PËRPLASJE tek "Myslym Keta"/ Banorët e pallatit kundërshtojnë shembjen, nuk i binden policisë

Blendi Këlliçi

TIRANË- Deputeti demokrat Belind Këlliçi ka deklaruar se një person ka humbur jetën ditën e sotme në rrugën Myslym Keta. I ftuar në emisionin 'Çim Peka Live' në Syri Tv, Këlliçi ka deklaruar se personi ka humbur jetën për shkak të vendimin të Bashkisë për të prishur pallatin që ai banon. Ai i bëri thirrje bashkisë së Tiranës që t'i rikthejë energjinë elektrike familjes së Agim Bozhiqit të cilët kanë hapur dyert e mortit. 

"Para një ore jam vënë në dijeni nga banorët se shtetasi Agim Bozhiqi ka ndërruar jetë për shkak të kësaj situate dhe për shkak se ishte një nga banorët e pallatit. Mazniku apo kushdo tjetër nga bashkia e Tiranës, bëjnë mirë që familjes së të ndjerit t'i kërkojnë jo ndjesë publike, por t'i çojnë drita dhe ujë aktualisht që ta respektojnë mortin dhe të ndjerin që kanë në banesën e tyre. Tani që po flasim. Kaq të bëjnë këta dhe nuk kanë nevojë banorët për asgjë tjetër përveçse transparencë. është një sjellje barbare. Kjo nuk i bëhet askujt. Të lësh persona të moshuar, fëmijë, persona invalidë pa ujë dhe pa drita në këtë gjendje, në mes tyë dimrit, në prag të festave, pa ujë dhe pa drita, kjo nuk i bëhet askujt", tha Këlliçi. 

Banorët e pallatit nr 4 në rrugën “Myslym Keta” kundërshtojnë shembjen e pallatit të tyre. Ata janë përplasur ditën e sotme me policinë, e cila po kryen largimin e tyre nga ndërtesa e cila do shembet. Banorët thonë se nuk ka vendim gjykate për prishjen e pallatit dhe se shkalla e vlerësimit për këtë pallat pas tërmetit ka ndryshuar disa herë. Banorët kanë dyshime se pas shembjes së pallatit fshihen interesa të tjera. Ata kanë thënë më tej se nuk është bërë asnjë akt ekspertimi privat që ka nxjerrë pallatin me shkallën e dëmtimit DS2. Prej orës 01:30, banorët e pallatit janë pa ujë dhe drita.

Gruaja

TIRANË- Një grua në pallatin që pritet të shembet në rrugën Myslym Keta ka deklaruar se vetë Luljeta Bozdo ka deklaruar se pallati është i banueshëm dhe nuk ka probleme. Duke folur për mediat, banorja ka theksuar se shembja e pallatit po bëhet për interesat e veta dhe jo se pallati nuk është i banueshëm.   

"Ka ardhur i ndjeri Agron Hysenbelliaj në çdo familje dhe ka thënë ky pallat nuk ka asgjë, mua tekstualisht më ka thënë do vi të jetojë unë me ty. Si ai si Luljeta Bozdo që sot është parlamentare, sot një vit e gjysëm që është parlamentare ka thënë do e kthen nga DS3 në DS5. Nuk e kuptoj e janë njerëz. Këto e bëjnë për interesat e veta, jo nga tërmeti. Nga shtëpiat nuk dalim," tha një grua. 

Banorët e pallatit nr 4 në rrugën “Myslym Keta” kundërshtojnë shembjen e pallatit. Pallati u dëmtua nga tërmeti i vitit 2019. Fillimisht atyre u është thënë që pallati ka dëmtime të riparueshme dhe u është thënë të ktheheshin në apartamente të cilat i kanë riparuar. Tani atyre u ka mbërritur një vendim ku u kërkohet që të dalin jashtë pasi do të shembet pallati.

Banori

TIRANË- Një banor i pallatit që pritet të shembet te rruga Myslym Keta ka deklaruar se pallati nuk ka pasur asnjë dëmtim nga tërmeti. Duke folur për mediat, banori u shpreh se nga ekspertët janë bërë dy akt konstatime në mënyrë që të merren vetëm masat për riparime dhe jo për shembje. Po ashtu, ai ka theksuar se nga inxhinieri kanë marrë konfirmimin se ky pallat nuk duhet shembur.  

"Janë bërë akt konstatime të pallatit tonë të vitit 2016-2019 pas tërmetit dhe përshkrimi thotë që nuk ka probleme në strukturë. Janë bërë dy akt konstatime të merren masa për riparime. Duke qenë se ky pallat është i përbërë nga tre seksione, aktet e konstatimit janë bërë vecmas për hyrjen e parë dhe vecmas për 8 hyrjet e tjera. Firma e inxhinierit është e ndryshme nga firmat e tjera. Pas inxhinierit, kemi marrë edhe marrë konfirmimin nëse këto pallate janë DS3 që do të thotë që këto pallate nuk shemben dhe nuk duhet bërë akt ekspertize të thelluar, këta në kundërshtim me ligjin kanë kryer akt ekstertimi të thelluar ku në dokumenta shkalla e dëmtimit është DS3," tha banori.

E moshuara

TIRANË- Kjo është e moshuara e cila nuk lëviz nga ballkoni i pallatit numër 4 në rrugën “Myslym Keta”. Ajo dhe banorët e pallatit kundërshtojnë shembjen e ndërtesës, në të cilën kanë jetuar prej vitesh. Policia dhe zonjat që banojnë aty, iu janë afruar të moshuarës që të largohet nga ballkoni i katit të tretë, pasi godina do shembet. 

Banorët thonë se nuk ka vendim gjykate për prishjen e pallatit dhe se shkalla e vlerësimit për këtë pallat pas tërmetit ka ndryshuar disa herë. Banorët kanë dyshime se pas shembjes së pallatit fshihen interesa të tjera.

E moshuara

TIRANË- E moshuara, banesa e së cilës do shembet pasi u është dhënë një shkresë ku thuhet se pallati do shembet, i ka rënë të fiktë. Mes lotësh, ajo kundershton prishjen e banesës së saj, aty ku ka jetuar për shumë vite. 

'Ku të shkoj tani unë, është mesi i dimrit'- ka thënë e moshuara, e cila u ndje keq, së cilës i ra të fiktë.

Pallati i banorëve të zonë së 'Myslym Ketës' u dëmtua nga tërmeti i vitit 2019. Fillimisht atyre u është thënë që pallati ka dëmtime të riparueshme dhe u është thënë të ktheheshin në apartamente të cilat i kanë riparuar. Tani atyre u ka mbërritur një vendim ku u kërkohet që të dalin jashtë pasi do të shembet pallati. 

Qytetarja

TIRANË- Ditën e sotme banorët që jetojnë në pallatin nr.4 në rrugën “Myslym Keta” në Tiranë kanë dalë në protestë pasi u është kërkuar që të largohen nga banesat e tyre, të cilat do prishen. 

Banorët thonë se kjo po bëhet për t’i hapur rruge ndërtimeve të bashkisë pasi shtëpitë ata i kanë riparuar dhe dëmtimet kanë qenë të nivelit Ds3 dhe Ds2. Në këtë nivel dëmtimi banesat duhet të riparohen dhe jo të shkatërrohen.

'Kjo është vetëm për fitimet e tyre. Shtëpinë e kam ashtu që nga koha e tërmetit.'- tha një e moshuar. 

Një tjetër person u shpreh: Këto punë që bëhen këtu nuk bëhen në asnjë vend tjetër.