"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Policia e Shtetit ka ndaluar organizimin e protestës së Sali Berishës më 6 dhjetor në Bulevardin 'Dëshmorët e Kombit'. • Sipas Policisë së Shtetit, organizimi cenon sigurinë kombëtare dhe atë publike. • Sipas dokumentit aktiviteti i opozitës mund të zhvillohet në një zonë tjetër të kryeqytetit, që ndodhet përtej perimetrit të sigurisë. • Perimetri i sigurisë është: Bulevardi "Dëshmorët e Kombit" deri në Bulevardin "Bajram Curri" përfshi sheshin "Nënë Tereza- Rruga "Gjergj Filipi" nga kryqëzimi me mugn "Ibrahim Rrugova" deri tek kryqëzimi me rrugën "Papa Gjon Pali II"- Rruga " Lek Dukagjini" në gjithë gjatësinë e saj- Rruga "Dervish Hima", rruga "Sheh Ahmet Pazar", rruga "Faik Konica", muga "Skerdilajd Llagami". Rruga "Papa Gjon Pali II" në gjithë gjatësinë e saj, rruga " Asim Zeneli, rruga "Themistokli germenji", rruga "Mustafa Matohiti", rruga "Jul Variboba", rruga " Fatmir Haxhiu", Rruga "Ismail Qemali", nga rruga e "Elbasanit" deri në kryqëzimin me rrugën "Ibrahim Rrugova". • Lidhur me protestën e Berishës, BE ka kërkuar që të respektohen të drejtat e njeriut për tubime, por shtoi se duhet siguri. • Pas vendimit të Policisë, Berisha njoftoi lëvizjen e parë, duke kërkuar një bashkëbisedim me qytetarët. • Ndërkohë që masat më 6 dhjetor duket se do të jenë të ‘hekurta’, e në shërbim do të jenë jo më pas se rreth 1200 efektivë policie, duke mos i përfshirë forcat e sigurisë që kanë liderëve evropiane dhe rajonalë. • Takimi do nisë më orën 10:30. Më pas, do mbajnë një konferencë për mediat në Pallatin e Kongreseve.
6 artikuj për këtë temë.
TIRANË- Deputeti i Partisë Demokratike, Flamur Noka ka komentuar lajmin se Policia e Shtetit nuk ka dhënë leje për protestën e opozitës më 6 dhjetor kur edhe do të mbahet Samiti i vendeve të Bashkimit Europian. Në një prononcim për Klan News, Flamur Noka tha se protesta është e drejtë demokratike e fituar që në dhjetor të ’90 dhe se askush s’mund të ndalë të drejtën për të protestuar.
“Protesta është e drejtë demokratike e fituar që në dhjetor të ’90. Askush s’mund të ndalë të drejtën për të protestuar. Nuk i marrim leje askujt në Shqipëri për të protestuar. Në bazë të ligjit njoftojmë se protesta do të bëhet do apo nuk do regjimi,”-tha Flamur Noka për Klan News.
Më 6 dhjetor, Tirana do të presë liderët e vendeve të Bashkimit Europian dhe të Ballkanit Perëndimor së bashku me drejtuesit më të lartë të institucioneve të Brukselit. Samiti që bën bashkë krerët e kontinentit të vjetër do të mbahet në ambientet private të Arenës Kombëtare. Në të njëjtën ditë, Partia Demokratike e drejtuar nga Sali Berisha ka thërritur një protestë kombëtare. Kryedemokrati ka deklaruar se protesta do të jetë e qetë dhe paqësore. Protestën e thirrur nga Berisha e ka mbështetur dhe aleati i tij në opozitë kreu i Partisë së Lirisë Ilir Meta. Ndërkohë kjo protestë duket se do të 'përçajë' edhe më tej opozitën pasi kreu i Partisë Republikane Fatmir Mediu ka deklaruar se nuk do të marrë pjesë. Policia nuk i ka dhënë leje për këtë protestë, duke e konsideruar të rrezikshme.
TIRANË- Kryetari i Partisë Demokratike Sali Berisha do të zhvillojë ditën e nesërme një bashkëbisedim me qytetarët. Një ditë pasi Policia e Shtetit i ndaloi që të mbante protestën kombëtare më 6 dhjetor, Berisha ka lajmëruar bisedë me qytetarët. Ai do të dalë nesër në 12:00, drejtpërdrejt në Facebook. Me siguri nga aty do të përgjigjet edhe për refuzimin e marrë nga Policia e Shtetit.
“Nesër, në orën 12:00 do të jem në një bashkëbisedim LIVE me ju në Facebook. Jam i hapur për pyetjet tuaja dhe diskutime mbi temat që ju shqetësojnë. Shihemi këtu nesër!”- shkruan Berisha në Facebook.
Policia e Shtetit ka refuzuar kërkesën e Sali Berishës dhe të Partisë Demokratike për të zhvilluar protestë më 6 dhjetor, ditë kur në Shqipëri do të vijnë 27 liderët e vendeve të Bashkimit Europian në kuadër të samitit të BE. Sipas Policisë, organizimi cenon sigurinë kombëtare dhe atë publike. Më 6 dhjetor, Tirana do të presë liderët e vendeve të Bashkimit Europian dhe të Ballkanit Perëndimor së bashku me drejtuesit më të lartë të institucioneve të Brukselit.
TIRANË- Më 6 dhjetor, Tirana do të presë liderët e vendeve të Bashkimit Europian dhe të Ballkanit Perëndimor së bashku me drejtuesit më të lartë të institucioneve të Brukselit. Samiti që bën bashkë krerët e kontinentit të vjetër do të mbahet në ambientet private të Arenës Kombëtare. Axhenda e publikuar nga A2CNN, tregon se në këtë tryezë do të diskutohen çështjet si Lufta në Ukrainë, kriza e energjisë, çmimi i naftës dhe gazit, siguria, sfidat e klimës si dhe bursat për të rinjtë. Një pikë që ende nuk ka arritur në finalizim mbetet heqja e tarifave roaming për telefonatat mes vendeve të Ballkanit Perëndimor dhe Bashkimit Europian.
Agjenda e samitit do të vijojë me takime dypalëshe ndërmjet vendeve pjesëmarrëse, ndërsa pritet një ballafaqim i mundshëm mes presidentit Emmanuel Macron dhe presidentit serb, Aleksandër Vuçic, si dhe kryeministrit të Kosovës, Albin Kurti. Ky i fundit nuk e ka konfirmuar ende pjesëmarrjen dhe nuk dihet nëse do të jetë ai prezent apo Presidentja Vjosa Osmani.
Punimet e samitit parashikojnë një foto familjare që do të realizohet në Sheshin Italia. Më pas, kryeministri Edi Rama, Presidentja e Komisionit Europian, Ursula Von der Leyen, si dhe Presidenti i Këshillit të BE Charles Michael do të dalin në konferencë për shtyp përpara 140 përfaqësuesve të medias, shqiptare dhe ndërkombëtare, që do të zhvillohet në ambientet e Pallatit të Kongreseve.
Emmanuel Macron shënon dhe vizitën e parë të një presidenti francez në vendin tonë. Liderët kryesorë të unionit pas përfundimit të Samitit do të largohen nga Shqipëria brenda ditës. I gjithë Samiti është programuar të ketë një protokoll sigurie.
TIRANË- Bashkimi Europian e konsideron protestën e thirrur nga opozita në 6 dhjetor si një ushtrim i lirive të ligjshme të qytetarëve, që duhet të respektohet nga autoritetet pavarësisht se në të njëjtën ditë zhvillohet në Tiranë samiti BE-Ballkani Perëndimor. Në një prononcim për A2 CNN, Delegacioni i Bashkimit Europian në Tiranë shpjegoi se presin garantimin e sigurisë së samitit nga autoritetet shqiptare, duke respektuar njëkohësisht protestën e opozitës.
“Kjo është hera e parë që samiti BE-Ballkani Perëndimor mbahet në rajon, duke i dërguar një mesazh të fortë Shqipërisë dhe gjithë Ballkanit Perëndimor për rëndësinë e tyre gjeostrategjike për BE-në. Ne kemi besim se, si mikpritës, autoritetet publike shqiptare do të sigurojnë zhvillimin e sigurt dhe të rregullt të samitit, duke respektuar ushtrimin e ligjshëm të lirive nga qytetarët,”- shkruhet në reagim.
Më 6 dhjetor, Tirana do të presë liderët e vendeve të Bashkimit Europian dhe të Ballkanit Perëndimor së bashku me drejtuesit më të lartë të institucioneve të Brukselit. Samiti që bën bashkë krerët e kontinentit të vjetër do të mbahet në ambientet private të Arenës Kombëtare. Në të njëjtën ditë, Partia Demokratike e drejtuar nga Sali Berisha ka thërritur një protestë kombëtare. Kryedemokrati ka deklaruar se protesta do të jetë e qetë dhe paqësore. Protestën e thirrur nga Berisha e ka mbështetur dhe aleati i tij në opozitë kreu i Partisë së Lirisë Ilir Meta. Ndërkohë kjo protestë duket se do të 'përçajë' edhe më tej opozitën pasi kreu i Partisë Republikane Fatmir Mediu ka deklaruar se nuk do të marrë pjesë. Policia nuk i ka dhënë leje për këtë protestë, duke e konsideruar të rrezikshme.
TIRANË- Për të garantuar mbarëvajtjen e punimeve të Samitit mes Bashlimit Evropian dhe Ballkanit Perëndimor që do të mbahen në Tiranë më 6 dhjetor, do të angazhohen më shumë se 1200 efektivë policie. Samiti që bën bashkë krerët e kontinentit të vjetër do të mbahet në ambientet private të Arenës Kombëtare.
A2CNN shkruan se një pjesë e efektivëve do të shoqërojnë delegacionet nga Aeroporti Ndërkombëtar “Nënë Tereza” deri në qendër të kryeqytetit. Pas mbërritjes së tyre në Tiranë, përveç stafeve dhe personave të akredituar, do të jetë e pamundur të kalohet perimetri i sigurisë që nis nga Kryeministria në drejtim të Pallatit të Kongreseve dhe përreth stadiumit “Air Albania”. Pas pritjes zyrtare të delegacioneve nga kreu i qeverisë shqiptare, takimi me dyer të mbyllura është parashikuar të nisë rreth orës 10:30.
Po më 6 dhjetor, Partia Demokratike e drejtuar nga Sali Berisha ka thërritur një protestë kombëtare. Kryedemokrati ka deklaruar se protesta do të jetë e qetë dhe paqësore. Protestën e thirrur nga Berisha e ka mbështetur dhe aleati i tij në opozitë kreu i Partisë së Lirisë Ilir Meta. Ndërkohë kjo protestë duket se do të 'përçajë' edhe më tej opozitën pasi kreu i Partisë Republikane Fatmir Mediu ka deklaruar se nuk do të marrë pjesë.
TIRANË- Policia e Shtetit ka refuzuar kërkesën e Sali Berishës dhe të Partisë Demokratike për të zhvilluar protestë më 6 dhjetor, ditë kur në Shqipëri do të vijnë 27 liderët e vendeve të Bashkimit Europian në kuadër të samitit të BE. Sipas Policisë, organizimi cenon sigurinë kombëtare dhe atë publike. Ndaj dhe drejtori Lorenc Panganika ka vendosur që të mos bëhet asnjë lëvizje siç ishte parashikuar, ndryshe shkelësit do të ndëshohen me masa administrave dhe penale.
"Vendosa të ndaloj zhvillimin e tubimit të kërkuar nga ana juaj në 16.12.2022, ora 12.00 deri në orën 16.00, në vendin e përcaktruar në kërkesë. Drejtoria Vendore e Policisë Tiranë mbetet e angazhuar për të garantuar të drejtën e çdo qytetari për të marrë pjesë në tubime paqësore dhe mirëpret çdo njoftim tuajin për zhvillimin e tubimit në një vend alternativ, jashtë perimetrit të sigurisë. Ju sjellim në vëmendje se për veprime në kundërshtim me ligjin do të ndërmerren masa administrative dhe penale,"-shkruhet në shkresën e Policisë së Shtetit.
Prej ditës, ish-kryeministri Sali Berisha ka paralajmëruar ditët e fundit se më 6 dhjetor do të dalë me mbështetësit e tij për të mirëpritur liderët europianë dhe për t'u treguar të vërtetën lidhur me Shqipërinë. Samiti vjen në një moment kur Shqipëria dhe Maqedonia e Veriut kanë nisur negociatat, ndërsa Kosova pret liberalizimin e vizave dhe Bosnje-Hercegovina pret statusin e vendit kandidat. Nga ana e BE, lidhur me protestën, është kërkuar që të respektohen liritë e qytetarëve, por që të sigurohet edhe mbarëvajtja e takimit. Ndryshe e kanë pritur socialistët që të gjithë njëzëri, përjashto kryeministrin Edi Rama që nuk ka komentuar deri më tani, e kanë cilësuar tubimin e Berishës si "tradhëtarë" dhe bedelë të presidentit rus, Vladimir Putin.
