Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Pas rezultatit të dobët të arritur në 14 maj, dy pjesët e PD-së kanë nisur nga puna. • Ish-kryeministri Sali Berisha ka mbledhur grupin e Rithemelimit duke i dhënë mesazhin se duhet të përgatitet me urgjencë kërkesa për komision hetimor parlamentar për zgjedhjet vendore. • Por në asnjë moment, veçse tek zgjedhjet, nuk dha asnjë koment për situatën e krijuar brenda Partisë Demokratike. • Jo në selinë e tyre të marrë me qera, por në Kryesinë e Kuvendit, edhe Gazment Bardhi mblodhi mbështetësit e tij. • Deputetët demokratë, në hyrje të kryesisë kanë bërë thirrje një zëri që partia të bashkohet. Por kanë edhe vija të kuqe. •Enkelejd Alibeaj i pyetur nëse mund të rikthehet Lulzim Basha në drejtimin e PD-së, u shpreh se gjithkush ka të drejtë të që të rikandidojë. • Nuk mendojnë si ai, Dashnor Sula, Saimir Korreshi dhe Ferdinand Xhaferaj. • Për ta rikthimet janë të gabuara, por duhet bashkim, ndryshe në zgjedhjet e ardhshme do të "shpartallohen" tërësisht. • Mbledhjet ende vazhdojnë edhe pse kanë nisur që në orën 13.00, por janë me dyer të mbyllura pa praninë e mediave. • Gjithashtu në PD duket se do të rikthehet edhe Lulzim Basha. • Në orën 16.30 do të mbajë një takim me të rinjtë, e po ashtu pritet që të vazhdojnë në të gjithë vendin.
8 artikuj për këtë temë.
TIRANË- Nënkryetarja e Partisë Demokratike Jorida Tabaku pas mbledhjes së grupit parlamentar u shpreh se PD do të nisë një tur dëgjese me demokratët. E pyetur nëse do të marrë postin e kryetares së PD-së, Tabaku tha se është në një fazë konsultimi, duke mos pohuar as mohuar asgjë.
‘Opozita shqiptare ka kaluar në 14 maj një humbje që është nga më të thellat. Kemi shumë nevojë që të kuptojmë realisht se çfarë ka ndodhur. Kemi nevojë të nisim një tur dëgjesë një tur reflektimi për të kuptuar sesi mund të ri ngrihemi. Të gjithë deputetët kanë angazhimin dhe vullnetin për të dalë nga kjo situatë. Unë besoj se çdo gjë sot do të bëhet në konsultim me deputetët. Jam duke u konsultuar me deputetët. Duhet të mësojmë nga gabimet e së shkuarës.’- tha Tabaku.
TIRANË- Kreu i Partisë Demokratike, Sali Berisha thotë se në seancën plenare të ditës së nesërme do të fokusohen te minimum jetik jo te rrogat e ministrave dhe deputetëve. Në fjalën e tij gjatë mbledhjen e grupit parlamentar të PD-së, Sali Berisha tha se kjo është premtuar gjatë fushatës dhe se Shqipëria i ka kushtet për ta përballuar.
"Tani kam një problem me rendin e ditës. Çështja e rrogave. Të dashur deputetë, unë do shpreh mendimin tim përpara jush. Emergjencë e të gjitha emergjencave për mua është votimi i minimumit jetik. Ne, duhet të votojmë minimumin jetik të përllogaritur nga Avokati i Popullit. Avokati i Popullit ka përdorur ekspertët më të mirë dhe ka gjetur se minimumi jetik aktualisht në Shqipëri është 200 euro. Ndaj dhe ne do të kërkojmë në mënyrë të prerë, hapi i parë drejt rritjes së rrogave duhet të fillojë me vendosjen e minimumit jetik. E kemi premtuar edhe gjatë fushatës. Shqipëria i ka të gjitha kushtet për ta përballur. Minimumi nënkupton që nuk ka shqiptar që nuk do ketë të paktën 200 euro për pagën e tij. Nuk është e vërtetë se kjo është për 3 milionë shqiptarë, kjo është shtesë mbi pensionet, mbi ndihmën ekonomike, por kjo është plotësisht e përballueshme. Ndaj ne do bëjmë në parlament një betejë të fuqishme për të mos filluar nga rritja e rrogave për deputetët dhe ministrat, por duke filluar me minimumin jetik. Mendoj të përgatisim amendamentin dhe nesër kjo do jetë tema jonë kryesore në parlament,"-tha Berisha.
TIRANË- Ditën e sotme dy grupet e Partisë Demokratike zhvilluan mbledhje paralele në të njëjtën orë. Kryedemokrati Sali Berisha dhe kreu i zgjedhur i PD-së, Gazment Bardhi mblodhën deputetët në të njëjtën kohë duke bërë që deputetët të ndahen në dy kampe.
Në mbledhjen e PD-së së drejtuar nga Bardhi ishin të pranishëm 18 deputetë, ndërkohë që në mbledhjen e rithemelimit, 14 deputetë.
-Në mbledhjen e grupit parlamentar që drejtohet nga Berisha janë prezentë 14 deputetë:
-Tritan Shehu
-Luan Baçi
-Edi Paloka
-Lindita Metaliaj
-Kasëm Mahmutaj
-Sorina Kote
-Asllan Dogjani
-Tomorr Alizoti
-Albana Vokshi
-Greta Bardeli
-Edmond Spaho
-Kastriot Piroli
-Bujar Leskaj
-Ina Zhupa
-Deputetët qe janë të pranishëm në mbledhjen e grupit të PD-së në Kryesinë e Kuvendit:
1.Gazment Bardhi
2.Dhurata Cupi
3.Saimir Korreshi
4.Arbi Agalliu
5.Lefter Geshtenja
6.Dashnor Sula
7.Enkelejd Alibeaj
8.Orjola Pampuri
9.Selaudin Jakupllari
10.Jorida Tabaku
11.Qani Xhafa
12.Bledion Nallbati
13.Ferdinad Xhaferraj
14.Zheni Gjergji
15.Flutura Acka
16.Merita Bakiu
17.Andia Ulliri
18.Eralda Bano
TIRANË- Deputeti i Partisë Demokratike, Dashnor Sula në një komunikim për mediat ka deklaruar se përçarja e brendshme rezultoi fatale për opozitën në zgjedhjet e 14 majit. Teksa futej për në mbledhjen e grupit parlamentar të PD, Sula tha para mediave se përgjegjësia sipas është e të gjithëve duke shtuar se duhet një reflektim dhe një analizë e thellë për të evidentuar shkaqet dhe për të ndryshuar situatën.
"Qëndrimi im ka qenë i qartë dhe i prerë. Nuk dua të ketë rikthim në PD, nëse duam ta lëmë konfliktin e hapur kjo do ishte zgjidhje. Jam krenar që kam marrë pjesë në zgjedhjet e 14 majit. Unë e kam thënë gjithmonë se do mbështes çdo kandidat të opozitës. Nuk atakoj emra konkretë, por ishte e pafalshme që demokratët nuk u bënë bashkë, nuk u krijua frymë bashkëpunimi, kjo ishte fatale. Ne duhet të kemi përgjegjësi për humbjet e 14 majit, unë që në krye të herës kam qenë për bashkëpunim. Përçarja tregoi se ishte fatale për opozitën. Unë mendoj dhe gjykoj me mendje të kthjellët, të gjithë kanë kontributin e tyre në PD. Të gjithë duhet të kuptojnë se pa u bashkuar ne jemi të mbaruar,"-tha Sula.
TIRANË- Deputeti i Partisë Demokratike, Saimir Korreshi është shprehur se Sali Berisha, Enkelejd Alibeaj dhe Lulzim Basha nuk duhet të kanidojnë më për kryetar partie. Në një deklaratë për mediat, para se të futej në mbledhjen e grupit parlamentar, ai theksoi se PD duhet të bashkohet pasi demokratët janë lodhur nga kjo situatë.
Mes të tjerash ai theksoi se Gazment Bardhi i cili ka marrë drejtimin e Grupit Parlamentar të PD-së duhet të zhvillojë një takim me Sali Berisha.
“Ka nisur Basha takimet zyrtare? Pse ne çfarë jemi lavapjatës? Unë e kam thënë ë të gjithë deklaratat e mia, Lulzim Basha, Enkelejd Alibeaj, Sali Berisha nuk duhet të kandidojnë nëse duan bashkimin e PD. S'duhet të ketë as vija të kuqe. Presim që të bashkojmë PD e për këto lëvizje nuk na ka thënë njeri gjë. Është turp i madh që ne nuk mblidhemi bashkë në PD, por përderisa mbledhja është thirrur këtu, duhet të ishte këtu. Unë i bëj thirrje Bardhit që të marrë iniciativën për bashkimin e PD. Mendoj se një bashkim kokë më kokë mes Bardhit e Berishës do të ishët një zgjidhje. Demorkatët duan zgjidhje,”- tha ai.
Po ashtu, deputeti i Durrësit, Ferdinand Xhaferraj konfirmoi të njëjtën gjë, duke shtuar: Duhet një zgjidhje përtej Sali Berishës.
TIRANË- Kreu i Partisë Demokratike, Sali Berisha thotë se çështja kryesore në Parlament duhet të jetë ajo që ai e konsideron “farsa elektorale e zgjedhjeve të 14 Majit”. Në mbledhjen e grupit parlamentar të PD në selinë blu, kryedemokrati Berisha tha se zgjedhjet vendore të 14 Majit kanë qenë më të këqijat në historinë e vendit. Ndaj dhe theksi për këtë çështje në Kuvend duhet që të jenë primare për të gjithë deputetët e opozitës.
"Për grupin parlamentar të PD-së, për deputetët e opozitës, çështja e parë ose kryeçështja e këtij sesioni duhet të jetë farsa elektorale maj 2023. Kjo farsë elektorale ishte një proces, një etapë e re në procesin e shkatërrimit të kombit shqiptar. Asnjë komb, historia ka faktuar se nuk zhvillohet pa liritë, të drejtat e tij themelore. Në këtë kontekst, target ose objektiv kryesor për realizimin e këtij qëllimi është dhunimi i votës së lirë. Ky dhunim është seria, por ky dhunim siç faktuan këto zgjedhje, njohu përmasa më të mëdha se kurrë ndonjëherë. Në këto zgjedhje, si në asnjë palë zgjedhje të tjera në 32 vite, Kodi Zgjedhor, Kushtetuta e të drejtës zgjedhore, u shpall në krye të radhës kinezëri nga njeriu që do udhëhiqte operacionin e narkoshtetit dhe të karteleve të drogës kundër procesit të zgjedhjeve të lira për popullin e vet. Por, jo më pak kriminal është dhe post 14 maji. Për herë të parë, ju mund të riktheni në memorie studio dhe debate televizive ku, njerëz me sy të mendjes së verbuar, bënin çdo gjë që të fshihnin, të maskonin blerjen masive të votës për herë të parë haptas, publikisht me vendime qeverie si kurrë ndonjëherë tjetër. Propaganda qeveritare ia doli. Imagjinoni tani, në një anë 670 mijë zarfe me 50 mijë lekë secili, në xhepin e 670 mijë votuesve. Rritja e rrogave për 310 mijë punonjës, të gjithë këta së bashku të marrë, bëjnë 980 mijë zgjedhës të trajtuar në këtë mënyrë.
Në anën tjetër, fajin e ka Sali Berisha. Po ka njerëz më pa dinjitet se sa këta? Ka mercenarë më të shpifur, pseudointelektualë më mjeranë se këta? Të cilët, për definicion duhet të mbrojnë në një mënyrë ose tjetër, interesin publik. Unë u ndala në këtë aspekt se ky ishte publik, këto zarfa ishin publike, nuk ishin të fshehta. Edi Rama për herë të parë kaloi në shpërndarje publike parash në fushatë. Por për aspektin nën dorë nuk bëhet fjalë, se efekti Doshi ua ka verbuar mendjen. Doshi ngroh xhepin. E rrahu njëherë një gazetar Doshi në një hotel, i dola zot unë. Shkoi dhe ia mbylli gojën në mënyrën e tij. Ndaj në studio nuk figuron. Se ai është Edi Rama. Doshi është Edi Rama, partia e të cilit u rrit me 220 përqind. Prapë këtu, duan të bindin shqiptarët se fajin e ka Berisha, fajin e ka opozita,"-tha Berisha.
TIRANË- Deputeti i Partisë Demokratike, Enkelejd Alibeaj thotë se çdokush ka të drejtë të kandidojë për kryetar të një partie që është demokratike, pas pyetjes që i bënë gazetarët nëse do të jetë apo jo Basha në drejtim të PD-së. Në një prononcim për mediat, Alibeaj tha se një parti nuk duhet të jetë në varësi të emrave individualë.
PJESË NGA PRONONCIMI:
Enkelejd Alibeaj: Një parti që nuk duhet të jetë në varësi të emrave individualë. Kaq e thjeshtë është. Rregulla, standarde, anëtarësi, shkrifërim i partisë. Kjo është çfarë kërkohet sot...
Pyetje: A do të jetë Basha në drejtim të partisë? Po, apo jo?
Enkelejd Alibeaj: Më e qartë se kaq… Mund t’ju them se çdokush ka të drejtë të kandidojë në një parti që është vërtetë demokratike. E vlerëson antarësia me votim të rregullt, të ndershëm, do të duhet të ju besohet atyre. Ka mbaruar koha....këtë e vlerëson vetëm anëtarësia.
TIRANË- 21 mar 2022 ishte dita e fundit kur ish-kreu i Partisë Demokratike, Lulzim Basha u pa në selinë blu, por edhe më rrallë u duk në Kuvend. Pas dorëheqjes nga kryesimi i partisë më të madhe opozitare në vend, Basha nuk u 'duk' më në politikën aktive, madje as në fushatën elektorale për zgjedhjet lokale të 14 majit.
Por pas dështimit të të 2 PD-ve në zgjedhjet e fundit, duket se Lulzim Basha nis sot pasdite rikthimin në politikë. Ai do të zhvillojë një takim me të rinj në një hotel të kryeqytetit. Takimi do të mbahet në orën 16.30. Kjo lëvizje e paralajmëruar vjen pas humbjes së demokratëve në zgjedhjet e 14 majit, dorëheqjes së Enkelejd Alibeajt si kreu i Komanduar i PD-së zyrtare dhe kryetar i Grupit Parlamentar. Kreun e grupit e mban tashmë Gazment Bardhi.
Por duket se Basha nuk do të ndalet me kaq dhe do të nisë dhe një tur në të gjithë vendin. Ndërkohë, nga ana tjetër ish-kryeministri Sali Berisha ka njoftuar sot se do të mbledhë grupin e tij parlamentar, takim që do të nisë në orën 13:00; një takim të ngjashëm me "deputetët e tij" do të mbajë paralelisht edhe Gazment Bardhi. Megjithatë ende nuk dihet se cili do të jetë përfundimi i këtyre mbledhjeve, pasi të dy palët duan bashkim, por me kushte. Berisha nuk do Alibeajn dhe Bashën në PD, ndërsa deputetët e tjerë duan largimin e Berishës nga selia blu.
