Plagosje e trefishtë në Laprakë! Qëllohen me thikë 64-vjeçari, vajza e tij dhe dhëndri italian, i moshuari në gjendje të rëndë, autori në arrati

Elton Mergjyshi, Viktor Rrapollari, Roxhersa Rrapollari

TIRANË- Dosja.al ka publikuar fotot e tre nga kjatër personat e përfshirë në ngjarjen e ndodhur në Laprakë këtë mbrëmje. Në të majtë është autori, Elton Mergjyshi, ndërsa në të djathtën e fotos duken dy të plagosurit që janë dhe babë e bijë. Ata janë Viktor dhe Roxhersa Rrapollari.

64-vjeçari Viktor Rrapollari është në gjendje të rëndë tek spitali i Traumës, ndërsa e bija dhe dhëndri italian, Massimo Sorvillo, janë jashtë rrezikut për jetën.

Ngjarja ndodhi këtë mbrëmje në një lokal në Laprakë. Mergjyshi ka shkuar në tavolinën ku ishin ulur tre anëtarët e familjes dhe kërkuar llogari pasi italiani Massimo Sorvillo e kishte larguar nga puna.

Përplasja ka qenë verbale fillimisht, por më pas, 40-vjeçari është konfliktuar fizikisht me italianin. Babë e bijë kanë ndërhyrë mes tyre dhe ky ka qenë momenti kur Mergjyshi ka marrë thikën dhe i ka qëlluar të tre. Më pas është larguar nga vendi i ngjarjes. Policia e ka shpallur në kërkim.

Policia në vendin ku ndodhi plagosja në Laprakë

TIRANË- Pamjet që po shikoni vijnë nga vendi ku ndpodhi plagosja e trefishtë këtë mbrëmje në Tiranë. Ngjarja e rëndë ndodhi në një lokal. Zona është e rrethuar nga forca të shumta policie.

Autori Elton Mergjyshi, 40 vjeç është konfliktuar me tre klientë të lokalit për arsye që ende nuk dihen. Më pas, ai është afruar në tryezën ku ishin të ulur Viktor Rrapollari, 64 vjeç, vajza e tij dhe një italian dhe i ka qëlluar të tre me thikë.

Më pas është larguar nga vendngjarja. Ai është shpallur në kërkim, ndërsa të plagosurit ndodhen në spitalin e Traumës. Rrapollari është në gjendje të rëndë për jetën, pasi thika i ka prekur zemrën.

Policia në vendin ku ndodhi plagosja në Laprakë

TIRANË- Zbardhen detaje nga plagosja e trefishtë në Tiranë. Mësohet se përveç 64-vjeçarit Viktor Rrapollari, e plagosur ka mbetur dhe vajza e tij e një italian. Vajza raportohet se ndodhet jashtë rrezikut për jetën, ndërsa shtetasi i huaj ka një plagë në shpatull.

Ngjarja ndodhi këtë mbrëmje në Laprakë. Autori i ngjarjes, Elton Mergjyshi, 40 vjeç është afruar në tryezën ku ishin të ulur Rrapollari, vajza e tij dhe italiani dhe i ka qëlluar të tre me thikë. Më pas është larguar nga vendngjarja. Ai është shpallur në kërkim, ndërsa të plagosurit ndodhen në spitalin e Traumës. Rrapollari është në gjendje të rëndë për jetën, pasi thika i ka prekur zemrën.

Spitali i Traumës

TIRANË- Viktor Rrapollari, 64 vjeç është një nga personat që mbeti i plagosur në ngjarje e ndodhur në Laprakë këtë mbrëmje. Mësohet se Rrapollari ndodhet i shtruar në spitalin e Traumës, por është në gjendje të rëndë për jetën. Kjo, pasi siç raportohet, thika i është ngulur në zemër. Dy të plagosurit e tjerë janë identifikuar vetëm me iniciale deri më tani, R. Rr., 40 vjeç dhe shtetasin M. M., 47 vjeç. Ndërsa 40-vjeçari Elton Mergjyshi, është autori i ngjarjes, që është shpallur dhe në kërkim.

Policia

TIRANË- Tre persona kanë mbetur të plagosur me thikë si pasojë e një sherri të ndodhur në Laprakë. Në njoftimin e policisë bëhet me dije se autor i ngjarja është një 40-vjeçar. I riu ka qëlluar me thikë tre persona që ndodheshin në një lokal dhe i ka lënë të plagosur. Të tre janë dërguar në spitalin e Traumës dhe nuk bëhen me dije detaje në lidhje me gjendjen e tyre shëndetësore. Nuk dihen ende shkaqet e ngjarjes. 

Njoftimi i policisë Tiranë:

Më datë 03.04.2023, në Laprakë, në një lokal, shtetasi E. M., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve. Shërbimet e Policisë po kontrollojnë në zonë për kapjen e autorit. Grupi hetimor po punon për sqarimin e rrethanave të ngjarjes. Për gjendjen shëndetsore të të dëmtuarve dhe kapjen e autorit, do të kemi njoftim vijues.