Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Kandidati për zgjedhjet e ardhshme presidenciale në Ekuador, Fernando Villavicencio është ekzekutuar me 3 plumba në kokë gjatë një tubimi të fushatës. •Gjithashtu si pasojë e të shtënave me armë janë plagosur nëntë persona, duke përfshirë një kandidat për asamble dhe dy policë. •Policia ka qëlluar për vdekje agresorin, ndërsa u arrestuan 6 të dyshuar. • Ndërkohë pas ngjarjes që tornditi vendin, presidenti Guillermo Lasso tha se se ata që shkelin ligjin do të ndëshkohen.
3 artikuj për këtë temë.
EKUADOR- Presidenti i Ekuadorit, Guillermo Lasso ka shpallur gjendjen e jashtëzakonshme dhe shpalli tre ditë zie kombëtare pas vrasjes së kandidatit presidencial Fernando Villavicencio.
Gjendja e jashtëzakonshme kërkon vendosjen e personelit ushtarak shtesë në të gjithë vendin. Lasso tha gjithashtu se zgjedhjet presidenciale do të zhvillohen siç ishte planifikuar më 20 gusht, pavarësisht ngjarjes kriminale, shkruajnë mediat e huaja.
“Duke pasur parasysh humbjen e një demokrati dhe një luftëtari, zgjedhjet nuk pezullohen; përkundrazi, ato duhet të mbahen dhe demokracia duhet të forcohet”, tha Lasso të enjten.
Kandidati për zgjedhjet e ardhshme presidenciale në Ekuador, Fernando Villavicencio është ekzekutuar me 3 plumba në kokë gjatë një tubimi të fushatës. Gjithashtu si pasojë e të shtënave me armë janë plagosur nëntë persona, duke përfshirë një kandidat për asamble dhe dy policë.
EKUADOR- Fernando Villavicencio, kandidat për president në Ekuador u qëllua për vdekje të mërkurën gjatë një takimi elektoral në kryeqytet, në një kohë kur dhuna mes bandave gëlon në shtetin Amerikano Jugor. Gjatë fushatës elektorale ai premtoi se do të 'luftonte' kundër karteleve dhe korrupsionit.
Presidenti Guillermo Lasso konfirmoi vrasjen e Fernando Villavicencio ndërsa shtoi dyshimet se pas ngjarjes fshihet krimi i organizuar, më pak se dy javë përpara zgjedhjeve presidenciale të 20 gushtit, shkruajnë mediat e huaja.
"Ju siguroj se ky krim nuk do të mbetet i pandëshkuar. Krimi i organizuar ka shkuar shumë larg, por ata do të ndjejnë peshën e plotë të ligjit," tha Lasso në një deklaratë.
Para të shtënave, Villavicencio tha se kishte marrë kërcënime të shumta me vdekje, duke përfshirë nga bashkëpunëtorët e kartelit Sinaloa të Meksikës, një nga grupet e shumta të krimit të organizuar ndërkombëtar që tani veprojnë në Ekuador. Ai tha se fushata e tij përfaqësonte një kërcënim për grupe të tilla.
“Këtu po tregoj fytyrën time. Unë nuk kam frikë prej tyre,” tha Villavicencio në një deklaratë, duke përmendur emrin e bosit të arrestuar të krimit José Adolfo Macías me pseudonimin e tij “Fito”.
Villavicencio ishte një nga tetë kandidatët, megjithëse jo kryesuesi. Politikani, 59 vjeç, ishte kandidati për Lëvizjen Build Ecuador. Trafikantët e drogës në Ekuador kanë filluar të përdorin portet bregdetare të vendit. Më 26 korrik, Lasso shpalli një gjendje të jashtëzakonshme duke mbuluar dy provinca dhe sistemin e burgjeve të vendit në një përpjekje për të frenuar dhunën.
EKUADOR- Kandidati për President në Ekuador, Fernando Villavicencio, është qëlluar për vdekje gjatë një fushate. CNN raporton se Villavicencio u qëllua dhe u vra teksa po largohej nga një tubim i fushatës në një shkollë në veri të kryeqytetit Quito, 10 ditë përpara se raundi i parë i zgjedhjeve presidenciale të mbahej më 20 gusht.
Nëntë persona kanë pësuar lëndime, përfshirë një kandidat për asamble dhe dy policë. Ngjarja e rëndë ka ndodhur teksa Villavicencio ishte duke u larguar nga mitingu i fushatës drejt një automjeti të rrethuar nga disa oficerë policie dhe një turmë shikuesish. Në momentin që është ulur në sediljen e pasme të automjetit, autori i doli përpara dhe e qëlloi në kokë. Janë dëgjuar të paktën 12 të shtëna.
Presidenti i vendit, Guillermo Lasso tha se “krimi nuk do të mbetet i pandëshkuar”. Villavicencio, i cili ishte i martuar dhe kishte pesë fëmijë, ishte një nga tetë kandidatët në raundin e parë të zgjedhjeve.
Ngjarja vjen në një periudhë, ku krimi dhe prania e kartelave të drogës në Ekuador vjen gjithnjë e më shumë në rritje gjatë viteve të fundit, duke e kthyer në një ndër retorikat kryesore të fushatave presidenciale të këtij viti por edhe të politikës në tërësi. Muajin e kaluar, Lasso shpalli gjendje të jashtëzakonshme dhe shtetrrethim natën në tre provinca pas një numri vrasjesh të lidhura me krimin e organizuar.
