Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Seanca gjyqësore për ish-krerët e UÇK-së në Hagë ka rinisur ditën e sotme. Sot dhe në dy ditët që vijim që do të vazhdojë seanca do të dëgjohen dy dëshmitarë. Tashmë është dëgjuar dëshmitarja e parë në Hagë, por dhënia e dëshmisë së saj është bërë më dyer të mbyllura, pas kërkesës së prokurorisë. • Seanca pritet të ketë më pas më 17, 18, 19 dhe 20 prill. •Gjyqi ndaj katër ish-krerëve të UÇK-së filloi më 4 prill pas më shumë se dy vjetësh. •Hashim Thaçi, Kadri Veseli, Rexhep Selimi dhe Jakup Krasniqi po qëndrojnë në paraburgim në Hagë prej nëntorit të vitit 2020. •Ata po akuzohen nga Zyra e Prokurorit të Specializuar me akuza për krime kundër njerëzimit, si përndjekje, burgosje, akte ç’njerëzore, torturë, zhdukje dhe vrasje, si dhe me 4 pika për krime lufte si arrestim, ndalim arbitrar, torturë dhe vrasje të paligjshme.
4 artikuj për këtë temë.
HAGË- Dëshmitarja e parë e Prokurorisë në Dhomat e Specializuara ka dhënë dëshminë e saj për shumë se dy orë në seancë të mbyllur për publikun. E pas kësaj është ndërprerë përkohësisht seanca gjyqësore për një pauzë.
Gjykatësi njoftoi se gjatë kësaj jave do të dëgjohen dëshmitë e dy dëshmitarëve, ku fillimisht do të ketë mundësi Prokuroria të parashtrojë pyetje, e pastaj mbrojtja. Ish-krerët e UÇK-së ndodhen në qendrën e paraburgimit në Hagë prej nëntorit të vitit 2020. Të hënën e kaluar 3 prill ka nisur gjykimi.
HAGË- Në seancën e së martës në Dhomat e Specializuara të Kosovës në Hagë, në gjykimin ndaj ish-krerëve të Ushtrisë Çlirimtare të Kosovës (UÇK), Hashim Thaçi, Kadri Veseli, Jakup Krasniqi dhe Rexhep Selimi, Prokuroria kërkoi që të pranohen si prova, materiale shtesë edhe paragrafët 18-21 të seancës përgatitore.
Por, ky propozim u kundërshtua nga mbrojtësi i Selimit, avokati Geoffrey Roberts, i cili tha se është e çuditshme që secili dëshmitar që sjellë material të ri, të pranohen si informata shtesë. Duke pasur një kundërshtim të tillë, prokurori Matt Halling kërkoi të kalohet në seancë private për parashtrimin e pyetjeve.
HAGË- Në Dhomat e Specializuara të Kosovës në Hagë është paraqitur dëshmitarja e parë për ish-krerët e UÇK-së. Seanca ka kaluar e mbyllur për median teksa ka nisur të flasë dëshmitarja, identiteti i së cilës nuk është zbuluar nga Zyra e Prokurorit të Specializuar.
Gjatë seancës së mbyllur, dëshmitarja i është përgjigjur disa pyetjeve të cilat sipas gjykatës do të mund të ndikonin në zbulimin e identitetit të saj. Gjykatësi Charles Smith i ka sqaruar dëshmitares së mbrojtur të gjitha procedurat e dëshmisë.
“Ju nuk guxoni të flisni me askënd rreth dëshmisë tuaj. Nëse vjen dikush ju pyet, ju lutem na tregoni”, ka thënë gjykatësi.
HAGË- Nis gjykimi në Hagë ndaj ish-krerëve të UÇK-së. Në gjykimin e sotëm do të paraqitet dëshmitari i parë i Prokurorisë së ZPS-së. Gjykatësi Charls Smith ka bërë të ditur se nga sot deri të enjten do të dëgjohen dy dëshmitarë. Ai bëri të ditur se pritet të ketë edhe disa redaktime gjatë seancës së sotme.
“Sot do të fillojmë seancën me dëshmitarët e prokurorisë. Gjatë këtyre ditëve do të dëgjojmë dy dëshmitarë të prokurorisë”, tha Smith.
