Moti i keq përfshin vendin/ Reshje të shumta në çdo qytet, përmbytet Durrësi, Ministria e Mbrojtjes: Niveli i ujit kritik në Unazën e qytetit! Përmbyten disa sipërfaqe bujqësore në Sukth

DURRËS - Ministria e Mbrojtjes ka dhënë të tjera detaje nga situata e përmbytjeve në Durrës. Raportohet se si pasojë e rëshjeve masive katër fëmijë dhe një familje kanë mbetur të bllokuar brenda një furgoni shkolle, ndërsa kanë arritur të nxirren nga aty pak më vonë me ndihmën e emergjencave civile. Gjithashtu bëhet me dije se situata paraqitet më problematike në Shkozet ku janë përmbytur rreth 40 banesa, te stacioni i trenit, në lagjen “17 Nëntori” dhe në zonën e Kënetës ku ka prani të lartë uji.

Ministria e Mbrojtjes më tej bën me dije se në pjesën tjetër të vendit situata është nën kontroll dhe pa problematika në qarkullim. Të gjithë lumenjtë dhe rezervuarët janë brenda kuotave të tyre normale e nuk paraqesin asnjë rrezik.

Njoftimi i Ministrisë së Mbrojtjes:

Ministria e Mbrojtjes dhe të gjitha strukturat operacionale të emergjencave civile po monitorojnë me kujdes situatën dhe po punojnë në terren për të rikthyer sa më shpejt normalitetin në zonat më problematike të vendit pas reshjeve të dendura të shiut të regjistruara gjatë ditës së mërkurë në disa pjesë të territorit. Jemi të fokusuar kryesisht në Bashkinë Durrës, ku po punohet në disa zona për të normalizuar situatën.

Forcat e Armatosura, AKMC, strukturat lokale dhe Emergjencat Civile pranë bashkisë po punojnë për të rikthyer normalitetin në kryqëzimin e stadiumit, te stacioni i trenit, në lagjen “17 Nëntori”, në zonën e Kënetës dhe në Shkozet.

Emergjencat Civile u kanë ardhur në ndihmë 4 fëmijëve të bllokuar në një furgon shkolle dhe një familjeje, ndërsa më problematike është situata në rreth 40 banesa në Shkozet, ku është regjistruar prani uji. Në mbështetje të forcave në terren janë Forcat e Armatosura me 2 pompa thithëse me kapacitet të lartë dhe 3 mjete të kalueshmërisë së lartë.

Momentalisht po punohet në terren nga forcat e Drejtorisë Rajonale të Kullimit Durrës për pastrimin e Kanalit të Ujërave të Larta në unazën e qytetit, ndërsa janë të angazhuar edhe strukturat e Autoritetit Portual, ndërmarrjet e Bashkisë Durrës, MZSH-së dhe Policia Bashkiake.

Pjesa kritike tashmë është tejkaluar. Prefekti i Durrësit në mbledhjen e emergjencave civile bëri një përmbledhje të situatës që po shkon drejt normalizimit. Hidrovori po punon me kapacitet të plotë, ndërsa niveli i ujit në lumenjë Erzen dhe Ishëm është brenda kuotave dhe nuk përbën rrezik. Situatë normale në digat e ujëmbledhësve dhe të shkarkuesve.

Në pjesën tjetër të vendit situata është nën kontroll dhe pa problematika në qarkullim. Të gjithë lumenjtë dhe rezervuarët janë brenda kuotave të tyre normale e nuk paraqesin asnjë rrezik. Agjencia Kombëtare e Emergjencave Civile dhe Forcat e Armatosura janë në gatishmëri për të ndërhyrë edhe në pjesë të tjera të vendit, si në qarqet Shkodër, Lezhë, Durrës dhe Tiranë, ku priten reshje mesatare, të shoqëruara me shtrëngata.

pamje nga permbytjet

DURRËS- Qyteti i Durrësit u përfshi ditën e sotme nga reshje të dendura shiu, të cilat kanë shkaktuar probleme në disa zona të caktuara. Edhe pas pushimit të reshjeve akset rrugore janë nën pushtetin e ujit, ndërkohë që qarkullimi në rrugë për këmbësorēt dhe automjetet është thuajse i pamundur.

Siç shihet edhe në pamje niveli i ujit ka kaluar trotuaret, duke vështirësuar tej mase qarkullimin jo vetëm të këmbësorëve, por edhe të automjeteve. Ndërkohë uji ka hyrë edhe në disa banesa.

Foto ilustruese

DURRËS - Përkeqësohet situata në Durrës si pasojë e motit të keq. Ministria e Mbrojtjes në një informacion shtesë bën me dije se si pasojë e reshjeve të dendura është vështirësuar qarkullim për automjetet dhe këmbësorët në Shkozet, Ish-magazinat e Agrotransportit, Zona e Plazhit, Ish-Këneta, Stadiumi dhe Lagja “17 Nëntori”.

Gjithashtu bëhet me dije se uji ka depërtuar në oborret e disa shtëpive në zonën e njohur si “Ura e Dajlanit” dhe Ish-Këneta.  Po ashtu raportohet se janë përmbytur disa sipërfaqe bujqësore në njësinë administrative Sukth, ndërsa uji në Kanalin e Ujrave të Larta në unazën e qytetit ka arritur në një nivel kritik. Sakaq bëhet me dije se strukturat e bashkisë së qytetit vijojnë punën për normalizimin e situatës.

Njoftimi:

Për shkak të reshjeve të intensifikuara të shiut, në qytetin e Durrësit janë shfaqur disa problematika, të cilat po monitorohen dhe trajtohen nga strukturat përkatëse.

Një eskavator i Drejtorisë së Ujitjes dhe Kullimit ka mbërritur në Kanalin e Ujrave të Larta për ndërhyrje dhe pastrimin e kanaleve. Ka rritje të nivelit të ujit në rrugë, duke shkaktuar vështirësi në qarkullimin e mjeteve dhe lëvizjen e këmbësorëve si dhe prani të ujit në disa zona të qytetit si dhe në Shkozet, Ish-magazinat e Agrotransportit, Zona e Plazhit, Ish-Këneta, Stadiumi dhe Lagja “17 Nëntori”.

Uji ka depërtuar gjithashtu në oborret e disa shtëpive në zonën e njohur si “Ura e Dajlanit” dhe Ish-Këneta. Niveli i ujit në Kanalin e Ujrave të Larta në unazën e qytetit ka arritur në një nivel kritik. Po ashtu, ka prani të ujit edhe në sipërfaqe bujqësore në njësinë administrative Sukth. Strukturat vendore janë angazhuar për të riparuar pasojat e krijuara dhe po punojnë intensivisht për të menaxhuar situatën. Agjencia Kombëtare e Mbrojtjes Civile do të vijojë të ndjekë situatën, për të koordinuar forcat deri në normalizimin e situatës.

Pamje nga përmbytjet

DURRËS - Moti i keq me reshje intensive shiu që pushtoi vendin këtë të mërkurë ka shkaktuar problematika në disa zona. Deri më tani situata më problematike raportohet në Durrës, aty ku janë përmbytur rrugët dhe është vështirësuar qarkullimi.

Mësohet se situata është rënduar, pasi uji ka vërshuar edhe brenda disa banesave private në Shkozet, Sukth dhe Katund i Ri. Ndërkohë në një njofitm zyrtar pak më herët Bashkia Durrës njoftoi edhe cilat janë akset më problematike momentalisht si pasojë e reshjeve ndërsa shtoi se strukturat e kësaj bashkie po punojnë për rehabilitimin e situatës. 

foto ilustruese

DURRËS- Bashkia e Durrësit ka reaguar përmes një lajmërimi për situatën e reshjeve në qytet. Në njoftimin e Bashkisë Durrës, thuhet se punonjësit e bashkisë janë në terren për tu përballur me situatën. Gjithashtu në njftimin e Bashkisë përmenden edhe emrat e rrugëve, ku situata është me problematike.

Njoftimi:

Durrësi është përfshirë nga reshje të dendura shiu që kanë shkaktuar probleme në disa zona të qytetit.Gjatë gjithë kohës jemi në terren për tu përballur me çdo situatë të krijuar nga këto reshje. Situata në Hidrovor është normale dhe të gjitha ekipet tona janë në ndihmë të komunitetit për çdo problematikë. Strukturat e bashkisë së Durrësit janë të angazhuara maksimalisht në shërbim të qytetarëve dhe të gjithë punonjësit e ndërmarrjeve dhe mjetet e rënda, zjarrfikësit, policia bashkiake janë në terren aty ku ka nevojë për ndërhyrje emergjente.

Aktualisht problematika ka në rrugët

???? “Mbreti Gert”,

???? “Hysen Kertusha”,

???? “Abaz Çelkupa”,

???? “Neki Libohova”,

???? “Dalip Peza”,

???? “Hysen Myshketa”,

???? “Jahja Ballhysa”,

???? “Vollga”

???? “Asti Gogoli”,

???? “Mbreti i Arbërit”

???? “Jusuf Myzyri”

???? zonën pranë stadiumit në disa rrugë të plazhit dhe Shkozetit,

???? tek Ura e Dajlanit,

???? nënstacioni elektrik në Rrashbull

???? rruga hyrëse në Sukth dhe disa parcela bujqësore në këtë njësi.

Më problematike paraqitet situata në njësinë administrative 6, në akset kryesore dhe disa rrugë dytësore. Po kështu në njësinë 6 dhe pranë rrugës së kolaudimit në Shkozet uji ka hyrë edhe në disa prej banesave. Në zona të tjera të Sukthit dhe Katundit të Ri ku ka përfunduar rehabilitimi i argjinaturave situata është normale. Aktualisht po punohet në të gjitha zonat ku ka probleme dhe sidomos për largimin e ujit nga banesat.  Vijon kontrolli i vazhdueshëm i sistemeve të kanaleve kulluese dhe gjendjes funksionale të hidrovorëve, po monitorohet vazhdimisht argjinatura e lumenjve Erzen dhe Ishëm, digat e ujëmbledhësve dhe të shkarkuesve katastrofikë si dhe janë në gatishmëri të gjitha kapacitetet logjistike dhe burimet njerëzore të forcave operacionale për përballimin e çdo situate të mundshme. I bëjmë thirrje qytetarëve që për çdo problematikë të telefonojnë në këta numri telefoni:

Qytetaret

DURRËS- Moti i keq ka bërë që qyteti i Durrësit të përmbytet ditën e sotme. Ndërkohë që rrugët janë bërë të pakalueshme, disa qytetarë kanë nxjerr kallamat e peshkimit dhe kanë dalë në rrugë për të ironizuar situatën. Dy qytetarë shihen teksa janë fotografuar duke bërë peshkim në rrugët e përmbytura të Durrësit. 

Si pasojë janë përmbytur disa lagje në Durrës si Stacioni i Trenit, Stadiumi dhe lagjia nr.17. Rrugët janë mbushur me uji ndërsa shkojnë afër me nivelin e trotuarit. Teksa mjetet kalojnë uji vërshon edhe në trotuar duke vështirësuar kalimin për këmbësorët që në ditë me shi janë të deyruar të vijojnë rutinën e tyre.

pamje nga durresi

DURRËS- Moti i keq dhe reshjet e dendura të shiut kanë përfshirë Durrësin dhe disa qytete të vendit. Si pasojë janë përmbytur disa lagje në Durrës si Stacioni i Trenit, Stadiumi dhe lagjia nr.17. 

Rrugët janë mbushur me uji ndërsa shkojnë afër me nivelin e trotuarit. Teksa mjetet kalojnë uji vërshon edhe në trotuar duke vështirësuar kalimin për këmbësorët që në ditë me shi janë të deyruar të vijojnë rutinën e tyre.

Ndërkohë po ashtu hyrja dhe dalja e Durrësit nga Ura e Dajlanit deri tek stacioni i Trenit gjithashtu e përmbytur.

Foto ilustruese

TIRANË- Ditën e Mërkurë vendi ynë do të ndikohet nga kushte të paqëndrueshme atmosferike me mbizotërim të motit të vranët dhe me reshje të herapsherëshme shiu prej orëve të para të 24-orëshit e gjatë gjithë ditës (me ndëprerje). Reshjet e shiut parashikohen me intensitet të ulët e lokalisht shtrëngata të izoluara afatshkurtra në pjesën e parë të ditës, ndërsa në orët e vona të pasdites pritet që i gjithë vendi të përfshihet nga reshje shiu me intensitet mesatar.

Në Alpe dhe relievet e larta malore në verilindje-juglindje do të kemi rikthim të reshjeve të dëborës, me intensitet të ulët. Era do të fryjë me drejtim juglindje-verilindje me shpejtësi mesatare 2-7m/s, ndërsa në lugina dhe përgjatë vijës bregdetare hera-herës pritet të fitojë shpejtësi 8-13m/s, shoqëruar me valëzimin në dete të forcës 2-3ballë.

Temperaturat parashikohen:

në zonat malore 4 deri 12°C

në zonat e ulëta 7 deri 18°C

në zonat bregdetare 10 deri 18°C