Operacioni i iniciuar nga komunikimet në “Sky ECC” dhe "EnchroChat" në Greqi/ Zbardhet atentati ndaj Ari Papës, 24 të arrestuar dhe 7 në kërkim, mes tyre 14 shqiptar

Andon Salati

GREQIA- 32-vjeçari shqiptar Andon Salati është një nga personat e arrestuar në kuadër të operacionit të zhvilluar në Greqi, iniciuar nga komunikimet në platformat “Sky ECC” edhe “Encrochat”. Mësohet se 32-vjeçari i lindur në Vlorë është banues në Nea Smyrni të Athinës. Salati konsiderohet një nga krerët e një prej grupeve kriminal në bashkëpunim me Denis Grabockën dhenjihet me pseudonimet “Sal”, “Salah” dhe “Toni”.

Grupi i tyre rezulton i përfshirë në trafikun e marijuanës dhe kokainës nga Spanja dhe Shqipëria për në Greqi. Salati në shkurt 2016 rezulton të jetë ndaluar nga policia shqiptare në pikën kufitare të Kakavijës mes 148 mijë euro cash, të cilat po tentonte t’i fuste në Shqipëri, por për këtë është ndjekur në gjendje të lirë.

Nga viti 2018 deri në vitin 2020, ai ka qenë i burgosur në Koridhalo si kreu i një grupi kriminal që shiste lëndë narkotike në Athinë dhe në Mykonos. Pavarësisht kësaj, ai vazhdonte kontrollin e trafikut dhe shpërndarjes së drogës nga burgu, përmes platformave të kriptuara.

Në mesazhet e shkëmbyera nga Andon Salati, gjatë kohës që ishte i burgosur, me Fotio Mplantoumi-Sioho, i burgosur gjithashtu në burgjet franceze, ai përshkruan situatën brenda burgut dhe në veçanti për komoditetet që ka si celulari, televizori inteligjent, router për internet.

Ai i referohet marrëdhënieve të mira që ka me punonjësit e burgut, se me ndihmën e gardianëve vendos celularët në qendrën e paraburgimit, njeh një kryegardian dhe një gardian që kur punonin në Mykonos dhe se disa mbrëmje gjatë turnit të tij, gardiani përdor kokainë “i merr disa hundë”. Ai tregon se gjendja në burg ishte më e mirë para 2 vitesh, pasi atëherë të burgosurit pinin pije deri në orët e vona të natës dhe disa kishin edhe shoqërinë e femrave, të cilat i fuste një “kryegardian”.

Nga ana tjetër Salati dhe Denis Grabocka rezultojnë pronarë të fshehtë të një kompanie që jep makina me qira në Athinë, me pronarë të regjistruar familjarë të tyre. Konkretisht kompania “CARENT” ka në pronësi 50 automjete dhe 18 motorë, disa prej të cilave janë përdorur nga anëtarë të organizatës ose janë sekuestruar në ngjarje të ndryshme.

Kompania u jepte me qira automjete anëtarëve të organizatës, me qëllim që ata të lëviznin nën hijen e një mbulesë ligjore, duke shmangur identifikimin nga autoritetet e drejtuesve të vërtetë (madje ka pasur raportime për marrjen me qira të automjeteve nga kompania me dokumente fals identifikimi, pa mundur të konstatohet nëse ka ndodhur një gjë e tillë) dhe për të shmangur konfiskimin e mundshëm të automjeteve private të transportuesve të drogës.

 Aleksandër Sadikaj

GREQI- Policia greke ka zbardhur operacionin e iniciuar nga zbardhja e komunikimeve në platformat “Sky ECC” dhe “Encrochat”. Gjithashtu nga kjo dosje është zbuluar veprimtaria e 27-vjeçarit që u vra në vitin 2022 në Sauk në një atentat me eksploziv.

Sipas dosjes hetimore, Aleksandër Sadikaj brenda një periudhe një mujore ka trafikuar në dy raste një sasi totale prej 295 kg marijuanë. Konkretisht në periudhën 30.05.2020 - 30.06.2020. Gjithashtu droga pritej në Greqi nga Viktorio Qytyku dhe Elson Hajredini. Ndërkohë nga shitja e drogës janë fituar rreth 450.000 euro.

Foto ilustruese

GREQIA- Mediat greke kanë zbuluar se në komunikimet e “Sky Ecc” janë zbardhur rreth 70 raste të trafikut dhe shitjes së drogës duke përfshirë Shqipërinë, Greqinë e Spanjën. Ay shkruajnë se mes personave të përfshirë në komunikime është edhe një i ri shqiptar i ekzekutuar në Shqipëri me shpërthim eksplozivi në automjetin e tij.

Gjithashtu sipas mediabe greke, në bisedat e zhvilluara gjithashtu ka dëshmi të disa anëtarëve që kanë qenë të burgosur në burgun e Koridhalos dhe që gëzonin privilegje të veçanta, madje duke arritur me ndihmën e zyrtarëve të futnin edhe vajza e gra në burgje.

Lidhur me trafikun dhe shitjen e drogës, mësohet se vlera totale e lëndës narkotike që kishte kaluar në duart e anëtarëve të këtyre grupeve kriminale arrin në 7.200.000 euro. Pastrimi kryhej me kompani makinash me qira, me bileta fituese në baste dhe me sistemin Hawala.

Droga

GREQIA- 24 persona janë arrestuar nga operacioni i zhvilluar në Greqi dhe i iniciuar nga komunikimet në platformën Sky ECC dhe Encrochat. Mësohet se 7 persona të tjerë janë shpallur në kërkim teksa në dosjen hetimore janë të përfshirë 15 shqiptarë (njëri i vdekur), disa grekë dhe persona nga Rusia, Moldavia, Gjeorgjia dhe Kina, të cilët ishin pjesë e 4 grupeve kriminale.

SHQIPTARËT E PËRFSHIRË:

I VDEKUR:

Aleksandër Sadikaj, 27-vjeç nga Memaliaj

TË ARRESTUAR:

Denis Grabocka, 36-vjeç nga Korça
Meriola Grabocka, 39-vjeç nga Korça
Andon Salati, 32-vjeç nga Vlora
Kostandin Salati, 37-vjeç nga Vlora
Andrea Salati, 65-vjeç nga Vlora
Enea Pando, 35-vjeç nga Vlora
Aleksandro Pando, 30-vjeç nga Vlora
Nikolla Pando, 64-vjeç nga Vlora
Englantina Pando, 57-vjeç
Ermal Loli, 37-vjeç nga Tirana
Armand Kola, 32-vjeç
Marjus Pashaj, 28-vjeç nga Vergo, Delvinë

NË KËRKIM:

Elson Hajredini, 34-vjeç
Viktorio Qytyku, 30-vjeç

Gjatë operacionit u zbulua gjithashtu edhe një laborator i kultivimit të bimëve narkotike. Sipas policisë, këto grupe trafikonin drogë nga Shqipëria e Spanja, kryesisht përmes mjeteve që transportonin materiale të ligjshme, shpërndanin drogë në Greqi si dhe transportonin apo pastronin paratë e fituara nga veprimtaritë e paligjshme.

Gjatë hetimeve janë arritur të zbulohen 106 episode që lidhen me trafikun dhe shpërndarjen e lëndëve narkotike, të sasisë totale 1 ton 784 kg marijuanë dhe 43 kg 700 gram kokainë apo transportin dhe pastrimin e parave si dhe tentativa e vrasjes ndaj shtetasit Ari Papa, ndodhur më 26 shkurt 2021 në Greqi.

Llogaritet që nga trafiku dhe shpërndarja e drogës të jenë qarkulluar rreth 8 milionë e 455 mijë euro. Sipas policisë greke një grup kriminal drejtohej nga shqiptarët Denis Grabocka dhe Andon Salati, një tjetër drejtohej nga Aleksandër Sadikaj (i vrarë në Shqipëri në vitin 2022), një tjetër nga Aleksandro Pando ndërsa grupi i katërt nga greku Dhionisio Siountri.

Grupet kriminale:

Grupi “Grabocka – Salati”

Denis Grabocka, 36-vjeç nga Korca
Andon Salati, 32-vjeç nga Vlora
Aleksandër Sadikaj, 27-vjeç nga Memaliaj
Aleksandro Pando, 30-vjeç nga Vlora
Meriol Grabocka, 39-vjeç nga Korca
Andrea Salati, 65-vjeç nga Vlora
Kostandin Salati, 37-vjeç nga Vlora
Enea Pando, 35-vjeç nga Vlora
Ermal Loli, 37-vjeç nga Tirana
Armand Kola, 32-vjeç 

Anëtarë ishin edhe 9 grekë, 1 moldave, 1 gjeorgjian, 1 rus dhe 13 përdorues të paidentifikuar të “Sky ECC” dhe “Encrochat”.

Grupi “Aleksandër Sadikaj”

Aleksandër Sadikaj, 27-vjeç nga Memaliaj
Viktorio Qytyku, 30-vjeç 
Elson Hajredini, 34-vjeç 
Si dhe një përdorues i paidentifikuar i aplikacionit “Sky ECC”

Grupi “Aleksandro Pando”

Aleksandro Pando, 30-vjeç nga Vlora
Nikolla Pando, 64-vjeç nga Vlora
Enea Pando, 35-vjeç nga Vlora

Si dhe 5 përdorues të paidentifikuar të aplikacionit “Sky ECC”, 2 prej të cilëve anëtarë edhe në grupin “Grabocka – Salati”.

Grupi kriminal “Dhionisiou Siountri”

Përbëhej nga 2 shtetas grekë dhe 3 të paidentifikuar. Nën akuzën e pastrimit të parave ka rënë në pranga edhe Eglantina Pando, 57 vjeç si dhe një greke e një kinez, ndërsa një përdorues i aplikacionit “Encrochat” që kryente transport parash me sistemin “Hawala” është i paidentifikuar. Gjatë kontrolleve në kuadër të operacionit u arrestuan në flagrancë për vepra të tjera penale edhe Marjus Pashaj, 28-vjeç nga Delvina dhe një shtetase greke.

droga

GREQI- Një operacion i ri, i dyti brenda një jave, është kryer në Greqi bazuar në të dhënat e komunikimeve përmes aplikacioneve të koduara Sky ECC dhe EncroChat. Operacioni i djeshëm i policisë është kulmi i një hetimi që ka zgjatur disa muaj, në mos vite. U zgjidhën gjithsej 70 raste të trafikut të drogës që përfshinin periudhën nga marsi 2020 deri në mars 2021 dhe u arrestuan më shumë se 20 persona, të përbërë nga pesë grupe kriminale të lidhura me njëri-tjetrin. Të përfshirët dyshohet se kanë importuar drogë, kryesisht kanabis Skunk dhe së dyti kokainë, nga Spanja në Shqipëri dhe Greqi të fshehur në kamionë me produkt legal.

Mbi 20 persona janë arrestuar ditën e djeshme, për të cilët ka pasur indikacione të forta se janë të përfshirë në raste të trafikut të drogës, por jo vetëm. Shumë prej të proceduarve janë tifozë të organizuar të AEK-ut të përfshirë në incidente të përgjakshme, si ato që shpërthyen në maj 2017 në stadiumin Panthessaliko në Volos, në periferi të një ndeshje futbolli mes PAOK-ut dhe AEK-ut.

Sipas mediave greke, një nga personat nën hetim dyshohet të ketë lidhje me vrasjen e një 29-vjeçari shqiptar Ari Papa, i cili është vrarë në vendlindje nga shpërthimi i bombës në makinën e tij.

Një 36-vjeçareje greke është e akuzuara kryesore në rastin e trafikimit të 1.5 ton kokainë në Mimizan, në jug të Francës, në korrik 2017. Bëhet me dije se 36-vjeçarja qëndron ende në Bordeaux të Francës, pasi ka qenë ndalim largimi nga vendi.

Të gjithë të përndjekurit përdorën aplikacionet e koduara EncroChat dhe Sky ECC në komunikimet e tyre me njëri-tjetrin. Nëpërmjet aplikacioneve specifike, përdoruesit mund të shkëmbenin mesazhe të koduara që vetëshkatërroheshin pasi dërgoheshin, ndërsa kodet speciale të sigurisë – PIN – kërkoheshin për të përdorur pajisjet celulare të modifikuara posaçërisht. Kostoja e furnizimit të pajisjes arrinte në 1000 euro, ndërsa çdo përdorues paguante 1500 euro në muaj për të përdorur aplikacionet.

Si u vra Ari Papa?

Ari Papa u vra në 30 maj 2021 në një lokal në Sepolia të Athinës. Papa i kishte shpëtuar 3 atentateve të mëparshme ndërkohë që rezulton i përfshirë në një grup kriminal në Greqi për trafik droge dhe vrasje. Ari Kosta Papa, ishte i njohur edhe me pseudonimin “Ari vogël”. Por në Shqipëri ai është fantazëm, pasi nuk rezulton të ketë fotografi, ndërsa në Greqi, Ari Papa konsiderohej person i njohur i botës së krimit.