Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Seanca e sotme plenare zgjati vetëm 8 minuta për shkak të tensioneve dhe përplasjeve mes deputetëve të opozitës, gardës dhe deputetëve socialistë jashtë dhe brenda sallës së Kuvendit. •Pak minuta pasi nisi seanca disa nga deputetët e opozitës të cilët arritën të futeshin brenda në sallë kanë ndezur tymuese. •Kryetarja e Kuvendit Nikolla kaloi në votim pa diskutim pr/ligjet në rendin e dites duke miratuar me 74 vota rregulloren e re te Kuvendit, e cila parashikon deri në 60 ditë përjashtim të deputetëve. •Po me 74 vota u miratua futja e 'Oksidit të azotit' te lëndët psikotrope. •Ndërkohë u hoq nga rendi i ditës miratimi i marrëveshjes me Italinë për emigrantët pasi dje Gjykata Kushtetuese e pezulloi deri me daljen e një vendimi më 18 janar 2023. •Deputetët e opozitës përsëritën sot skenarin e kaosit në Kuvend. •Fillimisht ata të përjashtuarit u përplasën me gardën e cila kishte bllokuar derën dhe nuk i lejonte ata të hynin. •Nga ana tjetër ka patur edhe përplasje mes tyre dhe deputetëve socialistë të cilët prisnin për të hyrë brenda. •Kryetari i Partisë Demokratike, Sali Berisha duke folur për mediat jashtë sallës së parlamentit, deklaroi se mazhoranca sapo miratoi nenin që e bën vendin pa opozitë. •Gjatë komunikimit me gazetarët, Berisha theksoi se gjer në përmbysjen e këtij regjimi nuk do të ndërpritet rezistenca e opozitës. •Ndërsa, Bardhi tha se nuk do të binden por do të çojnë në Gjykatën Kushtetuese, ndryshimin e rregullores.
24 artikuj për këtë temë.
TIRANË- Kryetari i Grupit Parlamentar të Partisë Socialiste, Bledi Çuçi ka deklaruar se do ta votojnë për heqjen e imunitetit të kryedemokratit Sali Berisha. Çuçi u shpreh se ata nuk kanë diskutuar mandatin e deputetëve të tyre për këtë pjesë, jo më të Berishës.
"Pa diskutim, qëndrimi jonë është i prerë në këtë pikë. Ne nuk kemi diskutuar mandatin e kolegëve tanë kur SPAK kërkon një gjë të tillë në parlament. Ne do ta votojmë pro kërkesës së SPAK. Ne jemi në ushtrim të plotë të sovranitet që na kanë deleguar qytetarët dhe do vazhdojmë ta ushtrojmë. Është qesharake të mendosh që Bardhi do vijë të votojë heqjen e imunitetit të Berishës," tha Çuçi.
Duke folur për mandatin e Arben Ahmetajt, Çuçi u shpreh se shumë shpejt do të merret vendimi nga grupi për të.
"Ben Ahmetaj nuk është në Shqipëri, është çështje e drejtësisë. Shumë shpejt do merret vendimi edhe nga grupi," tha Çuçi.
Ndërsa për rregullorën e re të Kuvendit, Çuçi u shpreh se nëse deputetët do të ndezin zjarr në Kuvend do të përjashtohen me 60 ditë.
“Nëse 23 deputetë të opozitës do të ndezin zjarr në Parlament, do të përjashtohen 60 ditë. Ne kemi pasur mbledhjen e Këshillit të Rregullores, ata nuk erdhën”, tha Çuçi.
TIRANË- Kreu i Partisë së Lirisë, Ilir Meta ka reaguar pas miratimit nga mazhoranca të rregullores së re të parlamentit ku deputetët mund të përjashtohen 30-60 ditë në rast se prishin seancën plenare.
Meta shkruan në një postim në Facebook se këto ndryshime sipas tij të njëanshme synojnë asgjësimin e opozitës dhe parlamentarizmit. Ai shprehet se pezullimi i mandateve të deputetëve është antikushtetuese dhe i papranueshëm.
POSTIMI I PLOTË:
Ndryshimet e njëanshme të Rregullores së Kuvendit të bëra në mënyrë arbitrare dhe përjashtuese synojnë asgjësimin e opozitës dhe parlamentarizmit.
Ndaj pezullimi i mandateve të deputetëve në këtë mënyrë antikushtetuese është i papranueshëm.
Vetëm plotësimi i kërkesave të opozitës rikthen normalitetin në Kuvend dhe garanton rolin e tij kontrollues ndaj qeverisë.
TIRANË- Kreu i Grupit Parlamentar i Partisë Demokratike Gazment Bardhi ka ironizuar rregulloren e re të Kuvendit të miratuar nga Kuvendi ditën e sotme. Me anë të një deklarate pas përfundimit të seancës plenare, Bardhi ironizon duke thënë se më mirë ta bënin përjashtimin 4 vite.
“Do ta vijojmë aksionin. S’ka forca sigurie apo akte të njëanshme që pengojnë opozitën të kërkojë respektimin e të drejtave të veta kushtetuese. Mund ta kishin bërë dhe 4 vjet, derisa të mbaronte kjo legjislaturë mos të na lejonin, se kuptoj arsyen pse e kanë bërë 60 ditë. E kishin bërë 4 vjet dhe kishin rënë rehat dhe të kishin shpall zyrtarisht diktaturën në vend. Do vazhdojmë të ushtrojmë misionin tonë dhe mandatin tonë. Me regjimin përplasesh se nuk do përqafohesh. Një njeri që qëndron në pushte me paratë e korrupsionit, e vetmja rrugë është përballja. Sa herë që mazhoranca përshkallëzon veprime ndaj opozitës është detyra jonë të përshkallëzojmë veprimet e tona," tha Bardhi.
TIRANË-
“Sot e patë që Kuvendi ashtu siç në fakt këto dy muaj është salla e rojeve të Edi Ramës. Si çdo regjim edhe Edi Rama ka nevojë për forca sigurie. Sot në një atentat të vërtetë të parlamentarizmit është miratuar në mënyrë të njëanshme të setit të rregullave të bashkëjetesës në Parlament. Ndryshimi do të dërgohet në Gjykatën Kushtetuese. Ne nuk e njohim dhe nuk do t’i bindemi atyre rregullave me të cilat nuk kemi rënë dakord”, tha Bardhi.
TIRANË- Mes përpjekjesh për të hyrë brenda, deputeti i Partisë Demokratike, Flamur Noka u përplas në hyrje të sallës së seanca plenare me deputetin socialist, Ilir Metaj.
Pjesë nga debati:
Flamur Noka: Ik andej.
Ilir Metaj: Hajde Muli
Flamur Noka: Je i fortë ëëëë
Ilir Metaj: Jena në punën tonë.
Flamur Noka: Të shoh si karton jo si njeri
Ilir Metaj: Mos fol me atë gjuhë me 20 veta në mes
TIRANË- Mes tensioneve dhe kaosit, kryetarja e Kuvendit Lindita Nikolla ka mbyllur seancën plenare. Të gjitha projektligjet janë miratuar me shpejtësi ditën e sotme. Mes tyre është miratuar me 74 vota pro ndryshimet në rregullorën e re të Kuvendit.
Sipas rregullores, deputetët tashmë mund të përjashtohen deri në 2 muaj nëse krijojnë kaos dhe ndezin flakadanë. Por diçka që duhet theksuar në rregullorën e re është fakti që përjashtimi nga seanca shoqërohet me një shtesë në fund ku thuhet se gjatë këtyre 60 ditëve deputeti nuk mund të kryejë asnjë funksion. Sipas ligjin kjo është pezullim i mandatit dhe është antikushtetues si vendim.
Ndryshimi i Rregullores
Neni 1
Titulli i nenit 65/1 riformulohet: “Masat disiplinore “përjashtim nga pjesëmarrja në komisione dhe/ose në seancë plenare” deri në 10 ditë, 30 ditë, apo 60 ditë”.
Në nenin 65/1 shtohen pikat 6, 7 dhe 8 me këtë përmbajtje: “6. Masa disiplinore“ përjashtim nga pjesëmarrja në komisione/në seancë plenare” deri në 30 ditë” jepet në rastet: a) kur deputeti përdor dhunë fizike ndaj deputetëve të tjerë, anëtarëve të Këshillit të Ministrave, punonjësve të shërbimit të seancave apo të Gardës së Republikës.b) kur deputeti përmes veprimeve të dhunshme dëmton pajisjet dhe orenditë e cdo mjet tjetër logjistik në sallën e seancave/mbledhjes.
c) kur deputeti kryen në mënyrë të përsëritur brenda një sesioni parlamentar shkeljet e parashikuara në pikën 1 të këtij neni.”
“7. Masa disiplinore “përjashtim nga pjesëmarrja në komisione /në seancë plenare “ deri në 60 ditë jepet në rastet :
a) kur deputeti përdor lëndë apo mjete piroteknike, tymuese, bojra dhe materiale apo mjete të tjera të ngjashme brenda sallës së zhvillimit të punimeve të Kuvendit/mbledhjes së komisionit / brenda mjediseve të Kuvendit;
b) kur deputeti kryen veprime / sjellje që përbëjnë shkeje që konfigurohen si shkelje penale pavarësisht nëse shkelja përben vepër penale sipas Kodit Penal;
c) kur deputeti kryen në mënyrë të përsëritur brenda një sesioni parlamentar shkeljet e parashikuara në pikën 6.”
Kërkesa për marrjen e mases disiplinore, sipas pikave 6 dhe 7 të këtij neni, paraqitet me shkrim nga jo më pak se 7 deputetë dhe jo më vonë se 48 orë nga dita e konstatimit të ngjarjeve/ rasteve.
Gjatë periudhës së zbatimit të masës displinore të parashikuar në pikat 6 the 7 të këtij neni deputeti ndalohet të kryej dhe çdo veprimtari tjetër si anëtar i Kuvendit.
Neni 2
Neni 65/2 pikat 1, 4 dhe 5 dhe riformulohen me këtë përmbajtje:
1. “1. Masat disiplinore “përjashtim nga pjesëmarrja në komisione dhe/ose në seancë plenare” jepet nga Sekretariati për Procedurat, Votimet dhe Etikën. Mbledhja e Sekretariatit zhvillohet brenda 48 orëve nga depozitimi i kërkesës.”
“5. Vendimi i dhënë për rastet e parashikuara në pikën 1, shkronjat “a” dhe b”, piken 6 dhe 7 të neni 65/1, publikohet në faqen zyrtare të Kuvendit. Për rastet e parashikuara në pikën 1, shkronja “c”, të nenit 65/1 publikimi bëhet vetëm me pëlqimin e personit/viktimë e ngacmimit seksual.”
Neni 3
Në Nenin 65/3 bëhen ndryshimet si vijon:
Në pikën 4 pas fjalës pezullohet shtohet togëfjalshi “me vendim të ndërmjetëm të Byrosë së Kuvendit, deri në dhënien e vendimit përfundimtar”.
2. Pika 5 shfuqizohet.
II. Ky vendim hyn në fuqi menjëherë.
TIRANË- Deputeti Saimir Korreshi ka debatuar me Gardën pasi nuk lejon që ata të ushtrojnë kontroll. Korreshi nuk e hoqi xhupin për kontroll, ndërsa u ‘shtri’ në skaner për të kaluar bashkë me xhupin.
Korreshi: Nuk e heq kam ftohtë. Po do të fute unë në skaner bëj radiografi. O dashi mbaje pak të hy në skaner.
Dash Sula: Hiq dorën ore. Të dhimbset deputeti ty. Mos e prek.
Korreshi: Dua të kaloj këtu, nuk e heq xhupin. Të futem unë këtu meqë paske dyshime.
Dash Sula: Menere thuaj, jo deputet. Jemi menere.
Korreshi: Unë po të them hajde të futem unë këtu nëse kam gjë të paligjshme. Nuk e heq unë xhupin.
TIRANË- Mes tensioneve dhe kaosit,kryetarja e Kuvendit ka njoftuar mbylljen e seancës plenare.
Vetëm një pjesë e deputetëve të opozitës ishin prezentë në seancë, ndërsa pjesa tjetër nuk janë lejuar të futen brenda pasi janë të përjashtuar.
Seanca e sotme zgjati rreth nëntë minuta.
TIRANË- Seanca plenare ditën e sotme është mbyllur në 5 minuta pas nisjes së saj. Për shkak të kaosit të ndodhur brenda Kuvendit, kryeparlamentarja ka njoftuar mbylljes së seancës.
Projektligjet që ishin parashikuar të diskutoheshin ditën e sotme, janë miratuar me shpejtësi dhe pa u diskutuar.
TIRANË- Seanca e Kuvendit ka nisur ditën e sotme me kaos. Kjo pasi deputetët e opozitës nuk janë lejuar që futen në sallë.
Disa nga deputetët që janë futur në Kuvend, kanë thirrur në kor: Turp, Trup
TIRANË- Pasi arriti të hynte në sallë, deputeti i PD-së, Dashnor Sula u është drejtuar me tone të ashpra deputetëve të maxhorancës duke i quajtur ata, hajdutë.
“O plehra, ju jeni të gjithë më të mirët, më të bukurit, o hajdutë. Ju të provokoni me zor. Kjo është kafshëri, nuk është njerëzillëk”, tha ai.
Shiko videon më poshtë:
TIRANË- Vazhdojnë tensionet në hyrjen e Kuvendit. Deri tani kanë mundur të hyjnë në sallë disa prej deputetëve të opozitës. Ndërsa të tjerë ndodhen ende jashtë ku kanë tentuar të bllokojnë derën për deputetët socialistë. Ndërsa Olta Xhaçka tentonte të hynte, kreu i grupit parlamentar demokrat, Gazment Bardhi bllokon derën e Kuvendit ku ndodhet Garda, teksa i drejtohet se duhet të bëjë gati kyçet e dorës për në SPAK.
Pjesë nga debati:
Bardhi: Hajdutët hyjnë brenda, të ndershmit rrinë jashtë. Shko jep llogari për pronat që ke vjedhur.
Xhaçka: Ik andej
Bardhi: Nuk është kështu. As me investime strategjike as me fondet e AZHBR-së. Përgjigjen do ta japësh në SPAK. Shumë shpejt.
Xhaçka: O legen, o burracak.
TIRANË- Kryetari i PD Sali Berisha tha para mediave se, deputetë dhe ministra po rrinë jashtë vetëm që opozita të mos futet brenda. Berisha tha se, parlamenti për të gjithë këta është Edi Rama, ai është sulltani dhe nuk ka akt më të turpshëm se ky. Berisha tha se deputetët e mazhorancës janë të gatshëm të rrinë në oborr vetëm që mos të futen në parlament deputetët e opozitës.
"Pra, shikoni këtu, deputetë, ministra që rrinë jashtë, mjafton që opozita të mos jetë në parlament. Ky është koncepti i tyre armiqësor ndaj opozitës, dhe ky është koncepti i tyre për parlamentin. Për ta, parlamenti është Edi Rama. Ky është parlamenti, ai është sulltani dhe nuk ka akt më të turpshëm. Deputetë të cilët nuk kanë asnjë masë nga parlamenti, nuk lejohet vetëm pse janë opozitarë. Dhe deputetë të narkomazhorancës janë dakord të qëndrojnë në oborr, vetëm që deputetët e opozitës të mos jenë në parlament. Atëherë kjo është situata. Çfarë ka këtu republikë parlamentare? Këtu vetëm republikë parlamentare nuk ka. Ka një narkorepublikë që drejtohet nga një narkos, që këtu flet në paranojë dhe atje shkon e bën klounin. Ku e kam Muhamet Veliun? Turpërim më të madh që të ka bërë ty dhe të gjithë socialistëve ty ai, nuk ka. Muhamet e ke parasysh se kur të garantojnë ty për të dhënë disa lajmet urgjente, je i vetmi që shkon dhe futesh aty dhe e jep lajmin," tha Berisha.
TIRANË- Pas tensioeve dhe përplasjeve me Gardën, disa deputetë të opozitës kanë arritur të hyjnë në sallën e Kuvendit. Dashnor Sula, Saimir Korreshi dhe Edmond Spaho i janë nënshtruar kontrollit nga Garda pak para se seanca plenare të niste.
"Hape rrugën se nuk mund të më kontrollosh ti mua fizikisht", tha Bylykbashi.
Edmond Spaho dhe Saimir Korreshi ndezën flakadanë në seancë. Kryetarja e Kuvendit Nikolla kaloi në votim pa diskutim pr/ligjet në rendin e dites duke miratuar me 74 vota rregulloren e re te Kuvendit, e cila parashikon deri në 60 ditë përjashtim të deputetëve. Po me 74 vota u miratua futja e 'Oksidit të azotit' te lëndët psikotrope.
TIRANË- Ndonëse është i përjashtuar nga seancat pleanre për 10 ditë, deputeti i PD-së Flamur Noka nuk e ka njohur vendimin e marrë nga Sekretariati i Etikës. Jashtë sallës së Kuvendit ku pati tensione dhe përplasje me Gardën ai u shpreh për mediat se nuk njeh asnjë vendim të Lindita Nikollës.
“E ruajnë godinën, a thua se Sulltan Murati ka zbritur këtu dhe ruan Kështjellën e Lindës. A ka demokraci këtu? prej kujt e ruajnë Parlamentin! Nuk jam i përjashtuar, nuk respektoj asnjë vendim të Lindës dhe të kamikazëve të Ramës. Nuk është hera e parë kjo gjë.”, tha ai.
TIRANË- Kreu i Grupit Parlamentar të Partisë Demokratike Gazment Bardhi ka ironizuar gardën e vendosur në hyrje të Parlementit. Duke folur për mediat, Bardhi është shprehur se Rama ka nevojë që të ruhet nga gardistët, ndërkohë që ka theksuar se më shumë ka punonjës sigurie se sa deputetë. Po ashtu Bardhi ka shtuar se nuk ka asnjë dallim nga regjimi diktatorial me regjimin e sotëm.
"Ne do tentojmë të hyjmë në respekt të mandatit. Mandatet i kemi të fituar përballë Edi Ramës dhe bandave të tij. Janë vota të popullit opozitar. Ne jemi këtu për ti përfaqësuar në këtë ushtrim që na i kanë dhënë qytetarët. Plani jonë është të shfaqim në sytë e opinionit publik regjimin e Edi Ramës. Edhe Rama që të ushtrojë profesionin e tij ka nevojë të ruhet me gardistë. Ka më shumë forca sigurie sesa civile të administratës dhe deputetë. Më thonë cfarë dallimi ka një regjim diktatorial nga regjimi që po flasim. A është ky një vend anëtar i NATO-s dhe kandidat për në BE? Nuk ka ndodhur kurrë”, tha Bardhi.
TIRANË- Ish-kryeministri Sali Berisha deklaroi nga jashtë Kuvendit se asnjë nga deputetët madje dhe ata që nuk janë përjashtuar nuk po lejohet të marrin pjesë në seancën e sotme parlamentare. Ai tha se Kuvendi është marrë peng nga Garda e Kuqe.
“Asnjë deputet i opozitës në Parlament. Është marrë Kuvendi nga Garda e Kuqe. Ky është rast që nuk ka ndodhur kurrë. Janë disa deputetë që nuk i takon të futen, por janë shumica që duhet të jenë në seancë. Sot kanë zgjedhur që me urdhër të Ramës, të bllokojnë çdo deputetë të opozitës së vërtetë në Kuvend. Ja ku janë, shihini, filmoni. Ata do të futen nga pas. Imagjinoi se çfarë parlamenti është ky!”, tha ai.
TIRANË- Garda nuk ështe vendosur vetëm jashtë Kuvendit, por edhe brenda. Videoja e mëposhtme, tregon se si është rreshtuar garda brenda sallës së Parlamentit, të cilën e ka rrethuar komplet.
Kjo ka sjell dhe reagimin e fortë të opozitës, të cilët dënojnë kaosin që po ndodh për shkak të gardës.
TIRANË- Ne derën e Kuvendit po vazhdojnë tensionet, pasi garda nuk po lejon deputetët e opozitës që të futen në seancë. Kjo ka sjellë dhe acarimin e deputetëve, pasi nuk po lejojnë që të kryejnë detyrën e tyre.
Në këto momente është dëgjuar dhe një plasaritje në Kuvend, ku dyshohet se janë thyer xhamat e derës së Kuvendit.
"Ky është tmerri nga opozita i Edi Ramës, i cili si rrugëzgjidhje ka gjetur të mos futet asnjë deputet i opozitës në parlament. Kjo është marrje e plotë në kontroll policesk të parlamentit nga garda e kuqe. Ky është rast që nuk ka ndodhur kurrë. Janë disa deputetë të përjashtuar që nuk u takon të futen, por janë shumica që duhet të jenë në seancë. Por sot kanë zgjedhur me urdhër të Edi Ramës të bllokojnë çdo deputet të opozitës së vërtetë në parlament. Vërini kamerat aty dhe shihni se ku janë grevëthyesit. Kjo është Shqipëria që pretendon të hapë negociatat, kjo është narkodiktatura në Shqipëri. E patë Edi Ramën, i cili shkoi si palaço dhe kthehet si kloun. Bëri klounin në prani të drejtuesve të BE dhe udhëheqësve të BE dhe rajonit. Ai zgjodhi të bëjë klounin, rolin që i shkon më shumë se çdo rol tjetër. I depersonalizuar në mënyrë ekstreme, atij i mbetet të bëjë klounadën siç është. Parlamenti ja ku është dhe në Bruksel, siç e patë ju, ai u përpoq të mbulojë vendimin negativ për Shqipërinë, me një klounadë të turpshme për një drejtues," tha Berisha.
TIRANË- Deputeti Dashnor Sula ka tentuar që të futet në sallën e Kuvendit, duke u hedhur sipër gardistëve. Kjo pasi ata nuk po e lejojnë që të futet në Kuvend, edhe pse ai nuk është i përjashtuar.
Garda është rreshtuar mëngjesin e sotëm në dyert e Kuvendit, duke mos lejuar që deputetët të mos hyjnë fare në seancë.
“Të provokojnë në këtë farë feje sa nuk di cfarë ti bësh. Ti hipësh sipër edhe prapë nuk të lënë. Këta duan vetëm një parlament. Të qeverisë PS, se janë mësuar 45 vjet. Mos u ngopshin, farë qeni”, tha Dashnor Sula.
TIRANË- Kryetari i PD Sali Berisha tha se, nuk ka akt më të shëmtuar se sa të rrëmbesh që gazetar i cili ka publikuar dokumente. Kryedemokrati e cilësoi këtë veprim të SPAK si një akt kriminal, antikushtetues që kryhej dikur nga policia sekrete e Enver Hoxhës.
Berisha tha se, ky rast do ndiqet me forcën më të madhe kundrejt atyre që kanë kryer këtë sulm kundrejt gazetarit Qyno, i cili thjesht ka kryer punën e tij korrekte. Berisha tha se dosja Dumani është shitur, dhe në vend që të arrestohen bashkëpunëtorët e krimit në SPAK, arrestojnë gazetarët.
"Akt më i shëmtuar në historinë e vendit ndaj medieve, të rrëmbesh një gazetar pse ka publikuar dokumente, është akt kriminal, antikushtetues, është akt që kryhej vetëm nga falangat e policisë sekrete të Enver Hoxhës dhe nuk ndodh në asnjë vend demokratik. Ne do e ndjekim këtë me forcën më të madhe për të bërë përgjegjës të gjithë ata që kanë kryer dje këtë akt ndaj një gazetari, i cili për hir të së vërtetës ruan një korrektesë të admirueshme në raportet që i bën publikut për kronikat e tij. Ky akt vinte si një maskim që anëtarë të grupeve kriminale në SPAK, i bëjnë veprimtarisë së tyre. Ata shesin dokumente, duan të informojnë me çdo kusht bandat dhe krimin, por një gjë është e sigurt, asnjë gazetar nuk mund të marrë asgjë në dosjen e tyre nëse ata nuk shesin dokumente dhe nuk i nxjerrin. Ndaj akti ndaj gazetarit Qyno është një akt tipik i një regjimi policesk, është një rrëmbim shtetëror, është i dënueshëm dhe unë ftoj mediat në Shqipëri dhe në botë të reagojnë me forcën më të madhe ndaj këtij akti antikushtetues, çnjerëzor, që shkon në përmasat e një terrori, një pengmarrje dhe tejkalon çdo lloj imagjinate. Edhe njëherë e them, dosja Dumani është shitur. Nuk ka asnjë shans tjetër që Elton Qyno të ketë shkuar dhe shkulur nga dosja e prokurorit bisedën e bërë. Prandaj dhe ata në vend që të hetojnë bashkëpunëtorët e krimit në SPAK, ngatërrojnë adresën dhe arrestojnë gazetarë, të cilët kurrë nuk duhet të deklarojnë burimin. Gazetari që deklaron burimin, merr përsipër hjekësin, i cili është gjithmonë më i ligë se dorasi. Ndaj dhe akti është në rrafshin moral, më i ulëti që mund të bëhet," tha Berisha.
TIRANË- Seanca e sotme plenare pritet që të vazhdojë me tensione. Kjo pasi garda e urdhëruar nga kryeparlamentarja Lindita Nikolla, nuk po lejon deputetët e opozitës që të mos futen në seancë plenare.
Deputetët e opozitës po tentojnë që të futen në ambientet e Kuvendit, por Parlamenti është mbushur me punonjës të gardës.
