Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Presidentja e Kosovës, Vjosa Osmani mori pjesë në seancën plenare të Parlamentit Evropian. •Kjo është hera e parë që një president i Republikës së Kosovës si shtet i pavarur, i drejtohet seancës plenare të PE-së. •Presidentja e nisi fjalimin, me fjalët “Liri, Pavarësi, Demokraci” të ish-presidentit Ibrahim Rugova. Ajo citon fjalët e Rugovës edhe më tej duke kërkuar mbështetjen e PE-së në rrugën europiane të Kosovës, rikujtoi thënien e presidentit Rugova: Shtëpia nuk mbahet pa miq’ dhe në këtë kontekst, shprehu mirënjohjen e popullit të Kosovës për mbështetjen e palëkundur dhe përcaktimin se Bashkimi Evropian është destinacioni Kosovës. •Duke folur për të drejtat që ofron Kosova për të gjithë qytetarët, Osmani u bëri thirrje të gjithë serbëve që jetojnë në Kosovë që të shfrytëzojnë të drejtat që i garanton Kushtetuta e Kosovës, duke shtuar se ajo është shtëpia e tyre. •Në fund të fjalimit historik Osmani është nderuar nga eurodeputetët, të cilët u ngritë në këmbë dhe duartrokitën presidenten e Kosovës. •Në seancën e PE-së për herë të parë është vendosur edhe himni i Kosovës.
6 artikuj për këtë temë.
FRANCË- Pas pjesëmarrjes së presidentes Vjosa Osmani në seancën plenare të PE, ka reaguar presidentja e Parlamentit Evropian,
Roberta Metsola, ka shprehur përmes një postimi në Twitter mbështetjen e Parlamentit Evropian për Kosovën. Sipas Metsola, Parlamenti Europian është i gatshëm të mbështesë Kosovën në integrimin në BE.
“Populli i Kosovës meriton përparim, prosperitet dhe mundësi. Presidentja Vjosa Osmani, theksoi nevojën urgjente për de-eskalimin e situatës në veri të Kosovës dhe bashkëpunimin mbi konfrontimin. Ne kemi ofruar udhëtime pa viza dhe jemi të gatshëm të mbështesim më tej rrugën e Kosovës drejt BE-së”, shkroi Metsola në Twitter.
FRANCË- Në përfundim të fjalimit, presidentja e Kosovës Vjosa Osmani është nderuar nga të gjithë eurodeputetët.
Të gjithë u ngritën në këmbë dhe duartrokitën presidenten e Kosovës.
Osmani gjatë fjalimit të saj ka falënderuar Parlamentin Europian për votën që dhanë për liberalizimin e vizave në Kosovë. Ndër të tjera ajo shtoi se përparimi i Kosovës në rrugëtimin e anëtarësimit të BE do të shërbente si katalizator i paqes dhe pajtimit me Serbinë.
FRANCË- Në Parlamentin Evropian, presidentja Vjosa Osmani u është drejtuar serbëve duke thënë se Republika e Kosovës është shtëpia e tyre.
Duke folur për të drejtat që ofron Kosova për të gjithë qytetarët, Osmani u bëri thirrje të gjithë serbëve që jetojnë në Kosovë që të shfrytëzojnë të drejtat që i garanton Kushtetuta e këtij vendi.
"Ekzistenca e shtetit tonë dëshmon çfarë mund të bëjnë demokracitë kur bëhen bashkë, kur i dalin ballë pushtuesit, kur mbështesin ata që luftojnë për drejtësi dhe barazi, dhe kur ju bashkoheni kundër tiranisë, diktaturës dhe gjenocidit. Republika e Kosovës është shtëpia juaj. Do të bëjmë gjithçka që mundemi që të sigurohemi se ndiheni të përfshirë,"- tha Osmani.
View this post on Instagram
FRANCË- Me fjalët “Liri, Pavarësi, Demokraci” të ish-presidentit Ibrahim Rugova, presidentja Vjosa Osmani ka nisur fjalimin në Parlamentin Evropian. Osmani citon fjalët e Rugovës edhe më tej duke kërkuar mbështetjen e PE-së në rrugën europiane të Kosovës, rikujtoi thënien e presidentit Rugova: Shtëpia nuk mbahet pa miq’ dhe në këtë kontekst, shprehu mirënjohjen e popullit të Kosovës për mbështetjen e palëkundur dhe përcaktimin se Bashkimi Evropian është destinacioni Kosovës.
'Kosova është flakadan i demokracisë, po punojmë për të ruajtur këtë. Sot jam e nderuar që jam presidentja e parë që mbaj fjalën në Parlamentin Evropian. Sot jam këtu për të folur për shtetin e pavarur të Kosovës, por edhe për t’ju thënë faleminderit. Qëndroni të palëkundur pranë nesh.”- thotë Vjosa Osmani.
"Presidenti Rugova e konsideroi çmimin si njohje të sakrificës së popullit të Kosovës dhe luftës së tij për liri, por më e rëndësishmja ai përdori pikërisht këtë platformë për të kërkuar mbështetjen e deputetëve të atëhershëm për t’u bashkuar në emër të vlerave të cilat ky Union i përfaqëson. Ai kërkoi që Evropa të bashkohej në mbrojtje të një populli të shtypur. Europa jo vetëm që ia kishte hapur dyert Presidentit Rugova, por kishte hapur zemrat dhe mendjet e saj për një popull të shtypur sistematikisht. Sot, duke qëndruar këtu në Strasburg, kam nderin të jem presidentja e parë e Republikës së pavarur të Kosovës që do të flas para Parlamentit Evropian, për t’ju falënderuar për kontributin e pamasë dhe të vazhdueshëm që ky institucion ka dhënë për lirinë, demokracinë tonë dhe pavarësinë”, tha ajo.
KOSOVË- Presidentja Vjosa osmani sot ndodhet në Francë dhedo të parë pjesë në seancën plenare të Parlamentit Evropian. Teksa pritet të fillojë takimi Osmani ka shpërndarë një foto në rrjetin e saj Facebook me mbishkrimin “Evropa, shtëpia jonë”.
Presidentja do t’iu adresohet deputetëve lidhur me arritjet e Kosovës dhe rrugën e saj drejt anëtarësimit në Bashkimin Evropian.
KOSOVË- Presidentja e Kosovës, Vjosa Osmani është duke qëndruar në Strasburg të Francës ku gjatë ditës së sotme do të ketë një adresim në Parlamentin Evropian. Kjo është hera e parë që një president i Republikës së Kosovës si shtet i pavarur, do t’i drejtohet seancës plenare të PE-së, shkraun Kosovapress.
Mediat kosovare raportojnë se Osmani do të pritet fillimisht nga kryetarja e Parlamentit Evropian, Roberta Metsola në një takim për të diskutuar bashkëpunimin ndërmjet Republikës së Kosovës dhe këtij institucioni, e pastaj do të takojë edhe udhëheqësit e grupeve kryesore politike të përfaqësuara në Parlamentin Evropian.
Adresimi i presidentes Osmani para eurodeputetëve është planifikuar për në ora 11:30, ndërsa më pas do të ketë edhe një konferencë për media. Osmani ka mbërritur në Strasburg gjatë së martës ku ka takuar sekretaren e përgjithshme të Këshillit të Evropës, Marija Pejçinoviç Buriç.
