Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Këshilli i Ministrave të Bashkimit Europian ka miratuar sot lëvizjen pa viza për mbajtësit e pasaportave të lëshuara nga Kosova. • Rregullat e reja do t'i lejojnë mbajtësit e pasaportave të Kosovës të udhëtojnë në BE pa vizë për një periudhë qëndrimi prej 90 ditësh në çdo periudhë 180 ditore. • Ky përjashtim nga kërkesa për vizë do të zbatohet që nga data kur Sistemi Evropian i Informacionit dhe Autorizimit të Udhëtimit (ETIAS) hyn në veprim ose nga 1 janari 2024, cilado ngjarje që të ndodhë e para. • Ministrja suedeze për Migracionin, Maria Malmer Stenergard tha se sipas saj, Kosova ka bërë përpjekje të mëdha për të përmirësuar menaxhimin e sigurisë dhe migracionit dhe për të harmonizuar politikën e saj të vizave me atë të BE-së. • Me sistemin ETIAS, qytetarët duhet fillimisht të aplikojnë dhe më pas marrin një autorizim i cili është i vlefshëm për tre vjet. • Për këtë procedurë, qytetarët do të duhet të paguajnë 7 euro, por ata të moshës nën 18 dhe mbi 70 vjeç mund ta bëjnë falas.
4 artikuj për këtë temë.
KOSOVË- Kryeministri i Kosovës, Albin Kurti ka thënë se pritjet gjatë për liberalizimin e vizave po i vie fundi. Kurti është referuar votimit pozitiv për liberalizimin e Këshillit të Ministrave të BE-së. Sipas Kurtit, ky vendim është rezultat i qeverisë që po sjell vendimin e mirë për shqiptimin dhe njohjen e reformave që po bëjnë indikatorët në organizatat e huaja.
Njoftimi i Plotë:
Pritjes së gjatë po i vjen fundi. Krahas përmirëson përmirësimin e gjithmbarshëm në indikatorët e tyre, demokracisë së lirisë, sot kemi edhe vendimin e Këshillit të Ministrave të BE-së për udhëzime pa viza për përkthimin e republikës. Ky vendim është rezultat i qeverisjes sonë që po sjell vendimin e mirë.
BRUKSEL- Këshilli i Evropës i ka thënë sot “Po” liberalizimit të vizave për Kosovën. Tashmë në faqen zyrtare të Këshillit Evropian është publikuar njoftimi ku konfirmohet përkrahja për liberalizimin e vizave për qytetarët e Kosovës.
Në foton e mëposhtme shihet se nga të 27 vendet vetëm Irlanda nuk ka marrë pjesë në votim. Por Greqia, Spanja, Qipro, Rumania dhe Sllovakia, të cilat nuk e njohin Kosovën, së bashku me shtetet e tjera kanë votuar pro një vendimi të tillë.
TIRANË- Kryeministri Edi Rama ka reaguar pasi Këshilli i BE-së miratoi liberalizimin e vizave për Kosovën. Rama e quan këtë hap shumë të vonuar nga BE. Për këto të fundit, Rama shton se po mundohen që të largojnë nga vetja njollën e turpit për mënyrën sesi e kanë trajtuar Kosovën.
'Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës! Urime jo vetëm Kosovës, po edhe Bashkimit Europian'- shkruan Rama.
BRUKSEL- Ministrat e Brendshëm të 27 vendeve të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.
Ministrat e miratuan këtë vendim "në lexim të parë", pa diskutime, pasi për këtë më herët në takim të ambasadorëve ishin pajtuar përfaqësuesit e përhershëm të vendeve anëtare.
Sipas këtij vendimi, data e nisjes së liberalizimit të vizave për qytetarët e Kosovës do të jetë koha kur të jetë tërësisht funksional sistemi i autorizimit dhe verifikimit të udhëtimeve (ETIAS), apo jo më vonë se 1 janari i vitit 2024. Deri vonë ishte besuar se hyrja në fuqi e këtij sistemi do të jetë më 1 nëntor të këtij viti, por ky afat është shtyrë për vitin 2024.
Hyrja në fuqi e këtij sistemi vitin që vjen është vendosur si datë e re në faqen zyrtare të sistemit ETIAS. Kur të hyjë në fuqi ky sistem, ata që duan të vizitojnë vendet e BE-së pa viza, duhet paraprakisht të regjistrohen përmes tij, dhe më pas marrin një autorizim i cili është i vlefshëm për tre vjet.
