Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
•Kuvendi i Shqipërisë u mblodh sot në një seancë të posaçme, ku u votuan 12 dekretet për emërim e shkarkim ministrash. •Edhe pse kryeministri Edi Rama shkarkoi 5 ministre mes të cilave Olta Xhaçkën, Evis Kushin, Frida Krifcën, Edona Bilalin dhe Milva Ekonomin, sot ai nuk ishte i pranishëm në seancë•Emrat e ministrave të rinj janë Igli Hasani, Ervin Mete, Arbjan Mazniku, Delina Ibrahimaj, Ogerta Manastirliu, Albana Koçiu dhe Anila Denaj. •Sot nuk u votua dekreti i Ministrit të Financave. •Parlamenti votoi shkarkimin e Metes si kryetar i Bordit dhe Drejtor Ekzekutiv i Agjencisë së Mbikëqyrjes Financiare. •Dekreti si ministër i Financave pritet të votohet nga Parlamenti në seancën e së enjtes. •Gjatë votimeve ra në sy vota kundër e Erion Braçes për shkarkimin e Olta Xhaçkës. •Para nisjes së seancës, përmes një letre drejtuar kryetares së Kuvendit, Lindita Nikolla, deputeti i Partisë Demokratike, Gazment Bardhi kërkoi që deputetët të diskutojnë dhe të kenë në dispozicion nga 10 minuta për të diskutuar mbi shkarkimet dhe emërimet e reja në qeveri, por kërkesa e tij nuk u miratua.
6 artikuj për këtë temë.
TIRANË- Pas përfundimit të seancës plenare, deputeti i Partisë Demokratike Gazment Bardhi deklaroi se ndryshimet në Qeveri nuk e kanë zhdukur korrupsionin.
Për gazetarët, Bardhi tha se problemi qëndron te kryeministri Edi Rama dhe jo te kabineti.
"Sa pari do të dua të ndajë shqetësimin me ju që edhe pse sot u formatua gjysma e kabinitetit qeveritar nuk u lejua një debat mbi këto ndryshime në qeveri. Nuk kemi asnjë shpjegim sepse në ditën e parë të shkollës, shkarkohet ministria e arsimit dhe emërohet një tjetër. Nuk kemi asnjë sqarim se përse është shkarkuar ministrja e Jashtme në një kohë ku përpara kemi Samitin e Berlinit. Ajo që vihet re është se edhe kur propozimet e Kryeministrit vijnë për votim ai është i paaftë që të vijë dhe të mbrojë ndryshimet e veta në kabinetin qeveritar. Shqiptarët e kanë kuptuar se sa do makijazh që të bëjë Rama në kabinetin, vulën e korrupsionit që mban kjo qeveri nuk e heq dot. Nuk ka asnjë rëndësi së si quhen ministrat e rinj apo të vjetër të Ramës, ato njëlloj do të vazhdojnë të mbrojnë korrupsionin e Ramës. Problemi qëndron te Rama e jo te kabineti"
TIRANË- Kryetari i Partisë Demokratike, Sali Berisha ka folur jashtë Kuvendit për të gjitha ndryshimet e miratuara sot në seancën e posaçme në Kuvend.
“Kjo shëmbëllente me një takim të mafjozëve në të gjitha aspektete. Të gjitha ndryshimet e qeverisë kishin diktat krimin dhe vetëm krimin. Largohet Olta Xhaçka e cila pasi e bëri burrin investitor strategjik në shkelmim të kushtetutës u vërsul e papërmbajur drejt pronave të ushtrisë dhe nuk la pronë pa vjedhur dhe përvetësuar me klanin e saj.”, u shpreh Berisha.
Berisha foli edhe për shkarkimin e Frida Krifcës si Ministre e Bujqësisë, për të cilën thotë se u infektua nga virusi ‘Xhaçka’.
“Largimi i Krifcës e infektuar nga virusi Xhaçka, se ajo e pa që kur Olta e bëri Burrin strategjist, ‘po dhe ky burri im tha nuk është më pak se burri i Oltës’ dhe filloi ti japë tendera nga paratë e popullit shqiptar. Por, ato që erdhën nuk janë më pak se Krifca.”- tha Berisha.
TIRANË- Kryetari i Partisë Demokratike, Sali Berisha, pas përfundimit të seancës së sotme plenare ku u miratuan miratuan dekretime e Presidentit për emërimin e ministrave të rinj të qeverisë Rama, ka folur për mediat. Ai hodhi akuza të forta, duke akuzuar edhe ministrat e rinj si të përfshirë në korrupsion.
Mirëpo, nuk la pa përmendur edhe ministrat aktualë. Berisha tha se Rama anuloi në momentin e fundit emërimin e Spiropalit si ministre, pas një video të sajën me grupin Bajri dhe me Pëllumb Gjokën.
“…Largohet Xhacka, e cila pasi bëri burrin investitor strategjik në shkelje të Kushtetutës, u vërsul e papërmbajtur drejt pronave të ushtrisë. Nuk la pronë pa vjedhur dhe përvetësuar me klanin e saj. Po zëvendësohet me një diplomat i cili bën një gabim fatal të jetës së tij, pasi ishte zgjidhja e minutës së fundit. I kishte bërë Spiropali përgatitjet. Një video që doli në rastet e fundit, në të cilën ajo bënte mbledhje me Bajrët dhe Pëllumb Gjokën, në një hotel afër qendrës. Kjo detyroi, thonë, Ramën që ta anulojë emërimin e saj,” tha Berisha.
TIRANË- Parlamaneti votoi sot ndryshimet të propozuara pak ditë më parë nga kryeministri Edi Rama. Shkarkimi i Olta Xhaçkës nga posti i ministres së Jashtme është miratuar me 95 vota pro dhe një kundër. Shkarkimi i Ogerta Mnastirliut nga ministria e Shëndetësisë me 108 vota pro ndërsa shkarkimi i Frida Krifcës është miratuar me 107 vota pro.
Anila Denaj u emërua ministre e Bujqësisë me 73 vota pro dhe 27 kundër. Dekreti për emërimin e Arbian Maznikut si ministër Shteti për Pushtetin Vendor mori 73 vota pro, 35 kundër, asnjë abstenim.
VOTIMET NË KUVEND:
Olta Xhaçka u shkarkua si ministre e Jashtme me 95 vota pro, 1 kundër
Ogerta Manastirliu u shkarkua si ministre Shëndetësie me 110 vota pro
Evis Kushi u shkarkua si ministre e Arsimit me 99 vota pro dhe 3 kundër
Frida Krifca u shkarkua si ministre e Bujqësisë me 107 vota pro
Edona Bilali u shkarkua si ministre Shteti për Sipërmarrjen me 102 pro dhe 4 kundër
Milva Ekonomi u shkarkua si ministre e Shtetit për Standardet e Shërbimeve me 98 vota pro, 2 abstenim dhe 2 kundër
Arbjan Mazniku u emërua ministër për Pushtetin Vendor me 73 vota pro dhe 35 kundër
Albana Koçiu u emërua si ministre e Shëndetësie me 73 vota pro, 1 abstenim dhe 32 kundër
Igli Hasani u emërua ministër për Europën dhe Punët e Jashtme me 74 vota pro dhe 33 kundër
Ogerta Manastirliu u emërua ministre e Arsimit me 72 vota pro, 35 kundër dhe 1 abstenim
Anila Denaj u emërua ministre e Bujqësisë me 73 vota pro dhe 27 kundër
Ervin Mete u lirua nga detyra si kryetar i Bordit dhe Drejtor Ekzekutiv i Agjencisë së Mbikëqyrjes Financiare me 95 vota pro, 1 abstenim dhe 5 kundër (Do të votohet për postin e ministrin në seancën e datës 14 Shtator)
TIRANË- Maxhoranca votoi ditën e sotme shkarkimin dhe emërimin e Ministrave të rinj të qeverisë Rama.
Ministrja Olta Xhaçka është shkarkuar nga posti i ministres së Jashtme, me 95 vota pro të PS dhe të PD-së, ndërkohë që ka rënë në sy vota kundër e deputetit Erjon Braçe, i cili ishte i vetmi që votoi kundër.
Ndërkohë që Igli Hasani, i cili e zëvendëson në detyrë, ka marrë vetëm 74 vota pro dhe 33 vota kundër.
Shkarkimi i Olta Xhackës si ministre e Jashtme
-1 votë kundër (Erion Braçe)
-95 vota pro
-95 pro, 1 kundër, asnjë abstenim
/Dosja.al
TIRANË-Kuvendi sot do të miratojë dekretet me ndryshimet në qeveri, ndërsa pak orë para nisjes së saj, deputeti i Partisë Demokratike, Gazment Bardhi kërkon debat në seancë.
Përmes një letre drejtuar kryetares së Kuvendit, Lindita Nikolla, Bardhi kërkon që deputetët të diskutojnë dhe të kenë në dispozicion nga 10 minuta për të diskutuar mbi shkarkimet dhe emërimet e reja në qeveri. Po ashtu ai kërkon mbledhjen e Konferencës së Kryetarëve.
Seanca e Kuvendit është parashikuar që të nisë në orën 14:00, ndërsa ministrat e rinj pasi të dekretohen, do të betohen te presidenti Bajram Begaj./Dosja.al
