6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Konferenca e Kryetarëve ka miratuar me kundërshtinë e Opozitës listat e anëtarëve të komisioneve të përhershme. • Në mbledhjen e sotme vetëm Partia Socialiste dorëzoi propozimet e emrave për komisione. • Sipas njoftimit zyrtar të Kuvendit, në mbledhje u bë e ditur se për të dyja pikat e rendit të ditës, propozimet janë depozituar vetëm nga Grupi Parlamentar i Partisë Socialiste. • Pas shqyrtimit në Konferencën e Kryetarëve, çështja do t’i kalojë për miratim seancës plenare të Kuvendit. • Ndërsa PD kërkon përsëritjen e seancës së javës së kaluar që u mbyll për 25 minuta me votimin e programit të qeverisë dhe kabinetit të ministrave në mënyrë të njëanshme dhe pa debat. • PD ka dorëzuar në Kuvend dhe mocionin për shkarkimin e kryeparlamentarit Niko Peleshi për shkelje të Kushtetutës.
5 artikuj për këtë temë.
TIRANË - Deputeti i Partisë Demokratike, Agron Gjekmarkaj ka folur në emër të PD-së, menjëherë pas mbylljes së Konferencës së Kryesisë të Kuvendit, ku ishte e pranishme edhe opozoita. Gjekmarkaj denoncoi arrogancën politike të mazhorancës gjatë seancave të para parlamentare. Sipas tij ata tentuan ti mbyllin gojën opozitës dhe të mos lejonin debatin gjatë prezantimit të programit qeverisës si dhe votimit të kabinetit në mënyrë të njëanshme.
“Ju e patë seancën e dytë, kryeministri bëri që të mos kishte debat dhe as diskutime, pati ambasadorë të pranishëm që mbetën aty. Kërkova ripërsëritjen e seancën, të mblidhet komisioni i legjislacionit, të shihej mundësia e mocionit për shkarkim ndaj Niko Peleshit, të shihet rregullorja e parlamentit dhe që të mos ketë asnjë pengesë për gazetarët”, tha Gjekmarkaj.
Ndërsa për sa i përket aksionin të mëtejshëm që do ndjek PD-ja në lidhje me këtë ngjarje, ai u shpreh se do të merret një vendim nga grupi opozitar.
“Ende nuk kemi marrë një vendim, në momentin që PD do marrë një vendim për këto çështje do informoheni menjëherë. Ne do shfrytëzojmë çdo hapësirë në Parlament, për t’u përballur me mazhorancën arrogante. Që kërkon dhe tentoi ta zhbënte opozitën, ta çonte në qoshe, që të dilte vetë nga farsa e 11 majit”, tha ai.
TIRANË- Kreu i Grupit Parlamentar të PS-së Taulant Balla u ka bërë thirrje opozitës që të sjellin propozimet për anëtarët e komisioneve parlamentare. Gjatë fjalës së tij për mediat, Balla tha se komisioni është i konstituuar edhe vetëm me shumicën që është prezent.
"Të sjellë në Konferencën e Kryetarëve propozimet e tyre për përbërjen e komisioneve. Nga 3 grupet parlamentare të opozitës nuk kanë ardhur propozimet për kryesinë, 4 komisionet tepër të rëndësishme pas vendimit të kuvendit i takojnë opozitës dhe 7 nënkryetarë i takojnë opoziotës, duhet domosdoshmërisht që deri ditën kur do ketë seancë, të kenë ardhur. Pyesni opozitën. Në aspektin procedural komisioni konsiderohet i konstituar kur shumica është prezent. Edhe në rastet ku drejtimin e ka opozita, mbledhja mund të iniciohet me 1/4 të firmave të anëtareve, shpresoj që opozita të sjellë sa më shpejt, Kemi pasur një përgjigje sa i përket dy kërkesave të opozitës. Nga ana e PD, i cili ngriti shqetësimin për mospjesëmarrjen e Bardhit në mbledhje. As unë nuk e di pse nuk ka qenë," tha Balla.
TIRANË- Kreu i Grupit Parlamentar të PS-së Taulant Balla ka deklaruar se kërkesa e Opozitës për shkarkimin e kryetarit të Kuvendit është një histori që përsëritet çdo legjislaturë. Në përfundim të mbledhjes së Konferencës së Kryetarëve, Balla tha se opozita po vazhdon me të njëjtat huqe.
"Problematikat e ngritura nga opozita, nuk qëndron asnjë prej tyre. Është histori e vjetër që përsëritet në çdo legjislaturë. Opozita vazhdon me të njëjtat huqe, megjithatë sot është diskutuar edhe për këtë çështje ku është bërë e qartë nga ana e kryetarit të Kuvendit që ka autorizuar thirrjen e këshillit të legjislacionit” tha Balla.
TIRANË- Deputeti demokrat Agron Gjekmarkaj ka bërë disa ironi në mbledhjen e Konferencës së Kryetarëve ditën e sotme. Në fjalën e tij, Gjekmarkaj ka deklaruar se PS-ja në vend që të krijojë kushte, po tenton që të asgjësojë opozitën dhe parlamentin.
Ndërkohë që më tej shton se maxhoranca nesër mund të sjell qenin Rex si Ministër të Brendshëm që të lej për 10 minuta.
"Jeni në revansh. Sot këtu mungon kryetari i grupit të PD-së. Në vend që të krijoni kushte me urdhra politik po tentoni të asgjësoni opozitën dhe parlamentin. Ju kryetar u shfaqet si atentator. Po minimizoni çdo hapësirë të opozitës. Ju përjashtuat opozitën nga procesi i integrimit dhe këtë e bëtë që në seancën e parë.
Në seancën e dytë ku nuk donit të shfaqnit qeverinë provokuat opozite. Ju kryetare e keni zhbërë parlamentarizmin. Opozita kërkon ripërtëritjen e seancës dhe ju duhet të mblidhni menjëherë këshillin e legjislacionit për mocion e shkarkimit tuaj. Parlamentarizmi kërkon vetëdije dhe seriozitet. Ju nesër mund të sillni Qenin Rex e ta paraqitni si Ministër i Brendshëm që të leh për 10 minuta," tha Gjekmarkaj.
TIRANË- Kryetari i Kuvendit, Niko Peleshi, ka thirrur mbledhjen e Konferencës së Kryetarëve ditën e sotme. Kjo thirrje vjen me qëllim që të plotësohen karriget bosh të anëtarëve të 11 komisioneve të përhershme, në mënyrë që ato të nisin punën. Sipas njoftimit të Kuvendit, konferenca e Kryetarëve do të mbahet në orën 11:00.
Thirrja për mbledhjen e krerët të grupeve parlamentare vjen vetëm pak ditë, pasi Partia Demokratike depozitoi një shkresë për dorëheqjen e Peleshit. Pasi ky i fundit në seancën e fundit plenare mbajti sjellje të njëanshme në favor të Partisë Socialiste dhe Kryeministrit Edi Rama dhe duke mos u dhënë fjalën demokratëve.
Ndërkohë PD i ka caktuar drejtuesit e 4 komisioneve parlamentare që i takojnë asaj dhe nënkryetarët e atyre që drejtohen nga mazhoranca, por këto emra nuk janë votuar pasi opzita nuk i dërgoi zyrtarisht në Kuvend. Gjithashtu në seancë plenare janë miratuar vetëm emrat e kryetarëve dhe zv/kryetarëve të komisioneve nga radhët e socialistëve, ndërsa me plotësimin edhe me anëtarë këto komisione bëhen plotësisht funksionale./Dosja.al
