Kuvendi takim me Institucionet e Pavarura/ Gonzato: Vendimet e Gjykatës Kushtetuese të zbatohen nga Parlamenti! Zhupa: Xhaçkës i garantohet mbrotje politike

ina zhupa

TIRANË- Në Kryesinë e Kuvendit po zhvillohet një tryezë për drejtësinë me përfaqësuesit e Institucioneve të Pavarura. 

Deputetja e Partisë Demokratike Ina Zhupa, gjatë fjalës së saj u shpreh se Kuvendi nuk ka respektuar vendim e Gjykatës Kushtetuese për mandatin e deputetes Olta Xhaçka, duke i grantuar ish-ministres mbrojtje politike.

Zhupa theksoi se në vend ende nuk jepet drejtësia në kohë qytetarëve, ku u shpreh se u duhet deri në 7 vite për të marr një vendim gjyqësor.

FJALA E PLOTË:   

1. Respekti ndaj pavaresise se GJK, kuvendi nuk respekton vendimet e GJK, për mandatin e deputetes Olta Xhacka, duke garantuar mbrojtje politike. Kuvendi ka rrënuar besimin e publikut tek autoriteti i GJK

2. Sulmi ndaj KLSH. E paprecedent ajo që ka ndodhur ne Komisionin e Ekonomise. Pengimi i KLSH për të raportuar në Kuvend eshte i paprecedent. I vetmi institucion që nuk ka ende të miratuar një rezolutë dhe nuk ka ardhur për raportin në seancë plenare. Presion politik

3. Ska ndodhur kurrë që në institucionet e pavarura të mos ketë balancë. Të gjitha emërimet e Kuvendit janë bërë nga mazhoranca, pa asnjë diskutim dhe përfshirje të opozitës.

Mandatet zgjaten jashtë afateve, duke i mbajtur peng, te lidhur me vullnetet e mazhorancës dhe pa forcën për vendimarrje të pavarura. Kemi mandatet e KLGj, KLP, Avokat i Popullit etj

4. Politizimi i administares publike, shndërrimi i tyre në ushtri elektorale është shqetësim madhor. 3 raporte të osbe-odihr për zgjedhjet në Shqipëri ngrenë shqetësimin për përdorimin e administratës publike në zgjedhje, edhe pse me ligj ato janë të depolitizuar, pushteti i përdor për zgjedhje. Ska asnjë përmirësim, vetëm përkeqësim.

5. Drejtësia, a është sot eficente dhe efikase në shërbim te interesit publik?! Nuk është sepse një vendim gjyqësor zgjat të paktën 6-7 vjet sipas të dhënave zyrtare. Gjykata Kushtetuese ne tetor 2021 ka marr një vendim që i drejtohet Kuvendit për të marr masat e duhura për këtë problem madhor sepse përpjekjet e KLGJ dhe KLP janë të pamjaftueshme.

nick abott

TIRANË- Ambasadori britanik në Tiranë, Nick Abbott është i pranishëm në tryezën e zhvilluar në kryesinë e Kuvendit për drejtësinë, me përfaqësitë diplomatike dhe të insitucioneve të pavarura. Abott u shpreh se Shqipëria duhet të përmbushë reformat që kërkohen, me qëllim integrimin në Bashkimin Europian.

Ai tha se institucionet e pavarura duhet që të fuqizohen, ndërsa llogaria dhe transparenca nga institucionet janë prioritet absolut.

"Institucionet e pavarura duhet të fuqizohen. Duhet llogaridhënie dhe transparencë nga institucionet. Ju inkurajojmë për ta parë këtë si një mundësi për të ushtruar aktivitetin tuaj duke ju inkurajuar të ngrini zërin. E di që ka nevojë për bashkëpunim të fuqishëm në mënyrë që të garantohet balanca dhe efikasiteti në qeverisje. Fuqizimi i institucioneve të pavarura aspekt kyç në rrugën drejt integrimit."- tha Abbott.

silvio gonzato

TIRANË- Paraditen e sotme në kryesinë e Kuvendit është zhvilluar një tryezë për drejtësinë me përfaqësitë diplomatike. Ambasadori i BE-së, Silvio Gonzato shprehu tre mesazhe gjatë fjalës së tij para të pranishmëve. 

Mesazhi i parë i ambasadorit lidhej me rëndësinë e parlamentit dhe dialogut mes palëve politike, ku tha se kanë një rol kyç për kontekstin e hyrjes në BE. 

Më tej Gonzato u shpreh se vendimet e Gjykatës Kushtetuese duhet të respektohen sic nxirren nga ky institucion dhe kjo sipas tij është thelbësore në një shtet demokratik. Ai shprehu po ashtu mbështetjen e BE për Shqipërinë në rrugën e saj drejt anëtarësimit në union.

FJALA E GONZATOS: 

Mirënjohës që marr pjesë në këtë takim, mënyrë për mua për të theksuar partneritetin që duhet të ngrihen mes institucioneve. Kam tre mesazhe:

1. Mesazhi i parë është të theksoj rëndësinë e parlamentit gjithashtu institucioneve të përvarur në kontekstin e hyrjes në BE. Shqipëria ka hyrë në një fazë kritike të hyrjes në BE dhe punohet shumë për të hapur negociatat që ka të bëjë me funksionimin  institucioneve demokratike, institucioneve gjyqësore, por edhe të tjera. Ky parlament ka një rol kyç, për të luajtur duke filluar me komitetin e BE që do të rishikojë pozicionin e negociatave, të cilat do ti paraqiten Këshillit Evropian. Negociatat do të konsistojnë në reforma thelbësore që do ta sjellin Shqipërinë në stadardet në të gjithë këto fusha Shqipëria ka miratuar një udhërrëfyes për administratën publike ambicioz dhe është në funksionim të institucioneve demokratike.

2. Mesazhi im i dytë ka të bëjë me negociatat e suksesshme në hyrje në BE që kërkojnë një dialog ndërparlamentar në parlament por edhe në bashkëpunime ndërinstitucionale. Shpresoj që në parlament integrimi në BE të konsiderohet nga të gjitha forcat politike si një prioritet kombëtar strategjik. Parlamenti është qendra për të pasur dialogun konstruktiv duke përfshirë edhe çështjen e integrimit në BE por edhe të miratojë legjislacione dhe ndryshimet ligjore.

Sic u përmend edhe në raportin e fundit është e rëndësishme fokusimi i bashkëpunimit mes parlamentit dhe instituicioneve të pavarura. Parlamenti ka një rol të rëndësishëm edhe nga ana buxhetore. Parlamenti duhet të raportojë sic duhet kur është e nevojshme për krerët e institucioneve të pavarura apo dhe komisionet e ndryshime. Vendimet e Gjykatës Kushtetuese duhet të respektohen sic nxirren nga ajo dhe kjo është thelbësore në një shtet demokratik. Për reformën në drejtësi parlamenti duhet të luajë një rol kyç për mos kthimin pas të këtyre reformave. Këto reforma duhet të shoqërohen me  luftën kundër krimit dhe korrupsionit në Shqipëri.

3. Mesazhi im i tretë është që BE do vazhdojë të mbështesë institucionet e Shqipërisë në rrugën drejt BE”, tha ambasadori.