Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
•Kuvendi i Kosovës mbajti sot një seancë të veçantë ku në rend dite ishte miratimi i Deklaratës në mbështetje të Rezolutës së Parlamentit Evropian, e datës 19 tetor 2023, mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës. •Deputetët e opozitës kanë kritikuar Kurtin pasi pranoi planin e BE-së për normalizimin e marrëdhënieve me Serbinë. •Shefi i GP të Lidhjes Demokratike të Kosovës, Arben Gashi tha se ai ka pranuar draft-statutin e Asoacionit për të cilin humbën jetë njerëzish. •Deputetja e Kuvendit të Kosovës nga radhët e Partisë Demokratike, Blerta Deliu Kodra tha se BE duhet të vendosë masa ndaj Serbisë si përgjegjëse në sulmin terrorist në Banjskë, më 24 shtator. •Ndërsa pranimin e drafitit për Asosacionin nga ana e kreut të qeverisë e cilësoi 'dëm të pariparueshëm'. •Një qëndrim ndryshe ka mbajtur, Kryetari i AAK-së, Ramush Haradinaj i cili tha se kryeministri Albin Kurti e ka vendosur Kosovën në pozicionin e duhur dhe se tani BE duhet të heqë masat ndaj vendit. •Në fund të diskutimeve, deputetët e Lëvizjes Vetëvendosje kanë bojkotuar seancën e veçantë.
3 artikuj për këtë temë.
KOSOVË- Deputetja e Kuvendit të Kosovës nga radhët e Partisë Demokratike, Blerta Deliu Kodra tha se PDK i jep mbështetje iniciativës së Aleancës për Ardhmërinë e Kosovës që Kuvendi i Kosovës përmes një deklarate ta mbështesë Rezolutën e Parlamentit Evropian që e dënon në termat më të ashpra sulmin terrorist në Banjskë. Deliu Kodra para deputetëve të Kuvendit të Kosovës tha se BE duhet të vendosë masa ndaj Serbisë si përgjegjëse direkte në sulmin terrorist në Banjskë, më 24 shtator.
“Megjithatë shteti i Kosovës, diplomacia e Kosovës nuk e kanë shfrytëzuar, e as kapitalizuar sa duhet e si duhet këtë ngjarje në mënyrë që pozicioni i Kosovës të fuqizohet”, tha ajo.
Blerta Deliu foli edhe për dialogun në Bruksel, gjersa e pyeti kryeministrin Kurti pse ka kaq shumë jo transparencë në dialog dhe prej kujt po fshihet.
“Sa herë që Serbia e sulmon Kosovën, Kosova duhet të lëshoj pe diçka ndaj saj. Na sulmoi më 24 shtatori dhe me 26 tetor Albin Kurti pranoi një draft të Asociacionit…”, tha ajo.
Deputetja e PDK-së tha më tej se Kurti i ka bërë dëm të pariparueshëm funksionimit të shtetit të Kosovës përmes pranimit të draftit dhe se njohja reciproke nuk është askund.
Takimi i 26 tetorit në Bruksel
Më 26 tetor, krerët evropianë dhe përfaqësuesi i lartë i Bashkimit Evropian, Josep Borrell kanë mbajtur takime veçmas në Bruksel me kryeministrin, Albin Kurti dhe presidentin e Serbisë, Aleksandër Vuçiç në përpjekje për të rënë dakord lidhur me dokumentin e propozuar për zbatimin e marrëveshjes së Bazë e që përmbante edhe një draft për Asociacionin e komunave me shumicë serbe. Kurti pas takimit me liderët evropianë, ka thënë se është i gatshëm të nënshkruajë marrëveshjeve me Serbinë, e cila garanton zbatimin e tyre, që përfshinë edhe draftin evropian për Asociacionin. Ndryshe ka vepruar president i Serbisë, Aleksandër Vuçiç, i cili sipas deklaratës nga Qeveria e Kosovës, ai ka refuzuar të nënshkruajë marrëveshje me Kosovën dhe ka kërkuar që t’i pranohet një letër me të cilën praktikisht zhbën tri parime të Marrëveshjes Bazë, të Aneksit të Zbatimit, si dhe të draftit të propozuar nga pesë emisarët më 21 tetor, 2023.
KOSOVË- Kryetari i AAK-së, Ramush Haradinaj ka folur nga foltorja e Kuvendit për takimet e djeshme në Bruksel në kuadër të dialogut Kosovë-Serbi ka deklaruar se kryeministri Albin Kurti e ka vendosur Kosovën në pozicionin e duhur.
“Kurti e vendosi Kosovën në pozicionin e duhur. BE duhet t’i heq sanksionet. Qeveria ka marrë vendim për zbatimin e marrëveshjes, prandaj duhet BE t’i heqë sanksionet. Besoj presidenti francez ndjehet mirë, Kosova e ka mbajtur fjalën”, pohoi ai.
Ai më tej shtoi se interesi i Kosovës është anëtarësimi në NATO. Ndërkaq, shefi i GP të AAK-së, Besni Tahiri deklaroi se deputetët e LVV-së kanë bojkotuar seancën dhe se nuk dihet arsyeja.
“Nuk është koha për beteja politike. Qëllimi është që si Kuvend të bëjmë një veprim duke shprehur falënderim në raport me rezolutën e Parlamentit Evropian. E shoh si veprim të papërgjegjshëm, si pamaturi”, tha ai.
Gjithashtu, ai deklaroi se LVV ka frikë të përballet me Kuvend.
“Nuk e di pse nuk janë këtu, e çka po i frikëson mos me qenë në Kuvend”, tha ai.
Seanca ka përfunduar pas deklarimit të disa deputetëve të opozitës.
KOSOVË- Kuvendi i Kosovës ka nisur seancën e veçantë ku në rend dite është miratimi i Deklaratës në mbështetje të Rezolutës së Parlamentit Evropian, e datës 19 tetor 2023, mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës.
Shefi i GP të Lidhjes Demokratike të Kosovës, Arben Gashi, ka kritikuar kryeministrin Albin Kurti, duke thënë se ai nuk po raporton në Kuvend për dialogun.
“Kryeministri duhet të vjen dhe të raportojë në Kuvend. Kosova nën sanksione, kryeministri nuk raporton. Kryeministri pranon Asociacionin, prapë nuk raporton. Kryeministri i cili ka organizuar protesta të dhunshme pranon atë që njerëzit kanë shkuar në burg. Ka bërë marrëveshje të njëpasnjëshme, asnjëra nuk u zbatua. Ka pranu draft-statutin e Asociacionit. A duhet të jemi të informuar për këtë, si ndodhi që për diçka që kanë humbur jetën njerëzish, bëhet e pranueshme brenda natës”, deklaroi ai.
Gashi tha se Kurti ka pranuar kërkesat në Bruksel.
“Sjellja korrekte e Kosovës është arma jonë më e forta. Kurti duhet të vjen për raportim në Kuvend, nëse frikësohet nga argumenti atëherë nuk kemi çfarë bëjmë”.
Takimi i 26 tetorit në Bruksel
Më 26 tetor, krerët evropianë dhe përfaqësuesi i lartë i Bashkimit Evropian, Josep Borrell kanë mbajtur takime veçmas në Bruksel me kryeministrin, Albin Kurti dhe presidentin e Serbisë, Aleksandër Vuçiç në përpjekje për të rënë dakord lidhur me dokumentin e propozuar për zbatimin e marrëveshjes së Bazë e që përmbante edhe një draft për Asociacionin e komunave me shumicë serbe. Kurti pas takimit me liderët evropianë, ka thënë se është i gatshëm të nënshkruajë marrëveshjeve me Serbinë, e cila garanton zbatimin e tyre, që përfshinë edhe draftin evropian për Asociacionin. Ndryshe ka vepruar president i Serbisë, Aleksandër Vuçiç, i cili sipas deklaratës nga Qeveria e Kosovës, ai ka refuzuar të nënshkruajë marrëveshje me Kosovën dhe ka kërkuar që t’i pranohet një letër me të cilën praktikisht zhbën tri parime të Marrëveshjes Bazë, të Aneksit të Zbatimit, si dhe të draftit të propozuar nga pesë emisarët më 21 tetor, 2023.
