Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kreu i Grupit Parlamentar të Partisë Demokratike, Gazment Bardhi ka mbledhur paraditen e sotme deputetë demokratë. Mbledhja u zhvillua rreth orës 11:30 në Kryesinë e Kuvendit. • Pas mbledhjes kreu i grupit parlamentar të Partisë Demokratike, Gazment Bardhi doli në një deklaratë para mediave ku dënoi ndërhyrjen e kabinetit të Ramës në anëtarët e Gjykatës Kushtetuese. • Bardhi gjithashtu komentoi se vendimi i Kushtetueses për marrëveshjen Rama-Meloni është akt tradhëtie kombëtare. • Më tej Bardhi deklaroi se ata nuk do të votojnë nesër projektligjin për Amnistinë Penale dhe se amnistia është kthyer në një akt jo transparent dhe se nuk dihet se kush është versioni final. • Kreu i grupit parlamentar shtoi gjatë fjalës së tij se është e paprecedentë që deputetët po tentojnë të krijojnë një nënkomision që të auditojnë çështje konkrete brenda KLSH apo të ndërhyjnë në këtë institucion. • Mbledhja erdhi një ditë pas protestës e opozitës e zhvilluar ditën e djeshme para Kryeministrisë, ku i pranishëm ishte edhe kreu demokrat Sali Berisha i cili për mes një fjalimi online përshëndeti protestuesit.
4 artikuj për këtë temë.
TIRANË- Kreu i grupit parlamentar të Partisë Demokratike Gazment Bardhi ka dhënë një deklaratë për mediat, pas përfundimit të mbledhjes me deputetët.
Bardhi tha se është e paprecedentë që deputetët po tentojnë të krijojnë një nënkomision që të auditojnë çështje konkrete brenda KLSH apo të ndërhyjnë në këtë institucion.
"Shqetësim për një tentativë të mazhorancës për krijimin e një nënkomisioni për auditim kombëtar që synon të marrë nën kontroll KLSH. Mazhorancë të heqë dorë nga kontrolli ndaj institucioneve. KLSH raporton në Kuvend por e paprecedentë që deputetët me nënkomision të auditojnë cështje konkrete brenda KLSH apo të ndërhyjnë në këtë institucion.", tha Bardhi.
TIRANË- Kreu i grupit parlamentar të Partisë Demokratike Gazment Bardhi ka deklaruar se ata nuk do të votojnë nesër projektligjin për Amnistinë Penale. Gjatë një deklarate për mediat pas përfundimit të mbledhjes së grupit parlamentar, Bardhi ka theksuar se amnistia është kthyer në një akt jo transparent dhe se nuk dihet se kush është versioni final.
"Amnistia është kthyer në një akt jo transparent, në një akt ku secili në mënyrë të fshehtë shton dhe heq sipas interesit të tij. Ne prej muajsh jemi në një aksion brenda Kuvendit dhe ky aksion do të vijojë. Amnistia është një akt humanizmi, duhet të qëndrojë larg sherrnajave mazhorancë-opozitë, ka qenë një akt konsensual, por s’ka patur asnjë procedurë konsensuale për të dalë me një draft të përbashkët. Nuk e kemi versionin zyrtar, se kush është versioni final. Këta ftojnë nesër deputetë të votojnë, ndërkohë që nuk dihet se kush është drafti final i amnistisë”, tha Bardhi
TIRANË- Kreu i grupit parlamentar të Partisë Demokratike Gazment Bardhi ka dhënë një deklaratë për mediat. Pas përfundimit të mbledhjes së grupit parlamentar, Bardhi ka dënuar ndërhyrjen e kabinetit të Ramës në anëtarët e Gjykatës Kushtetuese. Po ashtu Bardhi ka shtuar se vendimi i Kushtetueses për marrëveshjen Rama-Meloni është akt tradhëtie kombëtare.
"Dua pa dyshim të bëj një koment për vendimin e GJK për marrëveshjen me Italinë për emigrantët. Keqardhje e thellë që GJK nuk u ngrit në interesin e opinionit publik, nuk kërkoi mendim të pavarur të GJEDNJ, akt i tradhtisë kombëtare. Marrëveshja përfshin Shqipërinë në hartën e vendeve që cënon të drejtat e qytetarëve. Dënoj ndërhyrjen e kabinetit të Ramës në anëtarë të GJK dhe shpreh keqardhjen që nga anëtar të betuar mbi Kushtetutë u ndërruan në Vali Bizhga në GJK. Rikonfirmoj vendimin e grupit të PD për të vijuar aksionin në Parlament”, tha Bardhi.
TIRANË- Kreu i Grupit Parlamentar të Partisë Demokratike, Gazment Bardhi ka vendosur të mbledhë paraditen e sotme deputetë demokratë.
Në njoftimin drejtuar deputetëve, mësohet se takimi është parashikuar që të nisë në orën 11:30 në Kryesinë e Kuvendit.
“Te nderuar kolege,
Nesër ora 11:30 do te zhvillojme mbledhjen e grupit. Për shkak se disa kolege kane mbledhje me vone ne Kryesi, mbledh neser do ta zhvillojme tek salla e grupit ne Kryesine e Kuvendit. Ju falenderoj! Naten.”, thuhet në njoftimin për demokratët.
Takimi i tyre vjen një ditë pas protestë të zhvilluar ditën e djeshme para Kryeministrisë, ku edhe kreu demokrat Sali Berisha ishte i pranishëm përmes një fjalimi nga ambientet e banesës ku ndodhet në arrest shtëpie që nga 30 dhjetori.
