonomisë, performancës, sidomos me forcimin e ekspertëve të turizmit dhe me rritjen e investimeve të huaj që kanë sjellë kapitale në valutë. Një nga elementët që e ka mbajtur inflacionit ka qenë kursi fleksibël'- tha ministrja.
TIRANË- Ministrja e Financave dhe Ekonomisë, Delina Ibrahimaj, doli ditën e sotme në një konferencë për mediat, mbi treguesit ekonomikë. Gjatë fjalës së saj, ministrja Ibrahimaj ka thënë se Ministria e Financave pret që rritja ekonomike për vitin 2023 të shkojë në nivelin 3.7%.
'Sektori i ndërtimit ka vijuar të japë një kontribut pozitiv në 4,5% në tremujorin e parë të vitit. Dega e tregtisë me shumicë ka rezultuar me rritje në 3,52%, ku performancën më të lartë pozitive e ka pasur sektori i transportit. Kemi pasur një ecuri pozitive dhe në nëndegën e shërbimit ushqimor, që është rritur me 7,2 % në tremujorin e parë të vitit dhe nëndega e tregtisë është rritur me 5,5%. Rritja në sektorin e informacionit dhe komunikacionit, 6.29%. Nga ana e shpenzimeve, prodhimi i brendshëm bruo, konsumi final i popullatës ka vijuar të jetë në rritje. Presim që rritja ekonomike të vazhdojë, për vitin 2023 të shkojë në nivelin 3.7%.'
Gjatë fjalës së saj, ministrja Ibrahiamaj ka four me shifra konkretë përsa i përket turizmit duke thënë se numri i të huajve që vizitojnë Shqipërinë është rritur me 22.5%.
'Për 5-mujorin e vitit 2023, numri i shtetasve të huaj të futur në Shqipëri është rritur me 22.5 % ose kemi pasur 2,4 milionë qytetarë të huaj të hyrë në vend. Rreth 700 mijë më shumë se vitin e kaluar. Kjo tregon se politikat tona për nxitjen e sektorit të turizimit kanë pasur efektin e duhur. Numri i turistëve në Shqipëri është rritur. Turizmi ka vijuar të jetë një dukuri e shpërndarë në të gjithë vitin. Presim që për 3-mujorin e dytë dhe të tretë, turizmi dhe aktivitetet e lidhura me të, të kenë një performancë pozitive. Investimet e huaja direkte kanë vijuar të kenë pasur një trend rritës. Ata kanë qenë të shpërndarë në të gjithë sektorët e Ekonomisë.'
Ibrahimaj është ndalur tek disa sektorë të Ekonomisë teksa ka thënë se synim është reduktimi i borxhit publik në mënyrë që në të ardhmen të përballohet çdo e papritur, me të cilën mund të përballet vendi.
'Gjatë vitit 2023, forcim të ndjeshëm të Lekut kundrejt monedhave kryesore, Euros, Dollarit e monedhave të tjera. Forcimi i Lekut ndaj Euros, si pasojë e strukturës së Ekonomisë dhe performancës së Ekonomisë. Ecuri pozitive të të gjitha politikave që qeveria ka marrë në lidhje me rritjen e pagave. Presim një kontribut më pozitiv. Kemi vendosur që këtë viti të iniciojmë një politikë të rritjes së pagave për sektorin publik që do të ndikojë edhe në pagat e sektorit privat. Ky është momenti i duhur për të bërë rritje të pagave. Synojmë të reduktojmë borxhin publiik që të në të ardhmen të përballojmë të papriturat që mund të na vijnë'
