Përfundon rëndë sherri i nisur në rrjetet sociale! 14-vjeçari qëllon 4 herë me thikë të miturin në Durrës: I plagosuri në gjendje kritike për jetën

foto ilustruese

DURRËS- 14-vjeçari i cili plagosin bashkëmoshatarin e tij në Durrës ka dhënë dëshminë e tij në prani të psikologes para grupit hetimor. 14-vjeçari me iniciale M.K ka deklaruar se konflikti ka nisur për një koment në Tik Tok dhe më pas e kishin lënë për tu sqaruar, por gjatë takimit situata mes tyre ka agravuar edhe më shumë, pasi të dy bashkëmoshatarët ishin të shoqëruar nga shokë. 14-vjeçari ka deklaruar gjithashtu se thikën e ka nxjerrë për ta trembur, por më pas e ka goditur disa herë. Po ashtu ai shprehet i penduar dhe thekson se nuk donte që ngjarja të shkonte kështu. 

“Pak ditë me parë ngecëm për një koment në Tik Tok. Aty nisi. U grindem me komente. Më pas lamë të takoheshim. Nga ana jone për t’u sqaruar. Po e dinim qe ata do vinin me disa shoke. Edhe ne u bëmë një grup. E lamë te takoheshim diku pranë shtëpisë së tij. Shkuam aty, u takuam. Ata kishin marre masa për ndonjë konflikt të mundshëm, gjithashtu edhe neve. Nisem të debatonin, kush je ti kush jam unë! U përfshimë në një sherr masiv. Ata na qëlluan me mjete te forta. Unë nxora thikën.

Më shumë për ta trembur. Për vetëmbrojtje qëllova, se ishte më i madh dhe po më godiste. E godita disa herë, jo për ta vrarë apo plagosur por për ta trembur. Me vjen shume keq që përfundoi në këtë mënyrë. Nuk desha që të shkonte kështu. Edhe ata na qëlluan me mjete te forta. Jam penduar shume. Nuk doja te shkonte kështu”, ka dëshmuar 14-vjeçari./Dosja.al

DURRËS- Mjeku kirurg Fitim Shini ka dhënë detaje për gjendjen shëndetësore të 15-vjeçarit të plagosur me thikë në Durrës. Në një rpononcim për mediat Shini tha se i mituri ndodhet në reanimacion, i intubuar, dhe vijon të jetë në gjendje të rëndë.

Sipas mjekut, adoleshenti ka mbërritur në urgjencë me katër plagë në zonën e gjoksit, ndërsa njëra prej tyre depërtonte drejt zemrës, duke i shkaktuar komplikime serioze. 

“Për momentin pacienti ndodhet në reanimacion, i intubuar dhe gjendja vazhdon të jetë e rëndë. Shpresoj që në 24/48 orët e ardhshme gjendja të stabilizohet dhe të dalë nga reanimacioni.

Fëmija erdhi në urgjencë me disa plagë, 4 plagë në rajonin e gjoksit, ku njëra prej tyre depërtonte në zemër dhe ka shkaktuar gjendjen e rënduar.

Aktualisht ka marrë 3 flakone gjak dhe për momentin gjendja vazhdon të jetë e rëndë në reanimacion. Shpresojmë që në orët në vijim situata të përmirësohet“, tha mjeku Fitim Shini.

Foto ilustruese

DURRËS- Një 15-vjeçar u plagos rëndë me thikë pranë zonës së zemrës gjatë një konflikti mes disa gjimnazistëve në Durrës. Sipas njoftimit të Spitalit Rajonal të Durrësit, mjekët kryen një ndërhyrje të vështirë kirurgjikale për t’i shpëtuar jetën të miturit.

Fatmirësisht, ai ndodhet aktualisht në Reanimacion në gjendje të stabilizuar, ndërsa vijon të monitorohet nga stafi mjekësor.

“Një 15-vjeçar mbërriti në urgjencë në gjendje tejet kritike, me plagë të shumta penetruese dhe organe të dëmtuara nga mjeti prerës. Zemra kishte dy çarje nga 2 cm me tamponadë kardiake, ndërsa në regjionin e corpus ventrikuli u konstatua një çarje 3 cm në stomak. Gjendje kufi.

U fut menjëherë në sallë dhe ekipi kirurgjikal realizoi një ndërhyrje të vështirë, ku u menaxhuan dëmtimet jetike dhe u rikthye stabiliteti hemodinamik. Reagim i shpejtë, i pastër, pa humbur asnjë minutë.

Mirënjohje për kirurgët F. Shini dhe E. Demiraj, si dhe për anestezistin A. Banushi, që e çuan rastin drejt suksesit me profesionalizëm dhe qetësi operative. Pacienti aktualisht po trajtohet në Reanimacion në gjendje të stabilizuar”, thuhet në njoftimin e spitalit.

Arma

DURRËS- Një konflikt që dyshohet se nisi në rrjetet sociale mes dy adoleshentëve përfundoi në një përleshje të dhunshme në rrugën “Laguna e Karavastasë”, në zonën e ish-Kënetës në Durrës, ku një 15-vjeçar mbeti i plagosur rëndë. Sipas Top Channel, babai i të miturit të plagosur, së bashku me familjarë të tjerë, kanë refuzuar të komentojnë publikisht lidhur me ngjarjen e rëndë.

“Është ende herët dhe raste të tilla duhet të qëndrojnë të izoluara. Nuk e di si do të reagojmë. Jeta e djalit është kryesorja tani”, u shpreh babai i 15-vjeçarit jashtë mikrofonit.

Sakaq burime për mediat bëjnë me dije se dy adoleshentët e përfshirë në konflikt u takuan me shokët e tyre për t’u “sqaruar”, por debati i nisur në rrjetet sociale u përshkallëzua në përleshje fizike.

Gjatë sherrit u përdorën sende të forta dhe, sipas policisë, një 14-vjeçar me inicialet M.K. goditi 15-vjeçarin me thikë katër herë, duke i shkaktuar plagë të rënda.

Autori i dyshuar është arrestuar menjëherë nga Policia e Durrësit, ndërsa i plagosuri ndodhet në Spitalin Rajonal nën kujdesin e mjekëve, në gjendje të rëndë./ Dosja.al

Foto ilustruese

DURRËS- Një konflikt që dyshohet se nisi në rrjetet sociale mes dy adoleshentëve përfundoi në një përleshje të dhunshme në rrugën “Laguna e Karavastasë”, në zonën e ish-Kënetës në Durrës, ku një 15-vjeçar mbeti i plagosur rëndë. Burime për mediat bëjnë me dije se dy adoleshentët e përfshirë në konflikt u takuan me shokët e tyre për t’u “sqaruar”, por debati i nisur në rrjetet sociale u përshkallëzua në përleshje fizike.

Gjatë sherrit u përdorën sende të forta dhe, sipas policisë, një 14-vjeçar me inicialet M.K. goditi 15-vjeçarin me thikë katër herë, duke i shkaktuar plagë të rënda.

Autori i dyshuar është arrestuar menjëherë nga Policia e Durrësit, ndërsa i plagosuri ndodhet në Spitalin Rajonal nën kujdesin e mjekëve, në gjendje të rëndë./ Dosja.al

Foto ilustruese

DURRËS- Policia e Durrësit ka vënë në pranga një 14-vjeçar, i cili akuzohet për plagosjen me thikë të një adoleshenti tjetër. Sipas njoftimit zyrtar, i mituri ka goditur me thikë një 15-vjeçar, duke i shkaktuar lëndime të rënda. I dëmtuari është dërguar menjëherë në Spitalin Rajonal të Durrësit, ku po trajtohet nën kujdesin e mjekëve.

Ndërkohë, policia ka nisur hetimet për zbardhjen e rrethanave të ngjarjes dhe shkaqet që çuan në konfliktin mes të miturve.

NJOFTIMI:

Durrës

Plagosi me thikë një 15-vjeçar, gjatë një konflikti për motive të dobëta, kapet dhe vihet në pranga 14-vjeçari, autori i dyshuar i plagosjes.

Sekuestrohet mjeti prerës që 14-vjeçari kreu plagosjen.

Shërbimet e Komisariatit të Policisë Durrës, menjëherë pas marrjes së njoftimit për një konflikt të ndodhur më datë 25.11.2025, në lagjen nr. 14/1, në rrugën “Lugina e Karavastasë”, organizuan punën për zbardhjen e ngjarjes, identifikimin dhe kapjen e autorit të dyshuar.

Nga veprimet e para hetimore të kryera nga specialistët e Sektorit për Hetimin e Krimeve të Rënda në DVP Durrës, në bashkëpunim me specialistët për Hetimin e Krimit në Komisariatin e Policisë Durrës, rezultoi se gjatë një konflikti për motive të dobëta, shtetasi i mitur M. K., 14 vjeç, banues në Durrës, dyshohet se ka goditur me mjet prerës (thikë) shtetasin E. B., 15 vjeç, duke i shkaktuar atij plagë të rënda. I dëmtuari aktualisht ndodhet në Spitalin Rajonal Durrës, nën kujdesin e mjekëve.

Pas identifikimit të autorit, shërbimet e Policisë kontrolluan në zonë dhe në ambiente të ndryshme, ku pas disa orësh bënë të mundur lokalizimin dhe kapjen dhe arrestimin në flagrancë të shtetasit M. K., 14 vjeç, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Materialet procedurale iu referuan Prokurorisë së Durrësit, për veprime të mëtejshme./ Dosja.al