Parandalohet atentati! Kapet Sherrniku i përfshirë në vrasjen e Prelës, pranga 'ortakes'

Nikoll Sherrniku

TIRANË- Nikoll Sherrniku, 28 vjeç, një person me precedent penalë dhe Flutura Berisha, 34 vjeçe u vunë sot në pranga pasi ishin nisur për të kryer një vrasje, por shënjestra mbetet mister! Dyshja janë kapur në momentin që kishin parkuar në afërsi të një pallati në Kune, Shëngjin, por deri më tani nuk është zbardhur asnjë detaj në lidhje personin që do të sulmohej. Nuk dihet nëse ‘shënjestra’ jetonte në këtë zonë, apo nga aty ka qenë pikënisja e dyshes.

“Shërbimet e Policisë, pasi kanë lokalizuar automjetin tip “Toyota”, të parkuar në afërsi të një pallati në Kune, Shëngjin, kanë ndërhyrë për të neutralizuar shtetasit që ndodheshin në automjet, të cilët, sapo kanë parë shërbimet e Policisë duke u afruar, kanë dalë menjëherë nga automjeti dhe kanë tentuar të largohen me vrap. Gjatë tentativës për t’u larguar shtetasja F. B. (drejtuesja e automjetit), ka tentuar njëkohësisht që të fshehë edhe një armë zjarri, në afërsi të vendit ku automjeti ishte i parkuar. Arma e zjarrit kallashnikov, së bashku me krehër e me fishek në fole, është gjetur më pas nga shërbimet e Policisë. Në automjet, së bashku me këta shtetas ka qenë edhe një i mitur 15 vjeç,”- thuhej në njoftimin e policisë.

Në momentin që ka parë policinë e Shtetit, Flutura Berisha ka dalë nga mjeti i blinduar me xhama të zinj, i llojit ‘Toyota’. Ajo ka marrë kallashnikovin dhe çantën ku mbante dy radio-marrëse si ato të Policisë së Shtetit. Berisha ka tentuar që t’i fshehë municionet, por është kapur në kohë nga efektivët. Kallshnikovi e radiot janë gjetur e sekuestruar gjithashtu.

Nikoll Sherrniku, një emër i njohur për Policinë e Shtetit ishte zyrtarisht në masën ‘arrest shtëpie’, sepse u vu në pranga si i i implikuar në vrasjen e efektivit Xhulio Prela, ngjarje e ndodhur në dhjetor të vitit 2020. Por, më vonë u lirua dhe u la në ‘arrest shtëpie’, masë të cilën e theu poër të udhëtuar sot drejt Shëngjinit. Pritet të zbardhen dëshmitë e të arrestuarve mbi qëllimin e rrugëtimit të tyre.

Nikoll Sherrniku, 'Toyota' e blinduar, kallashnikovi e radiot

LEZHË- Flutura Berisha, 34-vjeçarja që u vu në pranga pasi bashkë me Nikoll Sherrnikun ishte nisur të kryente një vrasje në Shëngjin, ka qenë personi që ka mbajtur ‘përsipër’ municionet. Në momentin që ka parë policinë e Shtetit, e reja ka dalë nga mjet i blinduar me xhama të zinj, i llojit ‘Toyota’. Ajo ka marrë kallashnikovin dhe çantën ku mbante dy radio-marrëse si ato të Policisë së Shtetit.

Ajo ka tentuar që t’i fshehë municionet, por është kapur në kohë nga efektivët. Kallshnikovi e radiot janë gjetur e sekuestruar gjithashtu. E reja u prangos bashkë me Nikoll Sherrnikun, 28 vjeç, këtë mesditë.

Nikoll Sherrniku, një emër i njohur për Policinë e Shtetit ishte zyrtarisht në masën ‘arrest shtëpie’, sepse u vu në pranga si i i implikuar në vrasjen e efektivit Xhulio Prela, ngjarje e ndodhur në dhjetor të vitit 2020. Por, më vonë u lirua dhe u la në ‘arrest shtëpie’, masë të cilën e theu poër të udhëtuar sot drejt Shëngjinit. Gjithsesi, nuk dihet ende se kush ka qenë shënjestra e këtij atentati. Pritet të zbardhen dëshmitë e të arrestuarve mbi qëllimin e rrugëtimit të tyre.

Nikoll Sherrniku

TIRANË- Personi që po shikoni në foto është Nikoll Sherrniku, 28-vjeçari që u vu në pranga sot pasi bashkë me 34-vjeçaren Flutura Berisha ishte nisur të kryente një vrasje në Shëngjin. Më herët, ai është akuzuar si një prej autorëve të vrasjes së efektivit të Policisë, Xhulio Prela, ngjarje e ndodhur para dy viteve. Dosja.al ka raportuar se pak kohë pasi u shpall në kërkim, se Sherrniku ka shkuar vetë dhe është dorëzuar në Polici që më 19 dhjetor, për të sqaruar gjithë ngjarjen duke nxjerrë edhe alibitë e tij. Ai ka mohuar të ketë lidhje me ngjarjen, duke thënë se atë natë ka qenë në banesën e tij si dhe nuk ka fare njohje me personin tjetër të shpallur në kërkim, Brilant Martinaj (i vrarë në korrik të këtij viti).

Sipas Sherrnikut, natën e vrasjes, 5 dhjetor, ai ka pasur ditëlindjen dhe ka qenë në banesë së bashku me të afërmit e tij. Këtë alibi ia ka mbështetur publikisht edhe vjehrri i tij, Astrit Gjoka. Duke i qëndruar të njëjtit argumenti, Sherrniku arriti të linte qelinë e të vendosej nën masën e sigurisë ‘arrest shtëpie’.  Ndërkohë Dosja.al raportoi në atë kohë se për vrasjen e efektivit të Forcave të Ndërhyrjes së Shpejtë, Xhulio Prela, është shpallur në kërkim një person i tretë që dyshohet të jetë personi që ka qëlluar në drejtim të Prelës.

Natën që ka ndodhur vrasja, Prela është ‘përplasur’ me drita makinash me një mjet fuoristradë ku udhëtonte i paidentifikuari dhe është ofenduar nga ky i fundit. Efektivi i FNSH-së ka ecur disa metra, pas është kthyer mbrapsht dhe i është vënë pas mjetit në fjalë, ka ulur xhamin e djathtë të makinës dhe me armën e shërbimit në dorë ka kërkuar llogari nga personi që kishte përballë. Sherri ka agravuar në përdorimin e armës edhe nga personi që ende nuk i dihet identeti, i cili e ka qëlluar tre herë Prelën, nga ana e djathtë, duke bërë që plumbi t’i shkojë në zemër e t’i marrë jetën. E ndërsa efektivi nuk ka arritur ta përdorë dot armën e tij, e cila është gjetur poshtë sediljes së pasagjerit të mjetit të tij “Wolkswagen Passat”.

Sot, Sherrniku u arrestua sërish. Ai së bashku me të renë e identifikuar si Flutura Berisha, 34 vjeçe. Dyshja po udhëtonin në një automjet të blinduar të llojit ‘Toyota’ me xhama të zinj në momentin që u arrestuan, pranë Shëngjinit, ku mendohet se kishin shkuar të kryenin një atentat. E reja është munduar të fshehë kallashnikovin në momentin që është ndaluar nga policia, por nuk ia ka dalë dot. Në çantën e dorës së Berishës janë gjetur edhe dy radiomarrëse si ato të Policisë së Shtetit. Bashkë me ta ishte dhe një i mitur, vetëm 15 vjeç. Gjithsesi, nuk dihet ende se kush ka qenë shënjestra e këtij atentati. Pritet të zbardhen dëshmitë e të arrestuarve mbi qëllimin e rrugëtimit të tyre.

"Toyota" e blinduar, radiot e kallashi

LEZHË- Makina me të cilën po udhëtonin Nikoll Sherrniku dhe Flutura Berisha, të cilët u arrestuan këtë mesditë në Shëngjin, ishte e blinduar. Bëhet fjalë për një mjet të llojit “Toyota”, targat e të cilit nuk duken në foton e publikuar nga policia. Në çantën e dorës së Berishës janë gjetur edhe dy radiomarrëse si ato të Policisë së Shtetit.

E reja është munduar të fshehë kallashnikovin në momentin që është ndaluar nga policia, por nuk ia ka dalë dot. 28-vjeçari dhe 34-vjeçarja janë vënë në pranga dhe dyshohet se ishin nisur për të kryer një vrasje. Bashkë me ta ishte dhe një i mitur, vetëm 15 vjeç.

Sherrniku ishte lënë në ‘arrest shtëpie’. Ai është vënë në pranga më herët, pasi është akuzuar se ka marrë pjesë në vrasjen e efektivit Xhulio Prela, por më vonë u lirua nga qelia dhe u la në ‘arrest shtëpie’.

Policia Lezhe

LEZHË- Nikoll Sherrniku dhe Flutura Berisha janë arrestuar ditën e sotme nga policia e Lezhës dhe ajo e Shkodrës. Operacioni i koduar 'Dyshimi' u krye për të parandaluar një ngjarje të mundshme kriminale. 

Policia pikasi mjetin tip “Toyota”, të parkuar në afërsi të një pallati në Kune, Shëngjin. Forcat e policisë kanë ndërhyrë për të neutralizuar Sherrnikun dhe Berishën që ndodheshin në automjet, të cilët, sapo kanë parë shërbimet e Policisë duke u afruar, kanë dalë menjëherë nga automjeti dhe kanë tentuar të largohen me vrap. Gjatë tentativës për t’u larguar, drejtuesja e automjetit, Flutura Berisha , ka tentuar njëkohësisht që të fshehë edhe një armë zjarri, në afërsi të vendit ku automjeti ishte i parkuar. Arma e zjarrit kallashnikov, së bashku me krehër e me fishek në fole, është gjetur më pas nga shërbimet e Policisë.

Bashkë me 28 dhe 34-vjeçaren, në mjet ishte dhe një i mitur. Pas kontrollit në mjet, është gjetur një krehër automatiku me fishekë në të, ndërsa gjatë kontrollit të ushtruar në çantën e dorës së Berishës janë gjetur 2 radio marrëse dhënëse, si ato të Policisë.

Në momentin e kapjes, Sherrniku ishte me masë sigurie “Arrest në shtëpi”, në lidhje me implikimin e tij në ngjarjen e ndodhur në dhjetor 2021, ku mbeti i vrarë me armë zjarri ish-punonjësi i Policisë, Xhulio Prela. Në përfundim të veprimeve hetimore, u sekuestruan në cilësinë e provës materiale 1 automatik, 2 krehëra me fishekë në to, 2 radio marrëse – dhënëse si të Policisë, si dhe automjeti i blinduar me të cilin lëviznin këta persona.

NJOFTIMI I POLICISË:

Vihen në pranga 2 shtetas. Në vijim të punës për parandalimin e ngjarjeve kriminale, bazuar në informacionet e marra në rrugë operative, shërbimet e DVP Lezhë, me mbështetje edhe nga FNSH Shkodër, kanë finalizuar me sukses operacionin policor të koduar “Dyshimi”, si rezultat i të cilit është parandaluar një ngjarje e mundshme kriminale. Shërbimet e Policisë, pasi kanë lokalizuar automjetin tip “Toyota”, të parkuar në afërsi të një pallati në Kune, Shëngjin, kanë ndërhyrë për të neutralizuar shtetasit që ndodheshin në automjet, të cilët, sapo kanë parë shërbimet e Policisë duke u afruar, kanë dalë menjëherë nga automjeti dhe kanë tentuar të largohen me vrap. Gjatë tentativës për t’u larguar shtetasja F. B. (drejtuesja e automjetit), ka tentuar njëkohësisht që të fshehë edhe një armë zjarri, në afërsi të vendit ku automjeti ishte i parkuar. Arma e zjarrit kallashnikov, së bashku me krehër e me fishek në fole, është gjetur më pas nga shërbimet e Policisë. Në automjet, së bashku me këta shtetas ka qenë edhe një i mitur 15 vjeç. Në vijim të operacionit, është ushtruar kontroll në automjetin me të cilin lëviznin këta shtetas dhe është gjetur një krehër automatiku me fishekë në të, ndërsa gjatë kontrollit të ushtruar në çantën e dorës së shtetases F. B., janë gjetur 2 radio marrëse – dhënëse, si ato të Policisë.  Në momentin e kapjes, shtetasi N. Sh. ishte me masë sigurie “Arrest në shtëpi”, në lidhje me implikimin e tij në ngjarjen e ndodhur në dhjetor 2021, ku mbeti i vrarë me armë zjarri ish-punonjësi i Policisë, shtetasi Xh. P. Në përfundim të veprimeve hetimore, u sekuestruan në cilësinë e provës materiale 1 automatik, 2 krehëra me fishekë në to, 2 radio marrëse – dhënëse si të Policisë, si dhe automjeti i blinduar me të cilin lëviznin këta shtetas.

Gjithashtu, si rezultat i operacionit policor të koduar “Dyshimi” u bë edhe arrestimi në flagrancë i shtetasve:

– N. Sh., 28 vjeç, banues në Kurbin, për veprat penale “Mbajtja pa leje e armëve, armëve shpërthyese dhe municionit” dhe “Largimi i të burgosurit nga vendi i qëndrimit”; – F. B., 34 vjeçe, banuese në Kurbin, për veprat penale “Moskallëzimi i krimit” dhe “Veprime që pengojnë zbulimin e së vërtetës”. Bazuar në hetimet e deritanishme lindin dyshime se lëvizja e këtyre shtetasve me automjetin e blinduar, në role të ndryshme, ishte për të realizuar një ngjarje kriminale. Për shkak të ruajtjes së sekretit hetimor, nuk bëhen të ditura të dhëna të tjera në lidhje me rastin. Vijon puna hetimore për zbardhjen dhe dokumentimin e plotë të kësaj ngjarjeje, si dhe për identifikimin dhe vendosjen para përgjegjësisë ligjore të të gjithë personave të implikuar. Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme.