Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Komisioni i parë i Ekonomisë për sesionin e vjeshtës, nisi me rishikimin e buxhetit 2022. • Kërkesa u bë nga ministrja e Ekonimisë, Delina Ibrahimaj, e cila njoftoi se 6.1 mld lekë do të përdoren për paketën e dytë anti-krizë. • Ministrja Ibrahimaj shtoi se pritshmëritë për të ardhurat janë rritur dhe janë ulur ato për deficitin buxhetor. • Rritja ekonomike për vitin 2022 pritet të jetë më shumë se 3.2%, sipas ministres përgjegjëse për Ekonominë. • Ish-ministrja e Ekonomisë, Anila Denaj tregoi se shpenzimet korrente dhe kapitale pritet të reduktohen me 5.1 mld lekë për t'u rialokuar në vende të tjera, dhe shpenzimet vendore me 58 mln lekë. • Do të rriten me 13 miliardë lekë shpenzimet, më së shumti për të përballuar rritjen e çmimeve. • Parashikohen masa për të ndihmuar familjet përballë çmimeve, janë parashikuar fonde për kontratat publike. • Reduktohet deficiti buxhetor me 17 miliardë lekë, duke e ulur në nivelin e 84 miliardë lekë. • Deficiti do të jetë sa 4.2% e PBB-së nga 4.5% që ishte. • Borxhi publik do të jetë 70.1% e PBB-së, por parashikimet janë pjesë e rishikimeve.
3 artikuj për këtë temë.
TIRANE- Deputeti i Partisë Socialiste, Erion Braçe deklaroi sot nga Komisioni i Ekonomisë dhe Financave se qeveria duhet të ketë prioritet garantimin e energjisë elektrike këtë dimër për qytetarët. Braçe tha se qeveria duhet të bëjë një plan kursimi ndërsa theksoi se pensionistët sot vuajnë. Ai foli edhe për rritjen e çmimit të energjisë.
"E para dua të përsëris disa shqetësime, energjia do të jetë fusha kryesore e qeverisë, por ka një detyrim qeveria që të garantoj energjinë për qytetarët. Themelore të llogaritet çdo qindarkë, kostoja deri në fund të vitit dhe e domosdoshme duhet një plan kursimi. Kemi bërë shumë mir që kemi paguar pokush e do energjinë për luks duhet ta paguajë ndryshe nga pensionistët. Imagjinoni një çift që marrin 22-23 mijë lekë të dy pension. Imagjinoni ata që jetojnë me ndihmë ekonomike, këta njerëz i kanë sytë nga kjo paketa. Unë dhe ti nuk harxhojmë kurrë 800 kiloëat, i shohim faturat. Shqetësimi im është për ata që nuk kanë mundësi të paguajnë. Shoh periferinë me vila, kujt i duhen 50 ndriçuesë brenda një vile, këtë nuk e kuptoj. Vetëm nëse i kanë mbushur vilat me para dhe i duhen që ti ruajnë. Të paktën, sektori i shërbimeve duhet tu garantojmë energjinë elektrike. A po mbrohen këta? Po, po mbrohen."-tha Braçe.
TIRANË- Rishikimi i Buxhetit është tema kryesore që ka nisur të diskutohet në seancën e parë legjislative në Komisionin e Ekonomisë. Ministrja e Financave dhe Ekonomisë, Delina Ibrahimaj bëri prezantimin e ndryshimeve të parashikuara, ku përfshihet rritja e shpenzimeve ndërsa ka edhe një paketë tëe dytë sociale që ka në fokus pensionistët dhe kategoritë në nevojë. Më konkretisht, parashikohet një shtyrje me 3 muaj e ndihmës prej 3 mijë lekë për pensionistët dhe familjet në nevojë. 6.1 miliardë lekë do të hyjnë në buxhet për paketën, ndërsa Ibrahimaj theksoi se frika e qeverisë është ulja e konsumit.
“Ky akt normativ i përgjigjet krizës së energjisë dhe të çmimeve. Fokusi është akomodimi i mbështetjes për kategoritë. Synimi është shtrirja në kohë e paketës për të përballuar rritjen e çmimeve. Janë 6.1 miliardë lekë që do të përdoren për paketën. Ndërkohë kemi rritur pritshmëritë për të ardhurat dhe kemi ulur pritshmëritë për deficitin buxhetor. Rritja ekonomike për vitin 2022 do të jetë më shumë se 3.2%. Parashikimet tona për fundin e vitit 2022, por edhe për 2023 flasin për reduktim të rritjes ekonomike, të ndikuar më së shumti nga frika e uljes së konsumit e ndikuar prej çmimeve. Por deri më tani masat e ndërmarra kanë qenë si mburojë për të mos ulur konsumin. Një nga kostot më të mëdha për këtë vit është rritja e çmimit të energjisë elektrike, dhe ka një buxhet të jashtëzakonshëm prej 28 miliardë lekësh por që ka impakt tek familjet që të mos ulin konsumin”, tha ministrja.
Por çfarë parashikohet? Ministrja tha se do të ketë një rritje me 13 miliard lekë të shpenzimeve, ndërsa shtoi se defiçiti do të jetë 4.2% e PBB.
“Do të rriten me 13 miliardë lekë shpenzimet, më së shumti për të përballuar rritjen e çmimeve. Parashikohen masa për të ndihmuar familjet përballë çmimeve, janë parashikuar fonde për kontratat publike. Reduktohet deficiti buxhetor me 17 miliardë lekë, duke e ulur në nivelin e 84 miliardë lekë. deficiti do të jetë sa 4.2% e PBB-së nga 4.5% që ishte. Limiti i huamarrjes është 33 miliardë lekë dhe jo 50 miliardë. Borxhi publik do të jetë 70.1% e PBB-së, por parashikimet janë pjesë e rishikimeve."shtoi ajo.
TIRANE- Deputeti i Partisë Socialiste Erion Braçe kërkoi një ndërhyrje emergjente nga shteti për paketën anti-krizë pasi sipas tij, shumë familje janë pa ndihmë. Gjatë diskutimeve në Komisionin e Ekonomisë, ku është duke u diskutuar rishikimi ik buxhetit, Braçe tha se mbështetja sociale është e pakët.
"Jeni të sigurt për këto 30 miliardë lekë të ardhura plus që do të realizohen deri në fund të vitit? Nga cilat zëra do të vijnë? Po shikoj të dhënat e korrikut, dhe disa zëra një me minus në raport me planin mbi 1 miliardë lekë minus. Vijnë muajit më të vështirë tani pasi nuk ka më turizëm njerëzit fillojnë e kursejnë, jeni të sigurt për këtë parashikim? Sa ishte deficiti buxhetor në fund të muajit korrik? Ju thoni se do të vijoni mbështetjen e sociale me 6.1 miliardë lekë, kjo zgjatja kur fillon se qershori, korriku dhe gushti ikën dhe bëhet fjalë për grupet më vunerabël që janë goditur më fort se çdo kush tjetër nga këto çmime. Me të ardhurat e tyre rritja e çmimeve ka dhënë një goditje të papërballueshme për të ardhurat e tyre. Kur do të fillojë zgjatja e paketës, dhe çfarë do të marrin a mund ta dimë, do jetë e njëjta paketë apo do jetë diçka ndryshe?"-tha Braçe.
Deputeti vuri theksin tek fermerët që prej dy muajsh nuk marrin naftë falas.
"Bujqit kanë 2 muaj që nuk marrin naftë falas ndërsa punët janë tani, nëse s’ka tani harrojeni pranverën e verën e vitit tjetër nëse nuk ka ndihmë tani. Në tabelat e rritjes ekonomike bujqësia vazhdon të jetë ndryshe nga vitet e tjera. Dhe së fundmi, si e parashikoni ju inflacionin në muajit në vijim, dhe ça impakti do të ketë jo vetëm tek familjet por edhe në prodhim sepse ne përveç ndërtimit ne nuk kemi ndërhyrë asgjëkund", shtoi ai.
