Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Kryeministri Edi Rama ka zhvilluar një takim ditën e sotme me homologun estonez Kristen Michal, ku dhe mbatën një konferencë për mediat. • Gjatë fjalës së tij kryeministri estonëz theksoi se Shqipëria duhet të përmbush angazhimet e saj, në mënyrë që Bashkimi Evropian të pranojë anëtar të rinj në union. • Kristen Michal theksoi se përvoja e Estonisë si vend dixhital, tregon se teknologjia mund të reduktojë burokracinë dhe përmirësojë shërbimet publike për qytetarët. • Ndërkohë që kryeministri Edi Rama vlerësoi mbështetjen që ka treguar Estonia ndaj Shqipërisë për rrugën drejt BE-së, duke treguar dhe hapat që ka bërë vendi drejt Inteligjencës Artificiale. • Rama theksoi se Estonia duhet të shihet si një udhërrëfyes për Shqipërinë, duke qenë se është një lider në fushën e teknologjisë. • Po ashtu, kryeministri iu bëri thirrje estonezëve që të vizitojnë Shqipërinë duke shtuar me batutë se dhe në Tiranë presidenti rus Vladimir Putin nuk është i mirëpritur.
3 artikuj për këtë temë.
ESTONI- Kryeministri Edi Rama gjatë konferencës së përbashkët me kryeministrin estonez, u shpreh se Shqipëria pret të mësojë nga Estonia në lidhje inteligjencën artificiale, pasi sipas tij Estonia është një markë botërore në këtë drejtim. Me batuta, Kryeministri u bëri thirrje estonezëve që të vizitojnë Shqipërinë, duke thënë se në Tiranë nuk ka simpati për Putinin dhe do të ndjehen si në shtëpi.
“Ju solla diellin nga Shqipëria. Dua të shpreh mirënjohjen pasi më lejohet më së fundi të vizitoj këtë qytetet që e kam imagjinuar si një laborator që shkruhet çdo ditë. Dua t’u them estonezëve që kemi admirim të plotë për ta pasi nuk kanë vendosur të jetpojnë në një muze por në të ardhmen. Shqipëria e vogël ka nevojë për shembuj të tillë. Ju falënderoj për mikpritjen e ngrohtë dhe dua të them që u befasova që kishit kaq ushqim të mirë këtu, diçka që nuk e prisja.
Me ju kërkojmë bashkëpunim dhe udhërrëfimin, dhe na thatë se njerëzit tanë janë të mirëpritur të vijën e të mësojnë nga ju sidomos ën sistemin arsimor. Për t’u dhënë fëmijëve instrumentet që të çojnë vend para. Duam që rruga jonë drejt 2030 të shtrohet me të njëjtë inovacion që e ka bërë Estoninë markë globale. Edhe ne synojmë të ecim para me inteligjencën artificiale. Me zor pres t’ua prezantoj ministren tonë. Nuk kemi simpati për Putinin në Tiranë, do të ndjeheni si në shtëpi," tha Rama./Dosja.al
ESTONI- Kryeministri Edi Rama ka deklaruar se Estonia është një vend frymëzues për Shqipërinë në lidhje me orientimin drejt së ardhmes dhe inovacionit. Duke folur gjatë konferencës së përbashkët me Kryeministrin e Republikës së Estonisë, Kristen Michal, Rama vlerësoi transformimin dixhital të Estonisë, duke iu referuar edhe “kërcimit të tigrit” si model zhvillimi për epokën e inteligjencës artificiale.
Kryeministri theksoi gjithashtu marrëdhëniet e ngushta mes dy vendeve, duke nënvizuar se Shqipëria dhe Estonia janë të bashkuara jo vetëm në kuadër të NATO-s, por edhe në mbrojtjen e vlerave demokratike dhe refuzimin ndaj ndikimeve të huaja që synojnë të minojnë demokracinë.
“Dua të shpreh mirënjohjen që më së fundmi më lejohet të vizitoj këtë qytet. Është e vërtetë që ky qytet është i mrekullueshëm edhe falë asaj që është ndërtuar në të shkuarën. Dua t’u them qytetarëve estonezë që kemi një admirim të plotë për ta sepse kanë vendosur të jetojnë në ardhmen. Ju falënderoj edhe për mikpritjen shumë të ngrohtë. Faleminderit që ndatë me mua se si ia dolët me sukses për të bërë atë që jua e quani “kërcimi i tigrit” në ecjen përpara duke iu përgjigjur sfidave të epokës së Inteligjencës Artificiale. Nuk kërkojmë vetëm bashkëpunim, por edhe atë udhërrëfyes estonez.
Jemi mirënjohës që na thatë se jeni gati të prisni njerëzit tanë. Ne duam të sigurohemi që edhe rrugëtimi ynë në 2030 të shtrohet me të njëjtën novacion që e ka bërë Estoninë markë globale. Ne synojmë të ecim përpara me Inteligjencën Artificiale. Estonia dhe Shqipëria janë shumë të bashkuara, jo vetëm nga NATO, por edhe nga një refuzim i palëkundur për të mos lënë fuqitë e huaja të minojnë mënyrën tonë demokratike të jetesës. Ne jemi dy kombe që jetojmë me dëshirën për të kapur të ardhmen, pasi janë mbajtur për një kohë të gjatë në të shkuarën…Faleminderit që vazhdoni të mbështesni Shqipërinë. Presim të kalojmë në fazën tjetër duke përmbyllur negociatat”, tha Rama./Dosja.al
ESTONI- Kryeministri estonez Kristen Michal ka deklaruar se vendi i tij e mbështet zgjerimin e Bashkimit Evropian me vende të tjera. Gjatë deklaratës së përbashkët me kryeministrin Edi Rama, Michal ka theksuar se nëse Shqipëria përmbush angazhimet e saj në reformat, Bashkimi Evropian do të bëj të njëjtën gjë, duke hapur rrugën për anëtarësimin e vendit.
Ndërkohë që më tej, Michal ka shtuar se përvoja e Estonisë si vend dixhital, tregon se teknologjia mund të reduktojë burokracinë dhe përmirësojë shërbimet publike për qytetarët.
“Estonia mbështet fort zgjerimin e BE, kemi mbështetur Shqipërinë në rrugëtimin drejt BE dhe do e bëjmë këtë gjë. Vazhdoni të ecni përpara me reforma për të ardhmen e vendit dhe popullit tuaja nëse Shqipëria përmbush angazhimet e saj, atëherë edhe BE do të bëjë të njëjtën gjë. Fluturimet e drejtpërdrejta çelin mundësi të reja për turizmin dhe bizneset. Kemi shumë të përbashkëta, bashkëpunimi për çmimet dixhitale, interesi në rritje për AI. Përvoja e Estonisë si vend dixhital tregon se teknologjia mund të reduktojë burokracinë dhe përmirësojë shërbimet publike. Nisma jonë e sapo prezantuar e AI është investim i rëndësishëm në të ardhmen e ekonomisë, pres me padurim të thellojmë bashkëpunimin për çështjet dixhitale dhe inteligjencën artificiale. Shqipëria ka një ministre për AI, Estonia duhet të ecë që t’ju kapë aty. I dashur Edi faleminderit për vizitën tuaj. Vitin tjetër shënojmë 25 vjet marrëdhënie diplomatike mes dy vendeve dhe besoj se bashkëpunimi do të bëhet edhe më i fortë,” tha Michal./Dosja.al
