Kaos para Kuvendit/ Qytetarët hedhin vezë, policia përgjigjet ashpër, ujë me presion dhe gaz lotsjellës drejt protestuesve

TIRANË- Tensionohet situata përballë Kuvendit. Policia po përdor ujë për të shpërndarë protestuesit të cilët po protestonin në mënyrë paqësore. Në disa moment ka përplasje fizike, hedhje uji dhe spraj vetëm se disa protestues tentuan të kalojnë gardhin metalik.

pamjet

TIRANË- Një moment tensioni është regjistruar gjatë protestës para Kuvendit, ku një e moshuar ka tentuar të bllokojë rrugën e Elbasanit, ndërsa është përballur me ndërhyrjen e forcave të policisë.

Siç shihet edhe në pamje, efektivët kanë ndërhyrë për ta larguar gruan nga zona e bllokuar, duke e tërhequr atë zvarrë në asfalt. Ndërsa më parë edhe një e re është larguar nga policia pas tentativave për të bllokuar rrugën./Dosja.al

pamjet

TIRANË- Protestuesit kanë tentuar që të bllokojnë kryqëzimin e Unazës te rruga e Elbasanit, pasi nuk u lejuan nga policia që të afrohen te Parlamenti.

Më herët, ata hoqën dy gardhe metalike të vendosura në anën e sipërme nga qendra, ndërsa një tjetër është vendosur te Kryqëzimi i rrugës së Elbasanit./Dosja.al

TIRANË- Protestuesit kanë zgjedhur një formë simbolike për të shprehur pakënaqësinë e tyre ndaj deputetëve dhe qeverisë gjatë tubimit para Kuvendit. Me arka të mbushura me vezë, disa qytetarë janë shfaqur para Parlamentit, duke i cilësuar ato si “armatosjen” e tyre përballë politikës.

Vezët janë hedhur në drejtim të godinës së Kuvendit dhe forcave të policisë, ndërsa situata gjatë protestës është shoqëruar me tensione, përplasje me efektivët dhe përpjekje për të kaluar perimetrin e sigurisë./Dosja.al

TIRANË- Sot po mbahet para Kuvendit protesta e 54-tën radhazi për dorëheqjen e kryeministrit Edi Rama. Siç shihet edhe në pamje, pranë Kuvendit nuk ka vetëm numër të shtuar forcash policore dhe gardhe metalike.

Pankarta në formë flamingosh janë paraqitur në mes të protestuesve, një simbolikë kjo që ka ndjekur revoltën prej rreth dy muajsh, në atë që është quajtur edhe “Revoluconi flamingo”./Dosja.al

TIRANË- Situata para Kuvendit është tensionuar. Protestuesit kanë hedhur vezë dhe domate në drejtim të policisë, ndërkohë që është afruar edhe autoboti i ujit në rast se do të jetë nevoja për të ndërhyrë.

Ndërkohë, qytetarët kanë hequr edhe një pjesë të gardhit metalik që kishte rrethuar perimetrin e sigurisë së vendosur nga forcat e rendit. Siç shihet edhe në pamje, policia e ka bllokuar rrugën te Kuvendi në të gjitha anët. Edhe nën anën te kryqëzimi i Rrugës së Elbasanit, është vendosur një gardh metalik./Dosja.al

TIRANË- Incidente janë shënuar pak para nisjes së protestës mes disa qytetarëve dhe forcave të sigurisë para Kuvendit. Siç shihet edhe në pamje, disa protestues janë afruar pranë gardhit metalik të vendosur nga Policia e Shtetit dhe në video shihet momenti kur qytetarët tentojnë të shtyjnë dhe të heqin rrethimin metalik për të depërtuar drejt godinës së Kuvendit.

Pas këtij veprimi kanë ndërhyrë punonjësit e Policisë, të cilët kanë bllokuar kalimin e qytetarëve për të mbajtur nën kontroll perimetrin e sigurisë. Ndërkohë, pjesa tjetër e qytetarëve është nisur nga Sheshi “Skënderbej” drejt Parlamentit, ku në orën 10:00 pritet të nisë zyrtarisht protesta.

TIRANË- Protestuesit janë mbledhur para Kuvendit, ndërkohë që policia ka blinduar zonën duke vendosur gardhë metalikë.

Qytetarët i kanë bërë thirrje SPAK-ut “Arrestoni Ramën!”, ndërsa kanë kërkuar dorëheqjen e kryeministrit dhe qeverisë së tij. Kjo është protesta e 54 që mbahet sot kundër qeverisë dhe gjithë klasës politike në vend./Dosja.al

TIRANË- Protestuesit kanë brohoritur njëzëri në protestën para Kuvendit: Thirrjet “Revolucion!”, “Parlament i krimit!” "Ju erdhi fundi" dhe “Rama, dorëheqje". Demonstruesit janë pozicionuar përballë kordonit të Policisë së Shtetit, e cila ka vendosur masa të shtuara sigurie dhe ka rrethuar me gardhe metalike hyrjet drejt Parlamentit, ku pritet të zhvillohet seanca e fundit plenare.

Në terren janë angazhuar forca të shumta policore, ndërsa efektivët e Forcës Kombëtare të Sigurisë (FNSH) janë vendosur në gatishmëri për të ndërhyrë në rast të përshkallëzimit të situatës. Me pankarta dhe brohoritje kundër qeverisë, protestuesit kanë përsëritur kërkesën e tyre kryesore për dorëheqjen e kryeministrit Edi Rama./Dosja.al

TIRANË- Një përplasje ka ndodhur mes policisë dhe një qytetareje para Kuvendit, ku po mbahet protesta kundër qeverisë Rama. Qytetarja ka tentuar të kalojë rrugën përmes perimetrit të sigurisë duke u përplasur me policinë.

Ajo ka tentuar të largojë gardhin metali, por është penguar nga kordoni policor./Dosja.al

TIRANË- Policia e Shtetit ka bllokuar rrugën pranë Parlamentit, ndërkohë pritet që qytetarët të mblidhen përpara institucionit për të protestuar kundër qeverisë së Edi Ramës. Policia ka zgjeruar perimetrin e sigurisë, duke vendosur gardh metalik nga kryqëzimi i Rrugës së Elbasanit dhe duke e bërë të pamundur lëvizjen e qytetarëve në segmentin që të çon drejt godinës së parlamentit.

Organizatorët e protestës kanë paralajmëruar dhe kanë bërë thirrje nga podiumi i protestës mbrëmjen e djeshme, që sot në orën 08:30 të mblidheshin fillimisht në sheshin “Skënderbej” për t’i lënë rrugë marshimit drejt Kuvendit, ku në orën 10:00 nis seanca plenare./Dosja.al

TIRANË- Sot mbahet protesta e 54-të radhazi kundër qeverisë së Edi Ramës. Qytetarët shprehen se janë të vendosur që do protestojnë deri në largimin e kryeministrit nga pushteti. Ndryshe nga herët e tjera, qytetarët kanë paralajmëruar se protesta sot do të nisë që në orën 08:30, në ditën ku zhvillohet seanca e fundit plenare e këtij sesioni parlamentar.

Organizatorët e protestës kanë paralajmëruar dhe kanë bërë thirrje nga podiumi i protestës mbrëmjen e djeshme, që sot në orën 08:30 të mblidheshin fillimisht në sheshin “Skënderbej” për t’i lënë rrugë marshimit drejt Kuvendit, ku në orën 10:00 nis seanca plenare.

Gjithashtu është lajmëruar që protesta do jetë e shoqëruar me aksion në goditjen me vezë apo miell të deputetëve të Kuvendit dhe për këtë shkak do u zihet prita në hyrje të institucionit, pavarësisht nga masat e Policisë. Kjo do të jetë e disata protestë qytetare që mbahet para Kuvendit.

Protestat e mëparshme janë shoqëruar me përplasje të ashpra mes protestuesve dhe policisë, pasi këta të fundit ushtruan dhunë ndaj qytetarëve që ishin të pranishëm në tubim. Gjatë protestave të zhvilluara deri tani nuk kanë munguar thirrjet kundër qeverisë dhe klasës politike, ndërsa protestuesit kanë kërkuar ndryshime të thella politike dhe institucionale.

Gjatë tubimeve qytetarët kanë brohoritur një zëri “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”,  “O Erion, o legen, prite Ramën se po vjen” dhe "Ju erdhi fundi"./Dosja.al