Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Ka nisur mbledhja e Komisionit Parlamentar që do të hetojë koncesionet dhe PPP e dhëna për Shëndetësinë.• Edhe seanca e sotme ka nisur me debate mes kryetares së këtij komisioni Albana Vokshit dhe nënkryetarit Plarent Ndrecaj për miratimin e rendit të ditës. • Vokshi i është drejtuar deputetit socialist duke i thënë se ka në mbledhjen e kaluar ka përdorur gjuhë shantazhuese dhe intimiduese, ndërsa i kërkon të mos ngrejë zërin. • Gjatë fjalës së tij deputeti demokrat, Saimir Korreshi u shpreh me ironi se duhet të verifikohen kamerat në mbledhje pasi sipas tij anëtarët do të shprehen se ka pasur edhe nga "RAI 3" • Ndërkohë në mbledhjen e sotme pritet të miratohet plani i hetimit dhe dërgimi i kërkesave për informacion drejtuar institucioneve. • Në seancën e kaluar, në komision u diskutua që palët të bien dakord për një draft të dakordësuar që të integrojë të dy draftet për planet e hetimit. • PS ka propozuar që hetimet të shtrihen nga viti 2009 dhe ka shtuar se duhet të pyeten edhe Ministrat e Shëndetësisë që nga dhjetori i 2006 si dhe të gjithë ish-drejtuesit e QSUT që nga 1 tetor 2009.
10 artikuj për këtë temë.
TIRANË- Anëtarët e maxhorancës në Komisionin Hetimor për Shërbimet Publike të Sterilizimit dhe Check up në Shëndetësi, vijuan mbledhjen e cila më herët ishte deklaruar e mbyllur nga kryetarja Albana Vokshi. Në mënyrë të njëanëshme anëtarët e maxhorancës miratuan me 8 vota pro nisjen e hetimit parlamentar, si dhe miratuan kërkesat për marrjen e provave drejtuar institucionve sipas kërkesave të opozitës dhe mazhorancës.
Ky propozim, për fillimin e hetimeve ishte parashtruar vazhdimisht gjatë mbledhjes së sotme prej anëtarëve të mazhorancës, por u refuzua nga kryetarja Albana Vokshi dhe anëtarët e tjerë të opozitës. Më herët mbledhja u shoqërua me debate mes palëve politike, por pa arritur asnjë rezultat.
TIRANË- Përçarja në Komisionin Hetimor të Sterilimit ka vijuar më shumë ditën e sotme. Në videon e mëposhtme shihet se si anëtarët e Maxhorancës largohet nga Komisioni që u mbajt ditën e sotme. Ndërkohë që deputeti Petrit Vasili e ka quajtur këtë veprim të maxhorancës si skandal.
Postimi i Plotë:
Skandal shume i rende! Vetgjyqesia e mafies rilindase nerr peng Komisionin Hetimor! Shihni ne Video si largohen deputetet nga Komisioni Hetimor. Deputetet e rilindjes u larguan pra dhe bojkotuan hapur e publikishy Komisionin Hetimor te Koncesionit te Sterilizimit dhe Check Up. Ne perputhje dhe rrespekt te plote te Rregullores se Kuvendit Kryetarja Albana Vokshi deklaroi te mbyllur mbledhjen. Deputetet e rilindjes peng te korrupsionit te Rames e kuptuan, qe kishin bere vetvrasje politike. Deputetet rilindas pasi brodhen lart e poshte ju rikthyen vetgjyqsise politike duke bere mbledhje me vetveten dhe duke marre vendime si idiote te vertete. Lindita Nikolla te lere rolin e shemtuar te marionetes rilindase ne duart e Rames dhe te rivendose zbatimin e ligjit ne Kuvendin e shndrruar ne nje stallë rilindase.
TIRANË- Pas një pushimi prej disa minutash në mbledhjen e Komisionit Hetimor për Shëndetësinë, anëtarët e mazhorancës kanë bojkotuar mbledhjen dhe nuk janë rikthyer sërish në sallë. Kryetarja e këtij komisioni, Albana Vokshi tha se qëllimi i vetëm i mazhorancës ësht bllokimi i hetimeve, pasi sipas saj kanë konflikte interesi.
"E paimagjinueshme që 8 deputetë të mazhorancës janë vë në mbrojtje të këtij korrupsioni kriminal dhe galopant. Refuzojnë që të dërgohen kërkesat për informacion, që më tej të hetohet plani i hetimit. Për të pestën herë mazoranca po bojkoton punimin e këtij komisioni. Sepse duan që të miratojnë planin e Ilir Beqajs për të mbuluar korrupsionin. U larguan për të penguar hetimin parlamentar.", tha Vokshi.
Vokshi tha se mbledhja e radhës do të zhvillohet të martën e 30 qershorit ku rendi i ditës do të jetë sërish i njëjtë, pra pritet të miratohet plani hetimor dhe dërgimi i kërkesës për informacion tek institucionet. Që në nisje mbledhja e sotme është shoqëruar vazhdimisht me debate. Partia Socialiste ka kërkuar miratimin e planit të hetimit, ndërsa opozita kërkonte të miratojë së pari kërkesat për informacion drejtuar institucioneve.
TIRANË- Miratimi i rendit të ditës ka shkaktuar debate të ashpra në mbledhjen e Komisionit Hetimor për Shëndetësinë. Partia Socialiste ka kërkuar miratimin e planit të hetimit, ndërsa opozita do të miratojë së pari kërkesat për informacion drejtuar institucioneve.
Kryetarja e komisionit, Albana Vokshi tha se sot nuk miratohet plani i hetimit pa dërguar kërkesat për informacion. Vokshi thotë me ironi se mazhoranca këmbëngulë që të miratojë planin e Ilir Beqajt, ish-ministri i Shëndetësisë i cili është në hetim për koncesionin e sterilizimit.
"Ka sjellë planin e Beqajt dhe kërkojnë që ta kalojnë me shumicën e votave me forcën e kartonit. Ligji thotë bëhen propozimet nga ekspertët, merren provat në bazë të nenit 15 pika 3 dhe më pas kalohet në miratimin e planit të hetimit. Nuk ka miratim plani sot", tha Vokshi.
TIRANË- Ditën e sotme po mbahet seanca e radhës e Komisionit Hetimor për Shërbimet Publike të sterilizimit dhe të check-up në shëndetësi. Ashtu si mbledhjet e kaluara edhe takimi i sotëm ka nisur me debate. Ndërkohë gjatë fjalës së saj kryetarja Albana Vokshi ka akuzuar anëtarët e mashorancën në komision, se po paguhen nga paratë e përfituara nga sterilizimet që të pengojnë punën në komision.
“Po bëhet një muaj që presin shkresat për kërkesë për informacion. A keni turp ju apo jo. Duhet të ndihemi të turpëruar se po paguhen energji, para të taksapaguesve që kemi ardhur këtu për të hetuar. Paratë e sterilizimit po vijojnë që të paguajnë që ky komision të pengojë hetimin”, tha ajo.
TIRANË- Vijon me debate mbledhja e Komisionit Hetimor për Shëndetësinë. Deputeti i opozitës, Edmond Spaho ka debatuar me deputeten socialiste Edona Bilali, ku i është drejtuar me fjalët "Si nuk të vjen zor?".
Në replikat mes tyre kanë ndërhyrë edhe deputetët e tjerë socialistë Ilir Metaj dhe Petro Koçi ku i kanë thënë Spahos të mos flasë më tek.
Debatet në mbledhje janë zhvilluar pasi në rendin e ditës pritet të miratohet plani hetimor i Komisionit dhe dërgimi i kërkesave për informacion tek institucionet.
DEBATI:
Bilali: U lexua disa herë, ne ndahemi në mënyrën sesi e interpretojmë
Spaho: Na e lexoni njëherë
Bilali: Patjetër e kam përballë
Spaho: Si nuk të vjen zor
Bilali: Mua nuk më vjen zor?
Vokshi: Zoti Spaho mos ndërhyni kur flasin kolegët
Ilir Metaj: Mbylle gojën
Petro Koci: Nuk dini të lexoni
Vokshi: O po flet ti Petro për fyerje? Pas asaj qe keni bërë nuk keni të drejtë të flisni për fyerje
Bilali: Unë e kam një përgjigje për zotin Spaho, ndryshe nga konsiderata që kam për Spahon për kontributin që më dha herën e kaluar. Nuk shkojnë të dyja, edhe sju vjen zor edhe kam konsideratë..
TIRANË- Gjatë fjalës së saj në mbledhjen e Komisionit Hetimor, deputetja e PD-së, Ina Zhupa tha se deputetja socialiste Milva Ekonomi duket se nuk do marrë pjesë më në mbledhje pasi ka munguar dy herë. Zhupa tha se shkaku janë akuzat që opozita ka bërë ndaj saj se është në konflikt interesi, dhe shtoi se e pret në seancat e Komisionit si dëshmitare.
“Hera e dyte që deputetja Milva Ekonomi mungon në komision dhe mesa duket as do vijë më, por unë e mirëpres si dëshmitare”, tha Zhupa.
Më tej Zhupa tha se halli i vetëm i mazhorancës është që bllokojë punën e komisionit dhe që mos të marrin kërkesat për informacion.
"S’mund të bësh plan hetimi pa pasur prova paraprake. Një është plani paraprak i hetimit që prezantohet nga kryetarja, momenti tjetër është plani final i paraqitur nga ekspertët. Ka një moment tjetër procedural që është mbledhja e informacionit. Duhet të çojmë kërkesat për informacion dhe më pas të kemi një plan hetimor. Nuk thotë ligji që nga plani paraprak, kalohet te plani i hetimit dhe më pas te informacionet. Kemi një muaj këtu dhe halli është si mos të marrim informacion. Si të fshihem klientët tuaj. Nuk jemi votuar që të kalojmë kohën, jemi këtu për të kërkuar informacion, për të bërë plan hetimi.", tha deputetja.
TIRANË- Ditën e sotme po mbahet seanca e radhës e Komisionit Hetimor për Shërbimet Publike të sterilizimit dhe të check-up në shëndetësi.
Ashtu si mbledhjet e kaluara edhe takimi i sotëm ka nisur me debate. Ndërkohë deputeti demokrat, Saimir Korreshi gjatë fjalës së tij ka ironizuar me ngjarjen e fundit në vend ku media italiane "RAI 3" realizoi një emision ku përmendej Ëngjëll Agaçi. Emision i cili solli reagime te shumta ndër të cilat edhe ai i kryeministrit Edi Rama.
Në lidhje me këtë ngjarje Korreshi u shpreh me ironi se duhet të verifikohen kamerat në mbledhje pasi sipas tij anëtarët do të shprehen se ka pasur edhe nga "RAI 3". Gjatë diskutimit Vokshi i përgjigjet se ata i merr ne telefon Rama.
Pjesë nga diskutimi:
Korreshi: Zoti Ndreca, nëse ju duket se po flasim më shumë se ju po i heqim minutat.
Vokshi duhet të verifikoni kamerat që hyjnë këtu sepse thonë që kishte edhe nga RAI3.
Vokshi: I merr në telefon Rama.
Korreshi: Mendoj se tek plani duhet të ketë një përmirësim sepse nuk është i plotë. Sepse nuk u caktua nëse tete a tete do e bëjmë format dhomë rrëfimi apo podcast.
TIRANË- Ka nisur me debate mbledhja e Komisionit që do të hetojë koncesionet dhe PPP e dhëna për Shëndetësinë. Kryetarja e këtij komisioni Albana Vokshi ka debatuar me nënkryetarin Plarent Ndrecaj për miratimin e rendit të ditës.
Vokshi i është drejtuar deputetit socialist duke i thënë se ka në mbledhjen e kaluar ka përdorur gjuhë shantazhuese dhe intimiduese, ndërsa i kërkon të mos ngrejë zërin.
DEBATI:
Vokshi: Do të doja të filloja me miratimin e shkresave.
Ndreca: Sic ju e përmendet është miratuar rendi i ditës, por u miratua me një radhë tjetër. Radha fillon me miratimin e planit të hetimit. Në komisionin hetimor janë depozituar dy planet e hetimit, nga dy palët e ekspertëve Sa kohë është depozituar plani i hetimit, referuar ligjit duhet të fillojmë nga hetimi parlamentar. Hetimi fillon pasi të miratohet plani i hetimit. Ju lutem shumë, propozimi i kolegëve të mi është që pika e parë e rendit të ditës është shqyrtimi dhe miratimi planit të hetimit dhe të fillojmë hetimin.
Vokshi: Më vjen keq që ju keni ardhur për të mos hetuar, për të penguar hetimin parlamentar. Këtë e keni shprehur qartazi dje dhe sot. Keni përdorur edhe gjuhë shantazhuese dhe intimiduese. Por ju them se nuk me shantazhoni dot. Unë do zbatoj nen për nen ligjin. Miratimi i planit fillon kur janë mbledhur faktet dhe provat. Këto mblidhen pas marrjes së informacioneve nga institucionet. Në asnjë rast plani hetimor nuk miratohet pa marrë provat e duhura.
Ne kemi një objekt të komisionit, kemi bërë planin paraprak, si do hetohet sipas kërkesës që ka bërë opozita, dy koncesionet. Fillohet me kërkesat për informacion, më pas kalohet plani. Meqe ju keni depozituar një plan tjetër, do ta lexojmë, do ta diskutojmë dhe e kemi vënë si pikë të dytë të rendit të ditës, për të respektuar atë që ju keni depozituar. Unë do ju ftoja që meqë një muaj ose keni bojkotuar ose keni bllokuar, të miratojmë shkresat dhe më pas me planin tuaj. Mos e ngri zërin këtu dhe mos guxo të mos bërtasësh. Ke në mënyrë të turpshme.
Ndërkohë në mbledhjen e sotme pritet të miratohet plani i hetimit dhe dërgimi i kërkesave për informacion drejtuar institucioneve. Në seancën e kaluar, në komision u diskutua që palët të bien dakord për një draft të dakordësuar që të integrojë të dy draftet për planet e hetimit. PS ka propozuar që hetimet të shtrihen nga viti 2009 dhe ka shtuar se duhet të pyeten edhe Ministrat e Shëndetësisë që nga dhjetori i 2006 si dhe të gjithë ish-drejtuesit e QSUT që nga 1 tetor 2009.
TIRANË- Ditën e sotme në orën 11:00, do të mblidhet sërish seanca për Komisionin që do të hetojë koncesionet dhe PPP e dhëna për Shëndetësinë.
Në mbledhjen e fundit të këtij komisioni, pas rreth 3 orëve mbledhjeje të karakterizuar nga debatet komisioni nuk arriti të votojë dërgimin e kërkesave për informacion drejtuar institucioneve. Anëtarët e mazhorancës propozuan që votimi për kërkesat për informacion të shtyhej për në mbledhjen e sotme.
Në komision u diskutua që palët të bien dakord për një draft të dakordësuar që të integrojë të dy draftet për planet e hetimit. PS ka propozuar që hetimet të shtrihen nga viti 2009 dhe ka shtuar se duhet të pyeten edhe Ministrat e Shëndetësisë që nga dhjetori i 2006 si dhe të gjithë ish-drejtuesit e QSUT që nga 1 tetor 2009.
Ndërkohë dje në një dalje për mediat, kryetarja e këtij komisioni, Albana Vokshi akuzoi socialistët se po bllokojnë punimet dhe po bëhen pengesë për miratimin e kërkesave për informacion, drejtuar institucioneve.
