Liderët evropianë urojnë Ramën për fitoren e zgjedhjeve, Meloni: Të forcojmë më tej lidhjen e dy qeverive! Sanchez: Shqiptarët mbështesin përpjekjet për ta çuar Shqipërinë në BE

rama, starmer

BRITANI E MADHE- Kryeministri i Britanisë së Madhe, Keir Starmer ka uruar homologun e tij, Edi Ramën për fitoren në zgjedhjet parlamentare. Stamer e ka cilësuar rezultatin si fitore historike të PS. Ai shkruan në "X" se pret me padurim të vazhdojë punën e përbashkët për të ofruar rezultate për njerëzit që punojnë në të dy vendet.

“Urime Edi Rama për fitoren tuaj historike në zgjedhje. Pres me padurim të vazhdojmë punën tonë të përbashkët për të ofruar rezultate për njerëzit që punojnë në të dy vendet tona.", shkruan Starmer. 

sanchez, rama

SPANJË-Kryeministri i Spanjës, Pedro Sanchez ka uruar homologun e tij Edi Ramën për rezultatin e zgjedhjeve në Shqipëri dhe rezultatin që siguroi Partia Socialiste. 

Sanchez shkruan në postimin e tij në "X" se shqiptarët mbështesin në masë dërrmuese përpjekjet për ta çuar Shqipërinë në Bashkimin Evropian.

“Urime Edi Rama, për fitoren bindëse të Partisë Socialiste në zgjedhje. Shqiptarët mbështesin në masë dërrmuese përpjekjet për ta çuar Shqipërinë në Bashkimin Evropian”, shkruan Sanchez në "X".

Deri më tani, në rang kombëtar, janë numëruar 5186 kuti me fletë votimi nga 5225 në total. Partia Socialiste kryeson garën me 52% të votave (83 MANDATE). 

Foto ilustruese

TIRANË- Presidenti i Ukrainës, Volodymyr Zelenskyy, ka uruar Kryeministrin Edi Rama dhe Partinë Socialiste për fitoren në zgjedhjet parlamentare të 11 majit. Zelenskyy i uron suksese Ramës ndërsa shkruan se e vlerëson qëndrimin e kryeministrit për paqe të qëndrueshme për Ukrainën.

Ai më tej theksoi se mezi pret të forcojnë marrëdhëniet mes vendeve teksa shtoi se kjo do të ndodhë për të mirën e dy komebe.

“Urime për Edi Ramën dhe Partinë Socialiste për fitoren bindëse në zgjedhje. Ju uroj sukses në shërbim të popullit shqiptar. E vlerësojmë shumë qëndrimin tuaj të qartë dhe të palëkundur mbi nevojën për paqe të qëndrueshme për Ukrainën, e cila mund të arrihet vetëm përmes një armëpushimi të plotë dhe të pakushtëzuar. Mezi pres të forcojmë edhe më tej marrëdhëniet miqësore mes vendeve tona, për të mirën e të dy kombeve tona.”, shkruan Zelenskyy.

Partia Socialiste në zgjedhjet e 11 majit ka arritur të marrë 52% të votave duke siguruar 82 mandate. Partia Demokratike është forcë e dyte e cila ka marrë 34% të votave të përkthyera në 50 mandate. Një mandat iu "rrëmbye" nga Partia Mundësia.

 Partia e Shehajt ka marrë një mandat të dytë në Tiranë. Në parlament do të jetë dhe një deputet tjetër i Partisë Mundësia, Erald Kapri.  Koalicioni PD-ASHM ka aktualisht 13 mandate, çfarë do të thotë se ka vetëm një deputet jashtë listës së mbyllur që projektohet të hyjë në parlament.

Foto ilustruese

TIRANË- Kryeministrisë i Kroacisë, Andrej Plenkovic, ka uruar kryeministrin Edi Rama për fitoren e zgjedhjeve të 11 majit. Plenkovic shkruan në "X" se pret me padurim forcimin e mëtejshëm të marrëdhënieve dypalëshe dhe vazhdimin e bashkëpunimit në kuadër të NATO-s dhe forumeve të tjera ndërkombëtare.

“Urime Kryeministrit @ediramaal për fitoren në zgjedhje! Pres me padurim forcimin e mëtejshëm të marrëdhënieve dypalëshe dhe vazhdimin e bashkëpunimit në kuadër të @NATO-s dhe forumeve të tjera ndërkombëtare. Me kënaqësi pres të marr pjesë në samitin e Komunitetit Politik Evropian në Tiranë të premten," shkruan Plenkovic.

edi rama, giorgia meloni

TIRANË- Kryeministri Edi Rama ka reaguar pas urimit që homologia e tij italiane, Giorgia Meloni bëri për marrjen e mandatit të katërt qeverisë. Përmes një postimi në "X", Rama i drejtohet Melonit me fjalën"motër", ndërsa shprehet se nder të shërbesh për një marrëdhënie të jashtëzakonshme afërsie dhe miqësie si ajo mes Shqipërisë dhe Italisë. Sipas tij më e mira për dy vendet ende nuk ka ardhur.

“Faleminderit, motër. Është një nder të shërbesh për një marrëdhënie të jashtëzakonshme afërsie dhe miqësie si ajo mes Shqipërisë dhe Italisë, dhe një privilegj të bashkëpunosh me një lidere si ti, që thotë atë që bën dhe bën atë që thotë. Nuk e di nëse e kam shkruar saktë “un” lider dhe jo “una” lidere, por e di me siguri që më e mira për dy vendet tona ende nuk ka ardhur.” shkroi Rama në “X”.

Në urimin e saj, Meloni i ka shprehur urimet kryeministrit Edi Rama teksa shkruan se miqësia dhe bashkëpunimi mes dy kombeve është forcuar. Kryeministria italiane thekson se do të vazhdojë të punojë më Ramën për të forcuar më tej lidhjen midis dy qeverive dhe për të arritur objektiva të përbashkëta, duke përfshirë forcimin e stabilitetit në Ballkan dhe avancimin e rrugës evropiane të Shqipërisë.

Rama dhe Meloni

ITALI- Kryeministria italiane Georgia Meloni ka uruar homologun e saj, Edi Rama për fitimin e zgjedhjeve të 11 majit. Meloni i ka shprehur urimet kryeministrit Rama teksa shkruan se miqësia dhe bashkëpunimi mes dy kombeve është forcuar.

Kryeministria italiane thekson se do të vazhdojë të punojë më Ramën për të forcuar më tej lidhjen midis dy qeverive dhe për të arritur objektiva të përbashkëta, duke përfshirë forcimin e stabilitetit në Ballkan dhe avancimin e rrugës evropiane të Shqipërisë.

“Do të doja t’i shprehja urimet e mia të përzemërta kryeministrit Edi Rama për rikonfirmimin e tij si kreu i qeverisë shqiptare. Miqësia e thellë dhe bashkëpunimi strategjik që lidh dy kombet tona është forcuar më tej falë nismave të përbashkëta, rezultat i dialogut konstruktiv dhe një dëshire të përbashkët për t'iu përgjigjur sfidave globale me zgjidhje inovative.

Ne do të vazhdojmë të punojmë për të forcuar më tej lidhjen midis dy qeverive tona dhe për të arritur objektiva të përbashkëta, duke përfshirë forcimin e stabilitetit në Ballkan dhe avancimin e rrugës evropiane të Shqipërisë,” shkruan Meloni.